بھمبر : بھارتی فوج نے لائن آف کنٹرول کی ایک بار پھر خلاف ورزی کرتے ہوئے خنجر سیکٹر میں بلا اشتعال فائرنگ کی جس کے جواب میں پاک فوج کی جانب سے منہ توڑ جواب دینے پر بھارتی بندوقیں خاموش ہو گئیں۔

پاک فوج کے تعلقات عامہ کے ادارے آئی ایس پی آر کے مطابق بھارتی فوج نے ایک مرتبہ پھر لائن آف کنٹرول پر بھمبھر کے قریب خنجر سیکٹر میں آر پی جی سیون اور اے جی ایل سے بلا اشتعال فائرنگ کا عمل جاری رکھا جس پر پاک فوج نے فوری جوابی کارروائی کرتے ہوئے بھارتی بندوقوں کو خاموش کروادیا۔

واضح رہے کہ گزشتہ کئی ماہ سے بھارت اپنے داخلی اور سیاسی کشیدگی اور کشمیر میں جاری ظلم و بربریت سے توجہ ہٹھانے کے لیے لائن آف کنٹرول پر بلا اشتعال فائرنگ کا عمل جا ری رکھے ہوئے ہے۔

اس سے قبل بھی بھارتی فوج کی اشتعال انگیزی کے جواب میں پاک فوج کی کارروائی سے بوکھلاہٹ کا شکار بھارتی فوج نے خود ساختہ اور مضحکہ خیز سرجیکل اسٹرائیک کا دعوی کیا تھا جو وہ خود اپنی پارلیمنٹ اور عالمی میڈیا کے سامنے سچا ثابت نہیں کر سکے تھے جس پر انہیں کافی سبکی کا سامنا بھی کرنا پڑا تھا۔

اسلام آباد : وزیراعظم پاکستان نواز شریف کا کہنا ہے کہ پاکستان کسی بھی جارحیت کا منہ توڑ جواب دینے کی مکمل صلاحیت رکھتا ہے کوئی کسی غل؛ط فہمی میں نہ رہے۔

وزیراعظم پاکستان میاں محمد نواز شریف نے لائن آف کنٹرول پو بھارتی جارحیت کے نتیجے میں انسانی جانوں کے ضیاع پر افسوس کا اظہار کرتے ہوئے کہا کہ بھارت کی جانب سے سیز فائر کی مسلسل خلاف ورزی افسوسناک عمل ہے جس کا عالمی سطح پر نوٹس لیا جانا چاہیے۔

بھارتی افواج نے معصوم نہتے کشمیریوں کے خلاف ناقابل بیان مظالم ڈھائے ہیں تا ہم بھارتی افواج کے کشمیر میں ناجائز قبضے خلاف تحریک آزادی زوروں پر ہے جس سے توجہ ہتانے کے لیے بھارت لائن آف کنٹرول پر جارحیت کررہا ہے۔

 اسی سے متعلق : بھمبرسیکٹر میں بھارت کی اشتعال انگیزی،7 فوجی جوان شہید

وزیر اعظم پاکستان کا کہنا تھا کہ بھارت کشمیر سے عالمی توجہ ہٹانے کے لیے سرحد پر کشیدگی بڑھا رہا ہے اور پاکستان پر جھوٹے الزام دھر کر ہمدردی حاصل کرنے کی ناکام کوشش کررہا ہے۔

واضح رہے آج بھمبر سیکٹر میں بھارتی افواج کی بلا اشتعال فائرنگ سے 7 پاکستانی فوجی جوانوں نے جامِ شہادت نوش کیا جب کہ پاکستان کی جوابی کارروائی سے کئی بھارتی فوجی مارے جانے اور درجنوں زخمی ہونے کی بھی اطلاعات ہیں۔