ARYNews.tv | Urdu – Har Lamha Bakhabar

Tag: بیجنگ

  • وائٹ کالر جرائم سے نمنٹے کے لیے چین کا تعاون چاہتے ہیں‘ عمران خان

    وائٹ کالر جرائم سے نمنٹے کے لیے چین کا تعاون چاہتے ہیں‘ عمران خان

    بیجنگ : وزیراعظم عمران خان نے کہا کہ پاکستان شمالی کوریا اور ملائیشیا کے لیے ایک مثال تھا لیکن بدقسمتی سے بدعنوانی اورمنی لانڈرنگ نے ملک کو بری طرح متاثر کیا۔

    تفصیلات کے مطابق بیجنگ میں سینٹرل پارٹی اسکول کی تقریب سے خطاب کرتے ہوئے وزیراعظم عمران خان نے کہا کہ چین کے مستقبل کی قیادت سے بات کررہا ہوں۔

    انہوں نے کہا کہ 1960ء کی دہائی میں پاکستان کی شرح نمو سب سے زیادہ تھی لیکن بدعنوانی نے ملک کے لیے مسائل پیدا کیے۔

    عمران خان نے کہا کہ بدعنوانی کی بری ترین صورت رقم کی غیرقانونی منتقلی ہے، ڈالرز ترقی پذیر سے ترقی یافتہ ملکوں میں غیرقانونی منتقل ہوتے ہیں۔

    وزیراعظم پاکستان نے کہا کہ 1996ء میں بدعنوانی کے خلاف اپنی سیاسی جدوجہد کا آغاز کیا لیکن اس وقت ہماری جماعت کو اہمیت نہیں دی گئی اور آج پاکستان تحریک انصاف ملک کی سب سے بڑی جماعت بن گئی ہے۔

    انہوں نے کہا کہ 30 سال میں چین نے 70 کروڑ افراد کو غربت سے نکالا اور جو ترقی کی وہ ہمارے لیے مثال ہے۔

    عمران خان نے کہا ہم پاکستان میں بھی لوگوں کو غربت سے نکالیں گے، جب بھی ضرورت پڑی چین نے پاکستان کی مدد کی، وائٹ کالر جرائم سے نمنٹےکے لیے چین کا تعاون چاہتے ہیں۔

    وزیراعظم پاکستان نے کہا کہ اداروں کو مضبوط کرکے ہی بدعنوانی کا خاتمہ کیا جا سکتا ہے، ہم چین کے تجربات سے استفادہ کرنا چاہتے ہیں۔

    انہوں نے کہا کہ پاکستانی معیشت دہشت گردی کے خلاف جنگ کی وجہ سے شدید متاثرہوئی تاہم پاک چین اقتصادی راہداری منصوبہ پاکستان کے لیے انتہائی اہم ہے۔

    وزیراعظم نے مزید کہا کہ سی پیک سے رابطوں کا فروغ، اقتصادی زونزسے معاشی بہتری آئے گی۔

  • وزیراعظم عمران خان کی نیشنل پیپلز کانگرس کے چیئر مین سے ملاقات

    وزیراعظم عمران خان کی نیشنل پیپلز کانگرس کے چیئر مین سے ملاقات

    بیجنگ : وزیراعظم عمران خان نے نیشنل پیپلز کانگرس کے چیئرمین لی ژانشو سے ملاقات کی اور اقتصادی ترقی ،معاشی منصوبوں پرحکومتی ترجیحات سے آگاہ کیا ،وزیراعظم کا کہنا ہے کہ پاکستان کی اقتصادی ترقی اورخوشحالی میں سی پیک کااہم کردارہوگا۔

    تفصیلات کے مطابق بیجنگ میں وزیراعظم عمران خان نے نیشنل پیپلز کانگرس کے چیئرمین لی ژانشو سے ملاقات کی، ملاقات میں دونوں رہنماؤں نے دو طرفہ تعلقات کو آگے بڑھانے اور سیاسی، ثقافتی، تعلیمی شعبوں میں بھی تعاون بڑھانے پر اتفاق کیا گیا۔

    وزیراعظم عمران خان نے چین کی مہمان نوازی اورگرمجوشی پرشکریہ ادا کیا اور غربت کے خاتمے اور کرپشن میں کمی کے اقدمات کو سراہا۔

    وزیراعظم نے نیشنل پیپلز کانگرس کے چیئرمین کو اقتصادی ترقی ،معاشی منصوبوں پر حکومتی ترجیحات سے آگاہ کیا اور کہا پاکستان کی اقتصادی ترقی اورخوشحالی میں سی پیک کااہم کردار ہوگا۔

    نیشنل پیپلز کانگرس کے چیئرمین کا کہنا تھا کہ چین پاکستان کے ساتھ تعلقات کی مضبوطی کا خواہاں ہے، تعلقات میں سی پیک منصوبہ انتہائی اہم کردار ادا کر سکتاہے۔

    لی ژانشو نے کہا چین پاکستان کے ساتھ ہر محاذ پر کھڑا رہے گا، پارلیمانی وفود کےتبادلے دوطرفہ تعلقات کومزید فروغ دیں گے۔

    اس سے قبل وزیراعظم عمران خان سے چیئرمین چائنا ریلوے کنسٹرکشن کارپوریشن کی ملاقات ہوئی ، ملاقات میں پاکستان اورچین کےدرمیان ریلوے کے شعبے میں تعاون پر تبادلہ خیال کیا گیا۔

    مزید پڑھیں : بیجنگ: وزیراعظم عمران خان کی چینی ہم منصب سے ملاقات

    یاد رہے آج صبح وزیراعظم عمران خان کی چین کے وزیراعظم لی کی چیانگ سے ملاقات ہوئی ، ملاقات میں چینی وزیراعظم نے عمران خان کوانتخابات میں کامیابی پر مبارک باد دی جبکہ بھرپور میزبانی پر وزیراعظم عمران خان نے چینی ہم منصب کاشکریہ ادا کیا۔

    ملاقات میں دونوں رہنماؤں نے باہمی تعلقات اور سی پیک منصوبوں سے متعلق اظہار اطمینان کیا، وزیراعظم عمران خان نے چینی ہم منصب کو نئے پاکستان کے وژن سے آگاہ کیا۔

    جس کے بعد پاکستان اورچین کے درمیان وفود کی سطح پر ہونے والے مذاکرات میں دوطرفہ تعاون کے پندرہ معاہدوں اور مفاہمت کی یادداشتوں پر دستخط کئے گئے۔

    جن میں زراعت ،تکنیکی اوراقتصادی شعبوں میں تعاون ، اسلام آباد اور بیجنگ پولیس کے درمیان تعاون ، ہائر ایجوکیشن کمیشن پاکستان اور چین کی سائنس اکیڈمی اور چین کی اکیڈمی آف سائنسز اور پاکستان میٹرولوجیکل ڈیپارٹمنٹ کے درمیان معاہدے شامل ہیں۔

  • خلائی مخلوق یا اڑن طشتری، بیجنگ میں‌ روشنی کے ہیولے نے شہریوں کو چونکا دیا

    خلائی مخلوق یا اڑن طشتری، بیجنگ میں‌ روشنی کے ہیولے نے شہریوں کو چونکا دیا

    بیجنگ : چین میں گذشتہ شب آسمان پر دکھائی دینے والے روشنی کے ہیولے نے شہریوں کو چونکا دیا اور یہ شور مچ گیا کہ آیا یہ خلائی مخلوق، اڑن طشتری ہے یا کوئی اور شہ ہے۔

    تفصیلات کے مطابق کائنات میں دیگر مخلوقات بھی رہتی ہیں جنہیں خلائی مخلوق کہا جاتا ہے، اکثر و بیشتر دنیا کے کچھ ممالک میں ایسی چیزیں نظر فضا میں اڑتی ہوئی نظر آئیں ہیں جنہیں انسانوں نے اڑن طشتری تصور کرلیا۔

    ایسا ہی کچھ گذشتہ روز پڑوسی ملک چین کے شہر بیجنگ میں رات کے وقت ہوا جب آسمان پر نظر آنے والے روشنی کے ہیولے نے شہریوں کو حیرت مبتلا کردیا۔

    غیر ملکی خبر رساں ادارے کا کہنا تھا کہ بیجنگ شہر میں دکھائی دینے والا روشنی کا ہیولا چین کے دیگر شہروں میں نظر دیکھا گیا ہے، جس کے بعد چینی شہری پریشان ہیں کہ نظر آنے والا روشنی کا ہیولا خلائی، اڑن طشتری یا کوئی اور شہ ہے۔

    خلائی مخلوق حقیقت میں وجود رکھتے ہیں یا نہیں آئیے عالمی خلائی ادارے ناسا کے ایک سابق سائنسداں کیون کنتھ سے جانتے ہیں۔

    کیون کنتھ کا کہنا ہے کہ خلائی مخلوق نہ صرف موجود ہیں بلکہ کئی بار انسانوں کا ان سے سامنا بھی ہوچکا ہے، جس کے بے شمار ثبوت موجود ہیں لیکن حکومتوں نے اس بات کو خفیہ رکھا ہوا ہے۔

    اپنے مضمون میں انہوں نے کہا کہ ہمیں اس امکان کو تسلیم کرلینا چاہیئے کہ کچھ ایسے اجنبی اڑنے والے آبجیکٹس (آسان الفاظ میں اڑن طشتریاں) موجود ہیں جو ہمارے ایجاد کردہ ایئر کرافٹس سے کہیں بہتر ہیں۔

    پروفیسر نے کہا کہ خلائی مخلوق ایک حقیقت ہیں کیونکہ ہماری کائنات میں 300 ارب ستارے موجود ہیں، اور ان میں سے کچھ یقیناً ایسے ہوں گے جہاں زندگی موجود ہوگی۔

  • امریکا نے پابندیاں نہ ہٹائیں تو سنگین نتائج کیلئے تیار رہے، چین کی دھمکی

    امریکا نے پابندیاں نہ ہٹائیں تو سنگین نتائج کیلئے تیار رہے، چین کی دھمکی

    بیجنگ : چین نے امریکا کی جانب سے جنگی سازو سامان خریدنے کی پابندی پر اپنے رد عمل میں کہا ہے کہ امریکا فوری طور پر پابندیاں ہٹائے ورنہ اسے سنگین نتائج بھگتنا پڑیں گے۔

    تفصیلات کے مطابق چین نے امریکہ کو خبردار کیا ہے کہ اگر اس نے روس سے جیٹ طیارے خریدنے کی پاداش میں چین پر لگائی جانے والی پابندی کو ختم نہ کیا تو پھر اس کے نتائج کے لیے تیار ہو جائے۔

    روس نے بھی چینی فوج پر عائد پابندیوں کی مخالفت کی ہے اور امریکہ کو خبردار کیا ہے کہ وہ اس آگ کے کھیل سے باز رہے۔ واضح رہے کہ امریکا کی جانب سے چین کے فوجی ادارے پر الزام عائد کیا گیا ہے کہ اس نے روس سے ہتھیار خریدے ہیں اور چین کا یہ اقدام روس پر امریکی پابندیوں کی خلاف ورزی ہے جو اس پر امریکی انتخابات میں مداخلت اور یوکرین میں فوج کشی کے بعد لگائی گئی تھیں۔

    چین نے حال ہی میں روس سے دس سخوئی ایس یو35 جنگی طیارے اورایس400طیارہ شکن میزائل خریدے ہیں۔ امریکی محکمہ خارجہ نےروس کے 33 افراداور کمپنیوں کو بھی بلیک لسٹ کردیا۔

  • سی پیک منصوبہ : بیجنگ اسلام آباد کی حمایت جاری رکھے گا، چینی وزارت خارجہ کی وضاحت

    سی پیک منصوبہ : بیجنگ اسلام آباد کی حمایت جاری رکھے گا، چینی وزارت خارجہ کی وضاحت

    اسلام آباد : چینی وزارت خارجہ کے حکام نے واضح کیا ہے کہ سی پیک کی جلد تکمیل پر پاکستان اور چین کا اتفاق ہے، بیجنگ اسلام آباد کی حمایت جاری رکھے گا۔

    یہ بات جینی حکام نے اپنے تازہ بیان میں کہی، ان کا کہنا تھا کہ دونوں ملک تمام شعبوں میں مضبوط تعلقات کا عزم رکھتے ہیں، چینی وزیر خارجہ وانگ ژی کے دورہ پاکستان کا مقصد کئی عشروں پر محیط پاک چین دوستی کی تجدید تھا۔

    یاد رہے کہ برطانوی جریدے فنانشل ٹائمز نے اپنی رپورٹ میں دعویٰ کیا تھا کہ پاکستان کی نئی حکومت چین کے ساتھ سی پیک معاہدے پر نظرِثانی پر غور کر رہی ہے۔

    وزیر اعظم کے مشیر صنعت و تجارت عبدالرزاق داؤد کے ایک انٹرویو کا حوالہ دیتے ہوئے رپورٹ میں کہا گیا ہے کہ عبدالرزاق داؤد کے مطابق سابق حکومت نے سی پیک پر چین سے بات چیت میں اپنی ذمے داری بخوبی نہیں نبھائی۔

    دوسری جانب اپنے ردعمل میں عبدالرزاق داؤد کا رپورٹ کو مسترد کرتے ہوئے کہنا تھا کہ سی پیک منصوبے سے متعلق حالیہ انٹرویو کے کچھ حصے سیاق و سباق سے ہٹ کر پیش کیے گئے ہیں،  پاکستان اور چین کی دوستی ناقابل تسخیر ہے، دونوں ممالک میں راہداری منصوبے کے مستقبل سے متعلق مکمل یکسوئی ہے۔

    مزید پڑھیں: سی پیک سے متعلق میرا بیان سیاق و سباق سے ہٹ کر پیش کیا گیا: مشیرتجارت

    علاوہ ازیں پلاننگ کمیشن حکام نے سی پیک پر برطانوی اخبار کو دیئے گئے عبدالرزاق داؤد کے انٹرویو پر ردعمل دیتے ہوئے کہا ہے کہ سی پیک معاہدوں پر ازسر ِنو بات کی جائے گی، کمیشن نے یہ بھی اعتراف کیا کہ سی پیک پر عملدرآمد گزشتہ چودہ ماہ سے سست روی کا شکار ہے ۔

  • بیجنگ میں امریکی سفارت خانے کے باہر کریکر حملہ

    بیجنگ میں امریکی سفارت خانے کے باہر کریکر حملہ

    بیجنگ : چین کے دارالحکومت میں واقع امریکی سفارت خانے کے باہر کریکر حملہ ہوا ہے، دھماکے کے نتیجے میں کسی کے زخمی یا ہلاک ہونے کی اطلاعات موصول نہیں ہوئی ہیں۔

    تفصیلات کے مطابق چین کے دارالحکومت بیجنگ میں واقع امریکی سفارت خانے کے باہر کریکر حملہ ہوا ہے، کریکر دھماکے کے نتیجے میں کسی کے زخمی ہونے کی اطلاعات موصول نہیں ہوئی ہے۔

    غیر ملکی خبر رساں ادارے کا کہنا تھا کہ چین کے قلب بیجنگ میں واقع امریکی سفارت خانے باہر نصب سی سی ٹی وی کیمروں کی ویڈیو اور تصاویر سفارت خانے کے اردگرد دھواں اٹھتے دیکھا جاسکتا ہے، جبکہ پولیس کی بھی متعدد گاڑیاں بھی نظر آرہی ہیں۔

    چین میں واقع امریکی سفارت خانے کے ترجمان کی جانب سے جاری بیان میں کہا گیا ہے کہ مقامی وقت کے مطابق دوپہر 1 بجے کے قریب جنوب مشرقی کمپاؤنڈ میں ہوا ہے۔

    بیجنگ پولیس کے ترجمان کا کہنا تھا کہ سیکیورٹی اہلکاروں نے امریکی سفارت خانے پر کریکر حملہ کرنے والے شخص کو حراست میں لے لیا ہے، دھماکے کے باعث حملہ کا بازو زخمی ہوا ہے جسے فوری اسپتال منتقل کردیا گیا تھا۔

    چینی پولیس کا کہنا ہے کہ مشتبہ حملہ آور کی شناخت جیانگ کے نام سے ہوئی ہے، جس کا تعلق چین کے صوبے انّر مونگولیا صوبے کا شہری ہے۔

    واقعے کے عینی شاہد کا کہنا تھا کہ سفارت خانے میں معمول کے مطابق امور کی انجام دہی جاری تھی جبکہ امریکا کا ویزہ حاصل کرنے والے مقامی افراد قطار بنائے کھڑے کہ اچانک زور دار دھماکا ہوا جس کے باعث ارد گرد دھواں پھیل گیا تھا۔

    غیر ملکی خبر رساں ادارے کا کہنا تھا کہ چینی پولیس نے مقامی وقت کے مطابق 11 بجے سفارت خانے کے باہر سے ایک خاتون کو گرفتار کیا تھا جو خود کو آگ لگانا چاہتی تھی تاہم دونوں واقعات کا آپس میں جڑے ہوئے ہیں یا نہیں، اس حوالے سے ابھی واضح نہیں ہوسکا ہے۔

    تاہم جب پولیس سے اس حوالے سے رابطہ کیا گیا تو انہوں نے اس حوالے سے اپنا ردِ عمل دینے سے انکار کردیا۔

    خیال رہے کہ سفر، تعلیم اور نقل مکانی کے لیے چینی شہریوں کے لیے امریکا ایک معروف جگہ ہے۔

    یاد رہے کہ رواں ماہ 3 مئی کو چین کی حکومت نے واضح کیا تھا کہ وہ امریکا کے ساتھ تجارتی امور  پر مذاکرات کا خیر مقدم کرتی ہے تاہم چین کے مفادات سے متضادم نکات پر ہرگز سمجھوتہ نہیں کیا جائے گا۔

    رواں برس امریکا اور چین کے اعلیٰ اقتصادی حکام نے دونوں ممالک کے درمیان تجارتی کشیدگی کے حوالے سے روابط جاری رکھنے پر اتفاق کرلیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • چین نے اپنا پہلا بڑا بحری بیڑا سمندر میں اتار دیا

    چین نے اپنا پہلا بڑا بحری بیڑا سمندر میں اتار دیا

    بیجنگ: چین نے اپنا پہلا بڑا بحری بیڑا سمندر میں اتار دیا، یہ طیارہ بردار بحری بیڑا مکمل طور پر ملک ہی میں تیار کیا گیا ہے۔

    تفصیلات کے مطابق بحری بیڑے کو ایک ایسے وقت میں تجرباتی طور پر سمندر میں اتارا گیا ہے جب چین کی جانب سے عالمی سطح پر پانیوں میں اپنی موجودگی میں مسلسل اضافہ کیا جارہا ہے۔

    چینی حکام کے مطابق اس بحری بیڑے کی تیاری چینی بحریہ کو جدید تر بنانے کے منصوبے کا ایک حصہ ہے، خیال رہے کہ جنوبی چین میں جزائر کی ملکیت کے حوالے سے تنازعات کے بعد چین نے اپنی بحری موجودگی میں اضافہ شروع کر رکھا ہے۔

    ملکی ساختہ اس عسکری بحری بیڑے کو چین کے شمال مشرق میں واقع ڈالیان کی بندرگاہ سے کھلے پانیوں میں اتارا گیا، اس دوران طیارہ بردار بحری بیڑے کے انجن اور نیوی گیشن سسٹم کی جانچ کی جائے گی۔

    جاری کردہ تفصیلات کے مطابق طیارہ بردار بحری بیڑے کوعارضی نام Type 001A دیا گیا ہے، اس کی تیاری کا آغاز 2013 میں کیا گیا اور 2020 تک اس کی تکمیل کا امکان ہے جس کے بعد اسے چین کی بحریہ میں شامل کردیا جائے گا۔

    چینی انجینیئرز پر حملوں کا مقصد انہیں کام چھوڑ کر جانے پر مجبور کرنا تھا: ملزم کا انکشاف

    بتایا گیا ہے کہ اس بحری بیڑے میں تیل سے چلنے والا روایتی اسٹیم انجن نصب ہے اور یہ چالیس طیارے لے جانے کی گنجائش رکھتا ہے۔

    واضح رہے کہ ایک ماہ قبل چینی صدر شی جن پنگ نے اپنی تقریر میں کہا تھا کہ وہ چینی کمیونسٹ پارٹی کے پرچم تلے ایک عالمی معیار کی نیوی تعمیر کرنا چاہتے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دلہن کی حرکت، شادی کی تقریب بڑے حادثے سے بال بال بچ گئی

    دلہن کی حرکت، شادی کی تقریب بڑے حادثے سے بال بال بچ گئی

    بیجنگ: چین میں شادی کی تقریب کے دوران دلہن کی معمولی حرکت بڑے حادثے کا خمیازہ تمام مہمانوں کو بھگتنا پڑا تاہم خوش قسمتی سے اس واقعے میں کوئی ہلاک یا زخمی نہیں ہوا۔

    آپ نے رنگ میں بھنگ ڈالنے کی کہاوت توسنی ہوگی لیکن اس کا عملی مظاہرہ چین میں اُس وقت دیکھنے میں آیا جب دلہن نے اپنی شادی کی تقریب میں گلدستہ اچھالا اور خوشی کی تقریب دیکھتے ہی دیکھتے  غم میں تبدیل ہوگئی۔

    چینی میڈیا کے مطابق یہ واقعہ ملک کے مشرقی صوبے ان ہوئی میں پیش آیا کہ جب شادی کی ایک تقریب میں دلہن نے تحفے میں ملنے والا پھولوں کا گلدستہ چھت کی طرف اچھالا۔

    دلہن نے تو اپنی خوشی کا اظہار کرنے کی کوشش کی مگر  اُسے معلوم نہیں تھا کہ یہ حرکت کتنی مہنگی ثابت ہوگی، چونکہ ہال کی چھت مضبوط نہیں تھی اور اس سمینٹ کی جگہ فی الوقت ٹائلز لگے ہوئے تھے۔

    جیسے ہی پھولوں کا بھاری گلدستہ چھت پر لگے ٹائلز سے جاکر ٹکرایا تو سیکنڈوں میں ہی چھت پر لگے سارے پتھر تقریب میں شرکت کرنے والے مہمانوں کی طرف برسنے لگے، خوش قسمتی سے حادثے کے نتیجے میں ہال میں موجود کوئی بھی شخص زخمی نہیں ہوا البتہ تھوڑی دیر کے لیے سارے مہمان خوف زدہ ہوگئے تھے۔

    ویڈیو دیکھیں

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چین: بدترین ٹریفک جام سے جنم لیتی حیران کن تصاویر

    چین: بدترین ٹریفک جام سے جنم لیتی حیران کن تصاویر

    بیجنگ: چین کے جنوبی صوبے ’ہینان‘ میں ہفتہ وار تعطیل پر شہریوں کی اتنی بڑی تعدار گھروں سے باہر نکلی کہ گاڑیوں کی قطار لگ گئی، شدید ٹریفک جام میں پچاس ہزار سے زائد شہری سڑکوں پر پھنس گئے۔

    تفصیلات کے مطابق ان دنوں چین میں قمری سال نو کی مناسبت سے فیسٹیول کا انعقاد کیا جارہا ہے جہاں سرکاری سطح پر ہفتہ وار تعطیل کا اعلان کیا گیا، جس کا جشن منانے کے لیے شہری گھروں سے نکلے، تو دور دور تک گاڑیوں کی قطار لگ گئی۔ البتہ جب اس ٹریفک جام کی بلندی سے منظر کشی کی گئی، تو رنگا رنگ تصاویر سامنے آئیں، جو انٹرنیٹ پر وائرل ہوگئیں۔

    ٹریفک جام کا مسئلہ، کون سا ملک سرفہرست ہے؟ رپورٹ سامنے آگئی

    مقامی میڈیا رپورٹ کے مطابق تقریباً پچاس ہزار سے زائد شہری ٹریفک جام میں بری طرح پھنس رہے جس کے بعد انتظامیہ حرکت میں آئی اور دو دن مسلسل محنت کے بعد ٹریفک بحال کرایا۔ اس دوران ڈرون کیمروں سے تصاویر لی گئیں، جو کسی فن پارے کے مانند معلوم ہوتی ہیں۔ یہ تصاویر پر انٹرنیٹ پر بڑے دلچسپ تبصرے سامنے آئے۔

    اس سے قبل گذشتہ سال چین کے دار الحکومت بیجنگ میں شدید ٹریفک جام ہوا تھا، جہاں تقریباً پچاس کلومیٹر تک گاڑیوں کی لمبی قطاریں تھیں اور نظام زندگی مفلوج ہوکر رہ گیا تھا۔

    خیال رہے دنیا بھر میں پھیلے کروڑوں چینی باشندے نئے چینی قمری سال کو خوش آمدید کہنے کے لیے رنگا رنگ تقریبات کا انعقاد کرتے ہیں۔مقامی اور انوکھے ملبوسات زیب تن کرتے ہوئے خوب ہلا گلا کرتے ہیں۔

    ٹریفک جام سے شہروں میں جرائم کی شرح میں اضافہ

    واضح رہے گاڑیوں سے متعلق تجزیوں پر نظر رکھنے والی کمپنی ’انریکس‘ نے سال 2017 میں بدترین ٹریفک جام والے شہروں کی فہرست جاری کی تھی۔

    جس میں سال 2017 میں بدترین ٹریفک جام کے لحاظ سے شہروں کی فہرست میں لاس اینجلس پہلے جبکہ ماسکور اور نیویارک مساوی طور پر دوسرے نمبر پر جبکہ بالترتیب ساؤ پاؤلو ، سانس فرانسسکو ، لندن، پیرس بھی فہرست میں ابتدائی 10 شہروں میں شامل ہوئے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دہشت گردی کیخلاف جنگ کی ذمہ داری صرف پاکستان کی نہیں، چین

    دہشت گردی کیخلاف جنگ کی ذمہ داری صرف پاکستان کی نہیں، چین

    بیجنگ : چین نے پاکستان کےحوالے سے امریکی مؤقف کو مسترد کرتے ہوئے کہا ہے کہ پاکستان نے دہشت گردی کےخلاف جنگ میں بے پناہ قربانیاں دیں، دہشت گرد تنظیموں کے خلاف کارروائی کی ذمہ داری صرف پاکستان ہی کی نہیں ہے، دہشت گردی کو کسی ایک ملک سے منسوب نہیں کیا جاسکتا۔

    تفصیلات کے مطابق بیجنگ میں چینی وزارت خارجہ کے ترجمان لوکانگ نے پریس بریفنگ میں کہا کہ دہشت گرد تنظیموں کے خلاف کریک ڈاؤن کی ذمہ داری تنہا پاکستان پر ہی عائد نہیں ہوتی۔

    ان کا کہنا تھا کہ دہشت گردی عالمی برادری کی مشترکہ دشمن ہے، دہشت گردی کوکسی ایک ملک سےمنسوب نہیں کیاجاسکتا،اس کےخاتمےکیلئےعالمی برادری کومشترکہ کوششیں کرناہوں گی۔

    انہوں نے کہا کہ ہم نے پہلے بھی کئی بار یہ بات زور دے کر کہی ہے کہ پاکستان نےدہشت گردی کےخلاف جنگ میں بےپناہ قربانیاں دیں ہیں، چین ان ممالک کا دفاع کررہاہے جو دہشت گردی کیخلا ف کارروائیاں کررہے ہیں۔

    ترجمان چینی وزارت خارجہ نے مزید کہا کہ دہشت گردی سے متعلق ایک دوسرے پرانگلیاں نہیں اٹھانی چاہئیں، انسداد دہشت گردی کے لئے مشترکہ تعاون کی ضرورت ہے، عالمی سطح پر اس کےخاتمے کیلئے مشترکہ کوششوں کو سراہتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔