Tag: بھارتی کرکٹر

بھارت کو کئی بار تن تنہا فتوحات دلانے والے ایک سابق کرکٹر نے اپنے حق میں فیصلے کرانے کے لیے امپائروں کو رشوت دینے کا اعتراف کیا ہے۔

بھارت کے سابق کرکٹر وریندر سہواگ کرکٹ کے میدانوں سے عرصہ ہوا ریٹائرمنٹ لے کر ناطہ توڑ چکے اور اب کمنٹری یا میچز پر تجزیے کرتے ہیں۔ سہواگ کے آئے روز متنازع بیانات بھی سامنے آتے رہتے ہیں۔

ایسا ہی ایک متنازع بیان اب سامنے آیا ہے جس نے دنیائے کرکٹ میں ہلچل مچا دی ہے اور انٹرنیشنل میچز میں امپائرنگ کی شفافیت پر سوال اٹھا دیا ہے۔

وریندر سہواگ نے ایک انٹرویو میں انکشاف کیا ہے کہ وہ امپائرز کو رشوت دیتے رہے ہیں جس کے نتیجے میں وہ امپائرز انہیں آؤٹ نہیں دیتے تھے۔

سابق بھارتی کرکٹر نے بتایا کہ جنوبی افریقہ کے روڈی کوٹزن کو ان کے بیٹے کے لیے پیڈ دیے، جس کے بعد انہوں (روڈی کوٹزن) نے دو تین بار مجھے آؤٹ نہیں دیا۔

انہوں نے ایسا ہی الزام انگلینڈ کے ڈیوڈ شیفرڈ پر بھی لگایا۔

سہواگ نے اس واقعہ کی یاد تازہ کرتے ہوئے بتایا کہ ڈیوڈ شیفرڈ امپائرنگ کرنے کے لیے بھارت میں موجود تھے۔ انگلینڈ کے خلاف سیریز کے ایک میچ میں وہ لیگ امپائر کی ذمہ داری نبھا رہے تھے تو میں اسکوائر لیگ پر کھڑا تھا۔ میں نے ڈیوڈ سے اُن کی طبیعت سے متعلق پوچھا، جس پر انہوں نے کہا کہ وہ ٹھیک ہیں اور آئسکریم کھانے کی خواہش کا اظہار کیا۔

ان کا کہنا تھا کہ پھر میں نے ان کے لیے آئسکریم کو انتظام کیا اور ان سے بھی کہا کہ بس آؤٹ مت دینا اور انہوں نے ایسا ہی کیا۔

واضح رہے کہ وریندر سہواگ نے اپنے انٹرویو میں جن دو امپائرز روڈی کوٹزن اور ڈیوڈ شیفرڈ کو رشوت دینے کا اعتراف کیا ہے۔ وہ دونوں امپائرز اب اس دنیا میں موجود نہیں ہیں۔

بھارت کے ایک غیر معروف کرکٹر کو گوگل پر اس سال اتنا سرچ کیا گیا کہ اس نے بڑے بڑے بھارتی کرکٹرز کو بھی پیچھے چھوڑ دیا۔

گوگل نے سب سے زیادہ سرچ کیے جانے والے اسپورٹس شخصیت کی فہرست جاری کی ہے، اس فہرست میں حیران کن طور پر نہ ویرات کوہلی ہے نہ روہت شرما ہیں نہ ورلڈکپ فاتح کپتان پیٹ کمنز ہیں اور نہ ہی جوئے روٹ جیسے کرکٹر شامل ہیں بلکہ ان سے سب سے آگے بھارتی کرکٹر ششانک سنگھ ہیں۔

ششانک سنگھ آئی پی ایل فرنچائز پنجاب کنگز سے کھیلتے ہیں وہ رائٹ ہینڈ بیٹر ہونے کے ساتھ ساتھ آف اسپن بولنگ بھی کرتے ہیں، وہ گجرات کے خلاف 29 بالز پر 61 رنز کی اننگز کھیلنے کے بعد لائم لائٹ میں آئے تھے۔

ششانک سے آگے لسٹ میں صرف ہاردک پانڈیا ہیں جو سرچ کی جانے والی اسپورٹس شخصیات میں ساتویں نمبر پر ہیں جبکہ اس گوگل کی ٹاپ 10 سرچ فہرست میں تین اسپینش فٹبالرز بھی شامل ہیں۔

سال 2024 میں گوگل پر سب سے زیادہ سرچ کی جانے والی اسپورٹس شخصایت کی فہرست میں متنازع الجیرین باکسر ایمان خلیف پہلے نمبر پر ہیں جبکہ مشہور امریکی باکسر مائیک ٹائی سن دوسری ایسی اسپورٹس پرسنیلٹی ہیں جنھیں سب سے زیادہ گوگل کیا گیا۔

یوروکپ میں شاندار کارکردگی کا مظاہرہ کرنے والے نوجوان اسپینش فٹبال اسٹار لامین یمال تیسرے نمبر پر ہیں، چوتھے نمبر پر امریکی جمناسٹ اور اولمپک گولڈ میڈلسٹ سمون بائلز ہیں جبکہ امریکی باکسر جیک پال پانچویں نمبر پر براجمان ہیں۔

اس کے علاوہ اسپینش فٹبالر نکو ولیئمز چھٹے، بھارتی کرکٹر ہاردک پانڈیا ساتویں، امریکی گولفر اسکاٹی شیفلر آٹھویں، بھارتی کرکٹر ششانک سنگھ نویں اور اسپینش فٹبالر رودری دسویں نمبر پر موجود ہیں۔

بھارت کے ہاتھوں پہلے ٹیسٹ میں بدترین شکست کے بعد سابق آسٹریلوی کرکٹر ای این ہیلی آسٹریلین چیئرمین آف سلیکٹرز پر برس پڑے۔

پرتھ میں بارڈر- گواسکر ٹرافی کے پہلے میچ کے بعد آسٹریلیا کے چیئرمین آف سلیکٹرز جارج بیلی گراؤنڈ میں بھارتی پلیئرز سے ہاتھ ملاتے نظر آئے تھے، یہ بات آسٹریلی کے سابق کرکٹر ہیلی کو کچھ خاص ہضم نہیں ہوئی اور انھوں نے اس عمل پر کھل کر تنقید کی ہے۔

میچ میں یکطرفہ مات کے بعد بیلی میدان میں نظر آئے، اس پر ای این ہیلی نے اسپورٹس چینل پر تجزیے کے دوران کہا کہ سلیکٹر میدان میں گئے اور سب سے مصافحہ کیا، انھوں نے کانگا لائن میں کھڑے ہوکرت تمام کھلاڑیوں سے مصافحہ کیا۔

ای این ہیلی نے کہا کہ ’میں سوچوں گا کہ اگر میں ایک بھارتی کرکٹر ہوں، تو مجھے آپ سے ہاتھ ملانے کی کیا ضرورت ہے، آپ سلیکٹرز کے چیئرمین ہیں؟ میں صرف جلد سے جلد باہر جانا چاہتا ہوں اور اس جیت کا جشن منانا چاہتا ہوں۔

ہیلی نے 1988 سے 1999 کے درمیان آسٹریلیا کے لیے 119 ٹیسٹ اور 168 ون ڈے کھیلے ہیں، وہ آسٹریلیا کے ڈگ آؤٹ میں چیف سلیکٹرز جارج بیلی کی موجودگی سے خاصے ناراض تھے۔

درحقیقت بھارت کے خلاف میچ کے بعد آسٹریلیا کے سابق کپتان نے بھی گراؤنڈ میں جاکر کھلاڑیوں سے مصافحہ کیا تھا اور یہ بات سابق وکٹ کیپر بلے باز کے نزدیک انوکھی تھی۔

خیال رہے کہ بھارت نے آسٹریلیا کے خلاف اپنی پہلی اننگز میں 150 رنز پر آؤٹ ہونے کے بعد بھی پرتھ میں میزبان ٹیم کو 295 رنز کی بڑی شکست سے دوچار کیا تھا۔

بھارتی کرکٹ ٹیم کے فاسٹ بولر محمد سراج کو ڈی ایس پی رینک تفویض کردیا گیا جبکہ انھیں 600 گز کے پلاٹ کے ساتھ بھاری تنخواہ بھی ملے گی۔

ڈائریکٹر جنرل آف پولیس (ڈی جی پی) کی نگرانی میں تلنگانہ میں محمد سراج کو ڈپٹی سپرنٹنڈنٹ آف پولیس مقرر کیا گیا ہے، جمعہ کو ڈی جی پی آفس میں سینئر افسران کی موجودگی میں تلنگانہ کے ڈائرکٹر جنرل آف پولیس جتیندر سے ملاقات کے بعد باضابطہ طور پر محمد سراج نے چارج سنبھال لیا۔

جتیندر نے جمعے کو حیدرآباد میں بھارتی کرکٹر کو ڈی ایس پی کے طور پر تقرری کا خط دیا، بھارتی میڈیا رپورٹس کے مطابق تلنگانہ پولیس میں ڈی ایس پی کو 58850 روپے سے لے کر 137050 روپے تک تنخواہ دی جاتی ہے۔

اس تنخواہ کے ساتھ ساتھ محمد سراج کو ڈی ایس پی کو فراہم کی جانے والی تمام سہولیات بھی دی جائیں گی، انھیں حکومت سے کرایہ الاؤنس، میڈیکل الاؤنس اور سفری الاؤنس سمیت دیگر سہولیات بھی ملیں گی۔

ٹی ٹوئنٹی ورلڈ کپ میں بھارت کی فتح میں سراج نے اہم کردار ادا کیا تھا، وطن واپسی پر تلنگانہ کے وزیر اعلیٰ اے ریونتھ ریڈی نے انھیں 600 مربع گز کا پلاٹ اور انعامی رقم کے ساتھ سرکاری نوکری دینے کا اعلان کیا تھا۔

سراج اس وقت بھارت کے ٹاپ تین فاسٹ بولرز میں شمار ہوتے ہیں جبکہ وہ قومی ٹیسٹ ٹیم کا بھی حصہ ہیں، انھیں نیوزی لینڈ کے خلاف تین میچوں کی ٹیسٹ سیریز کے لیے بھارتی اسکواڈ میں شامل کیا گیا ہے۔

خیال رہے کہ 2020-21 میں آسٹریلیا میں ڈیبیو کرنے کے بعد سے سراج نے اپنے کھیل میں مسلسل نکھار لارہے ہیں جبکہ انھوں نے پچھلے سال ایشیا کپ کے فائنل میں سری لنکا کے خلاف تباہ کن بولنگ کرتے ہوئے 6 وکٹیں بھی حاصل کی تھیں۔