ARYNews.tv | Urdu – Har Lamha Bakhabar

Tag: بھونیشور

  • بیلجیم نے ہاکی ورلڈ کپ 2018 کا ٹائٹل اپنے نام کرلیا

    بیلجیم نے ہاکی ورلڈ کپ 2018 کا ٹائٹل اپنے نام کرلیا

    بھونیشور: ہاکی ورلڈ کپ کے فائنل میچ میں بیلجیم نے نیدر لینڈز کو پنلٹی شوٹ آؤٹ پر شکست دے کر ٹائٹل اپنے نام کرلیا۔

    تفصیلات کے مطابق بھارت کے شہر بھونیشور میں جاری ہاکی ورلڈ کپ کے فائنل میچ میں بیلجیم نے سخت مقابلے کے بعد نیدرلینڈز کو 3-2 سے شکست دے دی، میچ کا فیصلہ پنلٹی شوٹ آؤٹ پر کیا گیا۔

    مقررہ وقت دونوں کے درمیان کے درمیان میچ برابر تھا، بیلجیم کے گول کیپر نے نیدرلینڈز کا گول روک کر جیت میں اہم کردار ادا کیا۔

    نیدرلینڈز پاکستان ہاکی ٹیم کا چار بار ہاکی ورلڈ کپ جیتنے کا ریکارڈ برابر نہ کرسکا۔

    تیسری پوزیشن کے میچ میں آسٹریلیا نے انگلینڈ کو شکست دے کر کانسی کا تمغہ اپنے نام کرلیا۔

    کینگروز کی ٹیم نے تیسری پوزیشن کے لیے سخت محنت کی اور انگلش ٹیم کو ایک کے مقابلے میں 8 گول سے شکست دی۔

    واضح رہے کہ ہاکی ورلڈ کپ میں قومی ٹیم نے چار میچز کھیلے اور کسی بھی میچ میں کامیابی حاصل نہ کرسکی، ملائیشیا کے خلاف کھیلا جانے والا میچ برابر رہا تھا۔

  • ہاکی ورلڈ کپ: پاکستان اور بیلجیم کا ناک آؤٹ میچ آج کھیلا جائے گا

    ہاکی ورلڈ کپ: پاکستان اور بیلجیم کا ناک آؤٹ میچ آج کھیلا جائے گا

    بھونیشور: ہاکی ورلڈ کپ کے ناک آؤٹ مرحلے میں آج پاکستان اور بیلجیم آمنے سامنے ہوں گے، قومی ٹیم کامیابی حاصل کرکے کوارٹر فائنل میں رسائی حاصل کرسکتی ہے۔

    تفصیلات کے مطابق پاکستان ہاکی ٹیم کے لیے ورلڈ کپ میں اب گھر واپس آنا ہے یا آگے جانا ہے کی نوبت آگئی ہے، قومی ہاکی ٹیم آج ناک آؤٹ مرحلے میں بیلجیم سے ٹکرائے گی، کامیابی کی صورت میں کوارٹر فائنل میں جرمنی سے مقابلہ ہوگا۔

    [bs-quote quote=”کامیابی کی صورت میں کوارٹر فائنل میں جرمنی سے مقابلہ ہوگا” style=”style-6″ align=”left”][/bs-quote]

    لیگ راؤنڈ میں ایک میچ نہ جیتنے والی قومی ٹیم ناک آؤٹ مرحلے میں پہنچ گئی مگر اب کوئی لائف لائن نہیں ملے گی۔

    واضح رہے کہ گزشتہ روز نیدر لینڈز نے پاکستان کو 5-1 گول سے شکست دی تھی، جبکہ ملائیشیا جرمنی کے ہاتھوں سے شکست کھاکر پہلے ہی ایونٹ سے باہر ہوچکی ہے۔

    یہ پڑھیں: ہاکی ورلڈ کپ: نیدرلینڈز نے پاکستان کو 5-1 سے شکست دے دی

    گرین شرٹس نے اپنا دوسرا ملائیشیا سے 1-1 گول سے برابر کیا تھا اور پہلے میچ میں جرمنی کے 1-0 سے شکست کا سامنا کرنا پڑا تھا۔

    خیال رہے کہ قومی ٹیم آٹھ سال بعد ورلڈ کپ کھیل رہی ہے گزشتہ ورلڈ کپ کے لیے قومی ٹیم کوالیفائی نہیں کرسکی تھی جبکہ اس سے قبل بھارت میں ہی قومی ٹیم نے ورلڈ کپ کھیلا تھا اور آخری نمبر پر رہی تھی۔

  • ہاکی ورلڈ کپ: پاکستان اور ملائیشیا کا میچ ایک، ایک گول سے برابر

    ہاکی ورلڈ کپ: پاکستان اور ملائیشیا کا میچ ایک، ایک گول سے برابر

    بھونیشور: بھارت میں جاری ہاکی ورلڈ کپ میں پاکستان اور ملائیشیا کے درمیان کھیلا جانے والا میچ 1-1 گول سے برابر ہوگیا۔

    تفصیلات کے مطابق بھارت میں جاری ہاکی ورلڈ کپ کے اہم میچ میں پاکستان اور ملائیشیا کا مقابلہ ایک، ایک گول سے برابر ہوگیا، پاکستان کی جانب سے کھیل کے 51 ویں منٹ میں محمد عتیق نے گول کرکے ٹیم کو برتری دلائی۔

    قومی ہاکی ٹیم کی برتری حریف ٹیم نے 4 منٹ بعد ہی ختم کردی جب ملائیشیا کے فیصل ساری نے گول اسکور کیا۔

    ملائیشیا کے فیصل ساری کو گول برابر کرنے پر میچ کا بہترین کھلاڑی قرار دیا گیا۔

    ہاکی کے میگا ایونٹ میں قومی ہاکی ٹیم نے ملائیشیا کے خلاف اپنا دوسرا میچ کھیلا تھا، پہلے میچ میں جرمنی نے قومی ٹیم کو 1-0 سے شکست دی تھی اور قومی ٹیم نے گول کرنے کے کئی مواقع ضائع کیے تھے۔

    آج کھیلے جانے والے دوسرے میچ میں جرمنی نے ہالینڈ کو 4-1 سے شکست دی، ایونٹ میں جرمنی کی یہ دوسری کامیابی ہے۔

    قومی ہاکی ٹیم کی اگلے راؤنڈ میں رسائی کا فیصلہ نیدر لینڈز کے خلاف میچ کے بعد ہوگا جو 9 دسمبر کو کھیلا جائے گا۔

  • ہاکی چیمپئینزٹرافی: آج پاکستان آسٹریلیا سے مد مقابل ہوگا

    ہاکی چیمپئینزٹرافی: آج پاکستان آسٹریلیا سے مد مقابل ہوگا

    بھونیشور: بھونیشور میں جاری ہاکی ٹورنامنٹ میں ایک دن آرام کے بعد آج چار میچز کھیلے جارہے ہیں۔ پاکستان ایونٹ میں دو ناکامی کے بعد پہلی جیت حاصل کرنے کے لئے بے تاب ہے۔

    قومی ٹیم کو پہلے میچ میں بیلجئیم اور دوسرے میچ میں انگلینڈ کے ہاتھوں شکست کا سامنا کرنا پڑا۔ گروپ اے میں انگلینڈ چھ پوائنٹس کے ساتھ ٹاپ پوزیشن پر ہے۔

    آسٹریلیا کے خلاف آخری گروپ میچ گرین شرٹس کے لئے انتہائی اہم ہے۔ ٹیم کے کپتان محمد عمران کا کہنا ہے کہ دو میچز میں شکست سے کھلاڑیوں کے حوصلے پست نہیں ہوئے۔

    کینگروز کے خلاف جیت حاصل کرکے کھویا ہوا مقام حاصل کریں گے۔ پاکستان اور آسٹریلیا کے درمیان میچ شام پانچ بجے شروع ہوگا۔ آج ہونے والے دیگر میچز میں انگلینڈ کا مقابلہ بیلجئیم اور بھارت کی ٹیم نیدرلینڈ کے مدمقابل آئے گی۔