Tag: بھارتی میڈیا

بلوچستان میں دہشت گردانہ حملوں میں بھارتی میڈیا کا انتہائی شرم ناک کردار سامنے آیا ، بھارتی میڈیا خوشیاں مناتا رہا اور اپنی طرف سے من گھڑت کہانیاں چلاتا رہا۔

پاکستان کا ازلی دشمن بھارت پاکستان کو کمزور کرنےاور پاکستان کی ترقی کی راہ میں رکاوٹ ڈالنے کیلیے ہمیشہ پیش پیش رہا ہے۔

بلوچستان میں نام نہاد آزاد بلوچستان کا لبادہ اوڑھے دہشت گرد بھارتی خفیہ ایجنسی را کی مدد سے پاکستان میں معصوم لوگوں کا خون بہا رہے ہیں۔

ذرائع نے بتایا کہ بلوچستان میں تازہ ترین حملوں کے پیچھے بھی بھارتی خفیہ ہاتھ کو نظر انداز نہیں کیا جا سکتا۔

بلوچستان میں دہشت گردانہ حملوں کے دوران بھارتی میڈیا خوشیاں مناتا رہا اور اپنی طرف سے من گھڑت کہانیاں چلاتا رہا۔

۲۵/۲۶ اگست کی رات کیے گئے حملوں کے حوالے سے بھارتی میڈیا، سوشل میڈیا اکاؤنٹس پر خوشی منائی جاتی رہی۔

بھارتی میڈیا نے دہشت گرد حملوں کو غیر معمولی کوریج دی، انڈین میڈیا کی جانب سے تفصیلی اور پروپیگنڈا خبروں کا جاری ہونا واضح کرتا ہے کہ ان دہشت گرد حملوں کے پیچھے بھی بھارت خفیہ ایجنسی را کی مکمل حمایت اور مدد شامل ہے۔

بھارتی میڈیا نے اپنے ہی انٹیلیجینس سورسز کو کوٹ کرتے ہُوئے کہا:”بلوچ حملوں میں اس قسم کی توانائی اور ہم آہنگی پہلی بار دیکھی گئی ہے”، “بلوچستان میں مہرنگ بلوچ کی سربراہی میں مسنگ پرسنز کی کمپین پیک پر پہنچ چکی ہے۔

دفاعی ماہرین کا کہنا ہے کہ بھارتی خفیہ ایجنسی ماہ رنگ کو ہتھیار بنا کر معصوم شہریوں پر حملے کروا رہی ہے، اس کے علاؤہ بھارت کی جانب سے ایکس اکائونٹ پر بھی نیا پروپیگنڈا منظر عام پر آچکا ہے، بھارتی سوشل میڈیا پر یہ پراپیگنڈہ کیا گیا کہ دہشتگرد تنظیم بی ایل اے نے پاکستانی سیکورٹی فورسز کے 102 اہلکار ہلاک کر دیے، ماہ رنگ بلوچ اور بلوچ دہشت گرد تنظیمیں ایک ہی سکے کے دو رخ ہیں۔

دفاعی ماہرین کے مطابق ایک طرف معصومیت کا ڈرامہ رچایا جاتا ہے جبکہ دوسری جانب دہشت گرد حملوں سے پاکستان میں بدامنی پھیلائی جا رہی ہے، لاپتہ افراد کا بہانہ اور نام نہادآزادی کا ڈرامہ ملک میں انتشار اور بدامنی پھیلانے کی منظم سازش ہے جو ناکام ہو چکی ہے۔

بھارتی میڈیا نے پاکستان مخالف ایک نئی سازش بے نقاب ہوگئی، کینیڈامیں سکھ رہنما ہردیپ سنگھ نجر کے قتل کا الزام پاکستانی ایجنسیز پرعائد کردیا۔

تفصیلات کے مطابق بھارتی میڈیا کا پاکستان کےخلاف جھوٹاپروپیگنڈاکرنا کوئی نئی بات نہیں اس باربھارتی میڈیا نےکینیڈا امریکہ کے شواہد کو بھی جھٹلا دیا۔

ازلی دشمن بھارت ایک بار پھر پاکستان مخالف پروپیگنڈا کرنے میں مصروف ہیں اور کینیڈامیں سکھ رہنماہردیپ سنگھ نجرکےقتل کاالزام پاکستانی ایجنسیزپرعائد کردیا اور کہا ہردیپ سنگھ نجرکےقتل میں پاکستانی ایجنسی کےسابقہ افسران شامل ہیں۔

کینیڈین حکومت بذات خود ’’را‘‘کےمتعدداہلکاروں کونجرقتل کیس میں گرفتارکرچکی ہے، گزشتہ سال18ستمبرکوکینیڈاکی حکومت نےقتل میں بھارت کےملوث ہونےکاالزام عائدکیاتھا جبکہ امریکا نے بھی بھارت کی نجرقتل میں ملوث ہونےکی تصدیق کی تھی۔

سکھ فارجسٹس کے رہنماگرپتونت سنگھ پنون کے قتل کی بھارتی کوشش کوناکام بنایا ، کینیڈین حکومت نےتحقیقات کیں تو بھارتی سفارتکار کے روپ میں چھپے’’را‘‘اسٹیشن چیف کوبھی ملک بدر کیا گیا۔

بھارتی میڈیامحض من گھڑت کہانیوں پرمبنی پروپیگنڈاپرکھیل رہاہےجس کاحقیقت سے کوئی تعلق نہیں، بھارت پاکستان پر الزام عائد کرکے اپنی جان بچاکربھاگ رہاہے، اس کی اپنی ایجنسی’’را‘‘اس قتل میں ملوث ہے، اب وقت آچکاہےکہ بھارت کو اپنی مکاریوں اورجھوٹ کا حساب دینا ہوگا۔