ARYNews.tv | Urdu – Har Lamha Bakhabar

Tag: بھارتی ڈرون

  • لاہور کے سرحدی علاقے میں حساس اداروں نے بھارتی ڈرون مار گرایا

    لاہور کے سرحدی علاقے میں حساس اداروں نے بھارتی ڈرون مار گرایا

    لاہور: صوبائی دارلحکومت لاہور کے سرحدی علاقے مناواں میں حساس اداروں نے بھارتی ڈرون مار گرایا، تحقیقات کے بعد مزید حقائق سامنے آئیں گے۔

    تفصیلات کے مطابق لاہور کے علاقے مناواں کی جند یالہ روڈ پر حساس اداروں نے بھارتی ڈرون گرا دیا اور اپنی تحویل میں لے لیا۔

    ایس پی کینٹ قاضی علی رضا نے بتایا کہ ڈرون ایک ہیگزا کاپٹر ماڈل ہے اور ابتدائی تفتیش سے معلوم ہوا ہے سرویلنس ڈرون بھارت کی طرف سے آیا تھا۔

    ایس پی کینٹ کا کہنا تھا کہ حساس ادارے واقعے کی مکمل تحقیقات کر رہے ہیں تحقیقات کے بعد مزید حقائق سامنے آئیں گے۔

    انھوں نے کہا کہ ڈرون کی برآمدگی پاکستانی حدود میں بھارتی دراندازی کی ایک اور کوشش ہے جسے ناکام بنا دیا گیا۔

    یاد رہے حال ہی میں پاک فوج نے بھمبر کے مناور سیکٹر میں لائن آف کنٹرول پر بھارتی کواڈ کاپٹر کو مار گرایا تھا۔

    سیکیورٹی حکام کے مطابق بھارتی ڈرون جاسوسی کے مقاصد کے لیے پاکستانی فضائی حدود میں داخل ہوا تھا، تاہم فوج کی بروقت اور مؤثر کارروائی نے بھارتی سازش کو ناکام بنا دیا۔

    ذرائع نے کہا کہ بھارتی ڈرونز کی مسلسل دراندازی پہلگام واقعے کے بعد پیدا ہونے والی کشیدگی کا تسلسل ہے، جس میں بھارت اشتعال انگیز اقدامات اور دھمکی آمیز بیانات کا سلسلہ جاری رکھے ہوئے ہیں۔

    فوجی حکام کا کہنا ہے کہ پاکستان آرمی ہر قسم کی جارحیت کا منہ توڑ جواب دینے کے لیے ہمہ وقت تیار ہے اور قوم اپنی مسلح افواج کے ساتھ مکمل یکجہتی سے کھڑی ہے۔

  • بھارتی ڈرون نے 8 بہنوں کے اکلوتے بھائی کو ہمیشہ کے لیے جدا کر دیا

    بھارتی ڈرون نے 8 بہنوں کے اکلوتے بھائی کو ہمیشہ کے لیے جدا کر دیا

    بھارتی جنگی جارحیت میں جہاں کئی معصوم پاکستانی شہری نشانہ بنے وہیں 8 بہنوں کا اکلوتا بھائی حیدر علی بھی ہمیشہ کے لیے جدا ہو گیا۔

    پہلگام فالس فلیگ آپریشن کی آڑ میں دشمن ملک بھارت نے 7 اور 8 مئی کو رات کی تاریکی میں میزائل اور ڈرون حملے کیے جس میں خواتین، بچوں اور بزرگوں سمیت درجنوں معصوم پاکستانی شہید ہوئے۔

    ان ہی شہدا میں پنڈی شہر کا محنت کش نوجوان علی حیدر بھی تھا جو 8 بہنوں کا اکلوتا بھائی تھا لیکن بھارتی ڈرون نے 8 بہنوں سے ان کا اکلوتا بھائی چھین لیا۔

    وزیر داخلہ محسن نقوی نے راولپنڈی ڈرون حملے میں شہید لاہور کچا جیل روڈ پر علی حیدر کی رہائشگاہ پر پہنچ کر نوجوان کے والد محمد اسلم، والدہ اور اہلخانہ سےملاقات کر کے دلی ہمدردی اور تعزیت کا اظہار کیا اور شہید کے ایصال ثواب کے لیے فاتحہ خوانی کی۔

    محسن نقوی نے بھارتی ڈرون حملے میں زخمی منظور فیصل سے بھی ملاقات کر کے خیریت دریافت کی اور افسوسناک واقعہ کی تفصیلات معلوم کیں۔

    واضح رہے کہ بھارتی جنگی جارحیت کے جواب میں پاک فوج کے آپریشن بنیان مرصوص سے دشمن کو دندان شکن جواب دیا اور صرف چند گھنٹوں میں اسے گھٹنے ٹیکنے پر مجبور کیا جس کے بعد وہ جنگ بندی کی پیشکش کرنے پر مجبور ہوا۔

    https://urdu.arynews.tv/operation-bunyan-marsus-prime-minister-announces-to-celebrate-struggle-for-truth-day-on-may-10-every-year/

  • پاک فوج نے مزید 6 اسرائیلی ساختہ بھارتی ڈرون تباہ کردیئے

    پاک فوج نے مزید 6 اسرائیلی ساختہ بھارتی ڈرون تباہ کردیئے

    راولپنڈی : پاک فوج نے وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیئے، اب تک دشمن کے پینتیس ڈرونز تباہ کیے جاچکے ہیں۔

    اے پی پی کے مطابق پاک فوج دراندازی کرنے والے بھارتی ڈرونز کو چن چن کر نشانہ بنارہی ہے، وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیے گئے۔

    سیکیورٹی ذرائع نے بتایا کہ ایک ڈرون وہاڑی ، ایک پاکپتن جبکہ 4 ڈرونز کو اوکاڑہ میں تباہ کیا گیا، اب تک دشمن کے پینتیس ڈرونز تباہ کیے جاچکے ہیں۔

    ڈی جی آئی ایس پی آر کا کہنا ہےتمام ڈرونز مسلسل ریڈارپر مانیٹر کئے جا رہے تھے، پاکستان کا دفاعی نظام اور ایئر ڈیفنس سسٹم دشمن کے حملے مسلسل ناکام بنا رہا ہے، ہروپ ڈرون کی ٹریکنگ سے واضح ہے پاکستان کادفاعی اور ایئرڈیفنس سسٹم انتہائی مضبوط ہے۔

    ہمارے ایئرڈیفنس سسٹم میں اتنی صلاحیت ہے کہ چھوٹے ڈرونز بھی ٹریک کرلیتا ہے، جب بھی ڈرون آتا ہےتو وہ مسلسل ریڈار پر دیکھا جارہا ہوتا ہے،شہری علاقوں،کمرشل فلائٹس کی موجودگی میں ڈرون مار گرانے کا آپریشنل طریقہ کارہے۔

    پاک بھارت کشیدگی سے متعلق تمام خبریں

    یاد رہے گذشتہ روز بھارت کی جانب سے بھیجے گئے ڈرونز کے ذریعے متعدد بار پاکستانی حدود کی خلاف ورزیاں کیں، جنہیں پاک فوج نے مؤثر جواب دیتے ہوئے ناکام بنایا تھ۔ا۔

    ترجمان پاک فوج نے بتایا تھا کہ پاک فوج نے مجموعی طور پر 29 اسرائیلی ڈرون مار گرائے، جس میں سے ایک ڈرون ٹارگت پر پہنچا جس سے 4 فوجی زخمی ہوئے، بھارتی ڈرونز حملے میں تین سویلینز کی شہادت ہوئی اور 4 زخمی ہوئے۔

    ترجمان کا کہنا تھا کہ بھارت کو اپنے سنیما سے نکل کر حقیقی دنیا میں آنا ہوگا، دنیا کو بے وقوف بنانا بند کرے، 18ویں نہیں 21ویں صدی ہے جہاں ہر پروجیکٹائل اپنی ڈیجیٹل پاتھ چھور جاتا ہے۔

  • ظفروال: شہریوں نے جاسوسی کی غرض سے آنے والے بھارتی ڈرون پکڑلیا

    ظفروال: شہریوں نے جاسوسی کی غرض سے آنے والے بھارتی ڈرون پکڑلیا

    ظفروال : شہریوں نے جاسوسی کی غرض سے آنے والے بھارتی ڈرون پکڑلیا، ڈرون بھارتی آر سکس بٹالین کاجاسوس ڈرون ہے۔

    تفصیلات کے مطابق پنجاب کے ظفروال میں سرحدی گاؤں بھولیاں میں مقامی شہریوں نے بھارتی ڈرون کو پکڑلیا۔

    پولیس نے بتایا کہ جاسوسی کی غرض پاکستانی فضائی حدود میں داخل ہونے والا بھارتی ڈرون صحیح حالت میں پکڑا گیا، پکڑا گیا ڈرون بھارتی آر سکس بٹالین کاجاسوس ڈرون ہے۔

    حکام نے مزید تفتیش کے لیے ڈرون کو اپنی تحویل میں لے لیا ہے، اور سیکیورٹی ایجنسیاں اس کے ڈیٹا اور پرواز کے راستے کا تجزیہ کر رہی ہیں تاکہ اس کے مشن کی وسعت کا اندازہ لگایا جا سکے۔

    مزید پڑھیں : پاک فوج نے بھارت کی جانب سے بھیجے گئے 25 اسرائیلی ساختہ ہیروپ ڈرونز مار گرائے

    اس سے قبل ڈی جی آئی ایس پی آر لیفٹیننٹ جنرل احمد شریف چوہدری نے تصدیق کی تھی کہ بھارت نے پاکستان کے کئی بڑے شہروں بشمول لاہور، گوجرانوالہ، راولپنڈی، اٹک، بہاولپور اور کراچی میں ڈرون حملے کیے ہیں۔

    پریس بریفنگ میں انٹر سروسز پبلک ریلیشنز (آئی ایس پی آر) کے ڈائریکٹر جنرل لیفٹیننٹ جنرل احمد شریف چوہدری نے بتایاتھا کہ پاکستان کی سرزمین پر بھارتی ڈرون حملوں میں ایک شہری شہید جب کہ چار فوجی زخمی ہوئے۔

    ان کا کہنا تھا کہ بھارت نے 7-8 مئی کی درمیانی شب جارحیت کی کوشش کی، پاکستان کی فضائی حدود کی سنگین خلاف ورزی کرتے ہوئے شہری علاقوں اور مساجد کو نشانہ بنایا۔

    انہوں نے کہا کہ پاکستان کی مسلح افواج نے کم از کم 25 ڈرونز کو مار گرایا، بھارت پاکستانی شہروں کو نشانہ بنانے کے لیے اسرائیلی ساختہ ڈرون استعمال کر رہا ہے۔

  • کراچی میں ملیر اور گلشن حدید میں بھارتی ڈرونز گر کر تباہ

    کراچی میں ملیر اور گلشن حدید میں بھارتی ڈرونز گر کر تباہ

    کراچی : کراچی میں ملیر اور گلشن حدید میں بھارتی ڈرونز گر کر تباہ ہوگئے تاہم ڈرون گرنےسے کسی جانی نقصان کی اطلاع نہیں۔

    تفصیلات کے مطابق پاکستان کے مختلف شہروں میں بھارتی ڈرونز گرانے کا سلسلہ جاری ہے، کراچی میں ملیر اور گلشن حدید میں ڈرون گر کر تباہ ہوگیا۔

    کراچی کے علاقے ملیرشرافی گوٹھ میں دھماکے کی اطلاع پر پولیس پہنچی تو جائے وقوع سے دھاتی ٹکڑے ملے۔

    دھماکے سے گھرکی چھت پر لگے سولر پینل کو شدید نقصان ہوا، پولیس نے بتایا کہ واقعے کی جگہ سے کچھ دھاتی ٹکڑے ملے ہیں جن کا جائزہ لیا جا رہا ہے۔

    علاقہ مکینوں نے مطابق سب گھروں میں موجود تھے کہ اچانک زوردارآواز آئی، جس کے بعدپتہ چلا کے دھماکہ ہوا ہے۔

    دوسری جانب کراچی کے علاقے گلشن حدید لنک روڈ کے قریب میدان میں ڈرون گر کر تباہ ہوگیا ، پولیس جائے وقوع پر موجود ہے اور دھاتی ٹکڑےتحویل میں لے لئے۔

    پولیس کا کہنا تھا کہ ڈرون گرنےسے کسی جانی نقصان کی اطلاع نہیں۔

    مزید پڑھیں : بھارت کی ایک بار پھر جارحیت کی کوشش، 12 ڈرون حملوں کو ناکام بنادیا گیا

    یاد رہے ڈی جی آئی ایس پی آرنے پریس کانفرنس میں بتایا تھا کہ بھارت نے سات اور آٹھ مئی کی درمانی شب پھر دراندازی کی کوشش کی۔ جس پر بھارت کے بارہ ڈرون مار گرائے۔

    انھون نے بتایا کہ لاہور، گوجرانوالہ، راولپنڈی، اٹک، بہاولپوراورکراچی میں ڈرون حملے کیے،۔ سندھ کےعلاقے میانوں میں ڈرون حملے میں ایک شخص شہید اورایک زخمی ہوا جبکہ لاہورکے قریب ڈرون حملے میں پاک فوج کے چارجوان زخمی ہوئے اور فوجی تنصیبات کومعمولی نقصان پہنچا۔

  • راولپنڈی : کرکٹ اسٹیڈیم اور ریس کورس ٹرانزٹ کیمپ کے قریب بھارتی ڈرون گر کر تباہ ، ایک شخص زخمی

    راولپنڈی : کرکٹ اسٹیڈیم اور ریس کورس ٹرانزٹ کیمپ کے قریب بھارتی ڈرون گر کر تباہ ، ایک شخص زخمی

    راولپنڈی : کرکٹ اسٹیڈیم سے ملحقہ فوڈ اسٹریٹ اور ریس کورس ٹرانزٹ کیمپ کے قریب بھارتی ڈرون مار گرائے گئے۔

    تفصیلات کے مطابق راولپنڈی کرکٹ اسٹیڈیم سے ملحقہ فوڈاسٹریٹ کےقریب بھارتی ڈرون گرکر تباہ ہوگیا، ڈرون درخت سے ٹکرانے کے بعد دکان کے اندر جا گرا۔

    پولیس کا کہنا تھا کہ ڈرون گرنے سے ایک شخص زخمی ہوا ، جسے اسپتال منتقل کر دیا گیا ہے، ڈرون گرنے سے دکان کے شیشے اور دیگر سامان کو بھی نقصان پہنچا۔

    قانون نافذ کرنے والے اداروں نے ڈرون کا ملبہ تحویل میں لے کر تحقیقات کا آغاز کردیا۔

    دوسری جانب ریس کورس ٹرانزٹ کیمپ کے قریب ڈرون مار گرایا گیا ، پولیس ،ریسکیو اور سیکیورٹی ادارے جائےوقوع پر پہنچ گئے ہیں۔

    ذرائع نے کہا کہ راولپنڈی میں مجموعی طور پر 3 ڈرونز گر کر تباہ ہوئے ہیں۔ یہ ڈرونز فوڈ اسٹریٹ، ریس کورس ٹرانزٹ کیمپ کے قریب گرے۔

  • پاک فوج نے ایک اور بھارتی ڈرون مار گرایا

    پاک فوج نے ایک اور بھارتی ڈرون مار گرایا

    راولپنڈی : پاک فوج نے شکرگڑھ سیکٹر میں ایک اور بھارتی ڈرون مار گرایا، ڈرون نے صبح دراندازی کی کوشش کی تھی۔

    سرکاری خبر رساں ایجنسی اے پی پی کے مطابق پاکستان نے بھارتی فوج کا ایک اور ڈرون مار گرایا۔

    اے پی پی نے سیکیورٹی ذرائع کے حوالے سے بتایا کہ شکرگڑھ سیکٹر میں بھارتی فوج کا ڈرون پاکستان رینجرز نے مار گرایا، ڈرون کےذریعےدراندازی کی ناکام کوشش صبح کےوقت کی گئی۔

    سیکیورٹی ذرائع کا کہنا تھا کہ پاک فوج دشمن کی ہرجارحیت کا منہ توڑجواب دینےمیں مصروف ہیں۔

    پاک بھارت کشیدگی  سے متعلق تمام خبریں

    یاد رہے ڈی جی آئی ایس پی آر لیفٹیننٹ جنرل احمد شریف چوہدری نے بدھ کے روز تصدیق کی تھی کہ بھارت کی جانب سے پنجاب اور آزاد جموں و کشمیر کے شہروں میں میزائل حملوں کے بعد پاکستان کی مسلح افواج نے بھارتی فضائیہ کے پانچ جیٹ طیاروں، ایک جنگی ڈرون کو مار گرایا اور بریگیڈ ہیڈ کوارٹر بشمول ایل او سی پر متعدد چیک پوسٹوں کو تباہ کر دیا۔

    پریس بریفنگ میں ڈی جی آئی ایس پی آر نے بتایا کہ کوٹلی، مظفرآباد، احمد پور شرقیہ باغ اور مریدکے کو میزائلوں سے نشانہ بنایا گیا تاہم پاکستانی فضائیہ نے فوری جوابی کارروائی کی، اپنے دفاعی نظام کو فعال کیا اور کسی بھی بھارتی طیارے کو پاکستانی فضائی حدود میں داخل ہونے سے روک دیا۔

  • بھارتی ڈرون خلیج بنگال میں گر کر تباہ

    بھارتی ڈرون خلیج بنگال میں گر کر تباہ

    بھارتی ڈرون خلیج بنگال میں گر کر تباہ ہوگیا تاہم ڈرون کے تباہ ہونے کی وجوہات تاحال سامنے نہ آسکیں۔

    تفصیلات کے مطابق بھارت کا جنگی جنون ہمیشہ خطے کی سالمیت کے لئے ایک خطرے کا سبب رہاہے اور یہی جنون اسے مہلک ہتھیاروں کے حصول پر مجبور کرتا ہے۔

    بھارتی حکومت کی یہ خواہش تو رہتی ہے کہ اس کے پاس ہتھیاروں کی جدید ٹیکنالوجی ہو تاکہ وہ اپنی خطے میں اجارہ کا خواب پورا کرسکے لیکن بھارت کو یہ سمجھنے کی ضرورت ہے کہ صرف جدید ٹیکنالوجی کا حصول ہی سب کچھ نہیں ہوتا، اس جدید ٹیکنالوجی کو سنبھالنے کی صلاحیت بھی ضروری ہوتی ہے۔

    بھارت نے امریکا سے MQ-9B نامی ڈرون لیز پر حاصل کیا تھا تاہم اب ڈرون خلیج بنگال میں گر کر تباہ ہو گیا، ڈرون کے تباہ ہونے کی وجوہات تاحال سامنے نہ آسکیں۔

    امریکا سے لیا جانے والا MQ-9Bنامی ڈرون بھارت نے بحرہند کے وسیع علاقے میں انٹیلی جنس نگران اور جاسوسی کیلئے مختص کیا تھا۔

    بھارت کےMQ-9B ڈرون کو تامل ناڈو میں بھارتی بحریہ کے بیس سے کنٹرول کیا جاتا تھا، جواب اس کی جگ ہنسائی کا سبب بن چکا ہے۔

    دفاعی ماہرین اسے بھارتی نیوی اور بحرہند میں نگرانی اور جاسوسی کے حوالے سے بڑا نقصان قرار دے رہے ہیں۔

    یہ واقعہ ایسے وقت میں سامنے آیا ہے جب ہندوستان تقریباً 3.1 بلین ڈالر کے معاہدے میں فوج کی طاقت کو بڑھانے کے لیے امریکہ سے MQ-9B ساخت کے 31ڈرنز کی خریداری پر بات چیت کر رہا ہے۔

    اس کے علاوہ بھارتی بحریہ امریکا کے ساتھ اپنی صلاحیتوں کو مزید بہتر بنانے اور چین کے مدمقابل آنے کیلئے مزید دفاعی ہتھیاروں پر بھی بات چیت کر رہی ہے۔

    MQ-9B پہلا فوجی ڈرون تھا جسے امریکا نے بھارت کولیز پر دیا تھا مگر بھارت اس جدید ترین ڈرون کے حوالے س انتہائی غیر ذمہ دار ثابت ہوا۔

    یہ پہلا موقع نہیں ہے کہ بھارتی مسلح افواج کی جانب سے غیر ذمہ داری اور نالائقی کا مظاہرہ کیا گیا ہے، اس سے قبل بھارتی فضائیہ کے کئی طیارے تباہ ہو چکے ہیں ، نیوی کے بحری جہاز اور آبدوز بھی نااہلی کی وجہ سے حادثات کا شکار ہو چکی ہیں۔

    ان واقعات کے بعد بھارت کو جدید ہتھیار دینے والے ممالک کو یہ دیکھنے کی ضرورت ہے کہ کیا بھارتی مسلح افواج ان ہتھیاروں کو سنبھالنے کی پوری صلاحیت رکھتی ہیں۔

  • بھارت کوئی حماقت نہیں کرنا، ہم تیار ہیں، منہ توڑ جواب ملے گا: وزیر خارجہ

    بھارت کوئی حماقت نہیں کرنا، ہم تیار ہیں، منہ توڑ جواب ملے گا: وزیر خارجہ

    اسلام آباد: وزیر خارجہ شاہ محمود قریشی نے پڑوسی ملک بھارت کو خبردار کیا ہے کہ وہ کوئی حماقت نہ کرے، ہم تیار ہیں، منہ توڑ جواب ملے گا۔

    وزیر خارجہ شاہ محمود قریشی نے اے آر وائی نیوز سے بات چیت کرتے ہوئے کہا کہ پاکستان نے بھارت کی جاسوسی کی ایک اور کوشش ناکام بنا دی، بھارتی ڈرون سرحدی حدود کی خلاف ورزی کر رہا تھا، اور مار گرایا گیا۔

    انھوں نے کہا بھارت مسلسل ہزیمت اٹھا رہا ہے، لداخ میں بھارت بری طرح ناکام ہوا، کشمیر میں بھارت کی پالیسی ناکام ہوئی، وہ فالس فلیگ آپریشن کے بہانے بھی ڈھونڈ رہا ہے۔ انھوں نے بھارت کو مخاطب کرتے ہوئے کہا ‘کوئی حماقت نہیں کرنا، ہم تیار ہیں، منہ توڑ جواب ملے گا’۔

    پاک فوج نے ایل او سی پر ایک اور بھارتی کواڈ کاپٹر مار گرایا

    شاہ محمود کا کہنا تھا اندرونی مسائل سے توجہ ہٹانے کے لیے بھارت یہ سب کر رہا ہے، بھارتی میڈیا بھی اپنی حکومت کی پالیسیوں پر تنقید کر رہا ہے، بھارتی میڈیا کہہ رہا ہے کہ دوول سے بھارتی فوج مطمئن نہیں، بھارتی فوج سمجھتی ہے کہ اسے بند گلی میں دکھیلا جا رہا ہے۔

    وزیر خارجہ نے واضح پیغام دیا کہ جو راستہ دلی سرکار اپنا رہی ہے، وہ غلط ہے۔

    واضح رہے گزشتہ روز پاک فوج نے ایل او سی پر ایک اور بھارتی کواڈ کاپٹر مار گرایا ہے، بھارتی کواڈ کاپٹر نکرون سیکٹر میں پاکستانی حدود میں داخل ہوا تھا۔ آئی ایس پی آر کے مطابق بھارتی کواڈ کاپٹر 700 میٹر تک پاکستانی حدود میں آ گیا تھا۔

  • پاک فوج نے حدود کی خلاف ورزی پر بھارتی ڈرون مار گرایا ، ڈی جی آئی ایس پی آر

    پاک فوج نے حدود کی خلاف ورزی پر بھارتی ڈرون مار گرایا ، ڈی جی آئی ایس پی آر

    راولپنڈی : ڈی جی آئی ایس پی آر میجر جنرل آصف غفور کا کہنا ہے کہ پاک فوج نے بھارتی ڈرون مارگرایا، کواڈ کاپٹر ڈرون پاکستانی حدود میں 150 میٹر تک داخل ہوا۔

    پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور سماجی رابطے کی ویب سائٹ ٹوئٹر پر اپنے بیان میں کہا پاک فوج نے بھارت کا ڈرون ایل اوسی پر مارگرایا، ایل اوسی پر بھارتی ڈرون رکھ چکری سیکٹر پرگرایاگیا، کواڈ کاپٹر ڈرون پاکستانی حدود میں 150 میٹرتک داخل ہوا۔

    خیال رہے اس سے قبل 27 اکتوبر کو بھی پاک فوج نے ایل او سی کے علاقے رکھ چکر ی سیکٹر میں بھارتی ڈرون طیارہ مار گرایا تھا، پاک فوج کے نشانہ بازوں نے کامیابی سے ڈرون طیارے کو نشانہ بنانے کے بعد اس بھارتی کوارڈ کاپٹر کے ملبے کو قبضے میں لے لیا تھا۔

    یاد رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    مزید پڑھیں : پاکستانی حدود کی خلاف ورزی پر بھارتی طیارے مارگرائے، ڈی جی آئی ایس پی آر

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    اس سے قبل 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایونیشن گرا کر فرار ہوگئے تھے۔