Tag: بہاولپور

بہاولپور : پنجاب کے شہر بہاولپور میں ایک ہی خاندان کے 5 افراد کے قتل کا مقدمہ درج کرلیا گیا ، مقتولین کا پوسٹ مارٹم آج کیا جائے گا۔

تفصیلات کے مطابق بہاولپور میں ایک ہی خاندان کے پانچ افراد کے قتل کامقدمہ درج کرلیا گیا، مقدمہ تھانہ سمہ سٹہ میں مقتول کاشف کے بھائی کی مدعیت میں درج کیا گیا۔

پولیس نے مقدمہ درج کرکے تفتیش کا دائرہ کار مزید بڑھا کر مختلف زاویوں سے شواہد اکھٹے کرنے شروع کردیئے ہیں۔

اسپتال ذرائع کا کہنا ہے کہ لاشیں سرد خانے منتقل کردی گئی ہیں، مقتولین کا پوسٹ مارٹم آج کیا جائے گا۔

گزشتہ روز ماڈل ایونیو کے گھر سے ایک ہی فیملی کے ہانچ افراد کی لاشیں برآمد ہوئی تھیں، لاشوں کے پاس ہی ایک پسٹل بھی برآمد ہوا تھا۔

کاشف نامی شخص اس کی بیوی عروج اور دوبچوں کو سر میں فائر مار کر قتل کیا گیا تھا اور ایک بیٹے کو گلہ دبا کر قتل کیا گیا جبکہ مقتول کی چارسالہ بیٹی بے ہوشی کی حالت میں ملی تھی۔

آئی جی پنجاب عثمان انور نے بھی افسوسناک واقعے کا نوٹس لیتے ہوئے ڈی پی او اسد سرفراز سے چوبیس گھنٹوں میں ملزمان کی گرفتاری کو یقینی بناتے ہوئے رپورٹ طلب کی تھی۔

بہاولپور: پنجاب کے شہر بہاولپور میں مکان سے پانچ افراد کی لاشیں برآمد ہوئی ہیں۔

اے آر وائی نیوز کے مطابق بہاولپور کے علاقے ماڈل ایونیو میں گھر سے میاں، بیوی اور تین بیٹوں کی لاشیں برآمد ہوئی ہیں جس کے باعث علاقے میں خوف و ہراس پھیل گیا۔

پولیس کا کہنا ہے کہ واقعہ خودکشی یا قتل کی واردات ہے، کمرے سے ملنے والے پستول کی فرانزک رپورٹ کے بعد صورتحال واضح ہوسکے گی۔

پولیس کا کہنا ہے کہ واقعے میں گھر کی سب سے چھوٹی بچی محفوظ رہی ہے جسے بیہوشی کی حالت میں اسپتال منتقل کردیا گیا ہے۔

مقتول کاشف بلوچ کے بھائی کا کہنا ہے کہ ان کا بڑا بھائی بزدل نہیں تھا کہ خودکشی کرلے، رات فون پر بات ہوئی تو بتایا تھا کہ والدہ کو صبح اسپتال لے جانا ہے۔

محلے والوں کا کہنا ہے کہ بچی بستر کے قریب زمین پر سو رہی تھی، سیکیورٹی گارڈ اور آس پاس کے رہائشیوں نے فائرنگ کی کوئی آواز نہیں سنی۔

پولیس کا کہنا ہے کہ لاشوں کے قریب خون بھی موجود ہے، لاشوں کو تحویل میں لے کر اسپتال منتقل کردیا اور واقعے کی تحقیقات شروع کردی ہیں۔

بہاولپور میں گورنمنٹ نواب سر صادق اسپتال میں خاتون کے ہاں 5 بچوں کی پیدائش ہوئی ہے۔

تفصیلات کے مطابق بہاولپور کے علاقے ڈیرہ بکھا کی رہائشی خاتون کے ہاں 5 بچوں کی پیدائش ہوئی ہے، خاتون کا شوہر کھیتی باڑی کا کام کرتا ہے۔

گورنمنٹ نواب سر صادق اسپتال کی انتظامیہ کا اس حوالے سے کہنا ہے کہ  پانچوں بچوں کو انتہائی نگہداشت وارڈ کے بے بی انکیوبیٹر میں رکھا ہے جہاں کمزرو بچوں کی صحت بھال کا خیال رکھا جارہا ہے۔

اسپتال انتظامیہ نے مزید بتایا کہ ڈیرہ بکھا کی رہائشی خاتون کے ہاں پیدا ہونے والے بچوں میں 4 لڑکیاں اور ایک لڑکا شامل ہے۔