Tag: بھتے کی پرچی

کراچی : لیاری میں مالک کو بھتے کی پرچی دینے والے ملازم کو گرفتار کرلیا گیا، ملزم ٹائر مارکیٹ میں ہی دکان کا ملازم ہے۔

تفصیلات کے مطابق کراچی میں پولیس نے لیاری میں مالک کو بھتے کی پرچی دینے والے ملازم کو گرفتار کرلیا۔

ایس ایس پی عارف عزیز نے بتایا ملازم مالک کو پرچی دینے جا رہا تھا، اسنیپ چیکنگ میں پکڑاگیا، بغدادی کےعلاقےمیں پولیس نے اسنیپ چیکنگ دوران مشکوک شخص کی تلاشی لی۔

ایس پی سٹی کا کہنا تھا کہ تلاشی کے دوران ملزم اخترسےبھتےکی پرچیاں برآمد ہوئیں، ملزم ٹائر مارکیٹ میں ہی دکان کا ملازم ہے، بھتے کی پرچی دینے جارہا تھا۔

یاد رہے کراچی میں کھارادرپولیس نے دوران گشت کارروائی کرتے ہوئے بھتے کیلئے اسٹور پر فائرنگ کرنیوالے 2 ملزمان کو رنگے ہاتھوں گرفتار کرلیا تھا۔

ایس ایس پی سٹی عارف عزیز نے بتایا تھا کہ ملزمان کا تعلق وصی اللہ لاکھوگروپ سے ہے، ملزمان سے 2 پستول اورموٹر سائیکل برآمد کرلی تھی۔

کراچی: سعید آباد میں دودھ فروش کو گولی سمیت 5 لاکھ روپے بھتے کی پرچی موصول ہوئی، جس میں تحریر ہے کہ زندگی یا موت آپ کے ہاتھ میں ہے۔

تفصیلات کے مطابق کراچی میں بھتہ خوروں نے عید سے قبل اپنی سرگرمیاں تیز کر دیں، سعید آباد کباڑی مارکیٹ میں دودھ فروش کودھمکی آمیزپرچی موصول ہوئی۔

بھتہ خوردکان میں تھیلی کے اندر گولی رکھ کر پرچی پھینک کرگئے، جس میں بھتہ خوروں نے5 تاریخ کو5 لاکھ روپےبھتہ مانگا ہے۔

دودھ فروش کی جانب سے رینجرزاور پولیس کواطلاع دےدی گئی، پرچی پر دھمکی دی گئی ہے کہ پانچ تاریخ کو 5 پیٹی چاہیے، زندگی یا موت آپ کے ہاتھ میں ہے، پولیس کے پاس جانے کی کوشش کی تو ناراض نہیں ہونا۔

پولیس اور رینجرز نے کرائم سین کا دورہ کیا ، دکاندار کا کہنا ہے کہ قانونی کارروائی کے آغاز کیلئےپولیس نے صبح 10 بجے بلایا ہے۔