Tag: بھارت اور پاکستان

  • بھارت اور پاکستان سیز فائر پر تیار ہوگئے، امریکی صدر ٹرمپ

    بھارت اور پاکستان سیز فائر پر تیار ہوگئے، امریکی صدر ٹرمپ

    واشنگٹن : امریکی صدر ڈونلڈ ٹرمپ نے پاکستان اور بھارت کو مبارک باد دیتے ہوئے کہا کہ دونوں ممالک سیز فائر پر تیار ہوگئے ہیں۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ایکس پر اپنے پیغام میں کہا کہ ‘امریکی ثالثی میں پاکستان بھارت کےرات بھرمذاکرات رہے، دونوں ممالک میں سیزفائر کا اعلان کرتے خوشی ہورہی ہے۔’

    امریکی صدر کا کہنا تھا کہ ‘دونوں ممالک فوری سیز فائر کیلئے رضا مند ہوگئے ہیں، سیز فائر کرنے پر دونوں ممالک کا شکر گزار ہوں اور دونوں ممالک کو مبارکباد پیش کرتا ہوں، پاکستان اور بھارت نے سمجھ داری سے کام لیا۔’

    یاد رہے آج صبح : امریکی وزیر خارجہ مارکو روبیو نے بڑھتی ہوئی پاک بھارت کشیدگی میں آرمی چیف جنرل عاصم منیر اور وزیر خزانہ اسحاق ڈار سے ٹیلیفونک رابطہ کیا تھا۔

    جس میں امریکا کی جانب سے ایک بار پھر پاک بھارت کشیدگی کم کرنے اور مذاکرات کے لیے تعاون کی پیش کش کی گئی تھی۔

    مزید پڑھیں : آرمی چیف جنرل عاصم منیر سے امریکی وزیر خارجہ مارکو روبیو کا رابطہ

    امریکی وزیر خارجہ مارکو روبیو نے کہا تھا فریقین کشیدگی میں کمی کے لیے اقدامات کریں، ترجمان امریکی محکمہ خارجہ نے کہا مارکو روبیو نے تعمیری بات چیت کے لیے مدد کی پیش کش کی ہے۔

    امریکی وزیر خارجہ مارکو روبیو نے فریقین سے تحمل کی اپیل کی تھی۔

    آپریشن بُنۡیَانٌ مَّرْصُوْص

    واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔

    پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے

  • متحدہ عرب امارات کا  پاکستان اور بھارت سے تحمل سے کام لینے پر زور

    متحدہ عرب امارات کا پاکستان اور بھارت سے تحمل سے کام لینے پر زور

    دبئی : متحدہ عرب امارات نے بھارت اور پاکستان سے تحمل سےکام لینے پر زور دیتے ہوئے کہا کہ کشیدگی روکیں۔ اسے مزید بڑھانے سے گریز کریں۔

    تفصیلات کے مطابق متحدہ عرب امارات کے نائب وزیراعظم و وزیر خارجہ شیخ عبداللہ بن زاید النہیان نے بھارت اور پاکستان پر زور دیا ہے کہ وہ تحمل سے کام لیں اور کشیدگی روکیں۔ اسے مزید بڑھانے سے گریز کریں، جس سے علاقائی اور بین الاقوامی امن کو خطرہ ہو سکتا ہے۔

    شیخ عبداللہ بن زاید النہیان نے جنوبی ایشیا میں مزید علاقائی کشیدگی سے بچنے کیلئے بات چیت اور باہمی افہام و تفہیم کی اہمیت پر زور دیا۔

    انہوں نے کہا سفارت کاری اور مذاکرات بحران کو پُرامن طریقے سے حل کرنے کا سب سے موثر ذریعہ ہیں۔

    شیخ عبداللہ بن زاید النہیان کا مزید کہنا تھا متحدہ عرب امارات علاقائی اور بین الاقوامی تنازعات کے پُرامن حل کے حصول کیلئے تمام اقدامات کی حمایت کے لیے اپنی کوششیں جاری رکھے گا۔

    اس سے قبل اقوام متحدہ کے سیکریٹری جنرل انتونیو گوٹیرس نے پاکستان کے خلاف بڑھتی ہوئی بھارتی جارحیت پر شدید تشویش کا اظہار کیا تھا۔

    ترجمان ا سٹیفن دوجارک کا کہنا تھا گوئتریس نے دونوں ملکوں سے زیادہ سے زیادہ تحمل کا مظاہرہ کرنے کا مطالبہ کیا۔

    ایک پیغام میں اقوام متحدہ کے سربراہ نے کہا تھا کہ دنیا دو جوہری ہتھیاروں سے لیس پڑوسیوں کے درمیان فوجی تصادم کی متحمل نہیں ہو سکتی، کشیدگی میں کمی اور سفارت کاری کی ضرورت پر زور دیا۔

  • جنوبی ایشیا کی بگڑتی  صورتحال: خلیج تعاون کونسل کا  بھارت اور پاکستان سے فوری مذاکرات کا مطالبہ

    جنوبی ایشیا کی بگڑتی صورتحال: خلیج تعاون کونسل کا بھارت اور پاکستان سے فوری مذاکرات کا مطالبہ

    اسلام آباد : خلیج تعاون کونسل نے بھارت اورپاکستان سے فوری مذاکرات کا مطالبہ کرتے ہوئے تحمل کا مظاہرہ کرنے اوربات چیت کی زبان کو ترجیح دینے پر زور دیا۔

    تفصیلات کے مطابق خلیج تعاون کونسل نے جنوبی ایشیا کی بگڑتی ہوئی صورتحال پر تشویش کا اظہارکرتے ہوئے پاکستان اوربھارت سے فوری مذاکرات شروع کرنے کا مطالبہ کیا ہے۔

    اپنے بیان میں خلیج تعاون کونسل کے سیکرٹری جنرل جاسم البدیوی نے پہلگام میں سیاحوں پر حملے کی مذمت کرتے ہوئے تحمل کا مظاہرہ کرنے اوربات چیت کی زبان کو ترجیح دینے پر زور دیا۔

    انہوں نے بین الاقوامی قانون اور اقوام متحدہ کے چارٹر کے مطابق اختلافات کے حل کیلئے پرامن ذرائع اختیار کرنے کی اہمیت پر بھی زور دیا۔

    جاسم البدیوی نے دہشت گردی کی مخالفت میں خلیج تعاون کونسل کے اصولی مؤقف کا بھی اعادہ کیا۔

    خلیج تعاون کونسل کے سیکرٹری جنرل کا کہنا ہے سلامتی کونسل کی قراردادوں کے مطابق جموں وکشمیر کے مسئلے کا پُرامن حل تلاش کرنے کیلئے بین الاقوامی برادری اپنی کوششیں تیز کرے۔

    البدیوی نے اسلامو فوبیا کے بڑھتے ہوئے رجحان کے خلاف مزید خبردار کرتے ہوئے کہا کہ "امتیازی بیان بازی اور پالیسیاں کشیدگی کو ہوا دے سکتی ہیں اور امن کی جاری کوششوں کو نقصان پہنچا سکتی ہیں۔”

    خلیج تعاون کونسل ایک سیاسی اور اقتصادی بلاک جس میں سعودی عرب، متحدہ عرب امارات، قطر، عمان، بحرین اور کویت شامل ہیں، تمام ممالک نے علاقائی استحکام کو فروغ دینے کے لیے اپنے عزم کا اعادہ کیا اور تمام اسٹیک ہولڈرز پر زور دیا کہ وہ مزید کشیدگی کو روکنے کے لیے ذمہ داری سے کام کریں۔

  • بالاکوٹ حملے کے بعد بھارت اور پاکستان جوہری جنگ کے دہانے پر پہنچ گئے تھے، بڑا انکشاف

    واشگنٹن : امریکا کے سابق وزیر خارجہ مائیک پومپیو نے انکشاف کیا کہ بالاکوٹ حملے کے بعد بھارت اور پاکستان جوہری جنگ کے قریب پہنچ گئے تھے۔

    تفصیلات کے مطابق امریکا کے سابق وزیر خارجہ مائیک پومپیو نے اپنی کتاب میں انکشاف کیا کہ 2019 میں بھارت اور پاکستان جوہری جنگ کے قریب پہنچ گئے تھے،امریکا نے دونوں ممالک کے درمیان کشیدگی کو روکا۔

    مائیک پومپیو نے بتایا کہ پاکستان اور بھارت کے درمیان کشیدگی کو امریکی مداخلت نے بڑھنے سے روکا تھا۔

    امریکا کے سابق وزیر خارجہ نے کہا کہ سینئیر بھارتی عہدیدار نےانہیں فون پر بتایا کہ پاکستان نے جوہری ہتھیاروں کو حملے کے لیے تیار کرنا شروع کر دیا ہے، جس کے بعد امریکی سفارت کاروں نے بھارت اور پاکستان دونوں کو باور کروایا کہ کوئی بھی جوہری جنگ کی تیاری نہیں کر رہا ہے۔

    مائیک پومپیو کا کہنا تھا کہ خوفناک نتائج سے بچنے کے لیے جو کچھ ہم نے اس رات کیا، کوئی اور ملک ایسا نہیں کر سکتا۔

  • پانی کے تنازع پر بھارت اور پاکستان کے درمیان جنگ کا خطرہ

    پانی کے تنازع پر بھارت اور پاکستان کے درمیان جنگ کا خطرہ

    اسلام آباد : سابق امریکی سفیر کیمرون منٹر نے  پانی کےتنازع پربھارت اور پاکستان کے درمیان جنگ  کے خطرے کا خدشہ ظاہر کرتے ہوئے کہا ہے کہ پانی کے معاملےپردوطرفہ مذاکرات ہونے چاہیئے۔

    تفصیلات کے مطابق اسلام آباد میں عالمی اسٹریٹجک خطرات اور ردعمل پر بین الاقوامی کانفرنس کا انعقاد کیا گیا، سابق امریکی سفیر کیمرون منٹر نے عالمی کانفرنس سے اظہار خیال کرتے ہوئے کہا کہ ڈبلیوایچ او کے تجارتی مسائل پربات کرنےکی ضرورت ہے، اقوام متحدہ کےکردارپربھی گفتگوکوفوقیت دینےکی ضرورت ہے۔

    کیمرون منٹر کا کہنا تھا کہ دنیا کو اس وقت 3اہم مسائل کاسامناہے ، ماحولیاتی تبدیلی، ٹیکنالوجی کےامور،ملکوں کےاندرونی معاملات اہم مسائل ہیں۔

    سابق امریکی سفیر نے خدشہ ظاہر کیا ہے کہ پانی کےتنازع پربھارت اور پاکستان کے درمیان جنگ ہوسکتی ہے، پانی کے معاملےپردوطرفہ مذاکرات ہونے چاہیئے۔

    دوسری جانب سابق امریکی سفیر کیمرون منٹر وزارت خارجہ پہنچے اور وزیر خارجہ شاہ محمود قریشی سے ملاقات کی ، ملاقات کے دوران پاکستان اور امریکہ کے دو طرفہ تعلقات اور خطے کی سیاسی صورتحال پر تفصیلی تبادلہ خیال کیا گیا اور امریکہ اور طالبان امن معاہدے اور اگلے مرحلے میں انٹرا افغان مذاکرات پر بھی تفصیلی گفتگو کی۔

    وزیر خارجہ شاہ محمود قریشی کا کہنا تھا کہ مقبوضہ کشمیر میں بھارتی فوج انسانی حقوق کی شدید خلاف ورزیوں میں ملوث ہے، بھارتیہ جنتا پارٹی کی حکومت کا منظور کردہ امتیازی شہریت ترمیمی قانون، بھارتی مسلمانوں کے بھاری جانی، مالی اور نفسیاتی نقصانات کا باعث بن رہا ہے۔

    شاہ محمود قریشی نے مزید کہا کہ 5 اگست 2019 سے ہندوستانی حکومت کے اقدامات خطے میں نقص امن کے موجب بن رہے ہیں۔

  • دلی اور لاہور ہمارے لیے گھر آنگن تھا!

    دلی اور لاہور ہمارے لیے گھر آنگن تھا!

    دلی اور لاہور ہمارے لیے گھر آنگن تھا۔ جب جی چاہا منہ اٹھایا اور چل پڑے۔ کھانے دانے سے فارغ ہو کر رات کو فرنٹیر میل میں سوار ہوئے اور سو گئے۔

    آنکھ کھلی تو معلوم ہوا کہ گاڑی لاہور پر کھڑی ہے۔ سال میں کئی کئی پھیرے لاہور کے ہوجاتے تھے۔ لاہور ادیبوں کی منڈی تھا۔

    سر سید نے انھیں زندہ دلانِ پنجاب کہا اور واقعی یہ معلوم ہوتا تھا کہ اس خطے میں زندگی ابلتی ہے اور گنگناتی گاتی پھرتی ہے۔ کتنا خلوص تھا یہاں کے لوگوں میں اور کتنی محبت۔ ٹوٹ کر ملتے، ہاتھوں ہاتھ لیتے اور سر آنکھوں پر بٹھاتے۔

    ہندو، مسلمان، سکھ، عیسائی سب ایک ہی تھیلی کے چٹے بٹے تھے۔ ان میں تیر میر نہیں آئی تھی۔

    ادیب اور شاعر نرے ادیب اور شاعر ہی تھے۔ وہ جو کسی نے کہا ہے کہ آرٹسٹ کا مذہب تو آرٹ ہی ہوتا ہے۔ اب کی مجھے خبر نہیں، یہ کوئی سترہ اٹھارہ سال ادھر کی باتیں۔ اب تو زمین آسمان ہی بدل گئے تو بھلا ادب و شعر کی قدریں کیوں نہ بدلی ہوں گی؟ خیر، کچھ ہو گا۔ یہ وقت اس بحث میں پڑنے کا نہیں۔

    ہاں تو اچھے وقت تھے، اچھے لوگ تھے۔ ان سے مل کر جی خوش ہوتا تھا، ایک بار ملے، دوبارہ ملنے کی ہوس۔ اور سچ تو یہ ہے کہ ان میں سے بعض کے ساتھ برسوں یک جائی رہی اور جی نہیں بھرا۔ بلکہ ان سے بے ملے چین نہیں پڑتا تھا۔

    بے غرض ملتے، جی کھول کر ملتے۔ اجلی طبیعتیں تھیں۔ بعض دفعہ بڑی ناگوار باتیں بھی ہو جاتیں، مگر کیا مجال جو آنکھ پر ذرا بھی میل آجائے۔ تم نے ہمیں کہہ لیا، ہم نے تمھیں کہہ لیا، ایلو، دل صاف ہو گئے۔ اچھے لوگوں میں یہی ہوتا ہے۔ زمانہ سدا ایک سا نہیں رہتا۔ جب تک بندھن بندھا ہوا ہے، بندھا ہوا ہے، جب ٹوٹا ساری تیلیاں بکھر گئیں۔ جو دم گزر جائے غنیمت ہے۔ اب وہ دن جب بھی یاد آتے ہیں تو دل پر سانپ سا لوٹ جاتا ہے۔ یہی کیا کم عذاب تھا کہ ایک دوسرے سے بچھڑ گئے، اب سناؤنی سننے کو کہاں سے پتھر کا دل لاؤں۔

    بڈھے مرے، انھیں تو مرنا ہی تھا۔ میر ناصر علی مرے، ناصر نذیر فراق مرے، میر باقر علی داستان گو مرے، علامہ راشد الخیری مرے، مولانا عنایت اللہ مرے، کس کس کو گناؤں۔ ایک ہو تو بتاؤں۔

    شاہد احمد دہلوی کی باتیں اور یادیں، ان کی کتاب گنجینہ گوہر سے انتخاب

  • بھارتی جارحیت جاری: سیالکوٹ سیکٹرمیں بلا اشتعال فائرنگ

    بھارتی جارحیت جاری: سیالکوٹ سیکٹرمیں بلا اشتعال فائرنگ

    سیالکوٹ: بھارتی سیکیورٹی فورسز نےجنگ بندی کی ایک بار پھرخلاف ورزی کرتے ہو ئے سیالکوٹ کےقریب پوکھلیاں سیکٹرمیں بلااشتعال فائرنگ کی، جس کا پاک فوج نےبھرپورجواب دیا۔

    آئی ایس پی آر کی جانب سے جاری کردہ ایک بیان کے مطابق بھارتی سیکیورٹی فورسز کی جانب سے لائن آف کنٹرول اور ورکنگ باؤنڈری کی خلاف ورزی کاسلسلہ جاری ہے اور بھارت کی جانب سے آج صبح سیالکوٹ کےقریب پوکھلیاں سیکٹرمیں نواحی دیہات پر بلااشتعال فائرنگ کی گئی۔

    آئی ایس پی آر کے مطابق ورکنگ باؤنڈری پرفائرنگ کاپاک فوج نےمؤثرجواب دیا، دوسری جانب مقامی افرادکاکہنا تھا کہ بھارت ہمیشہ فائرنگ اس وقت شروع کرتا ہے جب پاکستانی شہری نماز یا دیگر عبادات میں مشغول ہو تے ہے۔

    بھارت کی بلا اشتعال فائرنگ کا پاک فوج نے فوری اور پھر پور جواب دیا جس سے بھارتی توپیں خاموش ہو گئیں۔

    آئی ایس پی آر کے مطابق رواں ماہ میں بھارت کی جانب سےمتعدد بارسرحدی حدود کی خلاف ورزی کی گئی ہے، جس میں گیارہ پاکستانی شہید ہوچکے ہے، بھارتی فائرنگ پر پاکستان نےعالمی سطح پر احتجاج بھی ریکارڈ کرایا گیا ہے۔

    دوسر جانب پی ٹی آئی نے سرحد پر بلااشتعال بھارتی گولہ باری پر شدید مذمت کی ہے۔ پی ٹی آئی کے ترجمان کے مطابق پاک بھارت سرحد پر بھارتی جارحیت انتہائی تشوشناک ہے۔ وزیراعظم نواز شریف بھارتی اشتعال انگیزیاں روکنےکےلیے لینڈ ٹرانزٹ روٹ بند کرنے کا فیصلہ کریں۔ پی ٹی آئی کے مطابق وفاقی حکومت عوام کے جان ومال کے ساتھ ملکی سرحدوں کی تحفظ میں بھی ناکام ہوگئی ہے۔

  • بھارت اورپاکستان کے درمیان پانی کا مسئلہ اہم ہے، دفترِخارجہ

    بھارت اورپاکستان کے درمیان پانی کا مسئلہ اہم ہے، دفترِخارجہ

    اسلام آباد : ترجمان دفترِخارجہ کا کہنا ہے کہ بھارت اورپاکستان کے درمیان پانی کا معاملہ ایک اہم مسئلہ ہے، وزیرِاعظم نوازشریف نے بھارتی وزیرِاعظم کے خط کا جواب دے دیا ہے۔

    ترجمان دفترِخارجہ تسنیم اسلم کا کہنا ہے کہ وزیرِاعظم نواز شریف نے بھارتی وزیرِاعظم کے خط کا جواب دے دیا ہے، مقبوضہ کشمیر میں سیلاب زدگان کی مدد کی پیشکش کی ہے تاہم ملک میں متاثرین سیلاب کیلئے بیرونی امداد نہیں مانگی گئی۔

    دفترِخارجہ کی ترجمان نے ہفتہ واربریفنگ میں بھارت پرواضح کر دیا ہے کہ پاک بھارت کے درمیان پانی کے معاملے پر سندھ طاس معاہدہ موجود ہے اور پاکستان اس پر بات چیت کے لئے تیار ہے۔

    دفترِخارجہ نے بھارت کی طرف سے پاکستان پر جاسوسی کے الزامات مسترد کر تے ہوئے انہیں بے بنیاد قرار دیا ہے۔

    ترجمان کا کہنا تھا کہ سیاچن پر افواج کی موجودگی بھی ماحولیاتی تبدیلوں کا باعث بن رہی ہے ،جس کیلئے ماحولیاتی تبدیلیوں پر کام کرنے والی غیر سرکاری تنظیمیں کام کر رہی ہیں۔

    چین کے صدر کے دورہء پاکستان سے متعلق دفترِخارجہ کا کہنا ہےکہ اس بارے میں سفارتی چینلز پر بات چیت جاری ہے جبکہ اقوام متحدہ کی جنرل اسمبلی میں ملک کی نمائندگی کون کرے گا اس پر بھی ابھی فیصلہ نہیں کیا گیا۔

    دفترِخارجہ نے یہ بھی واضح کیا ہے کہ سفارت خانوں کے باہر کوئی احتجاج نہیں ہوا، سفارتخانوں اور سفارت کاروں کی حفاظت حکومت کی ذمہ داری ہے، عرب امارات میں ایک پاکستانی کے لاپتہ ہونے پر وزارتِ خارجہ کام کر رہا ہے۔