بھمبھر: چیئرمین پیپلز پارٹی بلاول بھٹو زرداری نے کہا ہے کہ اگر ملک وزیر اعظم کے بغیر چل سکتا ہے تو پھر اس عہدے کی کیا ضرورت ہے۔
تفصیلات کے مطابق بلاول بھٹو زرداردی نے میرپور آزاد کشمیر میں جلسہ عام سے خطاب کرتے ہوئے کہا کہ ’’ چند سیاست دان کہتے ہیں کہ سیاست بلاول بھٹو کے بس کی بات نہیں ہے، جو لوگ مجھے سیاست میں تسلیم کرنے کے لیے تیار نہیں ہیں میں ان کے چیلنج کو قبول کرتا ہوں ‘‘۔
انہوں نے مزید کہا کہ آج 21 جون کے روز اللہ نے اسلامی دنیا کو ایسی خاتون دی جو مکمل بے نظیر تھی، آج کے دن سورج زیادہ دیر تک چمکتا ہے اور اپنے بے نظیر ہونے کا ثبوت دیتا ہے۔
بلاول بھٹو نے کہا بطور ماں، بیوی، بہن، بیٹی اور سیاسی کردار میں وہ بے نظیر ہی تھی، بی بی شہید نے اسلامی دنیا میں پہلی خاتون وزیر اعظم بن کر اُن لوگوں کو پیغام دیا جو عورت کی حکمرانی کے مخالف ہیں۔
چیئرمین پیپلزپارٹی نے کہا کہ میں سیاست کو عبادت کا درجہ دیتا ہوں، میری جدوجہد غریبوں، کسانوں، مزدوروں، نوجوانوں اور مظلوموں کے لیے ہے اور یہی بھٹو کا نظریہ بھی ہے۔
انہوں نے کہا کہ میڈیا پر خبریں نشر کی جارہی ہیں کہ پیپلزپارٹی ختم ہونے والی ہے مگر جلسوں میں عوامی تعداد سے اندازہ لگائیں کہ حقیقت کیا ہے؟ میں سندھ کے جس صوبے میں بھی گیا عوام نے میرا شاندار استقبال کیا، ابھی تو ٹریلر ہے اب پیپلزپارٹی کے پی کے ، بلوچستان اور پنجاب کے اضلاع میں بڑے جلسے کرے گی۔
بلاول بھٹو نے کہا کہ میاں محمد نوازشریف نے میثاق جمہوریت کے معاہدے پر عمل درآمد نہیں کیا اگر اس کا نفاذ ہوتا تو اداروں کی صورتحال قدرے مختلف ہوتی۔
مسلم لیگ ن پر تنقید کرتے ہوئے بلاول بھٹو نے کہا کہ ’’ تخت شریف جمہوریت کا نام نہیں ہے بلکہ ان کا رویہ بادشاہت کی عکاسی کرتا ہے۔
