Tag: بھارتی یوٹیوبر

بھارتی حکام پاکستان سے شکست کے بعد اپنی جھینپ مٹانے لیے کسی بھی یوٹیوبر کو پاکستانی جاسوس بنانے سے گریز نہیں کررہے۔

پاکستان کےلیے جاسوسی کا الزام لگا کر یوٹیوبر جیوتی ملہوترا کو گزشتہ دنوں حراست میں لیا گیا تھا، اب سوشل میڈیا پر ایک اور ٹریول بلاگر پر سوالات اٹھائے جا رہے ہیں،روہتک کے رہنے والے یوٹیوبر نوانکور چودھری جو سوشل میڈیا پر "یاتری ڈاکٹر” کے نام سے موجود ہیں ان پر بھی پاکستانی جاسوس ہونے کا الزام لگایا جارہا ہے۔

نوانکور جو کہ اس وقت آئرلینڈ میں ہیں انھوں نے سوشل میڈیا کے ذریعے اپنے اوپر لگائے گئے تمام الزامات کی تردید کی ہے جبکہ اپنی حب الوطنی ثابت کرنے لیے لیے انھوں نے سوشل میڈیا پر ہندوستانی پرچم کے ساتھ ایک تصویر بھی شیئر کی۔

گرفتار یوٹیوبر جیوتی ملہوترا کی طرح نوانکور چودھری نے بھی پاکستان کا دورہ کیا تھا اور گزشتہ سال دہلی میں پاکستانی ہائی کمیشن کے زیر اہتمام ایک پروگرام میں شرکت کی تھی۔

اس پروگرام سے جیوتی ملہوترا نے نوانکور چودھری کے ساتھ ایک تصویر بھی سوشل میڈیا پر شیئر کی تھی جس کے بعد بھارتی سوشل میڈیا صارفین ان پر بھی سوالات اٹھا رہے ہیں۔

نوانکور چودھری نے اپنے بیان میں کہا میں نے صرف ایک بار پاکستان کا دورہ کیا ہے اور اس دورے کا مقصد صرف امن اور عام لوگوں سے رابطہ تھا، سوشل میڈیا پر میرے خلاف جعلی بیانیہ پھیلایا جا رہا ہے۔

https://urdu.arynews.tv/professor-ali-khan-mahmudabad-sent-to-14-day-judicial-custody-after-sonipat-court-denies-police-remand/

بھارت کے معروف یوٹیوبر دھرو راٹھی ’گمراہ کن بیانیے‘ پر ویڈیو بناکر شدید شرمندگی سے دوچار ہوگئے، سکھ رہنما نے یوٹیوبرکیخلاف ویڈیو جاری کردی۔

سکھوں کے گرووں پر دھرو راٹھی نے حال ہی میں ایک ویڈیو بنائی جس میں کئی گرووں کو دکھانے کےلیے اے آئی ویڈیو کا استعمال کیا جس پر سکھوں کی جانب سے سخت ردعمل سامنے آیا ہے، ایس اے ڈی، ایس جی پی سی جیسی تنظیموں نے اسے ’گمراہ کن بیانیہ‘ قرار دیا ہے۔

یوٹیوبر دھرو نے ’سکھ جنگجو جس نے مغلوں کو خوفزدہ کیا‘ کے عنوان سے ایک اے آئی سے تیار کردہ ویڈیو پوسٹ کی تھی جس نے سکھوں کے جذبات کو ٹھیس پہنچائی ہے۔

ਯੂਟਿਊਬਰ ਧਰੁਵ ਰਾਠੀ ਵੱਲੋਂ ਸਿੱਖ ਗੁਰੂ ਸਾਹਿਬਾਨ ਦੇ ਏਆਈ ਐਨੀਮੇਸ਼ਨ ਰਾਹੀਂ ਕੀਤੇ ਫਿਲਮਾਂਕਣ ਉੱਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਗਿਆਨੀ ਕੁਲਦੀਪ ਸਿੰਘ ਗੜਗੱਜ ਵੱਲੋਂ ਕਰੜਾ ਨੋਟਿਸ।@dhruv_rathee immediately remove the video#SGPC #Update #SikhHistory #Khalsa #BabaBandaSinghBahadur #AI pic.twitter.com/S4JSnfiYFk

— Shiromani Gurdwara Parbandhak Committee (@SGPCAmritsar) May 19, 2025

شرومنی اکالی دل (ایس اے ڈی) اور شرومنی گرودوارہ پربندھک کمیٹی (ایس جی پی سی) جیسی سکھوں کی تنظیم نے اس پر لب کشائی کرتے ہوئے اس ویڈیو کو گمراہ کن کہ اور فوری ڈیلیٹ کرنے کا مطالبہ کیا ہے۔

ایکس پر ایک طویل پوسٹ میں، سکھبیر سنگھ بادل نے کہا کہ ان کی پارٹی ہمارے گرو صاحبان کی تصویر کشی کرنے والے اے آئی سے تیار کردہ نامناسب امیج استعمال کرنےوالی ویڈیو کی سختی سے مذمت کرتی ہے۔

انھوں نے کہا کہ اس طرح کی تصویر کشی سکھ رہت مریادا کی خلاف ورزی کرتی ہے جو گرو صاحبان کی اس طرح کی تصویر پر پابندی لگاتی ہے، اس چیز نے کمیونٹی کے جذبات کو گہری ٹھیس پہنچائی ہے۔

اس سے قبل ڈھرو راٹھی نے حالیہ پاک بھارت جنگ پر بھی ایک گمراہ کن ویڈیو بنائی تھی، اور بھارتی اخباروں اور میڈیا کا حوالہ دیتے ہوئے بالکل جھوٹی باتیں پھیلائی تھیں، جس پر دنوں ممالک کے سنجیدہ حلقوں نے انھیں تنقید کا نشانہ بنایا تھا۔