Tag: بھارتی ماہی گیر

کراچی: پاکستان میری ٹائم سیکیورٹی ایجنسی نے پاکستانی حدود کی خلاف ورزی کرنے والے 34 ماہی گیروں کو گرفتار کر کے اُن کی 6 کشتیاں قبضے میں لے لیں۔

میری ٹائم سیکیورٹی ایجنسی کی جانب سے جاری ہونے والے اعلامیے کے مطابق سمندری حفاظت پر مامور اہلکار پیٹرولنگ کر رہے تھے کہ اس دوران اُن کی نظر خلاف ورزی کرنے والی 6 کشتیوں پر پڑی۔

تمام کشتیاں بین الاقوامی سمندری حدود کی خلاف ورزی کرتے ہوئے پاکستانی حدود میں داخل ہوئی تھیں جس پر حکام نے کارروائی کرتے ہوئے 34 ماہی گیروں کو حراست میں لیا اور انہیں قانونی کارروائی کے لیے منتقل کردیا جس کے بعد انہیں جیل بھیجا جائے گا۔

مزید پڑھیں: پاکستان کا جذبہ خیر سگالی، ایک ماہ میں‌ 360 بھارتی ماہی گیر رہا

یاد رہے کہپاکستان میری ٹائم سکیورٹی ایجنسی سمندر میں واحد قانون نافذ کرنے والا ادارہ ہونے کی وجہ سے پاکستانی سمندری حدود میں کسی بھی غیر قانونی عمل کی روک تھام کا مکمل طور پر ذمہ دار ہے ۔ پاکستان میری ٹائم سکیورٹی ایجنسی اپنی ذمہ دارانہ سمندری حدود میں کسی بھی قسم کی غیر قانونی عمل، منشیات و انسانی اسمگلنگ اور سرچ اور ریسکیو آپریشن کی انجام دہی کے لیے ہمہ وقت تیار اور مکمل طور پر فعال رہتا ہے۔

چند روز قبل پاکستان میری ٹائم سیکیورٹی ایجنسی نے اپنے جدید ترین جہازوں کی بدولت متاثر ہونے والے 300 سے زاہد ماہی گیروں اور ان کی کشتیوں کو بچانے میں انتہائی اہم کردار ادا کیا تھا۔

کراچی: پاکستان نے جذبہ خیر سگالی کے تحت مزید 60 بھارتی ماہی گیروں کو رہا کردیا، رہائی پانے والوں میں 65 سالہ مشرف بھی ہے جو گزشتہ 20 سال سے حراست میں تھا۔

تفصیلات کے مطابق پاکستان کی جانب سے جذبہ خیر سگالی کے تحت 360 بھارتی ماہی گیروں کی رہائی کا فیصلہ گزشتہ ماہ کیا گیا، جس کے تحت آج چوتھی کھیپ میں 60 قیدیوں کو رہائی دی گئی۔ رہائی پانے والے 60 قیدیوں کو لانڈھی جیل سے ایک بجے دوپہر کینٹ اسٹیشن کے لیے روانہ کیا گیا جس کے بعد انہیں بزنس ٹرین کے ذریعے لاہور اور پھر وہاں پر واہگہ بارڈر کے مقام پر بھارتی حکام کے حوالے کیا جائے گا۔

بھارت کے شہر کلکتہ کے ضلع اگہلی گاؤں بڑا تاج پور سے تعلق رکھنے والے 65 سالہ مشرف نامی ماہی گیر کو بھی 20 سال بعد رہائی ملی۔ رہائی پانے والے تمام بھارتی ماہی گیروں کے سفری اخراجات ایدھی فاؤنڈیشن نے برداشت کیے۔

مزید پڑھیں: پاکستانی جیلوں میں قید مزید 100 بھارتی ماہی گیروں کو رہائی مل گئی

آج رہائی پانے والے ماہی گیروں میں سے 55 کو سمندری حدود کی خلاف ورزی جبکہ 5 کو سرحدی خلاف ورزی پر حراست میں لیا گیا تھا، ایدھی فاؤنڈیشن کی جانب سے ماہی گیروں کو تحائف بھی دیے گئے۔

رہائی پانے والے بھارتی ماہی گیر ایک بجے جیل سے رہا کیا گیا جبکہ انہیں کینٹ اسٹیشن سے تین بجے لاہور کے لیے روانہ کیا گیا۔ پنجاب کے دارالحکومت پہنچنے کے بعد تمام لوگوں کو واہگہ بارڈر کے مقام پر گزشتہ ہفتے بھارتی حکام کے حوالے کیا گیا تھا۔

یاد رہے کہ گزشتہ ماہ حکومت پاکستان نے جذبہ خیرسگالی کے تحت 360 بھارتی ماہی گیروں کو رہا کرنے کا فیصلہ کیا تھا جس کے تحت پہلے، دوسرے اور تیسرے مرحلے میں 100 ، 100 جبکہ چوتھے مرحلے میں 60 افراد کو رہا کیا گیا۔ جذبہ خیر سگالی کے تحت ایک ماہ میں 360 بھارتی ماہی گیروں کو جیلوں سے رہا کیا گیا۔

یہ بھی پڑھیں: بھارتی جیل میں ایک اور ماہی گیر زندگی کی بازی ہار گیا

یاد رہے کہ پاکستان کی جانب سے حراست میں لیے جانے والے بھارتی ماہی گیروں کا انسانی حقوق کی بنیاد پر ہر طرح کا خیال رکھا جاتا ہے اور انہیں ہر قسم کی سہولیات فراہم کی جاتی ہیں جبکہ اس کے برعکس رواں سال میں اب تک بھارتی جیلوں میں تین پاکستانی ماہی گیروں کو قیدیوں نے تشدد کر کے شہید کردیا۔

اسلام آباد: دفتر خارجہ کے مطابق پاکستان کی جانب سے جذبہ خیر سگالی کے تحت 87 بھارتی شہریوں کو واہگہ بارڈر پر بی ایس ایف حکام کے حوالے کر دیا گیا۔

دفتر خارجہ کی جانب جاری کردہ بیان کے مطابق پاکستان نے بھارتی ماہی گیروں / عام شہریوں کی وطن واپسی کے لئے بھارتی ہائی کمیشن سے بھی تعاون کیا ہے ۔

دفتر خارجہ نے کہا کہ ہمیں یقین ہے کہ انسانی ہمدردی ایسے اقدام سے دونوں ممالک کے درمیان اچھے تعلقات استوار ہونگے ۔

ان کا کہنا تھا کہ ہمیں امید ہے کہ بھارت کی جانب سے بھی ایسے طرح سے جواب دیا جائے گا۔

لاہور: پاکستان کی جانب سے جذبہ خیر سگالی کے تحت رہا کئے گئے 87 بھارتی شہریوں کو واہگہ بارڈر پر بی ایس ایف حکام کے حوالے کر دیا گیا۔

کراچی سے رہائی پانے والے 84 ماہی گیروں اور 3 شہریوں کو بزنس ایکسپریس کے ذریعے لاہور لایا گیا اور پھر انہیں ریلوے اسٹیشن سے ایئرکنڈیشنڈ بسوں پر واہگہ بارڈر پہنچایا گیا۔

رہائی پانے والے 84 ماہی گیر سمندری حدود کی خلاف ورزی پر گرفتار ہوئے تھے جبکہ تین بھارتی ویزے کی مدت ختم ہونے پر پکڑے گئے تھے۔

رہائی پانے والے بھارتی شہریوں کو واہگہ بارڈر پر بھارتی بارڈر سکیورٹی فورس کے حوالے کیا گیا۔