Tag: بھارتی ٹیم

چیمپئنز ٹرافی 2025 کے لیے اگر بھارتی کرکٹ ٹیم پاکستان کا دورہ کرنے سے انکار کرتی ہے تو پھر آئی سی سی ’پلان بی‘ پر عمل کرسکتا ہے۔

رپورٹس کے مطابق، آئی سی سی کی چیف ایگزیکٹو کمیٹی (سی ای سی) کے اپروول نوٹ میں ذکر کیا گیا ہے کہ ’پی سی بی نے ایونٹ کی میزبان کے معاہدے پر دستخط کیے ہیں اور انتظامیہ کے ساتھ مل کر چیمپئنز ٹرافی کے بجٹ کا مسودہ تیار کیا ہے جسے منظوری کے لیے ایف اینڈ سی اے کو پیش کیا گیا ہے۔‘

سی ای سی کے اپروول نوٹ میں کہا گیا ہے کہ ’اگر پاکستان سے باہر کچھ میچ کھیلنے کی ضرورت پیش آتی ہے ہو تو انتظامیہ نے ایونٹ کے انعقاد کے اخراجات میں اضافے کے تخمینے کی بھی منظوری دے دی ہے۔‘

"ایک منصوبہ بندی کی میٹنگ اور مجوزہ میچ کے مقامات کا معائنہ مارچ 2024 میں پاکستان میں ہوا تھا۔ سہولیات کو اپ گریڈ کرنے کے لیے تینوں مقامات پر قابل ذکر تزئین و آرائش کا کام جاری ہے”، نوٹ میں مزید کہا گیا۔

بھارتی میڈیا رپورٹس کے مطابق نوٹس میں مزید کہا گیا ہے کہ ’مارچ 2024 میں پاکستان میں مجوزہ میچز کے مقامات کا معائنہ ہوا تھا، چیمپئنز ٹرافی کے تینوں مقامات کی تزئین و آرائش اور سہولیات کو اپ گریڈ کرنے کے لیے جاری ہے۔‘

اطلاعات کے مطابق چیمپئنز ٹرافی کا ڈرافٹ شیڈول بھی تیار کرلیا گیا ہے اور بھارت کے میچز لاہور میں ہونے والے ہیں جہاں ان کا مقابلہ میزبان پاکستان سے بھی ہو گا۔

خیال رہے کہ آئی سی سی چیمپیئنز ٹرافی اگلے سال پاکستان میں ہونی ہے جو 19 فروری سے 9 مارچ تک منعقد ہوگی جبکہ میزبان پاکستان اس ایونٹ کا دفاعی چیمپئن بھی ہے۔

یہ بات قابل ذکر ہے کہ پاکستان کے بطور میزبان منتخب ہونے کے بعد سے چیمپیئنز ٹرافی میں بھارت کی شرکت پر بڑے سوالیہ نشانات ہیں اور وہ مسلسل اپنی ہٹ دھرمی کا مظاہرہ کررہا ہے۔

چیمپئنز ٹرافی کے لیے بھارتی کرکٹ ٹیم اگر پاکستان نہیں آتی ہے تو پھر آئی سی سی کو دوسرے آپشنز کو استعمال کرنا پڑیگا۔

پاکستان آئندہ سال فروری 2025 میں چیمپئنز ٹرافی کے شوپیس ایونٹ کی میزبانی کے لیے مکمل طور پر تیار ہے، میزبان کے علاوہ ون ڈے کی ٹاپ سات ٹیمیں آئی سی سی ٹورنامنٹ میں شرکت کریں گی، تاہم اب تک بھارتی ٹیم نے چیمپئنز ٹرافی میں اپنی شرکت کنفرم نہیں کی ہے۔

اگر بھارتی کرکٹ ٹیم پاکستان میں ہونے والے ٹورنامنٹ میں شرکت نہیں کرتی ہے تو پھر اس کی جگہ سری لنکا کو ایونٹ میں شامل کیا جائے گا اور روہت شرما کی ٹیم کی جگہ لے گی۔

2002 کی چیمپئن سائیڈ 2023 ون ڈے ورلڈ کپ کے پوائنٹس ٹیبل کے گروپ مرحلے میں نویں نمبر پر تھی جس کی وجہ سے وہ چیمپئنز ٹرافی کی ٹیموں میں جگہ نہیں بنا پائی، یہ پہلا موقع ہے کہ سری لنکا ٹورنامنٹ کے لیے کوالیفائی نہیں کر پائی۔

ممکنہ طور پر بی سی سی آئی انٹرنیشنل کرکٹ کونسل سے اس ٹورنامنٹ کو سری لنکا یا یو اے ای منعقد کرنے کی درخواست کرسکتا ہے جیسا کہ ایشیا کپ 2023 ایڈیشن کے لیے تجویز کیا گیا تھا۔

تاہم، ایشین کرکٹ کونسل نے پاکستان اور سری لنکا کے ساتھ مشترکہ طور پر ٹورنامنٹ کی میزبانی کرنے والے ایک ہائبرڈ ماڈل کو قبول کیا تھا، تاہم چیمپئنز ٹرافی کے تناظر میں ایسا ہونا مشکل ہے۔

خیال رہے کہ دو روز قبل بھارتی میڈیا نے دعویٰ کیا تھا کہ بھارتی ٹیم چیمپئنز ٹرافی کے میچز کھیلنے کے لیے پاکستان نہیں جائے گی اور ایونٹ ہائبرڈ ماڈل کے تحت ہوگا۔

ان خبروں کے سامنے آنے کے بعد بھارتی کرکٹ بورڈ نے چیمپئنز ٹرافی کے لیے پاکستان کا دورہ نہ کرنے کی خبروں کی تردید کرتے ہوئے کہا تھا کہ اس کا فیصلہ ان کی حکومت کو کرنا ہے۔

بی سی سی آئی کے نائب صدر راجیو شکلا کا کہنا تھا کہ بورڈ نے چیمپئنز ٹرافی کے حوالے سے اب تک کوئی آفیشل بیان جاری نہیں کیا ہے، ہمیں نہیں معلوم میڈیا میں یہ خبر کس نے دی ہے، انھوں نے کہا تھا کہ پاکستان میں ہونے والے ایونٹ میں بھارتی ٹیم کی شرکت کا فیصلہ بھارتی حکومت کرے گی۔

اس بار آئی سی سی چیمپئنز ٹرافی کی میزبانی پاکستان کے پاس ہے اور چیمئنز ٹرافی فروری مارچ 2025 میں شیڈول ہے، پاکستان نے آئی سی سی سے چیمپئنز ٹرافی کا شیڈول بھی شیئر کردیا ہے جس کے مطابق بھارت کے تمام میچز لاہور کے قذافی اسٹیڈیم میں رکھے گئے ہیں۔

بھارتی ٹیم کے سبکدوش ہونے والے ہیڈ کوچ راہول ڈریوڈ نے کہا ہے کہ ون ڈے ورلڈکپ میں شکست کے بعد انھوں نے کوچنگ چھوڑنے کی ٹھان لی تھی۔

2023 میں آئی سی سی ورلڈ ٹیسٹ چیمپئن شپ اور آئی سی سی ون ڈے کرکٹ ورلڈ کپ دونوں میں راہول ڈریوڈ بھارتی ٹیم کو فائنل میں لے جانے میں کامیاب رہے تھے تاہم سائیڈ ٹرافی سے محروم رہی تھی۔

آئی سی سی ٹی ٹوئنٹی ورلڈ کپ 2024 کا ٹائٹل جیتنے کے ساتھ ہی راہول ڈریوڈ نے اپنے کوچنگ پورٹ فولیو میں ایک ورلڈکپ کپ وننگ کوچ کا بھی اضافہ کرلیا ہے۔

انھوں نے کہا کہ ون ڈے ورلڈکپ کے فائنل میں آسٹریلیا کے خلاف شکست کے بعد وہ اپنے معاہدے کی تجدید کا کوئی ارادہ نہیں رکھتے تھے اور کوچنگ چھوڑنا چاہتے تھے لیکن کپتان روہت شرما کے فون کی وجہ سے انھوں نے اپنا ارادہ بدل دیا۔

بی سی سی آئی کی طرف سے پوسٹ کی گئی ایک ویڈیو میں ڈریوڈ نے کہا کہ روہت شرما نومبر میں مجھے کال کرنے اور مجھ سے کوچنگ جاری رکھنے کا کہنے کے لیے آپ کا بہت شکریہ۔

راہول ڈریوڈ نے کہا کہ میرے خیال میں آپ میں سے ہر پلیئر کے ساتھ کام کرنا ایک اعزاز اور خوشی کی بات ہے، لیکن اس وقت کے لیے روہت کا بہت شکریہ۔

سبکدوش ہونے والے ہیڈ کوچ نے بتایا کہ ہم نے کئی بار گفتگو کی ہے، کئی بار بحث کی ہے، کبھی ہم ایک دوسرے کی بات سے راضی ہوئے اور کبھی اختلاف بھی کیا، لیکن میں آپ کا بہت بہت شکریہ ادا کرنا چاہتا ہوں۔

راہول ڈریوڈ نے بھارت کی ورلڈکپ میں فتح کے بعد کہا کہ میرے پاس عام طور پر الفاظ کی کمی نہیں ہوتی لیکن آج جیسا دن ہے اور میں اس کا حصہ ہوں میں اس سے زیادہ شکر گزار نہیں ہو سکتا۔

خیال رہے کہ راہول ڈریوڈ جو کرکٹ میں شاندار کیریئر کے مالک رہے ہیں جنوبی افریقہ کے خلاف ٹی ٹوئنٹی فائنل میں بھارت کی فتح کے ساتھ ہی انھوں نے بالآخر بطور کوچ ورلڈکپ جیتنے کا اعزاز بھی حاصل کرلیا ہے۔

پاکستان کرکٹ ٹیم کے سابق کپتان نے کہا ہے کہ اگر بھارت کی کرکٹ ٹیم چیمپئنز ٹرافی کے لیے پاکستان نہیں آئی تو آئی سی سی ان سے نمٹ لے گا۔

قومی ٹیم کے سابق اوپنر و کپتان سلمان بٹ کا خیال ہے کہ یہ آئی سی سی کا فرض ہے کہ وہ اس بات کو یقینی بنائے کہ بھارت اور دیگر تمام تمام ٹیمیں شو پیس ایونٹ کے لیے پاکستان کا دورہ کریں، یہ آئی سی سی کی ذمہ داری ہے اور اسے یہ مسئلہ ہینڈل کرنا ہے۔

اپنے یوٹیوب چینل پر اظہار خیال کرتے ہوئے سابق پاکستانی کپتان سلمان بٹ نے کہا کہ کچھ ایسی رپورٹس آئی ہیں جن سے پتہ چلتا ہے جے شاہ نے مثبت اشارہ دیا ہے، تاہم مجھے ایسا نہیں لگتا کہ جے شاہ نے اس سلسلے میں کوئی اشارہ دیا ہے۔

انھوں نے کہا کہ اگر جے شاہ ایسا کوئی اشارہ دے بھی دیتے تو اس حوالے سے بالکل بھی پُرجوش نہیں ہوتا کیونکہ یہ آئی سی سی کا فرض ہے کہ وہ اس بات کو یقینی بنائے کہ تمام ٹیمیں پاکستان کا دورہ کریں۔

سلمان بٹ کا کہنا تھا کہ اگر بھارتی ٹیم پاکستان آتی ہے تو انھیں خوش آمدید کہیں گے، اگر وہ نہیں آتے ہیں تو آئی سی سی کو اس سے نمٹنا ہوگا۔

انھوں نے کہا کہ ہمیں یہ پتا چل جائے گا کہ وہ صرف دیگر تمام ممالک کے ساتھ ڈیل کر سکتے ہیں یا بھارت کے ساتھ بھی ایسا ہی کر سکتے ہیں، اس سے آئی سی سی کی اتھارٹی کا پتا چل جائے گا۔

خیال رہے کہ آئی سی سی چیمپئنز ٹرافی آئندہ سال فروری 2025 میں پاکستان میں شیڈول ہے جبکہ امکان ہے کہ بھارت کے آنے کے صورت میں وہ اپنے تمام میچز لاہور میں ہی کھیلے گا۔

سابق آل راؤنڈر اور موجودہ کمنٹیٹر عرفان پٹھان نے بھارتی کرکٹ ٹیم کو مشورہ دیا ہے کہ انھیں ہاردک پانڈیا کو اتنی اہمیت نہیں دینی چاہیے۔

آئی پی ایل کے دوران ایک نجی پر ماہرانہ تبصرہ کرنے والے بھارتی کرکٹ ٹیم کے سابق رکن عرفان پٹھان کا کہنا تھا کہ میں ہندوستانی کرکٹ کو یہ واضح کرنے کی ضرورت ہے کہ انھیں ہارتک کو اتنی ترجیح نہیں دینی چاہیے جتنی انھوں نے اب تک دی ہے۔

عرفان پٹھان نے کہا کہ ہم نے ابھی تک ٹی ٹوئنٹی ورلڈ کپ نہیں جیتا ہے اور اگر آپ کو لگتا ہے کہ آپ ایک پرائمری آل راؤنڈر ہیں تو آپ کو بین الاقوامی سطح پر اس قسم کے تاثر کو مضبوط کرنا ہوتا ہے۔

انھوں نے کہا کہ جہاں تک آل راؤنڈر ہارک کا تعلق ہے انھوں نے بین الاقوامی سطح پر وہ اثر نہیں ڈالا جبکہ ہم صرف ان کی صلاحیتوں کے بارے میں ہی بات کرتے ہیں۔

سابق بھارتی کرکٹر نے کہا کہ ہم آئی پی ایل کی پرفارمنس اور بین الاقوامی پرفارمنس کے درمیان الجھتے جا رہے ہیں۔ یہ ایک بڑا فرق ہے۔ سب سے پہلے آل راؤنڈر کو پورا سال کھیلنا ہوگا۔

انھوں نے زور دیتے ہوئے کہا کہ بھارتی کرکٹ کو ایسا نہیں کرنا چاہیے اور انفرادی کرکٹر کو ترجیح دینا بند کرنا چاہیے۔

عرفان پٹھان نے کینگروز ٹیم کی مثال دیتے ہوئے کہا کہ آسٹریلیا کی ٹیم کئی سالوں سے ایسا کررہی ہے کہ وہ ٹیم گیم کو ترجیح دے رہے ہیں جو کسی ایک کو نہیں بلکہ ہر ایک کو سپر اسٹار بناتا ہے، اگر آپ ایسا نہیں کرتے تو آپ بڑے ٹورنامنٹ نہیں جیت پائیں گے۔