ARYNews.tv | Urdu – Har Lamha Bakhabar

Tag: بھارتی میڈیا

  • کرتارپورکوریڈورکھول کر پاکستان نے بھارت کو چت کردیا، بھارتی میڈیا کا اعتراف

    کرتارپورکوریڈورکھول کر پاکستان نے بھارت کو چت کردیا، بھارتی میڈیا کا اعتراف

    نئی دہلی :پاکستان کے خیر سگالی اقدامات نے بھارتی میڈیا کو پاکستان کی امن کوششوں کا اعتراف کرنے پر مجبور کردیا، بھارتی میڈیا نے پاکستان سے مذاکرات نہ کرنے پر مودی سرکارکو آڑے ہاتھوں لے لیا اور کہا کرتارپور کوریڈور کھول کر پاکستان نے بھارت کوچت کردیا ہے۔

    تفصیلات کے مطابق پاکستان کی خیرسگالی سے منہ موڑنے والے بھارتی وزیراعظم نریندرمودی پربھارتی میڈیا برس پڑا اور پاکستان سے مذاکرات سے بھاگنے والی مودی سرکار پر کڑی تنقید کرتے ہوئے پاکستان کے مذاکرات کی دعوت کا مثبت جواب نہ دینے کو حماقت قرار دیا ہے۔

    بھارتی میڈیا نے کھلے الفاظ میں تسلیم کیا کہ کرتارپورکوریڈورکھول کر پاکستان نے بھارت کوچت کردیا ہے اور انتباہ کیا نریندرمودی عمران خان کو سمجھنے میں غلطی کررہے ہیں اور عمران خان کو نوازشریف کی عینک سے دیکھتے ہیں۔

    [bs-quote quote=”نریندرمودی عمران خان کو سمجھنے میں غلطی کررہے ہیں” style=”style-6″ align=”left”][/bs-quote]

    بھارتی میڈیا کا مزید کہنا تھا کہ مودی نےمذاکرات کی دعوت نہ مان کرنئی پاکستانی قیادت سےفاصلہ پیداکیا اور مودی سرکار کومشورہ بھی دیا کہ سارک سے فرارکے بجائے بہترحکمت عملی اپنائے۔

    یاد رہے 28 نومبر کو وزیراعظم عمران خان نے شکرگڑھ میں کرتارپورراہداری کا سنگ بنیاد رکھا تھا دیا اور دنیا کو پیغام دیاکہ پاکستان نفرت کا جواب بھی محبت سے دیتا ہے۔

    وزیراعظم نے اپنے خطاب میں بھارت کو پھر مذاکرات کی دعوت دیتے ہوئے کہا ہندوستان ایک قدم بڑھائےہم دوبڑھائیں گے، بارڈرکھل جائیں توتیزی سےغربت کم ہوگی، ماضی صرف سیکھنے کے لیے ہے، ہم آگےبڑھنا چاہتےہیں، نیا چاند پرپہنچ گئی کیاہم کشمیرکامسئلہ حل نہیں کرسکتے۔

    مزید پڑھیں : کرتارپور راہداری: بھارتی ہٹ دھرمی برقرار، سارک کانفرنس میں شرکت سے انکار

    بعد ازاں پاکستان کے جذبہ خیرسگالی کے باوجود بھارت کی ہٹ دھرمی برقرار ہے، سارک کانفرنس میں شرکت سے انکار کر دیا تھا اور شاہ محمود قریشی کی دعوت کے باوجود پاکستان نہ آنے والی بھارتی وزیرخارجہ سشما سوراج کا کہنا تھا کہ کرتار پور راہداری کھولنے کا مطلب یہ نہیں کہ پاکستان سے مذاکرات کریں گے۔

    سشما سوراج کی جانب سے دعویٰ کیا تھاکہ بھارت ایک عرصے سے یہ راہداری کھولنے کی پیش کش کر رہا تھا، پاکستان نے اب مثبت جواب دیا ہے۔

    واضح رہے پاکستان کی جانب سے امن کا ہاتھ بڑھانا حسب معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہداری کھولنے کو سفارتی دہشت گردی کا نام دیا تھا۔

  • پاک آرمی چیف سے ملنا خوش قسمتی ہے، سکھ رہنما گوپال چاؤلہ کا بھارتی میڈیا کو منہ توڑ جواب

    پاک آرمی چیف سے ملنا خوش قسمتی ہے، سکھ رہنما گوپال چاؤلہ کا بھارتی میڈیا کو منہ توڑ جواب

    نارووال: سکھ رہنما گوپال چاؤلہ نے بھارتی میڈیا کو منہ توڑ جواب دیتے ہوئے کہا ہے کہ پاکستان کے آرمی چیف سے ملنے کو اپنی خوش قسمتی سمجھتا ہوں۔

    تفصیلات کے مطابق بھارتی میڈیا کی جانب سے سکھ رہنما کی آرمی چیف جنرل قمر جاوید باجوہ سے ملاقات کو غلط رنگ دیے جانے پر گوپال چاؤلہ نے کہا کہ کرتارپور راہ داری کے سلسلے میں پروگرام ہم نے ہی منعقد کیا تھا۔

    [bs-quote quote=”گوردوارے ایسوسی ایشن کا چیئرمین ہوں، بات کو غلط موڑ پر نہ لے جایا جائے۔” style=”style-7″ align=”left” color=”#dd3333″ author_name=”سکھ رہنما”][/bs-quote]

    سکھ رہنما نے بھارتی میڈیا کی جانب سے اس تنقید پر کہ پاکستان آرمی چیف سے کیوں ملاقات کی، جواب دیتے ہوئے کہا کہ وہ گوردوارے ایسوسی ایشن کے چیئرمین ہیں، بات کو غلط موڑ پر نہ لے جایا جائے۔

    سردار گوپال سنگھ چاؤلہ کا کہنا تھا ’میں نے جنرل باجوہ سے ہاتھ ملایا، پاکستانی آرمی چیف ہمارے دلوں میں رہتے ہیں، آرمی چیف سے ملنے کو اپنی خوش قسمتی سمجھتا ہوں۔‘

    سکھ رہنما نے بھارتی میڈیا سے کہا کہ ہم دونوں ملکوں میں بھائی چارہ اور دوستی چاہتے ہیں، منفی باتیں کرنی ہیں تو مجھ سے بات مت کرو، جنرل باجوہ سے ہاتھ ملانے پر منفی باتیں نہ کی جائیں۔

    یہ بھی پڑھیں:  کرتار پور راہداری: بھارت سے امن کا فروغ برداشت نہ ہوا

    گوپال چاؤلہ نے مزید کہا کہ پاکستان کے آرمی چیف ہم سے ہاتھ ملاتے ہیں تو اسے اپنے لیے فخر سمجھتے ہیں، آرمی چیف تو محبتیں چاہتے ہیں، عمران خان اور سدھو صاحب کی بات کریں، منفی باتیں نہ کریں۔

    واضح رہے کہ پاکستان کی جانب سے امن کا ہاتھ بڑھانا حسبِ معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہ داری کھولنے کو سفارتی دہشت گردی کا نام دیا اور سکھ رہنما گوپال چاؤلہ کی آرمی چیف کے ساتھ تصویر کو پسِ منظر سے کاٹ کر غلط رنگ دے دیا۔

    خیال رہے کہ آج وزیرِ اعظم عمران خان نے کرتارپور کوریڈور کا سنگ بنیاد رکھ کر تاریخ رقم کر دی، کرتارپور راہ داری کے ذریعے بھارتی سکھ بغیر ویزے کرتارپور صاحب کے درشن کے لیے آ سکیں گے۔

  • کرتار پور راہداری: بھارت سے امن کا فروغ برداشت نہ ہوا

    کرتار پور راہداری: بھارت سے امن کا فروغ برداشت نہ ہوا

    پاکستان کی جانب سے امن کا ہاتھ بڑھانا حسب معمول بھارتی میڈیا کے مزاج پر بے حد گراں گزرا، بھارتی میڈیا نے کرتار پور راہداری کھولنے کو سفارتی دہشت گردی کا نام دے دیا۔

    دنیا بھر میں آباد سکھ برادری کے لیے پاکستان کی جانب سے کرتار پور راہداری کھولنے سے بھارت بوکھلا گیا۔ بھارتی میڈیا نے اس بات کو قطعاً نظر انداز کرتے ہوئے کہ سنگ بنیاد رکھنے کی تقریب میں بھارتی وزرا بھی شریک ہیں، پاکستان کے اس احسن اقدام کو سفارتی دہشت گردی قرار دے دیا۔

    گو کہ بھارت پاکستان کے اس امن دوست اقدام کی مخالفت کر کے بھارت میں آباد 12 کروڑ سکھوں کی مخالفت نہیں مول لے سکتا، تاہم اپنی فطری تنگ نظری کے باعث وہ اس اقدام کی تعریف بھی نہیں کر پا رہا اور حسب معمول بھارتی میڈیا نے ایک بار پھر نفرت کا پرچار شروع کردیا ہے۔

    تعصب کی آگ میں بھارت نے اپنے ہی ملک میں آباد سکھوں کو بھی دہشت گرد کہنا شروع کردیا اور ان کی خوشی کا باعث بننے والے منصوبے کو سفارتی دہشت گردی قرار دے دیا۔

    بھارت اپنے تعصب اور نفرت کے ہاتھوں اس قدر مجبور ہے کہ بھارتی وزیر خارجہ سشما سوراج آج کی تقریب میں شرکت کرنے کی دعوت پہلے ہی ٹھکرا چکی ہیں۔

    خیال رہے کہ آج پاکستان میں سکھوں کے مذہبی مقام کرتار پور راہداری کا سنگ بنیاد رکھ دیا گیا جس میں وزیر اعظم عمران خان، آرمی چیف جنرل قمر جاوید باجوہ اور وفاقی وزرا نے شرکت کی۔

    تقریب میں بھارت سے آئے وفد نے بھی شرکت کی جس میں وزرا اور سابق کرکٹر نوجوت سنگھ سدھو بھی شامل ہیں۔

    بھارتی میڈیا اس سے پہلے بھی نوجوت سنگھ سدھو کو اپنی نفرت کا نشانہ بنا چکا ہے جب وہ وزیر اعظم عمران خان کی حلف برادری کی تقریب میں شرکت کرنے آئے تھے۔

  • بھارتی سرکار دو نہتے پاکستانی نوجوانوں سے خوفزدہ، تصاویر شہروں میں چسپاں کردیں

    بھارتی سرکار دو نہتے پاکستانی نوجوانوں سے خوفزدہ، تصاویر شہروں میں چسپاں کردیں

    نئی دہلی : بھارتی حکومت اور میڈیا دو عام پاکستانیوں کی فیس بک پر موجود تصویر سے خوفزدہ ہوگئے، دو نوجوانوں کی تصاویر شہروں میں چسپاں کردی گئیں۔

    تفصیلات کے مطابق مودی سرکار ہو یا بھارتی میڈیا سب پاکستان فوبیا کا شکار ہیں، مودی سرکاراور بھارتی میڈیا دو پاکستانیوں کی فیس بک پر موجود تصویر سے خوفزدہ ہوگئے۔

    فیس بک کی تصویر پر بھارتی میڈیا نے اپنی مضحکہ خیز رپورٹ میں دونوں پاکستانی نوجوانوں کو نئی دہلی کیلئے خطرہ قرار دے دیا، دونوں طالب علم کچھ روز پہلے رائیونڈ کے اجتماع میں شرکت کیلئے لاہور آئے تھے، سیرو تفریح کے دوران دونوں طالب علموں نے واہگہ بارڈر پر نصب سنگ میل کے قریب تصویر بنوائی تھی۔

    یہ تصویر اس سنگ میل پر بنائی گئی جس درج تھا کہ دہلی 360کلومیٹر اور فیروز پور نو کلو میٹر ہے، ایک نوجوان نے فیس بک پر "دلی کی فتح "کے نام سے یہ تصویر اپلوڈ کردی، بس پھر کیا تھا، تصویر دیکھتے ہی بھارت کی خفیہ ایجنسیوں اور پولیس کی دوڑیں لگ گئیں۔

    پاکستان میں لی گئی تصویر پر دونوں نوجوانوں کو بھارتی پولیس نے دہشت گرد قرار دے دیا، بوکھلاہٹ کی شکار بھارتی پولیس نے پاکستانی نوجوانوں کی تصویریں پہاڑ گنج کے علاقے کی مختلف دیواروں پر چسپا کردیں، بھارتی میڈیا نے دعویٰ کیا ہے کہ دونوں نوجوانوں کی تصویر بھارتی خفیہ ایجنسی نے پولیس کو دی تھیں۔

    واضح رہے کہ یہ ایک ایسی جگہ جہاں روزانہ سینکڑوں لوگ تصویریں بناتے اور فیس بک پہ ڈالتے ہیں لیکن جونہی داڑھی ٹوپی والے مدرسہ کے طلبہ نے ایک تصویر کھینچی سرحد پار ایک بھونچال کھڑا ہوگیا۔

    حقیقتاً ایک بے ضرر سی تصویر کو لے کے ایسا پتنگڑ بنا دیا گیا کہ دہلی پولیس نے شہر بھر میں ان کی تصاویر کے پوسٹر آویزاں کر کے شہریوں کو محتاط رہنے کی تلقین کر دی۔

    یہ طلبہ فیصل آباد کے ایک بڑے دینی ادارے جامعہ اسلامیہ امدادیہ میں زیر تعلیم ہیں، سالانہ رائیونڈ اجتماع کے دوران بارڈر پر گئے اور ایک عام سی تصویریں کھینچی گئی جو کہ بعد ازاں فیس بک پہ ڈال دی گئی لیکن داڑھی اور ٹوپی والے مسلمانوں سے خوفزدہ بھارتی سرکار کے دماغوں پہ ایسے سوار ہیں کہ انہیں اب خواب بھی ان ہی کے آتے ہیں۔

  • بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    کراچی: پاکستان کرکٹ ٹیم کے سابق کپتان شاہد آفریدی کا کشمیر سے متعلق بیان پر مؤقف آ گیا، آفریدی نے ٹویٹ میں لکھا کہ بھارتی میڈیا نے بیان توڑ مروڑ کر پیش کیا۔

    تفصیلات کے مطابق پاکستان ٹیم کے سابق آل راؤنڈر شاہد خان آفریدی نے کشمیر سے متعلق اپنے بیان پر کہا ہے کہ بھارتی میڈیا نے ان کا بیان توڑ مروڑ کر پیش کیا ہے۔

    [bs-quote quote=”انسانیت کے ناطے کشمیر کو اس کا حق ملنا چاہیے۔” style=”style-7″ align=”left” color=”#dd3333″ author_name=”شاہد خان آفریدی” author_job=”سابق کپتان”][/bs-quote]

    شاہد آفریدی نے کہا کہ انھیں پاکستان سے محبت ہے اور وہ کشمیریوں کی جدوجہد کا احترام کرتے ہیں، انسانیت کے ناطے کشمیر کو اس کا حق ملنا چاہیے۔

    جارحانہ بیٹنگ کے لیے مشہور بلے باز شاہد آفریدی نے ایک اور ٹویٹ میں لکھا کہ منظرِ عام پر آنے والی ان کی ویڈیو نا مکمل اور سیاق و سباق سے ہٹ کر ہے۔

    انھوں نے لکھا کہ جو باتیں انھوں نے پہلے کہیں وہ اس ویڈیو میں موجود نہیں ہیں، کشمیر ایک متنازع مسئلہ ہے جس پر بھارت کا قبضہ ہے۔

    یہ بھی پڑھیں:  ابھرتی ہوئی نوجوان خاتون کھلاڑی ’آفریدی‘ بننے کی خواہش مند

    بوم بوم نےمزید لکھا کہ کشمیر کو اقوامِ متحدہ کی قراردادوں کے مطابق حل ہونا چاہیے۔ مجھ سمیت تمام پاکستانی آزادیٔ کشمیر کی جدوجہد کی حمایت کرتے ہیں۔ کشمیر پاکستان سے ہے۔

    واضح رہے کہ  شاہد آفریدی کی ایک نا مکمل ویڈیو میں کشمیر سے متعلق ان کا ایک بیان متنازع صورت اختیار کر گیا تھا جس پر انھوں نے اپنا مؤقف جاری کیا۔

  • انگلینڈ سے شکست: بھارتی میڈیا اور مداح کھلاڑیوں پر برس پڑے

    انگلینڈ سے شکست: بھارتی میڈیا اور مداح کھلاڑیوں پر برس پڑے

    نئی دہلی: انگلینڈ سے چوتھے ٹیسٹ میچ میں شرمناک شکست کھانے کے بعد بھارتی میڈیا اور مداح انڈین کرکٹ ٹیم پر برس پڑے، نہ کپتان نہ کوچ، کسی کو نہیں بخشا۔

    تفصیلات کے مطابق انگلینڈ نے بھارت کو چوتھے ٹیسٹ میں 60 رنز سے شکست دے کر پانچ میچوں پر مشتمل ٹیسٹ سیریز میں 1-3 کی ناقابل تسخیر برتری حاصل کرلی ہے۔

    بھارت کا غرور خاک میں ملا تو بھارتی میڈیا تلملا گیا، امیدوں پر پانی پھرنے پر کپتان ویرات کوہلی اور کوچ روی شاستری کی کھچائی کر دی، کہا ’عزت بچانے کے لیے ٹیم کے پاس اب کچھ بھی نہیں بچا۔‘

    بھارتی ٹیم کے فینز نے ٹیم کو صرف گھر کا شیر قرار دے دیا، سوشل میڈیا پر بھارتی فینز نے اپنی ٹیم پر کڑی تنقید کرتے ہوئے ٹوئٹ کیے کہ بھارت کے بلے باز اپنے گھر کے ہی شیر ہیں۔

    بھارتی بیٹنگ لائن ایک بار پھر ناکام ہونے پر برہم بھارتی میڈیا نے ٹیم کے کپتان اور کوچ کو آڑے ہاتھوں لیا، کہا جس بیٹنگ لائن پر غرور تھا وہ بری طرح ناکام ہوا، اب عزت بچانے کے لیے کیا رہ گیا ہے۔

    اسپیشن لالیگا: میسی اور سوارز نے مخالف ٹیم کی درگت بنا دی

    واضح رہے کہ گزشتہ روز ساؤتھ ہیمپٹن میں کھیلے گئے میچ میں انگلینڈ نے بھارت کو بیٹنگ اور بولنگ دونوں شعبوں میں آؤٹ کلاس کر کے بدترین شکست سے دوچار کیا۔

    دونوں ٹیموں کے درمیان سیریز کا پانچواں اور آخری ٹیسٹ 7 ستمبر سے اوول میں کھیلا جائے گا۔

  • بھارتی میڈیا پاکستانی انتخابات کے بجائے اپنے معاملات پر توجہ دے، ترجمان دفترخارجہ

    بھارتی میڈیا پاکستانی انتخابات کے بجائے اپنے معاملات پر توجہ دے، ترجمان دفترخارجہ

    اسلام آباد : دفترخارجہ کے ترجمان نے کہا ہے کہ پاکستان میں ہونے والے عام انتخابات کیخلاف بھارتی میڈیا زہر اگلنا بند کرے، اور اپنے داخلئی معاملات پر توجہ دے۔

    یہ بات محمد فیصل نے اپنے ایک بیان میں کہی، ترجمان کا کہنا تھا کہ عام انتخابات جمہوری عمل کا حصہ ہیں، جس کے خلاف بھارتی میڈیا بےبنیاد واویلا کررہا ہے۔

    اسے انتخابات کے نتیجے میں حکمرانی پر فائز ہونے والی جماعت کو تسلیم کرنا چاہیے، ترجمان دفترخارجہ نے مزید کہا کہ بھارتی میڈیا پاکستان کی فکر کرنے کے بجائے اپنے داخلی مسائل پرتوجہ دے۔

    یاد رہے کہ بھارتی میڈیا کو پاکستان کے انتخابات میں پی ٹی آئی کی واضح اکثریت ہضم نہیں ہورہی، اس نے اپنی رپورٹس میں پاکستان پر بے سروپا الزامات کی بھرمار کر رکھی ہے۔

    عمران خان کی ممکنہ جیت پر بھارتی میڈیا کو مروڑ اٹھنے لگی ہے کچھ بھی ہو جائے عمران خان نہ جیتیں، بھارتی میڈیا کھل کر سامنے آ گیا ہے۔

    کچھ بھی ہو جائے عمران خان نہ جیتیں، بھارتی میڈیا کھل کر سامنے آ گیا

    پاکستانی اداروں پر الیکشن میں مداخلت اور دھاندلی کی الزام تراشی پر اتر آیا ہے، بھارتی میڈیا کا کہنا ہے کہ پاکستان سرکاری طور پر دہشت گرد ریاست بننے جا رہا ہے۔

    بھارتی میڈیا کہہ رہا ہے کہ عمران خان کی ہار سے بھارت کو فائدہ جب کہ ان کی جیت سے بھارت کو نقصان ہوگا، خیال رہے کہ کل ملک میں عوام نئی حکومت کا انتخاب کریں گے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • کچھ بھی ہو جائے عمران خان نہ جیتیں، بھارتی میڈیا کھل کر سامنے آ گیا

    کچھ بھی ہو جائے عمران خان نہ جیتیں، بھارتی میڈیا کھل کر سامنے آ گیا

    اسلام آباد: پاکستانی الیکشن 2018 میں عمران خان کی ممکنہ جیت پر بھارتی میڈیا کو مروڑ اٹھنے لگی، کچھ بھی ہو جائے عمران خان نہ جیتیں، بھارتی میڈیا کھل کر سامنے آ گیا۔

    تفصیلات کے مطابق بھارتی میڈیا کو عمران خان کی جیت میں بھارت کی شکست نظر آنے لگی، پاکستان میں الیکشن پر بھارتی میڈیا بھی نواز شریف کے ایجنڈے پر چل پڑا۔

    بھارتی میڈیا کہہ رہا ہے کہ عمران خان کی ہار سے بھارت کو فائدہ جب کہ ان کی جیت سے بھارت کو نقصان ہوگا، خیال رہے کہ کل ملک میں عوام نئی حکومت کا انتخاب کریں گے۔

    عمران خان کا ویڈیو پیغام

    دوسری طرف پی ٹی آئی چیئرمین عمران خان نے الیکشن 2018 سے پہلے کارکنوں کے لیے ویڈیو پیغام جاری کر دیا ہے، انھوں نے ووٹ کاسٹ کرنے پر زور دیا۔

    عمران خان نے ویڈیو پیغام میں کہا ’کارکنوں کو تاکید کرتا ہوں کہ پی ٹی آئی امیدواروں کو ووٹ دیں، کارکن آج رات جلدی سو کر صبح جلدی جاگ جائیں۔‘

    تحریک انصاف کے چیئرمین نے کہا کہ کل کارکن گھروں سے نکلیں اور ووٹرز کو پولنگ اسٹیشنز تک لے کر جائیں، میں جو کر سکتا تھا وہ انتخابی مہم کے دوران کر دیا ہے۔

    الیکشن 2018: سرفراز کی قوم سے ووٹ ڈالنے کی ایپل

    عمران خان کا کہنا تھا کہ 1970 کے بعد ایسے حالات نہیں دیکھے جیسے آج ہیں، 24 گھنٹے تک کارکنان جہاد سمجھ کر الیکشن میں حصہ لیں۔

    واضح رہے کہ ملک بھر میں آج انتخابی مہم کے سلسلے میں ووٹرز کو مائل کرنے پر پابندی عائد ہے، کل الیکشن 2018 کے سلسلے میں ووٹ کاسٹ ہوں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • حقیقت جانے بغیربھارتی میڈیا کا پراپیگنڈا درست مان لیا گیا، ترجمان ن لیگ

    حقیقت جانے بغیربھارتی میڈیا کا پراپیگنڈا درست مان لیا گیا، ترجمان ن لیگ

    لاہور: پاکستان مسلم لیگ (ن) کے ترجمان نے وضاحتی بیان میں کہا ہے کہ قائد مسلم لیگ (ن) کے بیان کو بھارتی میڈیا نے توڑ مروڑ کر پیش کیا، انٹرویو کی حقیقت جانے بغیر بھارتی میڈیا کا پراپیگنڈا  درست مان لیا گیا۔

    اپنے جاری بیان میں ترجمان ن لیگ نے کہا کہ مسلم لیگ (ن) کے قائد نے انگریزی روزنامے کو انٹرویو دیا تھا، بھارتی میڈیا میں انٹرویو سے متعلق حقائق گمراہ کن انداز میں بیان کیے گئے اور تفصیلات جانے بغیر اپنی مرضی کے حصےکو پیش کیا گیا۔

    ترجمان نے مزید کہا کہ قائد مسلم لیگ ن نے1998میں مشکلات کے باوجود ملکی سلامتی کیلئے مشکل فیصلہ کیا، نوازشریف نے اس وقت عالمی دباؤ کے باوجود پاکستان کو ایٹمی قوت بنایا، ہمیں قومی سلامتی سے متعلق کسی کے سرٹیفکیٹ کی ضرورت نہیں ہے۔

    شہباز شریف کے حوالے سے ترجمان نے کہا کہ شہبازشریف کے آئندہ الیکشن میں کردار سے متعلق بیان کو بھی میڈیا میں مسخ کر کے پیش کیا گیا، شہباز شریف اب پارٹی کے صدر ہیں، ان کی کارکردگی کے سب معترف ہیں۔

    انہوں نے کہا کہ آئندہ الیکشن میں شہباز شریف کے کردار پر کسی کو شک نہیں ہونا چاہیے، شہباز شریف ابھی سے پارٹی منشور ملک کے کونے کونے تک پھیلا رہے ہیں۔

    مزید پڑھیں: ایک اخبار نے نواز شریف کا بیان توڑ مروڑ کر پیش کیا، شہباز شریف

    واضح رہے کہ اس سے قبل پاک فوج نے کل قومی سلامتی کمیٹی کے اجلاس کا اعلان کیا تھا، ڈی جی آئی ایس پی آر کی جانب سے کہا گیا تھا کہ اجلاس میں ممبئی حملوں سے متعلق گمراہ کن بیان پر غور کیا جائے گا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ممبئی حملوں میں کالعدم تنظیمیں ملوث ہیں، نوازشریف کے بیان پربھارتی میڈیا چلّا اٹھا

    ممبئی حملوں میں کالعدم تنظیمیں ملوث ہیں، نوازشریف کے بیان پربھارتی میڈیا چلّا اٹھا

    اسلام آباد : سابق وزیراعظم نواز شریف نے کہا ہے کہ پاکستان میں متحرک عسکریت پسند تنظیمیں ممبئی میں بھارتیوں کی ہلاکت کی ذمہ دارہیں، نواز شریف کے متنازعہ بیان کو بھارتی میڈیا نے بھارت کی فتح قرار دے دیا۔

    تفصیلات کے مطابق سابق وزیر اعظم نواز شریف نے کہا ہے کہ ممبئی حملوں میں پاکستان میں متحرک عسکریت پسند تنظیمیں ملوث تھیں، یہ لوگ ممبئی میں ہونے والی ہلاکتوں کے ذمہ دار ہیں،  مجھے سمجھائیں کہ کیا ہمیں انہیں اس بات کی اجازت دینی چاہیے کہ سرحد پار جا کر ممبئی میں 150 لوگوں کو قتل کردیں۔

    ان خیالات کا اظہار انہوں نےملتان میں ریلی کے دوران مقامی اخبار ”ڈان“کے صحافی سرل المیڈا کو  انٹرویو دیتے ہوئے کیا، ان کا مزید کہنا تھا کہ کچھ دہشت گرد تنظیمیں پاکستان میں متحرک ہیں، آپ انہیں غیر ریاستی عناصر کہہ سکتےہیں۔

    انہوں نے کہا کہ اگر ملک میں 2 یا 3 متوازی حکومتیں ہوں تو آپ وہ ملک نہیں چلا سکتے، ا س کے لیے صرف ایک آئینی حکومت کا ہونا ہی ضروری ہے۔

    انہوں نے ممبئی حملوں کے راولپنڈی کی انسداد دہشت گردی کی عدالت میں چلنے والے مقدمے کے حوالے سے کہا کہ اس مقدمے کی کارروائی ابھی تک مکمل کیوں نہیں ہوسکی؟ ہماری عدالتوں میں ممبئی حملوں کے ملزمان کا ٹرائل اب تک کیوں مکمل نہ ہوا؟

    دوسری جانب بھارتی اخبار نے نواز شریف کے اس بیان کو سر پر اٹھا لیا، ہندوستان ٹائمز نے اپنی خبر میں لکھا کہ پاکستان کے سابق وزیراعظم نے ممبئی حملوں کا ذمہ دار کالعدم پاکستانی تنظیموں کو قرار دے دیاہے جو بھارت کی فتح ہے, ہندوستان ٹائمز کے مطابق نوازشریف نے اعتراف کیا ہے کہ ممبئی حملے پاکستانی دہشت گردوں نے کئے۔

    اس حوالے سے تجزیہ کاروں کا کہنا ہے کہ نوازشریف کے اس بیان کو بھارتی میڈیا بھارت کی فتح قرار دے رہا ہے, میاں نواز شریف کا پاکستان مخالف بیانیہ کس کو خوش کرنے کیلئے ہے؟ کیا یہ وہی ایجنڈا ہےجس کیلئے بلیک لسٹ بھارتی صحافی انٹرویو کرنے پاکستان آرہے تھے۔

    تجزیہ کاروں کا کہنا ہے کہ پاکستان مخالف ایجنڈے کیلئے میاں صاحب نے  ڈان لیکس کے بعد ایک بار پھرسرل المیڈا اور ڈان کا استعمال کیا ہے، آخر کار میاں نواز شریف پاکستان دشمنی سے کیا حاصل کرنا چاہتے ہیں؟ کسی بھارتی عہدیدار نے کشمیر یا بلوچستان میں بھارتی مداخلت پر کبھی کچھ نہ کہا۔

    نوازشریف نے کبھی بھی بھارتی دہشت گرد کلبھوشن یادیو سےمتعلق کچھ نہیں کہا نواز شریف نے 2016میں یو این تقریر میں بھی کلبھوشن یادیو کا نام تک نہ لیا، نریندرمودی سے ذاتی دوستی کی میاں صاحب کیا کیا قیمت ادا کریں گے؟

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔