Tag: بھارتی وزیراعظم نریندر مودی

نئی دہلی: جنگی جنون میں مبتلا مودی سرکار نے آپریشن سندور میں شکست کے اعتراف کے بعد اور ایک نئے فالس فلیگ آپریشن کی تیاری کررہا ہے۔

تفصیلات کے مطابق بھارتی وزیراعظم نریندر مودی کی حکومت جنگی جنون میں مبتلا ہو کر نئی "بھیروو کمانڈو بٹالینز” بنانے میں مصروف ہے۔

بھارتی اخبار دی پرنٹ نے بتایا کہ یہ بٹالینز پاکستان اور چین کے خلاف سرحدی علاقوں میں تعینات کی جائیں گی۔

رپورٹ میں کہا گیا ہے کہ بھارتی فوج رواں ماہ پانچ نئی بھیروو کمانڈو بٹالینز کو سرحدی مقامات پر تعینات کرنے کی تیاری کر رہی ہے، ان یونٹس کو کراس بارڈر انٹرڈکشن، دشمن کی پوزیشنز تباہ کرنے اور خفیہ سراغ رسانی جیسے فرائض سونپے جائیں گے۔

ذرائع کے مطابق ان میں سے تین کمانڈو یونٹس پاکستان اور چین کے ساتھ شمالی سرحد پر، ایک شمال مشرق اور ایک مغربی محاذ پر تعینات کی جائے گی۔

رپورٹ میں کہنا تھا کہ یہ فیصلہ "آپریشن سندور” کے دوران بھارت کو ہونے والی ناکامی کے بعد کیا گیا، جب چین نے پاکستان کو بھارتی فوجی نقل و حرکت اور ہتھیاروں کی تعیناتی پر ریئل ٹائم انٹیلی جنس فراہم کی تھی۔

دی پرنٹ نے اپنی رپورٹ میں یہ بھی لکھا کہ نئی بٹالینز کی تیاری دراصل بھارت کی تاریخ میں موجود فالس فلیگ آپریشنز کی پالیسی کو آگے بڑھانے کا حصہ ہے اور مودی سرکار کے یہ جارحانہ اقدامات نہ صرف اندرونی ناکامیوں پر پردہ ڈالنے کی کوشش ہیں۔

بھارت کی فالس فلیگ آپریشنز سے بھری تاریخ میں نئی یونٹس اسی پالیسی کو آگے بڑھانے کا ذریعہ ہیں۔

بھارتی پنجاب کے وزیراعلیٰ بھگونت مان نے وزیراعظم نریندر مودی کو آئینہ دکھاتے ہوئے انھیں سخت تنقید کا نشانہ بنایا ہے۔

لدھیانہ ضمنی اسمبلی انتخاب میں ’آپریشن سندور‘ کے نام پر ووٹ مانگنے پر وزیراعلیٰ بھگونت مان نے مودی کی اصلیت سے پردہ اٹھایا ہے، پریس کانفرنس کے دوران انھوں نے کہا کہ بی جے پی آپریشن سندور کے نام پر لوگوں سے ووٹ مانگ رہی ہے۔ لوگوں کے گھروں میں سندور بھیج رہی ہے۔

وزیراعلیٰ بھگونت مان نے سوال کیا کہ کیا آپ مودی کے نام کا سندور لگائیں گے؟ کوئی ون نیشن ون ہسبنڈ نام کی اسکیم چل رہی ہے کیا؟‘

.@BhagwantMann crosses all limits !

Mocking Operation Sindoor, he shamelessly asks:
“Will you wear sindoor in Modi's name? Is this One Nation, One Husband?”

Let’s set the record straight:
There is NO BJP activity sending sindoor to every household. 1/4 pic.twitter.com/ULxrAtEONu

— Pritpal Singh Baliawal (@PritpalBaliawal) June 3, 2025

تاہم تنقید سامنے آنے کے بعد بھارتیہ جنتہ پارٹی پہلے ہی ان خبروں کی تردید کر چکی ہے، جن میں یہ کہا گیا تھا کہ پارٹی کے کارکنان گھر گھر سندور پہنچائیں گے۔

بھگونت مان کا یہ بیان سامنے آنے کے بعد پنجاب میں بی جے پی کے ترجمان پریت پال سنگھ بالیوال نے ’ایکس‘ پر انکی ویڈیو شیئر کرتے ہوئے کہا کہ ’’آپریشن سندور کا مذاق اڑاتے ہوئے وہ بے شرمی سے پوچھتے ہیں کیا آپ مودی کے نام کا سندور لگائیں گے؟ کیا یہ ون نیشن، ون ہسبنڈ ہے۔‘‘

بی جے پی کے ترجمان پریت پال سنگھ بالیوال کا کہنا تھا کہ ہر گھر سندور بھیجنے سے متعلق بی جے پی کا فی الحال کوئی ارادہ نہیں ہے۔

بھارتی وزیراعظم نریندر مودی نے بنگلہ دیش میں شیخ حسینہ واجد کی حکومت جانے کے بعد اعلیٰ سطح کا اجلاس بلالیا ہے۔

بنگلہ دیش میں شیخ حسینہ واجد کی بھارت نواز حکومت جاتے ہی مودی سرکار کی پریشانی میں اضافہ ہوگیا ہے، پڑوسی ملک میں سیاسی بحران، شیخ حسینہ کے استعفیٰ اور ملک سے فرار کے بعد وزیر اعظم مودی کی زیر صدارت دہلی میں بھارتی قیادت سر جوڑ کر بیٹھ گئی ہے۔

وزیر اعظم نریندر مودی نے پیر کو کابینہ کمیٹی برائے سلامتی (سی ایس ایس) کی میٹنگ کی صدارت کی جس میں انھیں بنگلہ دیش میں پیدا ہونے والی صورتحال سے آگاہ کیا گیا۔

اس اجلاس میں را کے سربراہ روی سنہا، وزیر داخلہ امیت شاہ، وزیر دفاع راج ناتھ سنگھ، وزیر خارجہ ایس جے شنکر، وزیر خزانہ نرملا سیتا رمن، کابینہ سیکریٹری راجیو گوبا، پی ایم کے پرنسپل سیکریٹری پی کے مشرا اور انٹیلی جنس بیورو کے ڈائریکٹر تپن ڈیکا موجود تھے۔

یہ بات بھی قابل ذکر ہے کہ بنگلہ دیش کی سابق وزیراعظم حسینہ واجد ملک سے فرار ہوکر بھارت میں ہندان ایئربیس پہنچ گئی ہیں۔

حسینہ واجد اپنی بہن کے ہمراہ خصوصی طیارے میں بھارت پہنچیں، انھیں مستعفی ہونے سے قبل تقریر بھی ریکارڈ کرانے کا موقع نہیں دیا گیا تھا۔

بھارتی میڈیا رپورٹس کے مطابق نئی دہلی کے قریب ایئربیس پہنچنے پر شیخ حسینہ واجد کی بھارتی قومی سلامتی کے مشیر اجیت دوول سے ملاقات ہوئی ہے۔

ذرائع کا کہنا ہے کہ فرار ہونے والی وزیراعظم حسینہ واجد کو مختصر قیام کے بعد بھارت سے لندن روانہ کیا جائے گا جہاں ان کے اہلخانہ پہلے سے موجود ہیں۔

خیال رہے کہ بنگلا دیش میں کوٹا سسٹم کے خلاف شروع ہونے والے طلبا کے ملک گیر احتجاج کے بعد سول نافرمانی کی تحریک نے جنم لیا تھا، جس کے نتیجے میں طویل عرصے تک وزیر اعظم رہنے والی حسینہ واجد مستعفی ہوکر بھارت فرار ہو گئی تھیں۔

کانگریس کی لیڈر پرینکا گاندھی نے نریندر مودی کو سخت تنقید کا نشانہ بناتے ہوئے کہا ہے کہ محل میں رہنے والے وزیراعظم عوام کے مسائل کو نہیں سمجھ سکتے۔

غیرملکی میڈیا رپوٹس کے مطابق کانگریس کی جنرل سیکریٹری پرینکا گاندھی کا گجرات میں جلسہ عام سے خطاب کرتے ہوئے کہنا تھا کہ آپ کے شہنشاہ نریندر مودی ہیں وہ محلات میں رہتے ہیں۔ کیا آپ نے کبھی ٹی وی پر ان کا چہرہ دیکھا ہے؟ بہت صاف ستھرا سفید کرتہ، جس میں دھول کا ایک بھی داغ نہیں ہوتا۔

گجرات کے علاقے بناس کانٹھا میں اپنے خطاب کے دوران انھوں نے راہول گاندھی کو شہزادہ کہنے پر وزیر اعظم مودی کو آڑے ہاتھوں لیتے ہوئے پرینکا نے کہا کہ وہ میرے بھائی کو شہزادہ بولتے ہیں جبکہ یہ شہزادے 4000 کلومیٹر پیدل چلتے ہیں۔

انھوں نے کہا کہ کنیا کماری سے کشمیر راہول نے عوام کے مسائل سننے کے لیے پیدل سفر کیا اور وہ خود کسانوں اور مزدوروں سے ملے اور ان کی مشکلات پوچھیں۔

پرینکا گاندھی نے کہا کہ مودی محل رمیں رہتے ہوئے آپ کی مزدوری، آپ کی کھیتی کے مسائل کو کیسے سمجھیں گے

عوام مہنگائی میں پس چکے ہیں ہر طرف مہنگائی نظر آتی ہے، ہر زرعی اشیا پر جی ایس ٹی ہے۔ بچوں کی فیس دینا، نیا یونیفارم خریدنا ہو یا ان کی بیماری اور علاج کرنا ہو تو کیا حالات ہوتی ہے آپ کی؟ مودی یہ نہیں جان سکتے۔

انھوں نے کہا کہ یہ لوگ آئین کو تبدیل کرنے کی بات کرتے ہیں تو اس کا مطلب ہے کہ وہ آپ کے حقوق چھیننا چاہتے ہیں۔ مودی نے پچھلے 10 سالوں میں لوگوں کے حقوق کو کم کیا ہے۔