Tag: بھارتی گلوکارہ

بھارتی گلوکارہ نے الزام عائد کیا ہے کہ منگیتر نے انھیں ایسے ہی بُری طرح تشدد کا نشانہ بنایا جیسے ڈبلیو ڈبلیو ایف ریسلرز مارتے ہیں۔

بھارت کی ساؤتھ انڈسٹری سے تعلق رکھنے والی معروف گلوکارہ، نغمہ نگار، کمپوزر اور اداکارہ سوچترا رامادورائی نے اپنے منگیتر اور چنئی ہائیکورٹ کے وکیل شنمگراج پر گھریلو تشدد کا سنگین الزام عائد کرتے ہوئے اس کی پوری تفصیل بتائی ہے۔

چنئی سے تعلق رکھنے والی سوچترا نے اپنے وکیل منگیتر پر مالی فراڈ کے الزامات بھیہ عائد کیے ہیں، گلوکارہ نے دعویٰ کیا کہ منگیتر نے چنئی میں واقع گھر ہتھیالیا اور مالی طور پر انھیں بالکل کنگال کردیا ہے۔

انسٹاگرام پر اپنی شیئر ویڈیو میں سوچترا نے کہا انھیں تعلق کے دوران جذباتی اور جسمانی طور پر تشدد کا نشانہ بنایا گیا، گلوکارہ نے منگیتر کے خلاف قانونی کارروائی کے عزم کا اظہار کیا ہے۔

تامل ملیالم، تیلگو اور دیگر زبانوں میں گانے والی گلوکارہ نے بری طرح تشدد کے بارے میں بتاتے ہوئے کہا کہ منگیتر شنمگراج انھیں ڈبلیو ڈبلیو ایف ریسلر کی طرح مارا پیٹا۔

43 سالہ گلوکارہ نے بتایا کہ وہ برسوں سے اس کے مظالم اور فراڈ پر اس کے خلاف قانونی کارروائی کا سوچ رہی تھیں۔

بھارت کی گلوکارہ نے اپنی زندگی کا خاتمہ کرلیا، ان کی لاش رہائش گاہ کے کمرے میں پنکھے سے لٹکی ہوئی پائی گئی۔

گلوکارہ وجئے لکشمی عرف ملیکا راجپوت نے خودکشی کرلی۔ منگل کو 35 سالہ گلوکارہ اتر پردیش میں واقع اپنے مکان میں وہ مردہ حالت میں پائی گئیں۔ ان کی لاش کمرے میں پنکھے سے لٹکی ہوئی تھی۔

بھارتی میڈیا کے مطابق ملیکا کی والدہ سمترا سنگھ نے بتایا کہ وہ لاعلم ہیں کہ گلوکارہ نے کب یہ اقدام کیا۔ کمرہ کا دروازہ بند تھا مگر لائٹ جل رہی تھی۔ ہم نے تین چکر لگائے لیکن دروازہ نہ کھول سکے۔ کھڑکی سے جھانکا تو وہ کھڑی ہوئی تھی۔

تاہم دروازہ کھٹکھٹانے پر جب اس نے کوئی جواب نہیں دیا تو دروازہ توڑ دیا، سامنے گلوکارہ کی لاش پنکھے سے لٹک رہی تھی۔

بھاتی پولیس نے لاش کو پوسٹ مارٹم کے لیے بھیج دیا ہے جبکہ اس واقعے کی تفتیش کا آغاز کردیا گیا ہے۔ کوتوالی پولیس اسٹیشن کے انچارج شری رام پانڈے کا کہنا ہے کہ یہ خودکشی کا معاملہ لگتا ہے۔

واضح رہے کہ فلم ریوالور رانی میں ملیکا راجپوت کنگنا رناوت کے ساتھ کام کرچکی ہیں۔ سائی کبیر کی ہدایت کاری میں بننے والی فلم میں پیوش مشرا، ذاکر حسین اور پنکج سرسوت کے ساتھ ویر داس بھی شامل تھے۔

ملیکا شان کی میوزک ویڈیو ‘‘یارا تجھے’’ کا بھی حصہ رہ چکی ہیں۔ وہ تربیت یافتہ کتھک ڈانسر بھی تھیں۔ انھوں نے 2016 میں بھارتیہ جنتا پارٹی میں شمولیت اختیار کی تھی لیکن دو سال کے اندر ہی پارٹی چھوڑ دی تھی۔