ARYNews.tv | Urdu – Har Lamha Bakhabar

Tag: بھارتی وزیر

  • نمبرپلیٹ کا تنازع، بھارتی وزیر کے بیٹے نے کانسٹبیل پر گاڑی چڑھادی، ویڈیو وائرل

    نمبرپلیٹ کا تنازع، بھارتی وزیر کے بیٹے نے کانسٹبیل پر گاڑی چڑھادی، ویڈیو وائرل

    کانگریس کے ایم ایل اے کے بیٹے نے طیش میں آکر پولیس کانسٹیبل پر گاڑی چڑھا دی اور اس کے بعد فرار گیا، واقعے کی ویڈیو سامنے آگئی۔

    بھارتی ریاست مدھیہ پردیش میں کانگریس سے تعلق رکھنے والے ممبر قانون ساز اسمبلی سینا مہیش پٹیل کے بیٹے پشپراج سنگھ نے قانون کی دھجیاں اڑا دیں، لڑکے نے پولیس کانسٹیبل کو مبینہ طور پر طیش میں آکر اپنی گاڑی سے کچل دیا۔

    جوبٹ کے ایم ایل اے سینا مہیش کے بیٹے کو پولیس نے رکنے کا اشارہ کیا کیونکہ وہ علی راج پور شہر کے ایک بس اسٹینڈ کے قریب بغیر نمبر پلیٹ کی گاڑی لیے گھوم رہا تھا۔

    سی سی ٹی وی فوٹیج میں دیکھا جاسکتا ہے کہ پشپرراج سنگھ نے گاڑی بجلی کے کھمبے سے ٹکرانے سے پہلے پولیس اہلکاروں کی طرف موڑی اور انھیں نشانہ بنایا، ادی دوران ایک کانسٹیبل گاڑی کی ٹکر سے نیچے گر گیا۔

    علی راج پور کے پولیس سپرنٹنڈنٹ راجیش ویاس نے خبر رساں ایجنسی کو بتایا کہ واقعہ کے بعد پشپراج پٹیل کے خلاف دفعہ 109 (قتل کی کوشش) کے تحت مقدمہ درج کیا گیا ہے۔

    پولیس نے بھارتی ذرائع ابلاغ کو بتایا کہ زخمی کانسٹیبل اس وقت علی راج پور کے ضلعی اسپتال میں زیر علاج ہے، ملزمان کے خلاف مناسب کارروائی کی جائے گی۔

  • بھارتی وزیر کا خواتین کو اپنے بیگ میں لپ اسٹک کے ساتھ مرچیں رکھنے کا بھی مشورہ

    بھارتی وزیر کا خواتین کو اپنے بیگ میں لپ اسٹک کے ساتھ مرچیں رکھنے کا بھی مشورہ

    بھارت کے ایک وزیر نے خواتین کو اپنی حفاظت کے لیے انوکھا مشورہ دے دیا اور کہا کہ وہ اپنے پرس میں لپ اسٹک کے ساتھ خنجر اور مرچ پاؤڈر بھی رکھیں۔

    بھارتی میڈیا کے مطابق یہ مشورہ شیوسینا کے رہنما اور ریاست مہاراشٹر کے وزیر گلاب راؤ پٹیل نے خواتین کے عالمی دن کے موقع پر ایک تقریب سے خطاب کرتے ہوئے ان کی حفاظت کے لیے یہ مشورہ دیا۔

    ریاستی وزیر نے اپنے خطاب میں گزشتہ ماہ ایک بس میں لڑکی سے ریپ واقعے سمیت ایسے کئی گھناؤنے واقعات کا ذکر کرتے ہوئے کہا کہ بال ٹھاکرے نے بھی ماضی میں خواتین کو اپنے ساتھ خنجر اور مرچ پاؤڈر رکھنے کا مشورہ دیا تھا اور صحافیوں نے ہمیں اس وقت کڑی تنقید کا نشانہ بنایا تھا۔

    ان کا کہنا تھا کہ ملک کے حالات آج بھی ویسے ہی ہیں۔ اس لیے میری نوجوان خواتین سے درخواست ہے کہ وہ اپنے بیگ میں میک کے سامان کے ساتھ خنجر اور مرچ پاؤڈر ضرور ساتھ رکھا کریں۔

    واضح رہے کہ بھارت میں صرف ملکی خواتین ہی نہیں بلکہ غیر ملکی خواتین بھی محفوظ نہیں اور وہاں آئے روز سیاح خواتین سے زیادتی کے واقعات رونما ہوتے رہتے ہیں۔

    https://urdu.arynews.tv/israeli-female-tourist-incident-karnataka/

     

  • بھارتی وزیر کرسی دیر سے لانے پر تلملا اٹھے، کارکنوں کو پتھر دے مارا

    بھارتی ریاست تامل ناڈو میں حکمران جماعت کے وزیر نے کرسی دیر سے لانے پر تلملا اٹھے ساتھ ہی کارکنوں کو پتھر دے مارا۔

    بھارتی میڈیا کے مطابق ایس ایم نصر نامی وزیر ایک تقریب میں بیٹھنے کے لیے کرسی دیر سے لانے پر غصے میں آگئے، انہوں نے اپنی ہی جماعت کے کارکنوں پر پتھر پھینکے۔

    بھارتی وزیر کی یہ حرکت سوشل میڈیا پر وائرل ہوگئی جس کی ویڈیو میں دیکھا جاسکتا ہے کہ ان کے پیچھے کھڑے لوگ ان کی اس حرکت پر ہنستے بھی رہے۔

    واضح رہے کہ یہ ہی بھارتی وزیر گزشتہ سال بھی اپنی بے تکی حرکت کی وجہ سے میڈیا پر چھا گئے تھے۔

    انہوں نے مبینہ طور پر جھوٹی خبریں پھیلائی تھی کہ نریندر مودی حکومت نے دودھ پر گڈز اینڈ سروس ٹیکس (جی ایس ٹی) لگایا ہے جس کی وجہ سے دودھ کی قیمتیں بڑھ گئی ہیں۔

  • شاہ رخ خان نے بھارتی وزیر کا چیلنج کیسے پورا کیا؟

    شاہ رخ خان نے بھارتی وزیر کا چیلنج کیسے پورا کیا؟

    بالی ووڈ کنگ شاہ رخ خان نے گزشتہ روز فلم ’پٹھان‘ کی خصوصی نمائش میں اپنی پوری فیملی کے ساتھ فلم دیکھی۔

    فلم ’پٹھان‘ کا پہلا گانا ’بے شرم رنگ‘ ریلیز ہونے کے بعد سے اس فلم پر مودی کے ہندوتوا بھارت میں انتہا پسندوں کی جانب سے تنقید کا سلسلہ جاری ہے۔

    بھارتی ریاست مدھیہ پردیش کی اسمبلی کے اسپیکر گریش گوتم نے فلم ’پٹھان‘ پر تنقید کرتے ہوئے شاہ رخ خان کو اپنی بیٹی کے ساتھ بیٹھ کر یہ فلم دیکھنے کا چیلنج کیا تھا۔

    اُن کا کہنا تھا کہ شاہ رخ خان کی بیٹی ابھی تقریباَ 23 یا 24 سال کی ہوگئی ہے تو آپ اس کے ساتھ بیٹھ کر یہ فلم دیکھیں اور پھر مجھے بتائیں تو میں بھی اپنی بیٹی کے ساتھ بیٹھ کر آپ کی یہ فلم دیکھوں گا۔

    بھارتی وزیر نے اداکار کو چیلنچ کرتے ہوئے کہا کہ اگر یہ سب صحیح ہے تو اپنی بیٹی کے ساتھ بیٹھ کر ایسی فلم دیکھیں، پھر ہم مانیں گے کہ اس میں کوئی حرج نہیں۔

     

    گریش گوتم کی جانب سے یہ چیلنج ملنے کے کچھ ہفتوں بعد فلم ’پٹھان‘ کی خصوصی نمائش میں اداکار نے صرف اپنی سہانا خان ہی نہیں بلکہ پوری فیملی کے ساتھ بیٹھ کر فلم دیکھی

  • بھارتی وزیر کی تہاڑ جیل میں خدمت اور مساج کی ویڈیوز وائرل

    بھارتی وزیر کی تہاڑ جیل میں خدمت اور مساج کی ویڈیوز وائرل

    دہلی: بھارتی وزیر کی تہاڑ جیل میں خدمت اور مساج کی ویڈیوز وائرل ہو گئی ہیں۔

    بھارتی میڈیا کے مطابق منی لانڈرنگ کے الزامات میں گرفتار بھارتی وزیر ستیندر جین کی دہلی جیل میں خدمت اور مساج کی ویڈیوز سامنے آ گئی ہیں۔

    گرفتار وزیر کا تعلق بھارت کی سیاسی جماعت عام آدمی پارٹی سے ہے، تہاڑ جیل میں خدمت گزار باقاعدگی سے ان کی مالش کرتے ہیں، اور انھیں دیگر سہولیات بھی فراہم کی گئی ہیں۔

    ویڈیوز میں دیکھا جا سکتا ہے کہ بھارتی وزیر کی جیل میں بھرپور خدمت کی جا رہی ہے، اس دوران وہ لوگوں سے ملاقاتیں بھی کر رہے ہیں۔ سوشل میڈیا پر صارفین یہ سوال کر رہے ہیں کہ ابھی تک عام آدمی پارٹی کے رہنما اروند کیجروال نے گرفتار وزیر کو عہدے سے کیوں نہیں ہٹایا۔

    بی جے پی رہنماؤں نے بھی اس پر انھیں شدید تنقید کا نشانہ بنایا اور تہاڑ جیل کی انتظامیہ کے خلاف سخت ایکشن کا مطالبہ کیا، جین کو منی لانڈرنگ کے الزام میں 30 مئی کو گرفتار کیا گیا تھا۔

    واضح رہے کہ اسی تہاڑ جیل میں کشمیری رہنماؤں کے ساتھ انسانیت سوز سلوک روا رکھا جاتا ہے، اور ان پر بد ترین تشدد کیا جاتا ہے۔

  • ’سڑکیں کترینہ کے ’گالوں‘ کی طرح بننی چاہئیں‘

    ’سڑکیں کترینہ کے ’گالوں‘ کی طرح بننی چاہئیں‘

    بھارتی وزیر نے سڑکیں بنانے کے لیے انوکھی منطق پیش کردی جس کی ویڈیو سوشل میڈیا پر وائرل ہوگئی۔

    بھارتی ریاست راجستھان کے وزیر راجیندرا سنگھ گودھا کی ویڈیو سوشل میڈیا پر وائرل ہورہی ہے جس میں انہوں نے اچھی سڑکیں بنانے کے لیے بالی ووڈ اداکارہ کترینا کیف کے گالوں کی مثال دے ڈالی۔

    یہ ویڈیو بھارتی نیوز ایجنسی اے این آئی کی جانب سے شیئر کی گئی جس میں راجیندرا سنگھ عوام سے خطاب کررہے ہیں جس دوران لوگوں نے ان سے مطالبہ کیا کہ ہمارے علاقے کی سڑکیں جلد از جلد ٹھیک ہونی چاہئیں۔

    لوگوں کے اس مطالبے پر بھارتی وزیر نے وہاں موجود محکمہ تعمیرات کے چیف انجینئر سے مخاطب ہوتے ہوئے کہا کہ سڑکیں کترینہ کیف کے گالوں کی طرح ہموار اور ملائم بننی چاہئیں۔

    بھارتی وزیر کے اس جملے نے وہاں موجود لوگوں کو خوب محظوظ کیا۔

    بھارتی وزیر راجیندرا سنگھ کو اس ویڈیو پر سوشل میڈیا صارفین کی جانب سے تنقید کا نشانہ بنایا جارہا ہے۔

    تاہم یہ پہلا موقع نہیں جب اداکاراؤں کے گالوں کی مثال سڑکوں کیلئے دی گئی ہو، اس سے قبل 2005 میں سابق بھارتی وزیر لالو پرساد یادو نے کہا تھا کہ بہار کی سڑکیں اداکارہ ہیما مالنی کے گالوں کی طرح بنائی جائیں۔

  • بھارتی وزیر کا ایف اے ٹی ایف کو سیاست کا شکار کرنے کا اعتراف، پاکستان کا سخت ردعمل

    بھارتی وزیر کا ایف اے ٹی ایف کو سیاست کا شکار کرنے کا اعتراف، پاکستان کا سخت ردعمل

    اسلام آباد: دفتر خارجہ کا کہنا ہے کہ بھارتی وزیر کے ایف اے ٹی ایف کو سیاست کا شکار کرنے کا اعتراف نے بھارت کی اصلیت عیاں کردی ہے، ہمیں اپنے عالمی شراکت داروں کی حمایت اور تعاون حاصل ہے۔

    تفصیلات کے مطابق بھارتی وزیر خارجہ نے ایف اے ٹی ایف کو سیاست کا شکار کرنے کا اعتراف کرلیا جس پر پاکستان کی جانب سے کہا گیا ہے کہ بھارتی وزیر کے بیان نے بھارت کی اصلیت عیاں کردی ہے۔

    دفتر خارجہ کے ترجمان کی جانب سے کہا گیا کہ بیان نے بھارتی منفی کردار پر پاکستان کے مؤقف کو درست ثابت کیا، پاکستان واضح کرتا آیا ہے کہ بھارت ایف اے ٹی ایف کو سیاست کا شکار کر رہا ہے، بھارت سیاست کا شکار کر کے ایف اے ٹی ایف کے کردار کو گھٹا رہا ہے۔

    دفتر خارجہ کا کہنا ہے کہ حالیہ بھارتی بیان بھی ٹیکنیکل فورم کا سیاسی مقاصد کے لیے استعمال ثابت کرتا ہے، پاکستان مخلصانہ اور تعمیری انداز میں ایف اے ٹی ایف سے رابطے میں ہے، بھارت بھونڈے ذرائع سے شک ظاہر کرنے کا طریقہ اختیار کرتا ہے۔

    ترجمان کی جانب سے کہا گیا کہ ماضی میں پاکستان بار بار بھارت کے نقلی کردار کو سامنے لاتا رہا ہے، بھارت کے حالیہ اعتراف کو ایف اے ٹی ایف کے نوٹس میں لایا جائے گا۔

    دفتر خارجہ کا کہنا ہے کہ پاکستان صدر ایف اے ٹی ایف کو اپروچ کرنے پر غور کر رہا ہے، بطور شریک چیئرمین جوائنٹ گروپ بھارت کا کردارمشکوک ہوگیا ہے، ہم ایف اے ٹی ایف پر زور دیتے ہیں کہ اس معاملہ کو دیکھے۔ اینٹی منی لانڈرنگ اور سی ایف ٹی پر پیش رفت کو ایف اے ٹی ایف نے تسلیم کیا، ہم اس مومینٹم کو جاری رکھنے کے لیے پرعزم ہیں۔

    دفتر خارجہ کی جانب سے مزید کہا گیا کہ ہمیں اپنے عالمی شراکت داروں کی حمایت اور تعاون حاصل ہے، دھوکے بازی سے پاکستان پر دباؤ ڈالنے کی بھارتی کوشش ناکام رہی ہے، بھارت کی کوشش کو کبھی کامیابی نہیں ملے گی۔

  • پاپڑ سے کرونا کا ‘علاج’ کرنے والا بھارتی وزیر خود کرونا کا شکار

    پاپڑ سے کرونا کا ‘علاج’ کرنے والا بھارتی وزیر خود کرونا کا شکار

    نئی دہلی: بھارت میں پاپڑ سے کرونا کا علاج کرنے والے بھارتی حکمراں جماعت بھارتیہ جنتا پارٹی کے وزیر ارجن رام میگھوال خود کرونا وائرس کا شکار ہوگئے۔

    تفصیلات کے مطابق حال ہی میں بی جے پی کے مرکزی وزیر ایم پی اے ارجن رام میگھوال کی ویڈیو سامنے آئی تھی جس میں وہ پاپڑ کے ذریعے کرونا وائرس کے علاج کا دعویٰ کر رہے تھے۔ارجن رام میگھوال کی اس ویڈیو پر انہیں سوشل میڈیا پر شدید تنقید کا نشانہ بنایا گیا تھا۔


    اب یہ خبر سامنے آئی ہے کہ پاپڑ سے کرونا کا علاج کرنے والے بھارتی وزیر خود کرونا وائرس سے متاثر ہوگئے ہیں اور اس حوالے سے انہوں نے سماجی رابطے کی ویب سائٹ ٹویٹر پر اپنے پیغام میں کہا کہ کرونا کی علامات آنے پر میں نے ٹیسٹ کرایا جو منفی آیا لیکن دوسری بار ٹیسٹ مثبت آگیا۔


    بی جے پی کے رہنما کا کہنا تھا کہ دہلی کے ایمس میں مجھے داخل کیا گیا ہے اور میری طبعیت بہتر ہے۔انہوں نے اپیل کی کہ جو لوگ گزشتہ دنوں میرے رابطے میں تھے، برائے مہربانی اپنی صحت کا خیال رکھیں۔

    بھارتی وزیر کا پاپڑ سے کرونا وائرس کے علاج کا دعویٰ: اڑا سوشل میڈیا پر مذاق

    خیال رہے کہ ایم پی اے ارجن رام میگھوال صنعت کے وزیر مملکت ہونے کے ساتھ ساتھ پارلیمانی امور کے بھی وزیر ہیں۔

  • بھارتی وزیر کا پاپڑ سے کرونا وائرس کے علاج کا دعویٰ: اڑا سوشل میڈیا پر مذاق

    بھارتی وزیر کا پاپڑ سے کرونا وائرس کے علاج کا دعویٰ: اڑا سوشل میڈیا پر مذاق

    نئی دہلی: بھارت میں کرونا وائرس کی صورتحال تشویشناک ہوچکی ہے اور 13 لاکھ کیسز کے ساتھ بھارت دنیا کا تیسرا ملک بن چکا ہے، اس کے باوجود بھارتی سیاستدان اپنے مضحکہ خیز ردعمل اور دعووں سے دنیا بھر میں اپنا مذاق اڑوا رہے ہیں۔

    حال ہی میں ایک بھارتی وزیر کی ایک اور ویڈیو سامنے آئی ہے جس میں وزیر موصوف پاپڑ کے ذریعے کرونا وائرس بھگانے کا دعویٰ کر رہے ہیں۔

    بھارتیہ جنتا پارٹی (بی جے پی) کے ریاستی وزیر ارجن رام میگھوال کی ایک ویڈیو سوشل میڈیا پر تیزی سے وائرل ہورہی ہے جس پر شدید تنقید کی جارہی ہے۔

    ویڈیو میں ارجن رام ایک پاپڑ کے برانڈ کی تشہیر کرتے ہوئے بتا رہے ہیں کہ اس پاپڑ میں ایسے اجزا شامل ہیں جو انسانی جسم میں اینٹی باڈیز پیدا کرتے ہیں جس سے انسان کرونا وائرس سے محفوظ رہتا ہے۔

    اس ویڈیو میں وہ یہ بھی کہتے دکھائی دے رہے ہیں کہ یہ پاپڑ مرکزی حکومت کے اقدامات کے تحت بنائے جارہے ہیں۔ مذکورہ پاپڑ کا نام بھابھی جی پاپڑ ہے۔

    مذکورہ ویڈیو واٹس ایپ کے ذریعے پھیلی اور دیکھتے ہی دیکھتے سوشل میڈیا پر وزیر پر تنقید اور طنز کا طوفان امڈ آیا۔

    ایک صارف کا کہنا تھا کہ یہ پاپڑ دراصل اس لیے ہیں کہ انہیں تل کر اپنے گھر کے ارد گرد پھیلا دیں، جیسے ہی کوئی آپ کے گھر قریب آئے گا پاپڑوں کے کرکرانے کی آواز سے آپ کو خبر ہوجائے گی، تب باہر جا کر گھر آنے والوں کو سماجی فاصلوں کے بارے میں بتائیں، یوں آپ کرونا وائرس سے محفوظ رہ سکتے ہیں۔

    ایک ٹویٹر صارف نے کہا کہ جب بھابھی جی پاپڑ موجود ہیں تو ڈر کس بات کا ہے۔

    خیال رہے کہ بھارت میں اس وقت کرونا وائرس کے 13 لاکھ 39 ہزار 176 کیسز کی تصدیق ہوچکی ہے جبکہ وائرس سے اب تک 31 ہزار سے زائد افراد موت کے گھاٹ اتر چکے ہیں۔

  • بھارتی وزیروں کی آڈیو کال لیک کرنے والے کو کروڑوں روپے کی آفر

    بھارتی وزیروں کی آڈیو کال لیک کرنے والے کو کروڑوں روپے کی آفر

    نئی دہلی : بھارتی وزیروں کی مبینہ آڈیو کال سامنے لانے والے اوی ڈانڈیا کو کروڑوں روپے رشوت کی آفر کی گئی ہے، اوی ڈانڈیا نے اپنی دوسری ویڈیو میں بڑا انکشاف کردیا۔

    تفصیلات کے مطابق مودی سرکار کے پلواما حملے کا پول کھولنے والے سابق بھارتی فوجی افسر کے بیٹے اور شدت پسند بھارتیہ جنتا پارٹی کے سابق رکن اوی ڈانڈیہ کو زبان بند رکھنے کیلئے کروڑوں روپے کی رشوت آفر کی گئی ہے۔

    سابق بھارتی فوجی افسر کے بیٹے نے نئی ویڈیو میں بتایا ہے کہ بھارتیہ جنتا پارٹی کی جانب سے مجھے چپ رہنے کیلئے ایک کروڑ روپیہ بھیجا گیا ہے، ساڑھے تین کروڑ کے بدلے خاموش رہنے کی پیش کش کی گئی ہے جس کے ثبوت میرے پاس موجود ہیں۔

    مزید پڑھیں: انتخابات کے لئے لاشیں گرانا ضروی ہے: بھارتی رہنماؤں کی مبینہ آڈیو کال نے کھلبلی مچا دی

    واضح رہے کہ گزشتہ روز ان کی جاری کردہ آڈیو ریکارڈنگ نے پلوامہ حملے سے متعلق مودی سرکار کی سازش بے نقاب کی تھی۔
    اوی ڈانڈیہ نے بی جے پی رہنما اور امیت شاہ کی مبینہ آڈیو کال سماجی رابطے کی ویب سائٹس پر شیئر کردی۔

    آڈیو میں راج ناتھ سنگھ اور ایک نامعلوم خاتون کی گفتگو واضح طور پر سنی جاسکتی ہے جس میں وہ کہہ رہے ہیں الیکشن کے لیے فوجیوں کی لاشیں گرانا ضروری ہے۔