بھارتی یونیورسٹی میں زیر تعلیم کشمیری طلبہ کے تہلکہ خیزانکشافات سامنے آگئے، جس میں بتایا گیا کہ کشمیری طلباء کی خفیہ تصاویر لے کر انہیں بلیک میلنگ کا نشانہ بناتے تھے۔
تفصیلات کے مطابق مودی راج کے زیر اثر بھارتی تعلیمی اداروں میں کشمیری طلباء کی زندگی اجیرن ہوگئی ہے اور بھارت میں مقیم کشمیری طالبات کی عزتیں داوٴ پر لگ گئیں۔
بھارتی یونیورسٹی میں زیر تعلیم کشمیری طلبہ کا ایکس اکاوٴنٹ پر تہلکہ خیز انکشافات سامنے آگئے۔
الجزیرہ کی تہلکہ خیز رپورٹ میں بتایا گیا ہے کہ کشمیری طلبہ کا اپنے اور دیگر ساتھی طلباء کے ساتھ بھارتی طلباء کی جانب سے زیادتی اور تشدد کی تصدیق کی ہے۔
کشمیری طلبہ کا کہنا ہے کہ کشمیری طلباء کی خفیہ تصاویر لے کر انہیں بلیک میلنگ کا نشانہ بناتے تھے، مجھے بھارتی طلباء کے گروپ نے کالج چھوڑنے پر مجبور کر دیا، کشمیری طلباء بھارت میں خود کو غیر محفوظ محسوس کرتے ہیں۔
طلبہ نے بتایا کہ بھارتی پولیس نے تفتیش کے نام پر کشمیری طلباء کی زندگی کو جہنم بنا دیا ہے، بھارت میں کشمیری طلباء کو آر ایس ایس کے غنڈوں کی جانب سے بغیر کسی اخلاقی یا قانونی جواز کے ہراساں کیا جاتا ہے۔
الجزیرہ کی رپورٹ کے مطابق ایک طرف کشمیریوں کی نسل کو بدترین ریاستی تشدد کا نشانہ بنایا جا رہا ہے تو دوسری طرف دنیا کو دکھانے کیلئے اسٹوڈنٹس سکالرشپ کا ڈرامہ رچایا گیا، ہندو انتہا پسند طلبہ تنظیموں نے بھارت کی مختلف ریاستوں میں گزشتہ سکالرشپ پر بھجوائے گئے کشمیری طلبہ کیخلاف پرتشدد مظاہرے کیے اور حملے کر کے جان سے مارنے کی کوششیں کیں۔
کشمیری طلباء نے بتایا کہ بھارت چند ٹکوں کے عوض ہماری حب الوطنی نہیں خرید سکتا، ہم پچھلے 7 عشروں میں ڈھائے گئے مظالم کیسے بھول سکتے ہیں۔
دوسری جانب بھارتی طلباء کا کہنا ہے کہ جموں و کشمیر چونکہ بھارت کا حصہ نہیں اس لئے ہماری سیٹوں اور اسکالر شپس پر بھی ان کا کوئی حق نہیں، مقبوضہ وادی کی کشمیری قیادت ، کشمیری طلباء اور بھارتی محکمہ تعلیم سب اس بات پر متفق ہیں کہ یہ اسکیم (جس میں طالب علموں کا ایک سال دوسرے خطے میں گزارنا شامل ہے) مکمل طور پر ناکام ثابت ہوئی ہے، نئی اسکالرشپ اسکیم بھی مقبوضہ کشمیر میں انسانی حقوق کی پامالیوں پر پردہ ڈالنے کیلئے عالمی برادری کو دھوکا دینے کی کوشش کے سوا کچھ نہیں۔
