Tag: بھارتی واویلا

اسلام آباد: اقوام متحدہ کی جنرل اسمبلی کے اجلاس سے پہلے بھارت کا ایک اور جھوٹا پروپیگنڈا سامنے آ گیا ہے۔

تفصیلات کے مطابق بھارت کی جانب سے ایک اور فالس فلیگ آپریشن کی تیاری کی جا رہی ہے، اس ضمن میں بھارتی فوج نے سرکریک میں خالی کشتیاں پکڑے جانے کا شور مچا دیا ہے۔

بھارتی فوجی کمانڈر ایس کے سینی نے واویلا کرتے ہوئے کہا ہے کہ سر کریک میں بھارتی فوج نے خالی کشتیاں تلاش کی ہیں، ہم سیکورٹی اقدامات اٹھا رہے ہیں۔

بھارتی فوج نے الرٹ بھی جاری کر دیا، کہا جا رہا ہے کہ انڈیا کے جنوبی حصے میں دہشت گردانہ حملہ کیا جا سکتا ہے۔

یہ بھی پڑھیں:  بھارت نے مقبوضہ کشمیر کو دنیا کی سب سے بڑی جیل بنا رکھا ہے: وزیر خارجہ

اس سے چند ہفتے قبل بھی بھارتی فوج نے جھوٹا پروپیگنڈا کیا تھا کہ پاکستانی کمانڈوز بھارتی پانیوں میں گھس سکتے ہیں اور اس سلسلے میں گجرات میں ہائی الرٹ کر دیا گیا تھا۔

ادھر تجزیہ کار کہتے ہیں بھارت جنرل اسمبلی اجلاس سے پہلے ضرور کوئی ڈراما کرے گا، حارث نواز نے کہا، بھارت نے جان بوجھ کر فلیگ آپریشن کی بات کی ہے، اعجاز اعوان کہتے ہیں بھارت سفارتی، معاشی اور فوجی محاذ پر ہر طریقے سے پاکستان کو دباؤ میں لانا چاہتا ہے۔

واضح رہے کہ آج وزیر خارجہ شاہ محمود نے کہا ہے کہ پاکستان کشیدگی میں کمی چاہتا ہے مگر بھارتی رویہ غیر ذمہ دارانہ ہے، بھارت اس حد تک آگے جا چکا کہ معاملہ مذاکرات سے حل نہیں ہوگا۔

دی ہیگ: پاکستان میں دہشت گردی میں ملوث بھارتی جاسوس کلبھوشن یادیو کے کیس میں بھارتی وکیل عالمی عدالت میں پاکستان کے سوالات کے جواب نہیں دے سکا۔

تفصیلات کے مطابق ہیگ میں قائم عالمی عدالت میں کلبھوشن یادیو کیس میں آج کی سماعت مکمل ہو گئی، بھارتی وکیل نے عدالت میں اپنے دلائل پیش کیے۔

[bs-quote quote=”بھارتی سینئر وکیل ہریش سالوے دلائل کی بہ جائے مفروضے بیان کرتا رہا۔” style=”style-8″ align=”left” color=”#dd3333″][/bs-quote]

موصولہ اطلاعات کے مطابق عدالت میں بھارت کی جانب سے کلبھوشن یادیو کیس میں واویلا کیا گیا، بھارتی سینئر وکیل ہریش سالوے دلائل کی بہ جائے مفروضے بیان کرتا رہا۔

بھارتی وکیل نے دہشت گرد کلبھوشن کا کیس فوجی عدالت میں چلنے کا نکتہ اٹھایا تاہم وہ عدالت میں پاکستان کے سوالوں کا جواب نہیں دے سکا۔

قبل ازیں عالمی عدالت انصاف کے 15 رکنی بینچ نے یادیو کیس کی سماعت کی، ججز کے بینچ میں ایک بھارتی جج دلویر بھی موجود تھا۔

واضح رہے کہ آج کا دن بھارتی وکلا کو اپنے دلائل پیش کرنے تھے، جب کہ منگل 19 فروری کو پاکستان جوابی دلائل دے گا، 20 اور 21 فروری کو عدالت کیس سے متعلق غور و خوض کرے گی، یہ سماعت 4 دن جاری رہے گی۔

بھارتی جاسوس کے کیس سے متعلق تفصیلات یہاں پڑھیں

پاکستان کی جانب سے 6 سوالات اٹھائے جا چکے ہیں، جن میں سے سرِ فہرست یہ سوال ہے کہ دہشت گرد کمانڈر کلبھوشن کب نیوی سے سبک دوش ہوا، کلبھوشن کو بھارتی اصلی پاسپورٹ مسلمان کے نام سے کیوں بنا کر دیا گیا، جس پر وہ 17 مرتبہ بھارت گیا۔