Tag: بھارتی کپتان روہت شرما

دبئی: چیمپئینز ٹرافی میں نیوزی لینڈ کے خلاف آخری گروپ میچ سے قبل بھارتی کپتان روہت شرما کی شرکت مشکوک ہوگئی ہے۔

غیرملکی میڈیا رپورٹس کے مطابق کپتان روہت شرما پاکستان کے خلاف میچ میں انجری کا شکار ہوگءے تھے، اب انھوں نے نیوزی لینڈ کیخلاف میچ سے قبل پریکٹس سیشن میں حصہ نہیں لیا ہے جس کے بعد امکانات ظاہر کیے جارہے ہیں کہ وہ کیویز کے خلاف میدان میں نہ اتریں۔

روہت نے جیت کے بعد بھارتی اسپنرز اور پاکستانی بیٹرز سے متعلق کیا کہا؟

رپورٹس میں بتایا گیا کہ گرین شرٹس کے خلاف میچ میں روہت شرما کو ہیمسٹرنگ میں تکلیف محسوس ہوئی تھی تاہم انکا کہنا تھا کہ وہ ٹھیک ہیں اور اور فکر کرنے والی کوئی بات نہیں۔

بھارتی ٹیم مینجمنٹ اور میڈیکل اسٹاف ان کی فٹنس پر نظر رکھے ہوئے ہیں اور ان کی شرکت کا حتمی فیصلہ میچ سے قبل ہوگا، روہت شرما نے میچ سے قبل پریکٹس سیشن کے دوران محض بیٹنگ کی پریکٹس کی ہے۔

چیمپئینز ٹرافی میں بھارت اور نیوزی لینڈ پہلے ہی سیمی فائنل میں پہنچ چکے ہیں، دونوں ٹیموں میں 2 مارچ کو دبئی میں مقابلہ شیڈول ہے۔

https://urdu.arynews.tv/rohit-sharma-breaks-sachin-tendulkars-23-year-old-odi-record/

بھارتی کپتان روہت شرما نے اکشر پٹیل کی ہیٹ ٹرک بال پر کیچ چھوڑ دیا تھا، جس کے بعد انھوں نے اسپنر سے ہاتھ جوڑ کر معافی مانگ لی۔

سوشل میڈیا پر بھارتی کپتان روہت شرما کی ایک فوٹو وائرل ہورہی ہے جس میں وہ ہیٹ ٹرک بال پر کیچ چھوڑنے کے بعد شرمندہ ہیں اور دونوں ہاتھ جوڑ کر لیفٹ آرم اسپنر اکشر پٹیل سے معافی مانگتے نظرآرہے ہیں، اس دوران بھارتی کپتان کے تاثرات دیکھنے سے تعلق رکھتے ہیں۔

روہت شرما نے سلپ میں آسان کیچ ڈراپ کرکے اکشر پیٹیل کو اس اعزاز سے محروم رکھا، اگر وہ ہیٹ ٹرک کرتے تو ویسٹ انڈیز کے جیروم ٹیلر کے بعد چیمپئنزٹرافی میں یہ کارنامہ انجام دینے والے دوسرے بولر بنتے۔

اکشر نے اپنے پہلے ہی اوور میں بنگلہ دیشی بیٹر تنزید حسن کو آؤٹ کیا، اس کے بعد انھوں نے تجربہ کار مشفق الرحیم کو بھی دوسری بال پر پویلین چلتا کردیا۔

https://youtube.com/shorts/OFDGrGW1tyk?si=vUnmGD331Clh2i36

اس کے بعد ان کی تیسری بال بھی گھومتی ہوئی آئی جسے جاکر علی سمجھ نہ سکے اور سلپ میں ایج نکال دیا تاہم روہت شرما اپنی تمام تر کوششوں کے باوجود کیچ تھامنے میں ناکام رہے۔

خیال رہے کہ اب تک صرف چار بھارتی بولرز نے ون ڈے انٹرنیشنل میں ہیٹرک کرنے کا کارنامہ انجام دیا ہے جس میں سے اسپنر کلدیپ یادیو نے دو بار ہیٹرک کرنے کا اعزاز حاصل کیا ہے۔

بھارتی کپتان روہت شرما نے عجیب منطق پیش کرتے ہوئے نیوزی لینڈ کے خلاف سیریز میں تاریخی شکست کو چھوٹی سی ناکامی قرار دیدیا۔

کیویز کے خلاف پہلی بار اپنی سرزمین پر ٹیسٹ سیریز میں عبرتناک شکست کے بعد پریس کانفرنس کرتے ہوئے بھارتی کپتان روہت شرما نے اپنے بیٹرز کا دفاع کیا اور ان پر کسی قسم کا دباؤ ڈالنے سے انکار کردیا، انھوں نے کہا کہ ہم 12 سال میں ایک سیریز ہار گئے تو کوئی بڑی بات نہیں۔

روہت شرما نے کہا کہ ہمیں دو ٹیسٹ میچز میں شکست کا سامنا کرنا پڑا ہے، ہم نے بھارت میں لگاتار 18 ٹیسٹ سریز جیتی ہیں تو اس کا مطلب ہے کہ ہم نے بہت کچھ اچھا کیا ہے، یہ اتنی بڑی شکست نہیں ہے۔

انھوں نے کہا کہ اس سیریز میں ہم اس طرح کی بیٹنگ نہ کرسکے جس طرح کی بیٹنگ کرنا چاہتے تھے، ہم بھارت کی چیلنجنگ پچز پر مسلسل رنز بناتے آئے ہیں، میں یہ نہیں سوچنا چاہتا کہ ہم نے کچھ غلط کیا ہے۔

بھارتی کپتان نے کہا کہ دو ٹیسٹ میچز میں ہماری بیٹنگ بری رہی، دو تین اننگز اچھی نہیں رہیں مگر ایسا ہوتا ہے، ایسا ہوتا ہے کہ آپ جیتے ہوئے آرہے ہوں اور پھر ہار کا سامنا کرنا پڑتا ہے تو یہ کوئی بڑی بات نہیں۔

میں پوسٹ مارٹم نہیں کرنا چاہتا، ہاں مگر ہمیں یہ دیکھنا ہوگا کہ ہم آگے کیا بہتر کرسکتے ہیں، تمام بیٹرز اپنے پلان کے ساتھ آئے تھے اور تمام بیٹرز کو اپنے پلان پر یقین تھا۔

بھارتی کپتان روہت شرما نے سرفراز خان کی سنچری کے بعد کے ایل راہول کو الٹی میٹم دیدیا، بیٹر کی ٹیم میں جگہ خطرے میں پڑگئی۔

نیوزی لینڈ کے خلاف بھارتی ٹیم کو پہلے ٹیسٹ میچ میں عبترتناک شکست کا سامنا کرنا پڑا ہے، پہلی اننگز میں پوری بھارتی ٹیم 46 رنز پر ڈھیر ہوگئی اور تمام میزبان بیٹرز بری طرح ناکام رہے تھے جبکہ دوسری اننگز میں سرفراز خان کی 150 رنز کی بدولت بھارتی ٹیم 462 رنز بنانے میں کامیاب رہی تھی۔

بھارت کی شکست کے بعد پریس کانفرنس کرتے ہوئے کپتان روہت شرما نے کہا کہ میں وہ شخص نہیں ہوں کہ جو ہر میچ کے بعد کھلاڑیوں سے جاکر بات کرے، وہ خود بہتر جانتے ہیں کہ وہ اپنی گیم میں کہاں کھڑے ہیں۔

روہت شرما نے کے ایل راہول کا نام لیے بغیر کہا کہ ہر پلیئر یہ بھی جانتا ہے کہ وہ اپنے کیریئر میں اس وقت کس مقام پر موجود ہے، ہم ہر میچ یا سیریز کی بنیاد پر اپنا مائنڈ سیٹ تبدیل نہیں کرسکتے۔

بھارتی کپتان نے مزید کہا کہ یہ بدقسمتی تھی کہ شبمن گل اس میچ سے محروم رہے، سرفراز کو موقع ملا اور انھوں نے بڑی سنچری اسکور کی، یہ ٹیم کے لیے ایک اچھی علامت ہے۔

بھارتی بیٹنگ لیجنڈ سچن ٹنڈولکر نے سپراسٹار ویرات کوہلی اور کپتان روہت شرما کی ریٹائرمنٹ پر ان کے لیے زبردست خیالات کا اظہار کیا ہے۔

ٹی ٹوئنٹی عالمی کپ میں بھارت کی فتح کے ساتھ ہی ریٹائرمنٹ کا اعلان کرنے والے کوہلی اور روہت کو لٹل ماسٹر نے بھرپور خراج تحسین پیش کیا ہے، اپنے ایکس اکاؤنٹ پر ٹنڈولکر نے روہت کی قیادت کی تعریف کرتے ہوئے کہا کہ ٹی ٹوئنٹی ورلڈ کپ جیت ان کے لیے بہترین اختتام تھا۔

اپنی پوسٹ میں ٹنڈولکر کا کہنا تھا کہ روہت شرما کو میں نے ایک ہونہار نوجوان سے ورلڈ کپ جیتنے والا کپتان بنتے قریب سے دیکھا ہے۔ آپ کے غیر متزلزل عزم اور غیر معمولی صلاحیتوں نے قوم کا سر فخر سے بلند کیا ہے۔

بھارتی کرکٹ ٹیم کو آئی سی سی ٹی ٹوئنٹی ورلڈ کپ میں فتح دلانا آپ کے شاندار کیریئر کا بہترین خاتمہ ہے۔ شاباش، روہت!

ٹنڈولکر نے ویرات کوہلی کے حوالے سے خیالات کا اظہار کرتے ہوئے کہا کہ کوہلی آپ اس کھیل کے حقیقی چیمپئن ہیں، شروع میں آپ نے ٹورنامنٹ میں مشکل وقت گزرا لیکن کل رات آپ نے ثابت کر دیا کہ آپ واقعی جینٹل مین گیم کے عظیم کھلاڑیوں میں سے ایک ہیں۔

لٹل ماسٹر نے لکھا کہ چھ ورلڈ کپ میں مقابلہ کرنا اور آخری ایونٹ میں فتح حاصل کرنا ایک ایسا تجربہ ہے جسے میں اچھی طرح جانتا ہوں، مجھے امید ہے کہ آپ کھیل کے طویل فارمیٹس میں بھارت کے لیے میچ جیتتے رہیں گے۔

خیال رہے کہ ویرات کوہلی ٹنڈولکر کے ساتھی اس ٹیم کا حصہ تھے جس نے 2011 میں ون ڈے ورلڈ کپ کا ٹائٹل اپنے نام کیا تھا۔

روہت شرما انگلینڈ کے خلاف دوسرے ٹیسٹ میں میدان میں اپنے ساتھیوں کو نازیبا کلمات کہتے سنائی دیے جس کی ویڈیو وائرل ہورہی ہے۔

وشاکاپٹنم میں بھارت اور انگلینڈ کے درمیان ہونے والے دوسرے ٹیسٹ کے دوسرے دن بھارتی کپتان روہت اپنے ساتھیوں کے ساتھ بدسلوکی کرتے ہوئے پائے گئے۔ یہ واقعہ 31 ویں اوور کے اختتام پر پیش آیا جب انگلینڈ کا اسکور 4 وکٹوں کے نقصان پر 143 رنز تھا۔

جس دوران اوورز کے درمیان تھوڑا سا وقفہ ہوا روہت شرما نے بظاہر سخت لہجے میں اپنے فیلڈرز کو ہوشیار رہنے کا کہا مگر ساتھ ہی انھیں مغلظات بھی بکیں۔

بھارتی کپتان کو اسٹمپ مائیک پر کہنا سنا جاسکتا ہے کہ ’کوئی بھی گارڈن میں گھومے گا تو میں۔ ۔ ۔ ۔ ۔ ۔ کردوں گا، انھوں نے ساتھیوں کو گالی دی۔

قابل ذکر بات یہ ہے کہ حیدرآباد ٹیسٹ کی دوسری اننگز میں ہندوستان سستی کا شکار تھا اور اسے 28 رنز کے نقصان کے ساتھ قیمت چکانی پڑی۔ اس لیے کپتان نہیں چاہتے تھے کہ شدت میدان میں اترے اور کھیل کو پھسلنے دے جیسا کہ پہلے گیم میں ہوا تھا۔

واضح رہے کہ اس میچ میں بھارت نے اپنی پہلی اننگز میں 396 اسکور کیے تھے، نوجوان بیٹر یشوی جیسوال نے شاندار ڈبل سنچری اسکور کی تھی۔ انگلینڈ کی ٹیم اپنی دوسری اننگز میں 253 بنا کر آل آؤٹ ہوگئی تھی۔

بھارتی کپتان روہت شرما کے مداحوں نے کیا واقعی ہاردک پانڈیا کے ساتھ بدتمیزی کی ہے، ان پر جملے کسنے کی ویڈیو کا اصل کہانی سامنے آگئی۔

سوشل میڈیا پر ایک ویڈیو گردش کر رہی جس میں بظاہر یہ لگ رہا ہے کہ کرکٹر ہاردک پانڈیا کو ایئرپورٹ پر بھارتی کپتان روہت شرما کے مداحوں کی جانب سے بدتمیزی کا سامنا ہے اور لوگ ان پر جملے کس رہے ہیں۔

وائرل ہونے والی ویڈیو میں دیکھا جاسکتا ہے کہ پانڈیا گاڑی سے اتر رہے ہیں اور لوگ ہاردک کے سامنے ’ممبئی کا راجہ روہت شرما‘ کے نعرے لگا رہے ہیں۔

People are shouting 'Mumbai Cha Raja Rohit Sharma' infront of Hardik Pandya.

Rohit Sharma is an emotion of India.🐐

SHAMELESS MUMBAI INDIANS pic.twitter.com/qp5P8O30VF

— 𝐇𝐲𝐝𝐫𝐨𝐠𝐞𝐧 (@ImHydro45) December 21, 2023

کئی پوسٹ میں روہت کی حمایت کرتے ہوئے یہ بھی کہا گیا ہے کہ روہت شرما کے لیے ہندوستانی کافی جذبات رکھتے ہیں جبکہ ممبئی انڈینز کو بے شرم کے القابات سے بھی نوازا گیا۔

گجرات ٹائٹنز کے لیے آئی پی ایل جیتنے والے کپتان پانڈیا نے نومبر 2023 میں اپنی پرانی فرنچائز ممبئی انڈینز کو جوائن کیا تھا۔ دسمبر میں روہت شرما کی جگہ ہاردک کو ممبئی کا کپتان مقرر کیا تھا، جس کے بعد سے روہت کے مداح کافی برہم ہیں۔

شائقین خصوصاً سوشل میڈیا پر تنقید اور غصے کو اظہار کررہے ہیں کہ 10 سال تک فرنچائز کی قیادت کرنے والے کپتان کو کیوں ہٹایا گیا۔

تاہم روہت کے فینز کی جانب سے ہاردیک پانڈیا کو برا بھلا کہنے کی ویڈیو جعلی ہے اور یہ کسی شخص نے ایڈٹ کرکے بنائی ہے جو سوشل میڈیا پر وائرل ہوگئی۔

ہاردک کی وائرل ہونے والی ویڈیو 30 اپریل 2020 کی جب وہ ایئرپورٹ آرہے تھے، جبکہ آل رائونڈر کو اسی سال ممبئی انڈینز کی کپتانی سونپی گئی ہے۔

اس سے اندازہ ہوتا ہے کہ ہاردک کے خلاف سوشل میدیا پر چلنے والی یہ ویڈیو جعلی ہے جسے روت شرما کے کسی جذباتی مداح نے وائرل کردیا ہے۔