Tag: بھارت انتخابات

مودی سرکار کا بھارت میں صاف اور شفاف الیکشن کا دعویٰ جھوٹا قرار ہوگیا، بی جے پی نے بھارت پر مکمل کنٹرول حاصل کرتے ہوئے ریاستی ڈھانچے کو تباہ کردیا ہے۔

بھارت میں عام انتخابات کا آغازہوچکا ہے مگر یہ انتخابات دنیا کی سب سےبڑی جمہوریت کہلائے جانے والے بھارت کی تاریخ کے متنازعہ ترین انتخابات ہوں گے۔

انتہا پسند ہندو جماعت بی جے پی نے بھارت پر مکمل کنٹرول حاصل کرتے ہوئے ریاستی ڈھانچے کو تباہ کردیا ہے ، اقتدار کی ہوس نے مودی کو اندھا کر رکھا ہے اور وہ ہر نا جائز ہتھکنڈہ اپناتے ہوئے مخالفین کو کچلنے میں مصروف ہے۔

مودی کے عتاب کا شکار بھارتی اداروں سے لے کر سیاسی مخالفین اور فلم انڈسٹری سے لے کر تعلیمی ادارے غرض یہ کہ بھارت میں رہنے والے تمام مکاتب فکر سے تعلق رکھنے والے افراد مودی کے نشانے پر ہیں۔

بھارت کے عام انتخابات میں جیتنے کے لیے مودی کے ہتھکنڈوں میں مخالفین کوکچلنا اور سیاسی مخالفین کی گرفتاریاں اور ان کے گھروں پر چھاپے، الیکشن کمشنر کی ردوبدل، مسلمانوں کے خلاف نفرت انگیز تقاریر، مذہبی جذبات پر کو بھڑکانا، میڈیا کو اپنے حق میں استعمال کرنا اور انتخابات میں جیتنے کے لیے کرپشن کے زریعے انتخابی مہم کو فنڈنگ کرنا شامل ہیں۔

مختلف غیر قانونی کارروائیوں کے ذریعے مودی سرکار نے آنے والے انتخابات کو متنازعہ بنا دیا ہے۔

قومی انتخابات سے قبل دہلی کے وزیر اعلیٰ اورعام آدمی پارٹی کے رکن اروند کیجریوال کو کرپشن کے جھوٹے الزام میں گرفتارکیا گیا جبکہ پارٹی کے باقی رہنما بھی مختلف مقدمات میں پہلے سے حراست میں ہیں۔

مودی کےحکم کےتحت انفورسمنٹ ڈویژن اورسی بی آئی کی جانب سے اپوزیشن پارٹیوں کے لیڈران کے گھروں پر ریڈ کئے۔

الجزیرہ کی رپورٹ کے مطابق مودی سرکار الیکشن میں جیتنے کے لیے ہر حربا استعمال کر رہی ہے اور سوشل میڈیا کا غیرقانونی استعمال کر کے بھارتی عوام کو گمراہ کرنے کے لیے مختلف وڈیوز اور میسیجز پھیلا رہی ہے۔

مودی کی من مانیوں پر الیکشن کمیشن کی خاموشی پر اپوزیشن پارٹیوں نے سوالات اٹھائے، الیکشن سےقبل الیکشن کمشنرارون گوئل کا استعفیٰ اور متنازعہ انتخابی عمل کےدرمیان ریٹائرڈبیوروکریٹس گیانش کمار اور سکھبیر سنگھ سندھو کو الیکشن کمشنر مقرر کرنا بی جے پی کی ساکھ پر سوالیہ نشان ہے۔

مودی کے اقتدار میں آنےکےبعدسےبھارتی میڈیا اب گودی میڈیا بن چکا ہے، مودی سرکار ایک جانب دنیاکی سب سے بڑی جمہوریت ہونے کا دعویٰ کر رہی ہے تو دوسری جانب انتخابات سے قبل ہی جیت کا اعلان کرتے نظر آتی ہے۔

جمہوریت کاتقاضہ ہےکہ مخالفین کےمابین منصفانہ اور برابری کی بنیادپرمقابلہ اور تمام شہریوں کے ساتھ مساوی سلوک ہو لیکن مودی کا بھارت دونوں خصوصیات سے محروم ہے۔

بھارتی ووٹرز کے مطابق مودی کے زیر اقتدار کرپشن اور دولت کی غیر مساوی تقسیم میں سنگین حد تک اضافہ ہوا ہے، بھارت 200 ملین سے زائد مسلمانوں کا گھر ہے لیکن مودی انہیں نظر انداز کرتے ہوئے محض ہندو انتہا پسندوں کو ترجیح دیتا ہے جن کی جانب سے مسلمانوں کے امتیازی سلوک اور تشدد کا نشانہ بھی بنایا جاتا ہے۔

بی جے پی کو سیاسی فنڈنگ کا 58 فیصد حصہ بھارت کے امرا سے ہونے کا انکشاف، دنیا کی سب سے بڑی جمہوریت کی تنزلی ارب پتی افراد کی مرہون منت ہے۔

2023 کے ورلڈ پریس فریڈم انڈیکس کی رپورٹ کے مطابق بھارت کی رینکنگ 180 ممالک میں سے 161 نمبر تک گر گئی، فروری 2020 میں مسلم مخالف دہلی فسادات کی رپورٹنگ بھی بھارتی نیوز چینل پر بند کر دی گئی تھی، نہ صرف اپنے نیوز چینلز بلکہ سوشل میڈیا ہینڈلرز اور یوٹیوبرز بھی مودی سرکار کے ریڈار پر آگئے ہیں۔

بھارتی انفورسمنٹ ڈائریکٹریٹ مودی سرکار کے کہنے پر کانگرس لیڈروں کی رہائش گاہوں پر چھاپے مار کر انہیں بی جے پی میں شامل ہونے کے لیے دباؤ ڈال رہی ہے ، 2017 میں جو مودی سرکار نے الیکٹورل بونڈ فنڈز قائم کیے تھے اور جسکا تقریبا 60فیصدپیسہ کھایا۔

22 جنوری 2024 کو ایودھیہ میں صدیوں پرانی بابری مسجد کے مقدس مقام کو مسخ کر کے رام مندر کا افتتاح کیا گیا، رام مندر کی ابتدائی تقریب کو مودی کی الیکشن کیمپین کے طور پر استعمال کیا گیا۔

اپنے دس سالہ دور اقتدار میں مودی سرکار نے دیگر اقلیتوں بالخصوص مسلمانوں کو نشانے پر رکھتے ہوئے اپنی سیاست کو پروان چڑھایا ہے، بھارتی مسلمانوں کو ہر طرح سے زدوکوب کیا گیا جبکہ ان کے گھروں، کاروباری مراکز اور عبادت گاہوں کو بھی غیر قانونی تجاوزات کی آڑ میں مسمار کر دیا گیا۔

رواں سال بھارت میں مودی سرکار کی جانب سے سی اے اے قانون میں بھی ترمیم کر دی گئی جس کے بعد بھارتی مسلمانوں سے ان کی شہریت کا حق بھی چھین لیا گیا تھا، ان تمام واقعات سے موجودہ انتخابات کے شفاف ہونے پر سوالیہ نشان ہیں۔

ناقص انتظامات اوررشوت کےالزامات ،ڈپٹی ڈائریکٹر پاسپورٹ آفس لاہور فیض الحسن معطل
اسلام آباد:وزیر داخلہ کے حکم پر اسسٹنٹ ڈائریکٹر محمد نسیم کو بھی معطل کر دیا گیا،نوٹیفکیشن جاری
پاسپورٹ آفس لاہور زونل میں کرپشن،ایجنٹ مافیا،دفاتری نظام شدیدمتاثرپایا گیا،نوٹی فکیشن
اسلام آباد:افسران کے خلاف الزامات سے متعلق چارج شیٹ بھی جاری کی جائیگی،نوٹیفکیش

کانگرس کے رہنما راہول گاندھی نے انتخابات میں مودی سرکار پر میچ فکسنگ کا الزام کردیا اور کہا اپوزیشن جماعتوں اور ان کے لیڈروں کے خلاف انتخابات کے دوران لیول پلیئنگ فیلڈ سے محروم ہیں۔

تفصیلات کے مطابق بھارت میں لوک سبھا انتخابات سے قبل اپوزیشن جماعتیں مودی سرکار کے نشانے پر ہیں اور سیاسی جماعتیں مودی سرکار

حال ہی میں انفورسمنٹ ڈائریکٹویٹ کی جانب سے کانگرس جماعت کے کئی اکاوٴنٹس کو منجمد کیا گیا اور انکم ٹیکس ڈیپارٹمنٹ کی جانب سے پانچ انکم ٹیکس نوٹس بھیجے گئے۔

کانگرس کے رہنما راہول گاندھی کا انتخابات میں مودی سرکار پر میچ فکسنگ کا الزام عائد کرتے ہوئے کہا کہ حالیہ انکم ٹیکس کاروائیوں اور انفورسمنٹ ڈائریکٹوریٹ کی جانب سے اپوزیشن جماعتوں اور ان کے لیڈروں کے خلاف انتخابات کے دوران لیول پلیئنگ فیلڈ سے محروم کیا گیا۔

29 مارچ 2024 کو بھارتی انکم ٹیکس ڈیپارٹمنٹ کے باعث اپوزیشن جماعتوں کو پانچ انکم ٹیکس نوٹس بھیجے گئے، انکم ٹیکس ڈیپارٹمنٹ کی کانگرس سے 3567 کروڑ فوری ادا کرنے کی ڈیمانڈ بھی سامنے آئی۔

انکم ٹیکس ڈیپارٹمنٹ کی جانب سے کانگرس پر 210 کروڑ روپے کا جرمانہ عائد کر کے اکاوٴنٹس منجمد کر دئیے، سابقہ سربراہ الیکشن کمیشن کے مطابق کانگرس اور دیگر جماعتوں کو عین الیکشن سے قبل سرکاری نوٹس آزادانہ اور منصفانہ انتخابات پر سوالیہ نشان ہیں، الیکشن کمیشن یقینی طور پر اپوزیشن جماعتوں کے خلاف نوٹس کو انتخابات سے قبل روک سکتا تھا۔

مودی سرکار کے حکم پر اپوزیشن لیڈروں کے خلاف کاروائیاں، تلاشی، نوٹس جاری کرنے اور الگ الگ مقدمات میں گرفتاریاں نمایاں رہی ہیں۔

حال ہی میں دہلی کے وزیر اعلی اروند کیجریوال اور بھارت راشترا سمیتی پارٹی کی کلواکنٹلا کویتھا کو گرفتار کیا گیا۔

کانگریس پارٹی کے صدر ملکارجن کھرگے نے سوال کیا کہ مودی اہم اپوزیشن پارٹیوں کو ہراساں کرنے کے لیے محکمہ انکم ٹیکس کو ہتھیار کے طور پر کیوں استعمال کر رہا ہے؟ دیگر سیاسی جماعتوں کمیونسٹ پارٹی آف انڈیا اور سی پی آئی ایم کو بھی انکم ٹیکس ڈیپارمنٹ کی جانب سے 15 کڑور کا نوٹس جاری کیا گیا ہے۔

مودی سرکار انتخابات سے قبل میچ فکسنگ کر کے دوبارہ اقتدار میں آنے کے لئے راہ ہموار کر رہی ہے۔

بھارت میں جوں جوں انتخابات کا وقت قریب آرہا ہے، مودی سرکار اپنی شکست کو دیکھتے ہوئےاوچھے ہتھکنڈوں پر اترآئی ہے۔

انتخابات میں شکست کے خوف سے مودی سرکاربوکھلاہٹ کا شکار ہے ،بھارت میں جوں جوں انتخابات کاوقت قریب آرہاہےمودی سرکار اپنی شکست کو دیکھتے ہوئےاوچھےہتھکنڈوں پر اترآئی ہے۔

مودی جس کی پالیسیوں سے بھارتی ووٹرزنالاں ہیں، نے اپنے سیاسی مخالفوں کو دبانے کیلئے ایک جانب بلاجواز گرفتاریاں شروع کر رکھی ہیں تو دوسری جانب انہیں مالی طور پر بھی نقصان پہنچانے کے حربے آزمائے جا رہے ہیں۔

بھارت میں اپوزیشن کی سب سے بڑی جماعت کانگریس کی جانب سے یہ الزام عائد کیا گیا ہے کہ اس کی پارٹی کے رہنماؤں کے بینک اکاؤنٹس کو مودی سرکار کے حکم پر منجمد کردیا گیا ہے۔

اس حوالے سے اپوزیشن جماعت کانگریس کے رہنما راہول گاندھی کا کہنا ہے کہ’’انتخابات سے صرف ایک ماہ قبل ہماری جماعت کے بینک اکائونٹس منجمد کردیئے گئے ہیں جس کی وجہ سے الیکشن مہم چلانے کیلئے ہمارے پاس پیسے نہیں ہیں‘‘

راہول گاندھی نے اس حوالے سے سنجیدہ سوالات اٹھاتے ہوئے کہا کہ ’’کہاں ہے الیکشن کمیشن آف انڈیا؟، کہاں ہیں عدالتیں؟ اور کہاں ہے میڈیا؟ کوئی بھی اس حوالے سے نہیں بول رہا، یہ صرف بینک اکاؤنٹس منجمد نہیں ہوئے بلکہ بھارت کی جمہوریت کو منجمد کردیا گیا ہے‘‘

دوسری جانب یہ خبریں بھی آرہی ہیں کہ نئی دہلی کے وزیر اعلیٰ اروند کیجریوال کے گھر کو سنٹرل ریزرو پولیس فورس اور ریپیڈ ایکشن فورس نے گھیرے میں لے رکھا ہے

بھارت میں سوشل میڈیا اور الیکٹرانک میڈیا پر اس صورتحال کے حوالے سے کہا گیا ہے کہ مودی سرکار انتخابات میں اپنی شکست کو دیکھ کر مکمل طور پر بوکھلاہٹ کا شکار ہے۔

ہندوتوا نظریے کی حامل بی جے پی کا مکروہ چہرہ تو پہلے ہی بھارت سمیت دنیا پر عیاں ہو چکا تھا مگر انتخابات سے قبل اس طرح کی منفی حرکات سے اب یہ جماعت کھل کر سامنے آگئی ہے اور جیت کیلئے کسی بھی حد کو پار کرسکتی ہے۔

امریکا اور یورپی ممالک جنہیں دیگر ملکوں کے انتخابات تو متنازعہ نظر آتے ہیں کیا وہ بھارت میں انتخابات سے قبل ہونے والی اس پری پول دھاندلی کا کوئی نوٹس لیں گے۔

بھارت کے نام نہاد جمہوری دعوؤں کا پول کھل چکا اور جمہوریت کے سب سے بڑے دعوے دار ملک میں انتہائی پست سوچ رکھنے والا گروہ قابض ہو چکا ہے۔