Tag: بھارتی ہائی کمشنر

  • بھارتی ہائی کمشنر اجے بساریہ کا آج پاکستان چھوڑنے کا امکان

    بھارتی ہائی کمشنر اجے بساریہ کا آج پاکستان چھوڑنے کا امکان

    اسلام آباد : بھارتی ہائی کمشنر اجےبساریہ کا آج پاکستان چھوڑنے کا امکان ہے ، گذشتہ روز بھارتی ہائی کمشنر کو پاکستان چھوڑنے کاحکم دے دیا گیا تھا۔

    تفصیلات کے مطابق پاکستان میں تعینات بھارتی ہائی کمشنر اجے بساریہ کاآج پاکستان چھوڑنے کا امکان ہے ، اجےبساریہ بذریعہ واہگہ بھارت جائیں گے،وہ پاکستان میں ایک سال 7ماہ اور 25دن ہائی کمشنررہے۔

    گذشتہ روز قومی سلامتی کمیٹی اجلاس میں بھارت کے غیرقانونی فعل پر سخت ایکشن لیتے ہوئے بھارتی ہائی کمشنر اجےبساریہ کو واپس بھیجنے کا فیصلہ کیا گیا تھا۔

    بعد ازاں پاکستان نے بھارتی ہائی کمشنر اجے بساریہ کو پاکستان چھوڑنے کا حکم دیا تھا ، ترجمان دفتر خارجہ ڈاکٹر محمد فیصل کا کہنا تھا کہ بھارتی ہائی کمشنر اجے بساریہ کو واپس بھجوانے کا فیصلہ قومی سلامتی کمیٹی کے فیصلوں کی روشنی میں کیا گیا ہے۔

    مزید پڑھیں : پاکستان نے بھارتی ہائی کمشنر اجے بساریہ کو ملک چھوڑنے کا حکم دے دیا

    دفتر خارجہ نے کہا تھا کہ بھارتی ڈپٹی ہائی کمشنر گوروف ہالو والیا کی دفتر خارجہ طلب کرکے بھارتی ہائی کمشنر اجے بساریہ کی ملک بدری سے باضابطہ آگاہ کیا گیا اور بےدخلی کاپروانہ تھمایاگیا اور واضح کیا کہ پاکستان اپنے ہائی کمشنر معین الحق کو دلی نہیں بھیجے گا۔

    خیال ریے سیاسی اور عسکری قیادت نے اجلاس میں فیصلہ کیا تھا کہ اب دلی سرکار کے ساتھ سفارتی تعلقات محدود کیے جائیں گے اور مسئلہ کشمیرکو اقوام متحدہ کی سیکیورٹی کونسل میں لےجایاجائے گا۔

    قومی سلامتی کمیٹی اجلاس کے اعلامیہ میں کیا گیا تھا کہ 14اگست بہادرکشمیریوں سےاظہاریکجہتی اور 15اگست کو یوم سیاہ منایا جائے گا۔

  • پاکستان نے بھارتی ہائی کمشنر اجے بساریہ کو ملک چھوڑنے کا حکم دے دیا

    پاکستان نے بھارتی ہائی کمشنر اجے بساریہ کو ملک چھوڑنے کا حکم دے دیا

    اسلام آباد: پاکستان نے مودی سرکار کے غیر منصفانہ فعل کا سخت جواب دیتے ہوئے بھارتی ہائی کمشنر اجے بساریہ کو ملک چھوڑنے کا حکم دے دیا.

    تفصیلات کے مطابق عمران خان کی زیر صدارت قومی سلامتی کمیٹی اجلاس کے فیصلوں کی روشنی میں‌ پاکستان نے بھارتی ہائی کمشنر کو  واپسی کی ہدایت کر دی۔ 

    دفتر خارجہ کے مطابق پاکستان اپنا ہائی کمشنربھارت نہیں بھیجے گا،  بھارتی حکومت کو ان فیصلوں سے آگاہ کردیا گیا ہے.

    پاکستان کے وزیر خارجہ شاہ محمود قریشی نے کہا کہ پاکستان کے ہائی کمشنر معین الحق دلی نہیں جا رہے، جب کہ اجے بساریہ کو رخصت کیا جائے گا.

    مزید پڑھیں: پاکستان کا بھارت سے سفارتی تعلقات محدود، دو طرفہ تجارت معطل کرنے کا فیصلہ

    خیال رہے کہ مذکورہ اجلاس میں بھارت کے ساتھ سفارتی تعلقات محدود کرنے اور دو طرفہ تجارت معطل کرنے کا فیصلہ کیا گیا ہے۔

    وزیراعظم کی زیرصدارت قومی سلامتی کمیٹی کے اجلاس میں مسلح افواج کے سربراہان، انٹیلی جنس حکام اور سول قیادت شریک ہوئی۔

    اجلاس میں سول و عسکری قیادت نے کشمیر کی تازہ ترین صورت حال کا تفصیلی جائزہ لیا، پاکستان کے بھرپور رد عمل اور ممکنہ آپشنز پر مشاورت مکمل کر لی گئی، ملکی داخلی سلامتی اور سیکورٹی سے متعلق اہم فیصلے کیے گئے۔

  • پاک بھارت جنگ کا خطرہ ٹل گیا، پاکستان سے مذاکرات ہوسکتے ہیں، اجے بساریہ

    پاک بھارت جنگ کا خطرہ ٹل گیا، پاکستان سے مذاکرات ہوسکتے ہیں، اجے بساریہ

    اسلام آباد : بھارتی ہائی کمشنر اجے بساریہ نے کہا ہے کہ پاکستان اور بھارت میں جنگ کا خطرہ ٹل چکا ہے، بھارتی الیکشن کے بعد پاکستان سے مذاکرات ہوسکتے ہیں۔

    یہ بات انہوں نے اسلام آباد میں صحافیوں سے گفتگو کرتے ہوئے کہی، بھارتی ہائی کمشنر کا مزید کہنا تھا کہ حالیہ کشیدگی میں کمی کے بعد پاک بھارت سیاسی، سفارتی اور فوجی سطح پر پاک بھارت رابطے بحال ہوچکے ہیں۔

    قومی ایکشن پلان پر عمل درآمد موجودہ حکومت کی جانب سے مثبت پیشرفت ہے، ایک سوال کے جواب میں اجے بساریہ نے کہا کہ بھارت میں الیکشن کے بعد پاکستان سے مذاکرات ہوسکتے ہیں۔

    انہوں نے بتایا کہ الیکشن کے حوالے سے ہونے والے سروے کے مطابق اب تک بی جے پی کی قیادت میں بنننے والے اتحاد این ڈی اے کو سبقت حاصل ہے۔

    ان کا مزید کہنا تھا کہ پاکستان اور بھارت میں جنگ کا خطرہ ٹل چکا ہے، پاک بھارت کشیدگی میں کمی آئی ہے تاہم دونوں طرف دہشت گرد حملوں کا خطرہ موجود ہے۔

    یاد رہے کہ پاک بھارت کشیدگی میں اضافے کے بعد بھارت نے15فروری کو بھارتی ہائی کمشنر اجے بساریہ کو نئی دہلی طلب کیا تھا جبکہ پاکستان نے بھی اٹھارہ فروری کو اپنے ہائی کمشنر سہیل محمود کو وطن واپس بلالیا تھا۔ بعد ازاں بھارت نے اجے بساریہ کو اسلام آباد اور پاکستان نے سہیل محمود کو نئی دہلی روانہ کردیا تھا۔

  • سانحہ سمجھوتہ ایکسپریس فیصلے کیخلاف بھارتی ہائی کمشنر کی دفتر خارجہ طلبی

    سانحہ سمجھوتہ ایکسپریس فیصلے کیخلاف بھارتی ہائی کمشنر کی دفتر خارجہ طلبی

    اسلام آباد : دفتر خارجہ نے سمجھوتہ ایکسپریس کے تمام ملزمان کی رہائی پر شدید احتجاج کرتے ہوئے بھارتی ہائی کمشنر کو طلب کرلیا۔

    تفصیلات کے مطابق پاکستان نے بھارتی عدالت کی جانب سے سمجھوتہ ایکسپریس کے تمام ملزمان کی باعزت رہائی پر شدید احتجاج کیا ہے، دفتر خارجہ نے اس سلسلے میں بھارتی ہائی کمشنر کو دفترخارجہ طلب کرکے ملزمان کی رہائی پر اپنے تحفظات سے آگاہ کیا۔

    ترجمان دفترخارجہ ڈاکٹر فیصل کے مطابق بھارتی حکام کی غفلت کے باعث ملزمان رہا ہوئے، پاکستان بارہا اس کیس میں پیشرفت نہ ہونے کا معاملہ اٹھاتا رہا ہے، مذکورہ معاملہ2016میں بھی ہارٹ آف ایشیا میٹنگ کے موقع پر اٹھایا گیا تھا، ملزمان کی بریت نے بھارتی نظام انصاف کا بھانڈا پھوڑ دیا ہے۔

    ترجمان دفترخارجہ کا مزید کہنا ہے کہ بھارت پاکستان پر پہلے بھی دہشت گردی کے الزامات لگاتا رہا ہے جبکہ بھارت خود دہشت گردی کا اعتراف کرنے والوں کو تحفظ فراہم کرتا ہے۔

    پاکستان پر دہشت گردی کے الزام لگانے والے بھارت کی منافقت اور دہرا معیار دنیا کے سامنے آ گیا ہے۔ بھارت نے سرعام اپنے جرم کا اعتراف کرنے والے دہشت گردوں کو تحفظ دیا۔

    سانحہ سمجھوتہ ایکسپریس کے ملزمان کی بریت بھارتی ریاست کی دہشت گردوں کی حمایت کی عکاس ہے،بیالیس پاکستانی شہداء کے خاندانوں کو کیا جواب دیا جائے گا؟ بری ہونے والوں میں آرایس ایس کا دہشت گرد آسوامی آسیم نند بھی شامل ہے۔

  • پاک بھارت کشیدگی ختم، بھارتی ہائی کمشنر اجے بساریہ اسلام آباد پہنچ گئے

    پاک بھارت کشیدگی ختم، بھارتی ہائی کمشنر اجے بساریہ اسلام آباد پہنچ گئے

    اسلام آباد :بھارتی ہائی کمشنراجےبساریہ اسلام آباد پہنچ گئے،‌بھارت نےپلوامہ واقعے کےبعدپندرہ فروری کو اپنے ہائی کمشنر کو نئی دہلی طلب کرلیا تھا۔

    تفصیلات کے مطابق پاکستان میں تعینات بھارتی ہائی کمیشن اجے بساریہ اسلام آباد پہنچ گئے ، پاکستانی ہائی کمشنر سہیل محمود آج نئی دہلی روانہ ہوں گے۔

    یاد رہے پاک بھارت کشیدگی میں اضافے کے بعد بھارت نے 15فروری کواجے بساریہ کونئی دہلی طلب کیاگیاتھا جبکہ پاکستان نے بھی اٹھارہ فروری کواپنے ہائی کمشنر سہیل محمود کو واپس بلالیاتھا۔

    گذشتہ روز پاکستان کے بھارت نے بھی اپنے ہائی کمشنرکوواپس پاکستان بھجوانے کا فیصلہ کیا تھا ، بھارتی دفترخارجہ کا کہنا تھا کہ پاکستان میں تعینات بھارتی ہائی کمیشن اجے بساریہ کو کل اسلام آباد بھیج رہے ہیں۔

    اس سے قبل پاکستانی ہائی کمشنر سہیل محمود نے  وزیر اعظم عمران خان سے ملاقات کی تھی ،جس  پاک بھارت تعلقات کے حوالے سے تبادلہ خیال کیا گیا، ہائی کمشنر سہیل محمود نے بھارت روانگی سے قبل وزیر اعظم سے رہنمائی حاصل کی۔

    مزید پڑھیں : پاکستان نے بھارت سے اپنے ہائی کمشنر کوواپس بلا لیا

    واضح رہے مقبوضہ کشمیر کے علاقے پلواما میں ہونے والے دھماکے میں 44 بھارتی فوجی مارے گئے تھے، جس کے بعد بھارتی حکومت اور میڈیا نے تحقیقات کیے بغیر دھماکے کا الزام پاکستان پر عائد کردیا تھا، جسے پاکستان نے سختی سے مسترد کردیا تھا۔

    بعد ازاں 27 فروری کو بھارت کی3 جنگی جہاز تباہ ہوئے تھے، تین میں سے دوپاکستان ائیر فورس نے مار گرائے تھے جبکہ بھارتی پائلٹ کو بھی حراست میں لے لیا تھا، ڈی جی آئی ایس پی آر جنرل آصف غفور نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    پاکستان نے خطے میں کشیدگی کم کرنے کے لیے بھارتی پائلٹ ابھی نندن کو رہا کیا، اس اقدام کو دنیا بھر میں سراہا گیا جبکہ  عالمی طاقتوں نے بھارت کو بھی جارحانہ اقدامات سے باز رہنے کا مشورہ دیا تھا۔

  • لائن آف کنٹرول کی خلاف ورزی پر قائم مقام بھارتی ہائی کمشنر کی دفتر خارجہ طلبی

    لائن آف کنٹرول کی خلاف ورزی پر قائم مقام بھارتی ہائی کمشنر کی دفتر خارجہ طلبی

    اسلام آباد: بھارتی جارحیت اور لائن آف کنٹرول کی خلاف ورزی پر قائم مقام بھارتی ہائی کمشنر کو دفتر خارجہ طلب کرلیا گیا، بھارت کی جانب سے لائن آف کنٹرول کی خلاف ورزی میں بچے سمیت 4 افراد شہید ہوگئے تھے۔

    تفصیلات کے مطابق کل شام بھارت کی جانب سے ایک بار پھر لائن آف کنٹرول کی خلاف ورزی کی گئی جس کے بعد قائم مقام بھارتی ہائی کمشنر کو دفتر خارجہ طلب کرلیا گیا، پاکستان نے ایل او سی کی خلاف ورزی پر بھارت سے شدید احتجاج کیا۔

    ڈی جی جنوبی ایشیا و سارک ڈاکٹر فیصل نے احتجاجی مراسلہ بھارتی ہائی کمشنر کے حوالے کیا۔

    دفتر خارجہ کا کہنا تھا کہ بھارتی افواج نے نکیال اور کھوئی رٹہ سیکٹر میں بلا اشتعال فائرنگ کی، بھارتی فائرنگ کے نتیجے میں 4 معصوم شہری شہید جبکہ 6زخمی ہوئے۔

    دفتر خارجہ کے مطابق شہید ہونے والوں میں موتیا بی بی، زرینہ، گلفراز اور شہناز نامی خواتین شامل ہیں۔

    ترجمان دفتر خارجہ کا کہنا تھا کہ بھارتی افواج بھاری ہتھیاروں کے ساتھ سویلین آبادی کو نشانہ بنا رہی ہے، عالمی برادری بھارت کی انسان حقوق کی خلاف ورزیوں کا نوٹس لے۔ بھارت سنہ 2003 کے سیز فائر معاہدے کی پابندی کرے۔

    انہوں نے مزید کہا کہ بھارتی حکومت فورسز کو سیز فائر معاہدے کی پابندی کی ہدایت کرے، بھارت اقوام متحدہ کے مبصرین کو کردار ادا کرنے کی اجازت دے۔

    خیال رہے کہ بھارت نے گزشتہ روز لائن آف کنٹرول کی خلاف ورزی کرتے ہوئے ایک بار پھر بلا اشتعال فائرنگ کی تھی جس کے نتیجے میں 3 خواتین اور ایک بچہ شہید ہوگئے جبکہ 11 شہری زخمی ہوگئے۔

    اب سے کچھ دیر قبل پاک فضائیہ نے سرحدی حدود کی خلاف ورزی کرنے والے 2 بھارتی طیارے بھی مار گرائے ہیں۔

    پاک فوج کے شعبہ تعلقات عامہ آئی ایس پی آر کے سربراہ میر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے ہیں۔ ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا ہے۔

    ڈی جی آئی ایس پی آر کے مطابق بھارتی علاقے میں گرنے والے طیارے کے دونوں پائلٹ موقع پر ہی جاں بحق ہوگئے ہیں جبکہ پاکستانی علاقے میں گرنے والے جہاز کے ایک پائلٹ کو حراست میں لے لیا گیا ہے۔

    ایک روز قبل بھارتی طیاروں نے کنٹرول لائن کی خلاف ورزی کرتے ہوئے دراندازی کی تھی تاہم پاک فضائیہ نے بروقت کارروائی کی اور بھارتی طیاروں کو بھاگنے پر مجبور کردیا۔ بھارتی طیارے جاتے ہوئے اپنا پے لوڈ جنگل میں گرا کر چلے گئے۔

  • ایم کیوایم رہنماخواجہ سہیل منصور نے  بھارتی ہائی کمشنر کی دعوت ٹھکرادی

    ایم کیوایم رہنماخواجہ سہیل منصور نے بھارتی ہائی کمشنر کی دعوت ٹھکرادی

    اسلام آباد : ایم کیوایم رہنما خواجہ سہیل منصور نے بھارتی ہائی کمشنرکی بھارت کے 700ری پبلک ڈے پر دعوت ٹھکرادی اور کہا مقبوضہ کشمیر میں  بھی بھارت کی ریاستی دہشت گردی جاری ہے، ایسےماحول میں بھارت کی دعوت قبول نہیں کرسکتا۔

    تفصیلات کے مطابق مقبوضہ کشمیر میں جاری بھارتی ریاستی دہشت گردی اور فوجی بربریت پر ایم کیوایم رہنماخواجہ سہیل منصور نے بھارتی ہائی کمشنرکوکراراجواب دیتے ہوئے بھارت کے 700ری پبلک ڈے پر جانے سے انکار کردیا۔

    بھارتی ہائی کمشنر کے دعوت نامے کے بدلے احتجاجی مراسلہ


    خواجہ سہیل منصور نے بھارتی ہائی کمشنر کے دعوت نامے کے بدلے احتجاجی مراسلہ میں کہا بھارتی فوج ایل اوسی پراشتعال انگیزی اورسیزفائرکی خلاف ورزی کررہی ہے، اشتعال انگیزی سےمعصوم شہری نشانہ بن رہے ہیں۔

    احتجاجی مراسلہ میں کہا گیا ہے کہ مقبوضہ کشمیرمیں بھی بھارت کی ریاستی دہشت گردی جاری ہے، بھارت کشمیریوں کیلئے اقوام متحدہ کی قرارداد کا  پاس نہیں کررہا، پانی کے معاملے پر بھی بھارت کی ہٹ دھرمی جاری ہے۔

    مراسلے میں ایم کیوایم رہنما خواجہ سہیل منصور نے کہا ایسےماحول میں بھارت کی دعوت قبول نہیں کرسکتا۔

    خیال رہے بھارت کی جانب سے ایل اوسی  کی خلاف ورزی اور شہری آبادیوں کو نشانہ بنانے کاسلسلہ جاری ہے ، جس میں متعددشہری شہید ہوچکے ہیں۔

    مقبوضہ کشمیر میں بھی بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہو چکے ہیں، 2018 میں قابض بھارتی فوج نے حاملہ خواتین، بچوں اور اسکالرز سمیت 355 شہری شہید کردیے۔

  • تاپی گیس منصوبہ پاک بھارت قیام امن کیلئے اہم کردار ادا کرے گا، بھارتی ہائی کمشنر

    تاپی گیس منصوبہ پاک بھارت قیام امن کیلئے اہم کردار ادا کرے گا، بھارتی ہائی کمشنر

    اسلام آباد : بھارتی ہائی کمشنر اجے بساریہ نے کہا ہے کہ تاپی گیس منصوبہ انرجی پائپ لائن سے زیادہ امن کا کوریڈور ہے، یہ دونوں ممالک کے درمیان امن کیلئے اہم کردار ادا کرے گا۔

    یہ بات انہوں نے اسلام آباد میں تاپی گیس پائپ لائن سے متعلق تقریب سے خطاب کرتے ہوئے کہی، بھارتی ہائی کمشنر نے کہا کہ تاپی کو موجودہ حالات نہیں بلکہ مستقبل کی نظر سے دیکھا جانا چاہیے، پاکستان اور بھارت کے تعلقات میں اتار چڑھاؤ آتا رہتا ہے، تاپی ان مسائل کے حل میں مثبت کردار ادا کرے گا۔

    اجے بساریہ کا مزید کہنا تھا کہ تاپی کانفرنس میں بھارت نے گیس منصوبے پر دستخط کئے ہیں، چاروں ملکوں نے مل کر اس کو ممکن بنایا، قازقستان اور روس انرجی کی بات کرتے ہیں تو ہم کہتے ہیں کہ پہلے تاپی کو مکمل ہونے دیں۔

    مزید پڑھیں: تاپی گیس منصوبے سے پاک افغان تعلقات مستحکم ہوں گے،  شاہد خاقان عباسی

    انہوں نے کہا کہ اس منصوبے میں بڑا چیلنج سیکیورٹی ہے، تحفظات دور کیے جائیں تاکہ تاپی منصوبے پرمکمل عملدرآمد ہوسکے، منصوبے سے علاقائی امن میں بہتری آئے گی، مستقبل میں تاپی ایک سیکیورٹی اور تجارت کا کوریڈور بن سکتا ہے۔

  • بھارتی ہائی کمشنر کی بنی گالا آمد، عمران خان کا مسئلہ کشمیر کے لیے مذاکرات کی بحالی پرزور

    بھارتی ہائی کمشنر کی بنی گالا آمد، عمران خان کا مسئلہ کشمیر کے لیے مذاکرات کی بحالی پرزور

    اسلام آباد: بھارتی ہائی کمشنر اجے بساریہ نے بنی گالہ میں عمران خان سے ملاقات کی۔

    تفصیلات کے مطابق اجے بساریہ نے پی ٹی آئی چیئرمین سے ملاقات کی ہے، اس موقع پر بھارتی ڈپٹی ہائی کمشنر جے پی سنگھ بھی موجود تھے.

    اس ملاقات میں‌ بھارتی ہائی کمشنر نے عمران خان کوانتخابات میں کامیابی پر بھارتی وزیراعظم کی جانب سے مبارک باد کا پیغام پہنچایا۔

    اس موقع پر عمران خان نے مقبوضہ کشمیر میں انسانی حقوق کی خلاف ورزیوں پر تشویش کااظہار کرتے ہوئے اس کے حل کے لئے پاک بھارت مذاکرات کی بحالی پر زور دیا۔

    عمران خان نے کہا کہ امیدکرتاہوں، سارک سربراہ اجلاس جلداسلام آباد میں ہوگا،  

    بھارتی ہائی کمشنرکاپاک بھارت تعلقات میں مثبت دورکےآغازکی امیدکا اظہار کرتے ہوئے کہا کہ  مودی اورعمران کےدرمیان ٹیلیفونک گفتگوسےامیدنےجنم لیا۔

    بھارتی ہائی کمشنر کی جانب سے عمران خان کو  تحفے میں بلا  پیش کیا گیا تھا، جس پر موجود بھارتی کرکٹرز کے دسختط ثبت تھے.


    نریندر مودی کا عمران خان کو فون، جیت پر مبارک باد، تعلقات کے نئے دور کے آغاز کا عزم

    یاد رہے کہ الیکشن میں‌ کامیابی کے بعد نریندر مودی نے پی ٹی آئی چیئرمین کو ٹیلی فون پر الیکشن میں کامیابی پرمبارک باد دی تھی.

    نریندی مودی نے کہا تھا کہ پاکستان سے تعلقات میں نئے دور کے آغاز کے لیے تیار ہیں، معاملات آگے بڑھانے کے لئے مشترکہ حکمت عملی اپنانا ہوگی.

  • بھارتی ہائی کمشنر آج عمران خان سے ملاقات کریں گے

    بھارتی ہائی کمشنر آج عمران خان سے ملاقات کریں گے

    اسلام آباد : پاکستان تحریک انصاف کے سربراہ عمران خان آج بھارتی ہائی کمشنر اجے بیسریا سے ملاقات کریں گے اور بھارتی وزیراعظم کے مبارکباد کا پیغام دیں گے۔

    تفصیلات کے مطابق پی ٹی آئی چیئرمین عمران خان آج بنی گالہ میں بھارتی ہائی کمشنر اجے بیسریا سے ملاقات کریں گے، ملاقات میں بھارتی ڈپٹی ہائی کمشنر بھی موجود ہوں گے۔

    سفارتی ذرائع کا کہنا ہے کہ بھارتی ہائی کمشنر عمران خان کو بھارتی وزیراعظم نریندر مودی کے مبارکباد کا پیغام دیں گے۔

    اس سے قبل چین ، امریکہ ، ایران ، سعودی عرب، برطانیہ اور متحدہ عرب امارات کے سفیر بھی عمران خان سے ملاقات کرچکے ہیں اور نیک خواہشات کا اظہار کیا۔


    مزید پڑھیں : نریندر مودی کا عمران خان کو فون، جیت پر مبارک باد، تعلقات کے نئے دور کے آغاز کا عزم


    یاد رہے 30 جولائی کو بھارتی وزیراعظم نریندر مودی نے بھی عمران خان کو ٹیلیفون کرکے انتخابات میں کامیابی پر مبارک باد دی تھی۔

    نریندی مودی کا کہنا تھا کہ پاکستان سے تعلقات میں نئے دور کے آغاز کے لیے تیار ہیں، معاملات آگے بڑھانے کے لئے مشترکہ حکمت عملی اپنانا ہوگی۔

    اس موقع پر عمران خان نے نیک خواہشات پر بھارتی وزیراعظم کا شکریہ ادا کرتے ہوئے کہا تھا کہ بات چیت کے ذریعے تنازعات کے حل کی تدبیرکی جائے۔

    واضح رہے انتخابات میں کامیابی کے بعد عمران خان کا اپنے پہلے خطاب میں پاک بھارت تعلقات کے حوالے سے کہنا تھا کہ  بھارت ہرچیزپرپاکستان پرالزام لگاتاہے، یہ تعلقات کےلیےاچھانہیں، اگر بھارتی لیڈرشپ مذاکرات کے لیے تیارہے، تو ہم بالکل تیارہیں، تعلقات بہترہوں، چاہتےہیں پاکستان اوربھارت مل کربیٹھیں اوربات کریں۔