Tag: بھیک منگوانے

فیصل آباد : سعودی عرب میں خواتین سے بھیک منگوانے میں ملوث منظم گروہ کے سرغنہ کو گرفتار کرلیا گیا۔

تفصیلات کے مطابق ایف آئی اے کمپوزٹ سرکل فیصل آباد نے چک 216میں کارروائی کرتے ہوئے سعودی عرب میں بھیک منگوانے میں ملوث منظم گروہ کے سرغنہ کو گرفتار کرلیا۔

ترجمان ایف آئی اے نے بتایا کہ گرفتارملزم کی شناخت محمدغفورکےنام سےہوئی، ملزم خواتین کو مفت عمرہ کاجھانسہ دیکر جال میں پھنساتا تھا اور گینگ خواتین کو زبردستی بھیک منگوانے پرمجبور کرتا تھا۔

ملزم نےساتھیوں کیساتھ ملکر 5خواتین کوسعودی عرب اسمگل کیا، ملزمان خواتین کو واپس بھجوانے کے لیے فی کس 5 لاکھ تاوان مانگ رہے۔

چھاپے کے دوران ملزم سےموبائل فون اوردیگرشواہد برآمد کرلئے ہیں اور ملزم کےدیگر ساتھیوں کی گرفتاری کے لئے کارروائیاں جاری ہیں۔

ایف آئی اے نے بھیک منگوانے کیلئے شہریوں کو سعودی عرب بھجوانے والے 4 ایجنٹ کو گرفتار کرلیا۔

تفصیلات کے مطابق ایف آئی اے نے ملتان کے مختلف علاقوں میں کارروائی کرتے ہوئے بھیک منگوانے کیلئے شہریوں کو سعودی عرب بھجوانے والے 4 ایجنٹ کو گرفتار کرلیا۔

ایف آئی اے ترجمان کے مطابق ملزمان کو ملتان کے مختلف علاقوں سے گرفتار کیا گیا، گرفتار ملزمان میں صادق حسین، محمد اعجاز، غلام نازک اور غلام یاسین شامل ہیں۔

ترجمان نے بتایا کہ ملزمان کو پہلے سے گرفتار ملزمان کی نشاندہی پر گرفتار کیا گیا، ملزمان بھیک مانگنے کیلئے شہریوں کو سعودی عرب بھجواتے تھے۔

ایف آئی اے ترجمان کا کہنا ہے کہ بھیک سے حاصل رقم میں ملزمان اپنا حصہ وصول کرتے تھے، سعودی عرب بھیک مانگنے کیلئے جانے والے 9 مسافروں کو گزشتہ روز گرفتار کیا گیا تھا۔