نیدرلینڈز اور بھارت کے درمیان ورلڈکپ میچ کے دوران معرف کمنٹیٹر ای این اسمتھ نے روی شاستری کی نقل اتار کر سب کو ہنسنسے پر مجبور کردیا۔
آئی سی سی کرکٹ ورلڈ کپ 2023 کے 44 ویں میچ میں بھارت اور نیدرلینڈز اتوار کو ایم چناسوامی اسٹیڈیم، بنگلورو میں مدمقابل تھے۔ بھارتی کپتان روہت شرما نے ٹاس جیت کر پہلے بیٹنگ کا فیصلہ کیا تھا اور اس دوران روی شاستری گراؤنڈ میں کمنٹری کررہے تھے۔
شائقین کے لیے اس وقت دلچسپ صورتحال پیدا ہوگئی جب کمنٹری باکس میں نیوزی لینڈ کے سابق کرکٹر اور موجودہ کمنٹیٹر ای این اسمتھ نے روی شاستری کے کمنٹری کرنے کے انداز کی نقل اتاری۔
اسمتھ نے روی شاستری کے اس انداز کی نقل اتاری جب وہ ٹاس کے دوران دونوں کپتان کے بیچ موجود تھے اور شائقین کو دیوالی کی مبارکباد بھی دے رہے تھے، اسمتھ کا ماننا تھا کہ روی بورنگ ماحول کو پرجوش بنا دیا تھا۔
یہ واقعہ اننگز کے 30 ویں اوور میں پیش آیا جب اسمتھ نے ٹاس کے بورنگ ماحول میں گرمجوشی سے کمنٹری کرنے پر شاستری کی تعریف کی اور کہا کہ عام طور پر دو کپتانوں اور میچ ریفری کے ساتھ ٹاس والا معاملہ تھوڑا بورنگ ہوتا ہے۔
سابق بھارتی کرکٹر اور موجودہ کمنٹیٹر شاستری اور ساتھ بیٹھی خاتوں بھی اسمتھ کی جانب سے نقل اتارنے پر ہنس ہنس کر لوٹ پوٹ ہوگئیں۔ آخر میں روی نے اسمتھ کو روکتے ہوئے ان کی بات کاٹ دی تاکہ ان کا زیادہ مذاق نہ بن سکے۔
آئی سی سی کی جانب سے اس دلچسپ ویڈیو کو شیئر کیا گیا ہے جس پر شائقین دلچسپ تبصرے کررہے ہیں۔
