Tag: بھارت کا حملہ

اسلام آباد: پاکستان نے ایف اے ٹی ایف ایشیا پیسفک گروپ میں بھارت کی شمولیت پر اعتراض کرتے ہوئے بھارتی شریک چیئر کو ہٹانے کا مطالبہ کر دیا۔

تفصیلات کے مطابق ایف اے ٹی ایف ایشیا پیسفک گروپ میں بھارت کی شمولیت پر پاکستان نے اعتراض کر دیا ہے، وزیرِ خزانہ اسد عمر نے ایف اے ٹی ایف کے صدر کو خط لکھ دیا۔

وزیرِ خزانہ نے خط میں لکھا ہے کہ بھارت پاکستان کے اقتصادی مفادات کو نقصان پہنچانا چاہتا ہے، پاکستان کی فضائی حدود کی حالیہ خلاف ورزی بھارتی رویے کی عکاس ہے۔

اسد عمر نے صدر ایف اے ٹی ایف کو خط میں لکھا کہ بھارت نے پاکستان کی فضائی حدود کی بھی خلاف ورزی کی ہے۔

خط کا متن ہے کہ بھارت پاکستان کو دنیا میں تنہا کرنے کے لیے سرگرم ہے، پاکستان ایف اے ٹی ایف کے ایکشن پلان پر عمل درآمد کر رہا ہے، ایف اے ٹی ایف ایشیا پیسیفک گروپ میں بھارت کی شمولیت سے پاکستان ہراساں ہوگا۔

دریں اثنا، وزیر خزانہ نے ٹویٹ کرتے ہوئے بتایا کہ انھوں نے ایف اے ٹی ایف کے صدر کو بھارت کو شریک چیئر کی پوزیشن سے ہٹانے کے لیے خط لکھا، بھارت نے پاکستان کے خلاف لابنگ کے ذریعے اپنی پوزیشن کا غلط استعمال کیا۔

I have written to the FATF president to remove India from the position of co chair for the Pakistan FATF review. India has blatantly abused its position by lobbying to get Pakistan blacklisted in the last review in Paris. We successfully defended our position Alhamdulillah

— Asad Umar (@Asad_Umar) March 9, 2019

انھوں نے کہا کہ بھارت نے پاکستان کو بلیک لسٹ کرانے کے لیے اپنی پوزیشن کا غلط استعمال کیا، دوسری طرف پاکستان نے اپنے مؤقف کا کام یابی سے بھرپور دفاع کیا۔

یہ بھی پڑھیں:  ایف اے ٹی ایف اجلاس، پاکستان کا نام گرے لسٹ میں برقرار

یاد رہے کہ 22 فروری کو وزیرِ خزانہ اسد عمر نے ٹویٹ کر کے کہا تھا کہ فنانشل ایکٹ ٹاسک فورس (ایف اے ٹی ایف) کی بلیک لسٹ میں پاکستان کا نام شامل ہونے کا خطرہ ٹل گیا ہے، پاکستان کا نام گرے لسٹ میں برقرار ہے۔

انھوں نے کہا کہ بھارت کی خواہش تھی کہ پاکستان کا نام اس بار بلیک لسٹ میں شامل کر دیا جائے، تاہم ایف اے ٹی ایف نے منی لانڈرنس دہشت گردوں کی فنڈز کے معاملے کا جائزہ لیا، اور پاکستان کی درجہ بندی کو برقرار رکھا ہے۔

اسلام آباد: پڑوسی ملک بھارت پاکستان دشمنی میں انسانیت بھی بھول گیا، سرحدوں پر کشیدگی بڑھانے کے بعد اب بھارت نے پاکستان کو دوا سازی کے لیے خام مال کی فراہمی روک دی۔

تفصیلات کے مطابق پاکستان کی جانب سے کشیدگی میں کمی کی مسلسل کوششوں کے باوجود بھارت کے غیر انسانی اقدامات میں کمی نہیں آ رہی ہے۔

[bs-quote quote=”صورتِ حال سے نمٹنے کے لیے وفاقی حکومت نے پی پی ایم اے کو بھرپور تعاون کی یقین دہانی کرا دی۔” style=”style-8″ align=”left”][/bs-quote]

بھارت نے پاکستان کو دوا سازی کے لیے خام مال کی فراہمی روک دی ہے، بھارتی تاجروں نے پی پی ایم اے کو فیصلے سے آگاہ کر دیا ہے۔

ذرایع کا کہنا ہے کہ پاکستان فارماسیوٹیکلز مینوفیکچررز ایسوسی ایشن (پی پی ایم اے) نے ادویہ کے خام مال کی فراہمی روکنے پر بھارت سے شدید احتجاج کیا۔

پاکستان فارما مینوفیکچررز ایسوسی ایشن نے صورت حال پر غور کرنے کے لیے اہم مشاورتی اجلاس بلایا جس میں وزیرِ صحت عامر کیانی اور سربراہ ڈریپ نے ویڈیو لنک کے ذریعے شرکت کی۔

ذرایع نے بتایا کہ دوا ساز کمپنیوں کے پاس خام مال کا 15 روز کا ذخیرہ باقی رہ گیا ہے، خام مال کی قلت سے جان بچانے والی ادویات کی تیاری متاثر ہونے کا خدشہ ہے۔

یہ بھی پڑھیں:  ڈاکٹری نسخے کے بغیر ادویات کی فروخت پر پابندی عائد

صورتِ حال سے نمٹنے کے لیے وفاقی حکومت نے پی پی ایم اے کو بھرپور تعاون کی یقین دہانی کرا دی ہے، سی ای او ڈریپ (ڈرگ ریگولیٹری اتھارٹی آف پاکستان) نے کہا ہے کہ خام مال کی بلا تعطل درآمد یقینی بنائی جائے گی۔

خیال رہے کہ خطے میں بھارت کی جانب سے شر انگیزی عروج پر ہے، پاکستانی سرحدوں میں دراندازی اور ایل او سی پر گولہ باری کے باوجود پاکستان کی جانب سے بھارتی قیدی پائلٹ کی رہائی کا اعلان کیا جا چکا ہے۔

اسلام آباد: وزیرِ خارجہ شاہ محمود قریشی نے کہا ہے کہ بھارت سے پائلٹ کی واپسی کی درخواست آئی تو پاکستان کھلے دل سے غور کر سکتا ہے۔

تفصیلات کے مطابق شاہ محمود نے پارلیمانی رہنماؤں کو ان کیمرہ بریفنگ میں کہا کہ بھارتی عوام کو یقین دلاتا ہوں ان کا پائلٹ بالکل محفوظ ہے، گرفتار بھارتی پائلٹ کو طبی اور دیگر سہولتیں بھی دیں گے۔

وزیرِ خارجہ کا کہنا تھا کہ حالات بہتر کرنے کے لیے پاکستان کوئی بھی مثبت قدم اٹھانےکو تیار ہے، بھارت اور ان کے عوام کو پیغام دیتا ہوں پاکستان ذمہ دار ملک ہے، پاکستان کی مسلح افواج ذمہ دار افواج ہیں۔

شاہ محمود نے کہا کہ پارلیمانی رہنماؤں نے پاکستان کے مفادات کے تحفظ کےعزم کا اعادہ کیا، پارلیمانی رہنماؤں نے حکومت اور مسلح افواج کے ساتھ مکمل یک جہتی کا اظہار کیا، وزیرِ اعظم کی جانب سے تمام پارلیمانی قیادت کا شکریہ ادا کرتا ہوں۔

انھوں نے ان کیمرہ بریفنگ میں کہا کہ چین کے وزیر خارجہ نے فون کر کے موجودہ حالات پر تبادلہ خیال کیا، چین کے وزیر خارجہ نے مجھے اور میں نے انھیں اعتماد میں لیا۔ ایران کے وزیر خارجہ کا بھی فون آیا، انھوں نے بھی پاکستان سے یک جہتی اور تعاون کا اظہار کیا، ایرانی وزیر خارجہ نے موجودہ صورت حال میں کردار ادا کرنے کی پیش کش کی ہے۔

یہ بھی پڑھیں:  ہم نے مؤثر جواب دے دیا، توقع ہے بھارت ہوش مندی کا مظاہرہ کرے گا: آرمی چیف

وزیر داخلہ نے بریفنگ میں کہا کہ سعودی وزیر خارجہ سے بات ہوئی انھوں نے بھی مکمل یک جہتی کا اظہار کیا، سعودی وزیر خارجہ نے پاکستان کے ساتھ کھڑے ہونے کا ولی عہد کا پیغام دیا، سعودی ولی عہد نے کشیدگی کم کرنے کے لیے کردار ادا کرنے کی پیش کش کی ہے، ہمیں سعودی کردار پر خوشی ہوگی۔

شاہ محمود نے کہا کہ بھارتی اپوزیشن سمجھتی ہے نریندر مودی پلوامہ واقعے پر سیاسی مقاصد حاصل کرنا چاہتے ہیں۔

اسلام آباد: پاکستان نے بھارت کی جانب سے جارحیت پر ملک میں تعینات قائم مقام بھارتی ہائی کمشنر گورو الھووالیا کو دفترِ خارجہ طلب کر لیا۔

تفصیلات کے مطابق آج 2 بج کر 55 منٹ پر بھارتی طیاروں نے پاکستان میں داخل ہو کر ایل او سی کی خلاف ورزی کی، جس پر وزارتِ خارجہ نے قائم مقام بھارتی ہائی کمشنر کو دفتر خارجہ طلب کیا۔

پاکستان نے بھارتی قائم مقام ہائی کمشنر سے بھارتی جارحیت پر شدید احتجاج کیا۔

پاکستانی دفترِ خارجہ کی جانب سے قائم مقام بھارتی ہائی کمشنر کو ایک احتجاجی مراسلہ بھی حوالے کیا گیا۔

خیال رہے کہ وزیرِ خارجہ شاہ محمود قریشی نے واضح طور پر کہا ہے کہ پاکستان کے خلاف جارحیت کی گئی ہے اور پاکستان اس جارحیت کا جواب دے گا۔

انھوں نے کہا کہ فیصلہ کیا گیا ہے کہ میڈیا کو جگہ کا معائنہ کروایا جائے گا، ہیلی کاپٹرز تیار ہیں بس موسم تھوڑا بہتر ہو جائے۔

یہ بھی پڑھیں:  پاکستان کے خلاف جارحیت کی گئی، پاکستان اس کا جواب دے گا: وزیر خارجہ

انھوں نے کہا کہ 2 بج کر 55 منٹ پر بھارتی طیارے داخل ہوئے تھے، 2 بج کر 58 منٹ پر بھارتی طیارے واپس جا چکے تھے۔ پاک فضائیہ کے خوف سے بھارتی طیارے پاکستان حدود سے نکل چکے تھے۔

انھوں نے کہا ’بھارتی عزائم سے بخوبی واقف ہیں، جارحیت کی گئی تو بھرپور جواب دینے کا حق رکھتے ہیں‘۔