Tag: بہادری

دیہی علاقوں میں کسی چھوٹے جانوروں کو ریسکیو کرتے ہوئے تو آپ نے بھی دیکھا ہوگا لیکن کیا آپ نے دنیا کے خطرناک رینگنے والے جانوروں میں سے ایک  سانپ کو کسی سیفٹی کے بغیر ریسکیو کرتے ہوئے دیکھا ہے؟

سوشل میڈیا پر آئے دنوں کچھ منفرد اور ایسی ناقابل یقین ویڈیو منظر عام پر آتی ہیں جس کو اپنی آنکھوں سے دیکھ کر بھی یقین نہیں ہوتا ایسی ہی ایک ویڈیو ان دنوں سوشل میڈیا پر وائرل ہو رہی ہے جس کو دیکھ کر ہی لوگوں کے مارے خوف کے رونگٹے کھڑے ہو رہے ہیں۔

سماجی رابطوں کی ویب سائٹ ایکس پر یہ ویڈیو بھارت کے ایک صارف نے شیئر کی ہے جو دیکھتے ہی دیکھتے وائرل ہو گئی۔

Daredevil act at Saligrama #Kundapura

Heroic act by this child but it's very dangerous too…….🐍 pic.twitter.com/EJm09wXPpX

— Dr Durgaprasad Hegde (@DpHegde) November 22, 2023

ویڈیو میں دیکھا جاسکتا ہے کہ معمر شخص اور ایک نوجوان لڑکا خطرناک اژدھے کو بچانے کی کوشش کررہے ہیں جسے دیکھنے والوں نے سراہا لیکن ساتھ ہی ایسی بہادری کو بے وقوفی کرنا کہا ہے۔

ویڈیو میں ایک بزرگ کو دیکھا جا سکتا ہے کہ وہ دیوہیکل اژدھے کو اس کی دم سے پکڑے ہوئے ہے اور اسے جھاڑی سے ہٹانے کی کوشش کر رہے، جب اژدھا حاوی ہونے لگا تو ایک نوجوان لڑکا اس خطرناک کوشش میں شامل ہوجاتا ہے اور سانپ کی گردن پکڑنے کی کوشش کرتا ہے۔

دونوں مل کر اس خطرناک سانپ کو جھاڑیوں سے گھسیٹتے ہوئے باہر نکالتے ہیں اور محفوظ مقام میں منتقل کرنے کے لیے ایک بوری کے اندر بند کر دیتے ہیں۔

اس خوفناک ویڈیو کو اب تک لاکھوں صارفین دیکھ چکے ہیں اور اس پر دلچسپ تبصرے بھی کیے جا رہے ہیں، کوئی سانپ کو ریسکیو کرنے والوں کی بہادری کی داد دے رہا ہے تو کوئی اس عمل کو تنقید کا نشانہ بنا رہا ہے۔