Tag: بھارتی گلوکار بادشاہ

خود ساختہ فلمی نقاد کمال راشد خان نے بھارتی گلوکار بادشاہ اور پاکستانی اداکارہ ہانیہ عامر کی ڈیٹنگ کی خبروں پر اپنا ردعمل دیا ہے۔

وائرل ہونے والی ویڈیو میں کمال آر خان پاکستانی اداکارہ ہانیہ عامر سے سوال کرتے نظر آرہے ہیں کہ کیا انھیں پاکستان میں کوئی لڑکا نہیں ملا جو وہ بادشاہ کے ساتھ ڈیٹ کررہی ہیں۔ خوساختہ ناقد نے گلوکار بادشاہ (آدتیہ پرتیک سنگھ سسودیا) کو شدید تنقید کا نشانہ بنایا۔

ریپر کے بارے میں کمال راشد خان نے کہا کہ ’تازہ ترین خبر یہ ہے کہ اس ہاتھی نما گلوکار (بادشاہ) کے سر پر عشق کا بھوت سوار ہوگیا ہے۔ اسے پاکستانی اداکارہ ہانیہ عامر سے عشق ہوگیا ہے۔‘

کے آر کے نے اپنے روایتی جذباتی انداز میں بھارتی ریپر بادشاہ کی جسامت کا بھی مذاق اُڑایا اور ہانیہ سے پوچھا کہ اُنھیں ڈیٹ کرنے کے لیے بادشاہ کے علاوہ کوئی اور لڑکا نہیں ملا؟

کبھی یہ بھاگا بھاگا دبئی جاتا ہے اس سے ملنے کے لیے کبھی یہ انسٹاگرام پر اداکارہ سے بات کرتا ہے اور آپ اندازہ لگائیں کہ یہ دنیا کو بتاتا بھی ہے کہ آج میں نے انسٹا پر ہانیہ سے بات کی۔

اُنھوں نے ہانیہ عامر مخاطب کرتے ہوئے کہا کہ ’آپ کو عشق کرنے کے لیے اس ہاتھی نما آدمی کے علاوہ کوئی اور نہیں ملا؟ کیا پاکستان میں لڑکے مرگئے ہیں جو آپ اس سے عشق کررہی ہیں؟

اس سے قبل ہانیہ عامر مبینہ طور پر پاکستانی گلوکار عاصم اظہر کے ساتھ تعلقات میں تھیں مگر پھر ان کے بریک اپ کی خبریں سامنے آئی تھیں۔

اب جب سے ہانیہ دبئی میں بھارتی گلوکار بادشاہ سے مل کر آئی ہیں، بھارتی اور پاکستانی میڈیا میں دنوں کی دوستی کے خوب چرچے ہورہے ہیں۔