نئی دہلی: بھارتی فوج کے نئے سربراہ نے پاکستان کے خلاف جنگی جنون کا اظہار کردیا۔
جنرل سہاگ نےجمعرات کو اپنے عہدے کی ذمہ داری سنبھالی ہے اور آج دفتر میں ان کا پہلا دن تھا،لیکن پہلے ہی دن انہوں نے پاکستان کے خلاف جنگی جنون کااظہار کردیا، انہوں نے ایک ایسے واقعے کوبنیاد بناتے ہوئےجس کی تصدیق نہیں ہوسکی ہے۔ پرپاکستان کوبھرپوراور فوری جواب دینے کی دھمکی دے ڈالی، جنرل سہاگ پر فوج کے سابق سربراہ جنرل وی کے سنگھ نے سنگین الزامات عائد کیے تھے۔
دبئی :کرکٹ کے بگ تھری بھارت اور انگلینڈ میں مک مکا ہوگیا۔ آئی سی سی جوڈیشل کمیشن نے جیمز اینڈرسن اور راویندر جدیجا کو عدم ثبوت کی بنا پر چھوڑدیا۔ انگلش فاسٹ بولر جیمز اینڈرسن اور بھارتی آل راؤنڈر رایندر جدیجا کے درمیان پہلے ٹیسٹ کے دوسرے روز تلخ کلامی ہوئی۔
بھارتی ٹیم مینجمنٹ نے جیمز اینڈرسن پر جدیجا کو دھکا اور نازیبا الفاظ استعمال کرنے کا الزام لگایا۔ جس پر آئی سی سی نے جیمز اینڈرسن پر لیول تھری کا چارج لگایا۔ اینڈرسن جدیجا تنازعے کی سماعت چھ گھنٹے تک جاری رہی۔
جس کے بعد آئی سی سی جوڈیشل کمیشن نے دونوں کھلاڑیوں کو بے قصور قرار دے دیا۔ آئی سی سی جوڈیشل کمیشن کا کہنا ہے کہ اینڈرسن اور جدیجا نے کوڈآف کنڈیکٹ کی خلاف ورزی نہیں کی دونوں کھلاڑیوں کو عدم ثبوت کی بناپر چھوڑا ہے۔
ساؤتھ ہمٹن :انگلینڈ کیخلاف ساؤتھ ہمٹن ٹیسٹ کے تیسرے روز کھیل کے اختتام تک بھارت نے پہلی اننگز میں آٹھ کھلاڑیوں کے نقصان پر تین سو تئیس رنز بنالیے ہیں۔ ساؤتھ ہمٹن ٹیسٹ کےتیسرے روز بھارت نے نامکمل پہلی اننگز ایک وکٹ پر پچس رنز سے دوبارہ شروع کی۔
جیمز اینڈرسن اور اسٹورٹ براڈ کی عمدہ بولنگ کی بدولت بھارتی بلے باز یکے بعد دیگرے پویلین واپس لوٹتے رہے۔ اجنکیا رہانے اور کپتان دھونی نے نصف سنچریاں اسکور کرکے بھارتی ٹیم کو سہارا دیا۔ دن کے اختتام تک بھارتی ٹیم نے آٹھ وکٹوں کے نقصان پر تین سو تئیس رنز بنالیے ہیں۔
دھونی چون رنز بناکر وکٹ پر موجود ہیں۔ انگلینڈ کرکٹ ٹیم پہلی اننگز میں سات وکٹوں پر پانچ سو انہتر رنز بناسکی تھی۔ بھارت کو برتری قائم کرنے کیلئے دو سو چھیالیس رنز درکار ہیں
ساؤتھ ہمٹن : بھارت اور انگلینڈ کے درمیان ٹیسٹ سیریز کا تیسرا میچ آج سے ساؤتھ ہمٹن میں شروع ہورہا ہے۔ بھارت کو پانچ ٹیسٹ میچز کی سیریز میں میزبان ٹیم انگلینڈ کیخلاف ایک صفر کی سبقت حاصل ہے۔ میٹ پرائر کی جگہ انگلش ٹیم میں جوز بٹلر بطور وکٹ کیپر ڈیبیو کرینگے۔
ادھر بھارتی ٹیم میں بھی ایک تبدیلی متوقع ہے۔روہت شرما کو پلیئنگ الیون کا حصہ بنایا جائیگا۔ بھارت اور انگلینڈ کے درمیان ناٹنگھم ٹیسٹ ہار جیت کے فیصلہ بغیر ختم ہوا تھا ۔ لارڈز کے تاریخ ساز میدان میں بھارتی ٹیم نے اشانت شرما کی شاندار بولنگ کی بدولت انگلینڈ کو اٹھائیس سال بعد شکست دی ہے۔
شکرگڑھ : کورال سیکٹر پر بھارتی فوج کی جانب سے فائرنگ کی گئی، جس کے جواب میں رینجرز نے بھرپور جوابی کارروائی کی۔
رینجرز ذرائع کے مطابق بھارتی فوج نے منگل اور بدھ کی درمیانی شب شکرگڑھ میں کورال سیکٹر پر بلا اشتعال فائرنگ کی، جس سے علاقہ مکینوں میں خوف و ہراس پھیل گیا، بھارتی فائرنگ کے بعد بعد چناب رینجرز کی جانب سے بھرپور جوابی کارروائی کی گئی۔
لندن : بھارت نے انگلینڈ کو دوسرے ٹیسٹ میں پچانوے رنز سے شکست دیکر پانچ میچز کی سیریز میں ایک صفر کی برتری حاصل لی۔
لارڈز ٹیسٹ پانچویں روز میزبان انگلینڈ نے اپنی دوسری نامکمل اننگز ایک سو پانچ رنز چار کھلاڑی آؤٹ پر شروع کی تو جو روٹ اور معین علی کے درمیان ایک سو ایک رنز کی شراکت نے میچ کو سنسنی خیز بنادیا، پہلے سیشن کے آخری گینڈ پر ایشانت شرما نے معین علی کو آؤٹ کرکے جیت کی بنیاد رکھی، ایشانٹ شرما کی تباہ کن بولنگ کے سامنے انگلش بلے باز بے بس نظرآئے، میزبان ٹیم کے آخری چھ کھلاڑی صرف پچاس رنز کا اضافہ کرسکے، پوری ٹیم دو سو تئیس رنز بنا کر ڈھیر ہوگئی، ایشانت شرما کو کیرئیر بیسٹ بولنگ پر میچ آف دی میچ کا ایوارڈ دیا گیا۔
اسکردو کے علاقے روندو تلوگنجی میں بارہ روز سے جاری زلزلے کے جھٹکوں نے علاقہ مکینوں کوخوف میں مبتلا کردیا۔
علاقہ مکینوں کاکہناہے بارہ روز سے مسلسل زلزلے کے جھٹکے محسوس ہورہے ہیں،زلزلے کے باعث اب تک بیس سے زائدمکانات کوبھی نقصان پہنچ چکاہے۔زلزلے کے باعث لوگ گھروں میں داخل ہونے سے خوفزدہ ہیں۔علاقہ مکینوں نےحکومت سے ریسکیوآپریشن شروع کرنے کامطالبہ کیا۔
تامل ناڈو : بھارت میں روایتی لباس پہن کر آنے والے جج کو کرکٹ کلب میں داخل ہونے سے منع کرنے پر سیاستدانوں نے سخت رد عمل ظاہر کیا ہے۔
بھارتی ریاست تامل ناڈو میں کرکٹ کلب انتظامیہ نے ہائی کورٹ جج کو روایتی لباس پہننے کے باعث کلب میں داخل ہونے سے روک دیا, واقعے کے بعد تامل ناڈو کے وزیراعلی نے کلب کی اس حرکت پر شدید رد عمل ظاہر کرتے ہوئے کلب بند کرنے کی دھمکی دے دی۔
بھارتی سیاستدان وینکھے نیڈو اور ششی تھرور سمیت دیگر رہنماوں نے واقعے کی مذمت کی ہے، ہائی کورٹ جج کو کلب میں مدعو کیا گیا تھا تاہم وہ روایتی دھوتی پہن کر آئے جس پر انہیں کلب میں داخل ہونے کی اجازت نہیں دی گئی۔
بھارت: کئی ریاستوں میں سبزیوں کی قیمت میں اضافے کے خلاف لوگ سڑکوں پر نکل آئے۔
بھارت میں سبزیوں کی قیمت میں مسلسل اضافے کے خلاف بھوپال، مدھیہ پردیش، ناگپور سمیت کئی ریاستوں میں مظاہرہ کیا گیا، مظاہرین نے رواں سال منتخب ہونے والی حکومت بھارتیہ جنتا پارٹی کے خلاف شدید نعرے بازی کی۔
مظاہرین کا کہنا تھا کہ حکمران جماعت نےانتخابات کے دوران جھوٹے دعوے کیے اور اقتدار میں آتے ہی مہنگائی میں دگنا اضافہ کردیا، حکام کا کہنا ہے کہ غیر متوقع بارشوں کے باعث فصلوں کو نقصان پہنچا ہے، جس کے نتیجے میں اشیاء کی قلت ہے اور قیمتوں میں اضافے کا سامنا ہے۔
اسلام آباد : مشیرخارجہ سرتاج عزیز نے اسرائیلی حملوں کوعالمی قوانین کی خلاف ورزی قرار دے دیا۔وہ اے آروائی نیوز کی خصوصی ٹرانس میشن میں گفتگو کررہے تھے۔
مشیرخارجہ سرتاج عزیز نے اسرائیلی حملوں کوعالمی قوانین کی خلاف ورزی قراردیتے ہوئے بتایاپاکستان اسرائیلی جارحیت رکوانے میں کردار ادا کرنے کی کوشش کررہاہے۔ ترجمان دفترخارجہ کاکہناتھا دنیاجانتی ہےکہ اسرائیل کےخلاف امریکاکارویہ کیسا ہے، پہلےفلسطین پراسرائیلی بمباری رکواناچاہتے ہیں۔
شاہ محمودقریشی نے کہاپاکستان نے ہمیشہ فلسطین کی حمایت کی عرب ممالک کوبھی آواز اٹھانی چاہئے۔ حماس رہنما ڈاکٹرخالدمحمود کاکہناتھااسرائیل نےدرندگی کی تمام حدیں پارکرتے ہوئےمعصوم بچوں کونشانہ بنارہاہےاورعالمی برادری جانبداری کامظاہرہ کررہی ہے۔حماس رہنما کاکہناتھا اب حالات بدل چکے ہیں مسلم امہ کواتحاد کامظاہرہ کرناچاہئے۔