Tag: بھتہ

شہریوں کو اغوا کر کے تین لاکھ روپے بھتہ مانگنے والے پنجاب اور اسلام آباد پولیس اہلکاروں کے خلاف مقدمہ درج کر لیا گیا ہے۔

اے آر وائی نیوز کے مطابق راولپنڈی کے تھانہ سول لائنز میں پنجاب اور اسلام پولیس اہلکاروں کے خلاف مقدمہ درج کیا گیا ہے۔ ان پر الزام ہے کہ انہوں نے تین شہریوں کو زبردستی روکا، گاڑی میں گھماتے رہے اور ان سے تین لاکھ روپے بھتہ مانگا۔

ایف آئی آر کے متن میں کہا گیا ہے کہ ملزمان پولیس اہلکار ارسلان اور اعجاز نے جاوید مسیح، ثمر اقبال اور انور مسیح نامی شہریوں کو زبردستی روکا اور انہیں اغوا کر کے گاڑی میں گھماتے رہے۔

بعد ازاں ملزمان تینوں مغویوں کو ایک ہوٹل کے قریب لے گئے۔ مقامی پولیس نے انہیں بازیاب کرایا۔

پولیس کا کہنا ہے کہ ایک اہلکار اعجاز کو اسلحہ سمیت موقع سے گرفتار کر لیا ہے جب کہ اس کا ساتھی ارسلان موقع سے فرار ہو گیا ہے۔

واضح رہے کہ پنجاب پولیس کی جانب سے بھتہ خوری کی خبریں پہلے بھی منظر عام پر آتی رہی ہیں۔ گزشتہ سال ایک شہری سے 45 لاکھ سے زائد بھتہ وصول کیا گیا تھا اور اس میں دو تھانوں کے ایس ایچ اوز بھی شامل تھے۔

https://urdu.arynews.tv/punjab-police-extorted-45-lakh-rupees-from-the-citizen/

جیکب آباد: بھتہ وصول کرکے پولیس کی بدنامی کا باعث بننے والے تین اہلکاروں کے خلاف ایس ایس پی نے سخت ایکشن لے لیا۔

ایس ایس پی نے بھتہ وصول کرنے والے تینوں اہلکاروں کو معطل کردیا ہے، ایس ایس پی نے بتایا کہ 3 اہلکاروں کو کھلے عام بھتہ وصول کرنے پر معطل کیا گیا، اہلکار ٹھل بائے پاس پر ٹرکوں سے بھتہ وصول کررہے تھے۔

کچھ عرصہ قبل پیرمحل کے علاقے میں ہنی ٹریپ کے ذریعے بھتہ وصول کرنے والے 2 ایس ایچ اوز کیخلاف بھی مقدمہ درج کیا گیا تھا۔

پولیس افسران نے شہری سے 45 لاکھ 20 ہزار روپے بھتہ وصول کیا تھا تاہم وہ قانون کی گرفت میں آگئے جبکہ ملزمان کیخلاف مقدمہ درج کرلیا گیا۔

ایف آئی آر میں سب انسپکٹر سابق ایس ایچ او ابتسام الحق، ایس ایچ او تھانہ اروتی رضوان اور ایک لڑکی سمیت 11 نامزد اور 3 نامعلوم افراد کو نامزد کیا گیا۔

ایف آئی آر کے مندرجات کے مطابق مدعی سے لڑکی کے ذریعے ہنی ٹریپ اور بلیک میل کر کے بھتہ وصول کیا گیا تھا۔

روجھان: سونمیانی میں بھتہ نہ دینے پر ڈاکوؤں نے گھر پر حملہ کردیا فائرنگ سے انٹر کاطالبعلم جاں بحق ہوگیا۔

تفصیلات کے مطابق صوبہ پنجاب کی تحصیل روجھان کے علاقے سونمیانی میں بھتہ نہ دینے پر ڈاکوؤں نے گھر پر حملہ کردیا، ڈاکوؤں اور اہل علاقہ کے درمیان شدید فائرنگ ہوئی، فائرنگ کے تبادلے میں ایک نوجوان جاں بحق جبکہ ایک ڈاکو بھی مارا گیا۔

روجھان پولیس کا کہنا ہے کہ دیگر ملزمان فرار ہوگئے جبکہ جاں بحق نوجوان کی شناخت ہارون کے نام سے ہوئی جو انٹر کا طالب علم تھا۔

دوسری جانب اہل علاقہ کی اطلاع کے بعد پولیس کی بھاری نفری موقع پر پہنچ گئی اور تحقیقات شروع کردی۔

لاہور: پولیس نے کارروائی کرتے ہوئے معروف بزنس مین اظہر حسن سے بھتہ مانگنے والا سوتیلا بھائی نکلا، ملزم نے خط کےذریعےبھتہ نہ دینے پراظہرحسن کی فیملی کومارنےکی دھمکی دی تھی۔

تفصیلات کے مطابق معروف بزنس مین اظہر حسن سے 5 کروڑ بھتہ لینے کا ڈراپ سین ہوگیا، ایس پی نے بتایا کہ سی آئی اے کینٹ پولیس نے کارروائی کرتے ہوئے بھتہ مانگنے والے ملزم کو گرفتار کرلیا۔

حکام کا کہنا تھا کہ گرفتار ملزم اقبال عرف شہزادمعروف بزنس مین اظہر حسن کاسوتیلا بھائی نکلا، ملزم نےخط کےذریعےبھتہ نہ دینے پراظہرحسن کی فیملی کومارنےکی دھمکی دی تھی