Tag: بھارتی ٹیم

بھارتی میڈیا کے مطابق بھارتی ٹیم کے تینوں فارمیٹ کیلئے الگ کپتان مقرر کرنے پر غور کیا جارہا ہے جس سے روپت شرما کی کپتانی خطرے میں پڑگئی ہے۔

بھارتی میڈیا رپورٹ کے مطابق بی سی سی آئی نے ٹی توئنٹی ورلڈ کپ 2024 کیلئے بھارتی ٹیم کو دوبارہ سے تشکیل دینے کا فیصلہ کیا ہے، روہت شرما کی جگہ ٹی ٹوئنٹی ٹیم کیلئے نیا اور مستقل کپتان مقرر کرنے پر غور کررہی ہے۔

بھارتی میڈیا کا کہنا تھا کہ روہے شرما 2024 میں آئی سی سی ورلڈ کپ ون ڈے ٹیم کی قیادت کرسکتے ہیں، لیکن انہیں ٹی ٹوئنٹی فارمیٹ سے ہٹائے جانے کا امکان ہے۔

میڈیا رپورٹس کے مطابق بھارتی ٹیم کی نئی سلیکشن کمیٹی ٹیسٹ کرکٹ کے کپتان کے حوالے سے بھی فیصلہ کرےگی۔

یاد رہے کہ حال ہی میں آسٹریلیا میں ہونے والے ٹی ٹوئنٹی ورلڈکپ میں شکست کے بعد گزشتہ روز بی سی سی آئی نے چیف سلیکٹر چیتن شرما سمیت پوری سلیکشن کمیٹی کو عہدے سے ہٹا دیا تھا۔

انگلینڈ ٹیم کے سابق کپتان مائیکل وان نے بھارتی ٹیم کی کارکردگی کو تنقید کا نشانا بنایا تھا جس پر نیوزی لینڈ کے خلاف ٹی ٹوئنٹی سیریز میں کپتانی کے فرائض انجام دینے والے آل راؤنڈر ہاردک پانڈیا کا  ردعمل سامنے آیا ہے۔

کپتان مائیکل وان کی تنقید پر ہاردک پانڈیا نے ردعمل دیا اور کہا کہ ہمیں کسی کو کچھ ثابت کرنے کی ضرورت نہیں ہے، جب ٹیم اچھا پرفارم نہیں کرتی تو ہر کوئی اپنی رائے دیتا ہے جس کی ہمیں عزت کرنی چاہیے۔

آل واؤنڈر ہاردک پانڈیا کا کہنا ہے کہ لوگوں کے مختلف خیالات ہوتے ہیں، مجھے نہیں لگتا کہ ہمیں کسی کو کچھ ثابت کرنے کی ضرورت ہے۔

ان کا کہنا ہے کہ یہ ایک کھیل ہے جس کے لیے آپ بہتر کرنے کی کوشش کر سکتے ہیں، ہمیں کچھ چیزوں پر کام کرنے کی ضرورت ہے، ان پر کام جاری ہے، مستقبل میں اسے درست کریں گے۔

واضح رہے کہ مائیکل وان نے دی ٹیلی گرام میں لکھے گئے آرٹیکل میں کہا تھا کہ 2023 کے ٹی ٹوئنٹی ورلڈ کپ کے لیے بھارت کے لوگ بھارتی ٹیم کو فیورٹ قرار دیں گے جو انتہائی فضول ہوگا۔

سابق انگلش کپتان نے اپنے کالم میں مزید لکھا کہ انگلینڈ ٹیم کسی بھی سوال کے بغیر شکست دینے والی ٹیم ہوگی اور آئندہ چند سالوں تک یہی سلسلہ چلتا رہے گا، اگر میں بھارتی ٹیم کو دیکھ رہا ہوتا تو میں انہیں انگلینڈ کی ٹیم سے سیکھنے کی تجویز دیتا۔

لاہور: مایہ ناز سابق کرکٹر عبدالرزاق نے کہا کہ ورلڈکپ 2019 میں بھارتی ٹیم انگلش ٹیم کے خلاف میچ جان بوجھ کر ہاری۔

تفصیلات کے مطابق قومی کرکٹ ٹیم کے سابق مایہ ناز آل راؤنڈر عبدالرزاق کا کہنا ہے کہ اس بات میں کوئی شک نہیں کہ بھارت ورلڈکپ 2019 میں انگلینڈ کے خلاف میچ جان بوجھ کر ہارا تھا.میں نے یہ بات اس وقت بھی کہی تھی۔

سابق کرکٹر عبدالرزاق کا کہنا تھا کہ حقیقت تو یہ ہے کہ ہر کسی کی رائے یہی تھی،ایک شخص جو چھکے چوکے جڑنے کی صلاحیت رکھتا ہے وہ بال کو بلاک کرتے رہا اور اسی سے ہی سب اندازہ ہو رہا تھا۔

اس قبل انگلش آل راؤنڈر بین اسٹوکس نے اپنی کتاب آن فائر میں ورلڈکپ 2019 کے گروپ راؤنڈ میں اپنی ٹیم کے خلاف بھارتی حکمت عملی پر سوال اٹھائے تھے۔انگلش کرکٹر کا کہنا تھا کہ پاکستان کے سیمی فائنل میں پہنچنے کا دارومدار بھارت کی فتح پر تھا لیکن کوہلی الیون کی شکست نے گرین شرٹس کو ایونٹ سے باہر کر دیا تھا۔

ورلڈکپ 2019 میں ویسٹ انڈیز کی ٹیم کے ساتھ بطور اسپین کنسلٹنٹ موجود سابق کرکٹر مشتاق احمد کا کہنا تھا کہ جیسے ہی بھارت کو انگلینڈ کے ہاتھوں شکست ہوئی جیسن ہولڈر، کرس گیل اور آندرے رسل نے مجھے کہا کہ بھارتی ٹیم پاکستان کو سیمی فائنل میں نہیں دیکھنا چاہتی۔

مشتاق احمد کا کہنا تھا کہ انگلش کمنٹیٹرز ناصر حسین اور مائیکل ایتھرٹن نے بھی اس بات کی نشاندہی کی۔

ویلنگٹن: بھارتی بیٹنگ لائن کی ریڑھ کی ہڈی ٹوٹ گئی، بیک بورن کہلانے والے بیٹسمین روہت شرما انجرڈ ہو کر ٹیم سے باہر ہوگئے۔

تفصیلات کے مطابق بھارتی بیٹنگ لائن میں ریڈھ کی حیثیت رکھنے والے بیٹسمین و نائب کپتان روہت شرما انجری کے باعث نیوزی لینڈ کے خلاف ون ڈے اور ٹیسٹ سیریز سے باہر ہوگئے ہیں۔

کیویز کے خلاف پانچویں ٹی ٹوئنٹی میں 60 رنز کی باری کھیلنے والے روہت شرما ریٹائر ہرٹ ہو کر اننگز ادھوری چھوڑ کر پویلین لوٹ گئے تھے، اس میچ میں مستقل کپتان ویرات کوہلی کو آرام دیا گیا تھا اور کپتانی کے فرائض روہت شرما انجام دے رہے تھے۔

شرما کے ریٹائر ہرٹ ہونے پر قیادت کی ذمہ داری راہل کے کاندھوں پر آئی تھی اور بقیہ میچ میں بھارتی ٹیم نے نوجوان بلے باز کی کپتانی میں پورا کیا۔

بھارتی کرکٹ بورڈ کے آفیشلز کا کہنا ہے کہ روہت شرما کی انجری سنجیدہ نوعیت کی ہے جس کے باعث وہ نیوزی لینڈ کے خلاف 3 ون ڈے اور دو ٹیسٹ میچوں کی سیریز کے لیے دستیاب نہیں ہوں گے۔

حکام کا کہنا ہے کہ انجرڈ شرما کو وطن واپس بلایا جارہا ہے اور ان کے متبادل کھلاڑی کے نام کا اعلان جلد کر دیا جائے گا۔
واضح رہے کہ نیوزی لینڈ اور بھارت کے درمیان 3 ون ڈے میچوں کی سیریز کا پہلا میچ بدھ سے کھیلا جائے گا۔ ٹی ٹوئنٹی سیریز میں بھارت نے کلین سوئپ کرتے ہوئے میزبان ٹیم کو وائٹ واش کیا تھا۔

میرٹھ: گزشتہ سال انٹرنیشنل کرکٹ کو خیرباد کہنے والے بھارتی کرکٹر پروین کمار مشکل میں پڑ گئے، شہری نے ان کے خلاف پولیس کو درخواست دے دی۔

بھارتی میڈیا رپورٹس کے مطابق دیپک شرما نامی شخص نے پولیس کو پروین کمار کے خلاف شکایت درج کراتے ہوئے کہا ہے کہ وہ اپنے بیٹے کے ہمراہ جارہے تھے کہ اس دوران نشے میں دھت پروین کمار گاڑی سے باہر نکلے اور انہیں تشدد کا نشانہ بنانا شروع کردیا۔

دیپک شرما نے کہا کہ پروین کمار کے تشدد سے اس کا بازو ٹوٹ گیا جب کہ بیٹا بھی زخمی ہوا اور سابق کرکٹر تضحیک آمیز سلوک کرنے کے ساتھ ساتھ انہیں دھمکیاں بھی دیتا رہا۔

شہری نے بتایا کہ پولیس کو تحریری شکایت درج کرائی مگر مقدمہ درج نہیں کیا گیا، پولیس ہائی پروفائل کرکٹر کے خلاف ایف آئی آر درج کرنے سے انکار کررہی ہے۔

دوسری جانب متعلقہ ایس پی کا کہنا ہے کہ وہ واقعے کی تفتیش کررہے ہیں ، دونوں پڑوسی ہیں اور ان کی جانب سے ایک دوسرے کے خلاف شکایات آئی ہیں، ان کے موقف کی روشنی میں تفتیش آگے بڑھ رہی ہے اور معاملے کو سنجیدگی سے لیا جارہا ہے۔