ARYNews.tv | Urdu – Har Lamha Bakhabar

Tag: بھوت

  • ویڈیو: ’’یہ مچھلی ہے یا کوئی بھوت‘‘ سب کو ڈرانے والی یہ مخلوق کہاں ملی؟

    ویڈیو: ’’یہ مچھلی ہے یا کوئی بھوت‘‘ سب کو ڈرانے والی یہ مخلوق کہاں ملی؟

    قدرت کے مظاہر آئے دن سامنے آتے رہتے ہیں ایسا ہی ایک خوفناک شکل کی آبی مخلوق سمندر سے پکڑی گئی جس کو دیکھ کر سب ڈر گئے۔

    غیر ملکی میڈیا کے مطابق روس مین ایک ماہی گیر نے گہرے سمندر سے ایک ایسی عجیب الخلقت مچھلی پکڑی ہے جو اس سے پہلے کبھی انسانی آنکھ نے نہیں دیکھی اور وہ پہلی نظر میں دیکھنے میں زمین نہیں بلکہ کوئی بہت بڑا بھوت لگتی ہے۔

    ماہی گیر رومن فیڈورٹسوو، جو سمندری مخلوقات کی انوکھی تصاویر شیئر کرنے کے لیے مشہور ہیں، نے حالیہ دریافت میں ’لمپ سکر‘ نامی ایک نایاب مچھلی کی ویڈیو پوسٹ کی۔

    مچھلی کو جہاز کی ریلنگ پر رکھی دیکھا جا سکتا ہے، جس کا جیلی نما جسم اور غیر معمولی خدوخال اسے اور بھی خوفناک بناتے ہیں۔

     

    اس مچھلی کو دیکھ کر لوگوں نے اسے ’Mars Attacks‘ اور ’Megamind‘ فلموں کے خلائی کرداروں سے تشبیہ دی۔

    اس قوی الجثہ آبی مخلوق کو اس کے ڈراؤنے خدوخال کے باعث صارفین نے ایلین (کسی اور سیارے کی مخلوق) کہنا شروع کردیا ہے۔

    ایک صارف نے تبصرہ کیا: "یہ تو 100% خلائی مخلوق لگ رہی ہے!، دوسرے نے مذاق میں لکھا: "کہیں یہ چرنوبل کی پیداوار تو نہیں؟” کچھ نے تو مچھلی کو ’خطرناک‘ قرار دے کر اسے ختم کرنے کا مطالبہ بھی کر دیا۔

    دوسری جانب آبی حیات کے ماہرین کے مطابق یہ مچھلی گہرے پانی میں رہتی ہے اور سمندر سے باہر لانے پر دباؤ میں تیزی سے کمی کے باعث ان کا جسم پھول جاتا ہے۔

  • ٹیکنالوجی کی مدد سے بھوت پکڑنے والا گروہ سامنے آ گیا

    ٹیکنالوجی کی مدد سے بھوت پکڑنے والا گروہ سامنے آ گیا

    کیپ ٹاؤن: جنوبی افریقہ میں ٹیکنالوجی کی مدد سے بھوت پکڑنے والا ایک گروہ سامنے آیا ہے، جو اس کوشش میں ہے کہ دنیا کو بتا سکے کہ بھوت واقعی ہوتے ہیں۔

    جنوبی افریقی میڈیا کے مطابق دو سال قبل 39 سالہ ریواس برائٹ نے ’دی اپ سائیڈ ڈاؤن‘ نامی بھوتوں کا شکار کرنے والے افراد پر مشتمل ایک گروپ کی بنیاد رکھی، جس کا مقصد یہ ثابت کرنا ہے کہ بھوت حقیقی ہیں۔

    رات ڈھلتے ہی ہاتھوں میں ٹارچ تھامے ریواس برائٹ اور ان کے ساتھی جنوبی افریقہ کے شہر پریٹوریا میں غیر آباد عمارتوں میں بھوت کی تلاش میں نکل جاتے ہیں۔

    اس گروہ کا ایک رکن 39 سالہ نائجل ملنڈر دن میں ایک کیسینو میں کام کرتا ہے، اس گروپ نے قلیل عرصے میں محققین اور پیراسائیکالوجسٹس کی توجہ حاصل کر لی ہے، گروہ کا کہنا ہے کہ وہ جو کام کر رہے ہیں وہ ایک ٹوٹی پھوٹی سائنس ہے۔

    ریواس برائٹ کا گروپ 5 مردوں اور 2 خواتین پر مشتمل ہے، انھوں نے بھوتوں کے اسرار کو حل کرنے کے لیے ٹیکنالوجی کا استعمال کیا، جن میں انفرا ریڈ کیمرے، موشن اور ہیٹ ڈیٹیکٹرز، ریڈیوز اور خود تیار کردہ ایپ شامل ہیں، اور ان کی مدد سے وہ پراسرار سمجھی جانے والی عمارتوں میں بھوتوں کا سراغ تلاش کی کوشش کرتے رہتے ہیں۔

    نائجل ملنڈر کا کہنا ہے کہ یہ ثابت کرنے کے لیے کہ کھڑکی میں سے صرف ہوا نہیں گزر رہی یا دروازہ کسی ارتعاش کی وجہ سے بند ہو رہا ہے، انھیں کافی ثبوتوں کی ضرورت ہے۔

    گروپ کے ایک دوسرے رکن کا کہنا ہے کہ لوگ انھیں پاگل سمجھتے ہیں لیکن جب ہمیں ایک بڑا ثبوت مل جائے تو پتا چلے گا کہ کون پاگل ہے۔

  • ’بھوت‘ علاج کرانے اسپتال پہنچ گیا؟ ویڈیو نے تہلکہ مچادیا

    ’بھوت‘ علاج کرانے اسپتال پہنچ گیا؟ ویڈیو نے تہلکہ مچادیا

    ارجنٹینا کے اسپتال کی ایک ویڈیو وائرل ہورہی ہے جہاں مبینہ طور پر ایک بھوت مریض اپنا علاج کرانے آیا ہے۔

    ویڈیو انٹرنیٹ پر وائرل ہورہی ہے جسے دیکھ کر لوگ حیران و پریشان رہ گئے ہیں، ویڈیو میں دیکھا جاسکتا ہے کہ اسپتال کا داخلی دروازہ کھلتا ہے اور سامنے بیٹھا گارڈ اپنی نشست سے اٹھ کر نوٹ پیڈ ہاتھ میں اٹھائے کسی سے گفتگو کرتا نظر آتا ہے۔

    ویڈیو اس وقت مزید خوفناک ہوجاتی ہے جب گارڈ اپنا دایاں ہاتھ اس طرح حرکت دیتا ہے جیسے وہ کسی کو آگے چلنے کی ہدایت کر رہا ہو اور جب وہ مریض کے بیٹھنے کے لیے وہیل چیئر آگے لاتا ہے۔

    ویڈیو میں دیکھا جسکتا ہے کہ سی سی ٹی وی فوٹیج میں گارڈ تو دیکھائی دے رہا ہے مگر سامنے کون موجود ہے؟ وہ کیمرے کی آنکھ سے اوجھل ہے۔

    ڈیلی میل کے مطابق ارجنٹائن کی ایک نیوز آوٹ لیٹ کا کہنا ہے کہ گارڈ نے اپنی نوٹ بک میں ایک ایسی مریضہ کا نام درج کیا جو اسی اسپتال میں ایک روز قبل انتقال کرگئی تھی۔

    https://www.youtube.com/watch?time_continue=100&v=I4gUzeV3PdY&feature=emb_title

    اسپتال میں گھوسٹ مریض کی آمد کی ویڈیو سوشل میڈیا پر دنیا بھر میں وائرل ہوئی، تبصروں اور قیاس آرائیوں کا سلسلہ جاری تھا جس پر اسپتال کو ایک وضاحتی بیان جاری کرنا پڑا جس کے بعد صورتحال واضح ہوئی۔

    اسپتال کے میڈیا ریلیشن ڈائریکٹر گولیرمو کاپویا نے اپنے بیان میں بتایا کہ اسپتال کا داخلی دروازہ سینسر میں خرابی کی وجہ سے 10 گھنٹوں کے دوران 28 مرتبہ کھلا اور بند ہوا اور گارڈ نے مذاق میں یہ حرکت کی ہے۔

  • سی سی ٹی وی کیمرے نے وہ منظر قید کر لیا جسے دیکھ کر خوف سے رونگٹے کھڑے ہو گئے (ویڈیو)

    سی سی ٹی وی کیمرے نے وہ منظر قید کر لیا جسے دیکھ کر خوف سے رونگٹے کھڑے ہو گئے (ویڈیو)

    بھارت میں ایک ایسی ویڈیو سامنے آئی ہے جس نے دیکھنے والوں کے خوف سے رونگٹے کھڑے کر دیے، یہ بھارت کے کسی شہر کی ایک گلی کا منظر ہے جس میں کھڑی موٹر سائیکل اچانک خود بخود چل پڑی۔

    سی سی ٹی وی فوٹیج میں دیکھا جا سکتا ہے کہ گلی میں کھڑی موٹر سائیکل اچانک خود بخود چل پڑی اور پھر گر پڑی، یہ ویڈیو سوشل میڈیا پر بڑی تیزی سے وائرل ہوئی، اور بڑی تعداد میں لوگوں نے اسے دیکھا اور شیئر کیا۔

    سوشل میڈیا پر آئے دن ویڈیوز وائرل ہوتی رہتی ہیں، انھی میں سے کچھ ویڈیوز مافوق الفطرت سرگرمیوں پر بھی مبنی ہوتی ہیں جنھیں دیکھ کر صارفین اس کی توجیہہ نہیں کر پاتے، کبھی حیران ہوتے ہیں اور کبھی خوف زدہ، یہ بھی ایسی ہی ایک ویڈیو ہے۔

    اس ویڈیو میں گلی میں کھڑی بائیک خود بخود چل پڑتی نظر آتی ہے، یہ 30 سیکنڈز کی فوٹیج ٹوئٹر پر ایک صارف نے شیئر کی تو دیکھنے والوں کو اپنی ریڑھ کی ہڈی میں سنسنی دوڑتی محسوس ہوئی۔

    فوٹیج کے مطابق گلی میں ایک گھر کے سامنے دو بائیکس کھڑی ہیں، چند سیکنڈز کے بعد ایک بائیک نے خود سے حرکت شروع کر دی، بائیک دائرے میں تھوڑی سے گھومی اور پھر اچانک زمین پر گر پڑی، ویڈیو میں کوئی انسان نظر نہیں آتا۔

    ویڈیو شیئر کرنے والی صارف نے کیپشن لکھا کہ یہ منظر کیمرے میں قید ہو گیا ورنہ کوئی یقین نہ کرتا۔ سوشل میڈیا پر صارفین نے بھی اس پر مختلف تبصرے کیے، کسی نے اسے ناقابل یقین قرار دیا اور کسی نے مافوق الفطرت واقعات کو مذاق کا نشانہ بنایا۔

    ایک صارف نے لکھا بھوت نے پی رکھی تھی اس لیے گر گیا، ایک اور نے لکھا بھوتوں کو بھی ڈرائیونگ لائسنس پاس کرنا پڑتا ہے، تیسرے صارف نے لکھا یہ کس کی روح گھس گئی بائیک میں۔

  • بھوت جم میں ورزش کرنے پہنچ گیا؟ پراسرار ویڈیو وائرل

    بھوت جم میں ورزش کرنے پہنچ گیا؟ پراسرار ویڈیو وائرل

    نئی دہلی: بھارتی سوشل میڈیا پر ایک پراسرار ویڈیو وائرل ہوگئی جس میں ایک اوپن ایئر جم میں ورزش کی مشینیں خودبخود حرکت کرتی نظر آرہی ہیں۔

    بھارتی سوشل میڈیا پر وائرل ہونے والی یہ ویڈیو ایک پارک میں قائم اوپن ایئر جم کی ہے، بعض صارفین کے مطابق یہ پارک نئی دہلی کا ہے جبکہ بعض افراد کے مطابق یہ ویڈیو اتر پردیش کی ہے۔

    ویڈیو میں ورزش کے لیے استعمال ہونے والا سوئنگ خود بخود حرکت کرتا دکھائی دے رہا ہے۔

    سوشل میڈیا صارفین نے کہا کہ یہ کوئی بھوت ہے جو اپنی فٹنس کے بارے میں ازحد متفکر ہے اور جم استعمال کر رہا ہے۔

    یہ ویڈیو اس قدر وائرل ہوئی کہ اتر پردیش کے شہر جھانسی کی پولیس کو نوٹس لینا پڑا۔ پولیس مذکورہ پارک میں پہنچی اور ورزش کے آلات کا جائزہ لیا۔

    جلد ہی پولیس نے معلوم کرلیا کہ سوئنگ پر چکنائی جم گئی ہے جس کی وجہ سے وہ ہوا سے باآسانی حرکت کر رہا ہے۔

    بعد ازاں محکمہ پولیس کے ٹویٹر پر کہا گیا کہ اصل بھوت وہ ہے جس نے ایک عام سی ویڈیو کو بڑھا چڑھا کر پیش کیا، ایسے شخص کو گرفتار کیا جائے گا۔

    سوشل میڈیا پر اس ویڈیو پر طرح طرح کے تبصرے جاری ہیں، بعض افراد نے پولیس سے درخواست کی کہ وہ ان لوگوں کو گرفتار نہ کریں جنہوں نے یہ ویڈیو بنائی ہے۔

  • لاک ڈاؤن: جانوروں کے بعد عجیب وغریب مخلوق کی بھی سڑکوں پر چہل قدمی

    لاک ڈاؤن: جانوروں کے بعد عجیب وغریب مخلوق کی بھی سڑکوں پر چہل قدمی

    کوالالمپور: ملائیشیا میں لاک ڈاؤن کے دوران لوگوں کو گھروں تک محدود رکھنے کے لیے شہری بھوت بن گیا۔

    غیرملکی خبررساں ادارے کی رپورٹ کے مطابق ملائیشیا کے ضلع کیمامن میں اورابل نامی شہری بھوت کا روپ دھار کر سڑکوں پر نکل آیا اور مٹر گشت کی۔ اس اقدام کا مقصد شہریوں کو گھروں تک محدود رکھنا ہے۔

    رپورٹ میں کہا گیا ہے کہ وہ روزانہ کی بنیاد پر بھوت بن کر شہریوں کو ڈراتا ہے تاکہ وہ گھروں میں خود کو محفوظ رکھیں۔ پولیس نے بھی ان کے اس اقدام کو سراہا اور تعریف بھی کی۔

    اپنے ایک بیان میں مذکورہ شخص کا کہنا تھا کہ دنیا بھر میں کرونا سے ہونے والی اموات پر بہت دکھ ہے، میں چاہتا ہوں ملائیشیا میں لوگ خود کو محفوظ رکھیں، مہلک وائرس سے لڑنے کے لیے میں نے اپنے حصے کا کردار ادا کیا۔

  • کچن میں لگے کیمرے نے آنجہانی بیٹے کی روح کی تصویرماں کو میسج کردی

    کچن میں لگے کیمرے نے آنجہانی بیٹے کی روح کی تصویرماں کو میسج کردی

    بیٹے سے جدائی کا صدمہ سہنے والی ماں پر اس وقت حیرتوں کے پہاڑ ٹوٹ پڑے جب اس کے گھرمیں لگے سی سی ٹی وی کیمرے نے اس کے  مردہ بیٹے کی شباہت والے سائے کی تصویر کھینچ لی۔

    تفصیلات کے مطابق دو بچوں کی ماں ، 57 سالہ  جینیفر ہوج کا دعویٰ ہے کہ وہ اپنی 21 سالہ بیٹی کے ہمراہ بستر میں لیٹی ٹی وی دیکھ رہی تھیں ، کہ انہیں ایک میسج موصول ہوا کہ گھر کے داخلی راستے پر کسی کودیکھا گیا ہے۔

    ان کا کہنا ہے کہ ان کے گھر میں نصب سی سی ٹی وی کیمروں میں سنسر لگے ہوئے ہیں اور وہ معمولی سے معمولی حرکت یا آوازکو بھی ریکارڈ کرکے ان کے فون پر میسج بھیج دیتے ہیں۔

    ایسا ہی ایک میسج ایک ہفتہ قبل انہوں نے اپنے فون پر موصول ہوا جب وہ ٹی وی دیکھنے میں مشغول تھیں۔ تصویر کھولی تو اس میں ایک مرد کی دھندلی شبیہہ تھی۔ وہی داڑھی ،وہی قد قامت اور سب کچھ بالکل ویسا ہی جیسا کہ ان کے بیٹے روبی کا تھا ، جو کہ دو سال قبل منشیات کی اوور ڈوز کے سبب موت کے منہ میں چلا گیا تھا۔

    مسز ہوج کا کہنا ہے کہ  وہ ابھی تک حیرت زدہ ہیں اور کچھ گھبرائی ہوئی بھی ہیں کہ یہ انہوں نے کیا دیکھ لیا ہے ، لیکن انہیں اس واقعے سے اطمینان بھی ہوا ہے کہ ان کا بیٹا جہاں ہے وہاں سکون سے ہے۔

    خاتون نے مزید بتایا کہ وہ بس سونے ہی والی تھیں ، جب یہ میسج انہیں موصول ہوا۔ ان کی بیٹی نے یہ میسج دیکھا اور کہا کہ ماں ! کچن میں کوئی ہے اور اس کے بعد وہ چلائی کہ اوہ خدایا ! یہ تو روبی ہے۔ ان کا کہنا تھا کہ بیٹی کے کہنے پر جب میں نے دیکھا تو وہ واقعی روبی جیسا ہی تھا ۔

    خاتون نے بتایا کہ روبی ان کا بیٹا تھا  جو کہ 23 سال کی عمر ڈرگ اوور ڈوز کے سبب  29 نومبر 2016 کو موت کے منہ میں چلا گیا تھا۔ انہوں نے بتا یا کہ وہ ایک مہربان اور خیال کرنے والا انسان تھا ۔ اس نے اپنے آخری دنوں میں منشیات سے چھٹکارے کی بھی کوشش کی اور ساتھ ہی وہ ایسے لوگوں کی مدد کرنے کے لیے بھی کام کررہا تھا۔

  • قدیم محل کا بھوت اسی کا گارڈ نکلا

    قدیم محل کا بھوت اسی کا گارڈ نکلا

    انگلینڈ کے ایک قصبے میں واقع قدیم محل میں موجود بھوت کا معمہ حل ہوگیا۔ بھوت سمجھا جانے والا ہیولہ محل کا سیکیورٹی گارڈ نکلا۔

    پینٹن نامی قصبے میں واقع اولڈ وے مینشن میں بھوت کی موجودگی اس وقت سامنے آئی جب ایک خاتون نے وہاں کی ایک تصویر اتاری۔

    تصویر ان کے بیٹے کی تھی جو مینشن کے سامنے سائیکل چلا رہا تھا، تاہم اس تصویر میں کوئی اور بھی موجود تھا۔

    تصویر میں محل کے فرسٹ فلور پر موجود بالکونی میں کوئی کھڑا ہوا دکھائی دے رہا تھا جس نے سیاہ کوٹ زیب تن کر رکھا تھا۔

    خاتون یہ تصویر دیکھ کر نہایت خوفزدہ ہوگئیں۔ انہوں نے اس تصویر کو انٹرنیٹ پر اپلوڈ کردیا جس کے بعد پریشان اور خوفزدہ لوگ اس پر کمنٹس کرنے لگے۔

    تھوڑے ہی دن بعد محل میں تعینات سیکیورٹی گارڈ نے یہ بتا کر لوگوں کو حیران کردیا کہ کھڑکی پر کھڑی پراسرار شخصیت کوئی اور نہیں بلکہ وہ خود ہے۔

    گو کہ لوگوں نے اس بات پر یقین نہیں کیا تاہم دیگر سیکیورٹی گارڈز نے بھی اپنے ساتھی کی بات کی تصدیق کی۔

    انہوں نے بتایا کہ وہ گزشتہ کئی سال سے اس محل کی سیکیورٹی پر معمور ہیں اور اب تک کوئی بھی حیران کن بات سامنے نہیں آئی۔ ’اگر یہاں بھوت ہوتے تو اتنے سال میں ہمارا ان سے ٹکراؤ ضرور ہوتا‘۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قبرستان کا بھوت کیمرے کی آنکھ میں قید

    قبرستان کا بھوت کیمرے کی آنکھ میں قید

    لیور پول: انگلینڈ کے شہر لیور پول میں سینٹ جیمز قبرستان میں کیمرے نے ایک پراسرار سایے کو اپنے اندر قید کرلیا۔

    لیور پول کا یہ قبرستان 58 ہزار افراد کی آخری آرام گاہ ہے۔

    چند دن قبل قبرستان میں ریکارڈ کی جانے والی ایک ویڈیو کو بعد میں دیکھا گیا تو اس میں کسی پراسرار سایے کے عکس بند ہونے کا بھی انکشاف ہوا۔ یہ سایہ ہوا میں تیرتا ہوا دکھائی دے رہا تھا۔

    اس قبرستان کے قریب رہنے والے افراد کا کہنا ہے کہ یہاں پر سایوں کی موجودگی کوئی نئی بات نہیں، انہوں نے اس سے قبل بھی اکثر و بیشتر یہاں پراسرار سایوں کو حرکت کرتے دیکھا ہے اور اکثر یہاں سے نامانوس سی آوازیں بھی سنائی دیتی ہیں۔

    مزید پڑھیں: چاندنی رات میں باغ میں پراسرار سایہ

    داراصل اس قبرستان میں کئی نامور اور منفرد شخصیات دفن ہیں جن میں سے کچھ یہاں پر کم از کم 2 سو سال قبل آسودہ خاک کی گئیں۔

    قبرستان کی ویب سائٹ پر دی گئی اس کی تاریخ میں بتایا گیا ہے کہ سنہ 1829 میں پھیلنے والی ہیضے کی عظیم وبا کے دوران مرنے والے بچے بھی یہاں دفن ہیں۔

    یہ وبا نہایت وسیع پیمانے پر پھیلی تھی جو 1851 تک جاری رہی اور اس دوران اس نے ہزاروں بچوں کو موت کے گھاٹ اتارا۔

    اسی طرح 1905 میں لڑی جانے والے ٹرافالگر جنگ میں مارے جانے والے ایک امریکی سینیٹر بھی یہاں دفن ہیں۔

    ایک اور قبر میں کچھ عرصہ قبل کچھ لٹیروں نے توڑ پھوڑ کی جس کے بعد سے قبر میں دفن خاتون کی روح اب ہر روز رات کو اپنے مدفن سے باہر نکل ادھر ادھر گھومتی دکھائی دیتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ملائیشیا میں سڑک پر پراسرار مخلوق کا قبضہ

    ملائیشیا میں سڑک پر پراسرار مخلوق کا قبضہ

    کوالالمپور: ملائیشیا میں ایک خوفناک فوٹیج نے سب کے دل دہلا دیے جس میں ایک سڑک پر کوئی پراسرار مخلوق بیٹھی نظر آرہی ہے۔

    یہ فوٹیج دارالحکومت کوالالمپور کی ہے جو گاڑی میں نصب ڈیش کیم کی ہے۔

    فوٹیج میں دیکھا جاسکتا ہے کہ چلتی گاڑی کے سامنے سڑک پر اچانک کسی کا ہیولہ نمودار ہوا جو سڑک پر آرام سے بیٹھا تھا۔

    اسے دیکھتے ہی ڈرائیور اور گاڑی میں بیٹھے مسافر نہایت خوفزدہ ہوگئے۔ تاہم ڈرائیور نے نہایت دانشمندانہ فیصلہ کرتے ہوئے گاڑی کو موڑا اور واپسی کے لیے روانہ ہوگیا۔

    بعد ازاں جب اس ویڈیو کو انٹرنیٹ پر اپ لوڈ کیا گیا تو کئی افراد نے تصدیق کی کہ مذکورہ سڑک پر وہ بھی اس پراسرار ہیولے کو دیکھ چکے ہیں۔

    کچھ افراد نے دعویٰ کیا کہ یہ دراصل ڈاکوؤں کا گروہ ہے جو اس طرح ڈرائیورز کو خوفزدہ کرتے ہیں۔ جیسے ہی کوئی ڈرائیور تجسس کے مارے قریب جاتا ہے، قریب میں چھپے ڈاکو باہر نکل آتے ہیں اور ڈرائیور کو لوٹ لیتے ہیں۔

    لوگوں کا کہنا تھا کہ یہ پراسرار مخلوق واقعی کوئی حیثیت رکھتی ہے، یا یہ کوئی انسان ہے جو اس طرح بہروپ بھرتا ہے، بہرحال رات کے وقت سنسان سڑک پر اس ہیولے کو دیکھنا نہایت خوفناک تجربہ ہے۔

    ویڈیو بشکریہ: ڈیلی میل آن لائن

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔