Tag: بیجنگ

بیجنگ : چین میں ایک عمارت میں ہونے والے دھماکے کے نتیجے میں 5 افراد جاں بحق اور 20 سے زائد زخمی ہوگئے ہیں دھماکے کی وجہ عمارت گیس کا اخراج بتایا جا رہا ہے۔

تفصیلات کے مطابق چین کے شہر بوتو میں ایک عمارت میں ہولناک دھماکے کے نتیجے میں متعدد افراد زخمی ہوگئے جنہیں قریبی اسپتال لے جا یا گیا جہاں 5 افراد کی ہلاکتوں کی تصدیق کردی گئی ہے جب 20 سے زائد زخمی افراد کو طبی امداد دی جا رہی ہے۔

بین الاقوامی میڈیا رپورٹ کے مطابق رات گئے ایک اپارٹمنٹ کی عمارت میں دھماکا ہوا اور دھماکے کی شدت سے قریب واقع 83 مکانات کو نقصان پہنچا ہے جس کے باعث 6 رہائشی ہلاک اور متعدد زخمی ہوگئے۔

علاقائی پولیس نے عمارت کو گھریے میں لے کر ابتدائی شواہد اکھٹے کر لیے ہیں اور تحقیقات کا آغاز کرتے ہوئے کہنا ہے کہ پولیس معاملے کی تہہ تک جائے گی اور واقعے کی ہر پہلو سے تحقیقات کی جائیں گی۔

پولیس نے مزید بتایا کہ ابتدائی تفتیش لگتا ہے کہ دھماکا گیس کے اخراج کے باعث پیش آیا جس کے لیے معتلقہ انجینیئرز کو طلب کر لیا گیا ہے اور ماہر افراد کی رائے کے بعد ہی حتمی طور پر کچھ کہا جا سکے گا۔

بیجنگ: شادی کے روز دھوکا دے کر بھاگنے والے دلہا کو عروسی لباس میں ملبوس دلہن نے پکڑ کر زنجیر میں جکڑا اور سڑکوں پرگھسیٹتے ہوئے اپنے ہمراہ لے گئی۔

تفصیلات کے مطابق بیجنگ کی سڑک پر اپنی نوعیت کا منفرد واقعہ دیکھا گیا جب عروسی لباس میں ملبوس دلہن نے عین شادی کے روز شادی سے انکار پر اپنے دلہا کو زنجیروں میں جکڑ کر شہر کی سڑکوں پرگھسیٹتے ہوئے اپنے ہمراہ لے گئی۔

موقع پر موجود لوگوں نے اس انوکھے واقعے کی ویڈیو بنا لی جسے ویڈیوز سے متعلق مشہور ترین ویب سائٹ پر لوڈ کردیا گیا جس کے بعد اس ویڈیو ایک لاکھ کے قریب لوگوں نے دیکھا۔

مقامی رپورٹر کا کہنا تھا کہ نوجوان نے دلہن بنی خاتون سے شادی کا وعدہ کیا تھا لیکن عین شادی کے روز غائب ہوگیا جس پر دلہن نے خود مفرور دلہے کو تلاش کر کے نہ صرف زنجیر سے باندھا بلکہ سڑک پر گھسیٹتے ہوئے اپنے ہمراہ لےگئی۔

لوگوں کا کہنا تھا کہ دلہن نے روایتی عورتوں کی طرح رونے دھونے کے بجائے وعدہ خلاف نوجوان کے ساتھ وہی سلوک کیا جس کا وہ متقاضی تھا اور اس طرح ان نوجوانوں کو بھی پیغام جائےگا جو معصوم لڑکیوں سے شادی کے وعدے کر کے انہیں چھوڑ کر چلے جاتے ہیں۔

بیجنگ : چین میں کار کو ٹکر مارنے والے نوجوان کی ایمانداری سے خوش ہو کر کار مالک نے نوجوان کو نہ صرف یہ کہ معاف کردیا بلکہ بھاری معاوضہ بہ طور انعام بھی دیا۔

تفصیلات کے مطابق وسطی چین میں نوجوان اپنی ٹرائی سائیکل پر محو سفر تھا کہ کہ سڑک کے کنارے کھڑی بی ایم ڈبلیو سے جا ٹکرایا جس کی وجہ سے مہنگی ترین نئی گاڑی پر نشان اور ڈینٹ پڑگئے جس پر نوجوان بد حواس ہو گیا۔

گاڑی کے مالک نے واپسی پر اپنی چمچماتی گاڑی پر بد نما نشانات اور ڈینٹس دیکھے تو غصے پر قابو نہ رکھ سکا اور پولیس کو بلا کر اطلاع دینے ہی والا تھا کہ گاڑی کے ساتھ چپکا ہوئے ایک لفافے پر پڑی جسے کھول کو دیکھا تو اس میں ایک خط موجود تھا

خط میں سائیکل سوار نوجوان نے کار کے مالک کو مخاطب کرتے ہوئے لکھا کہ میں اس واقعہ پر معذرت خواہ ہوں اور جو نقصان ہوا وہ میری پہنچ سے دور ہے لیکن اس کے باوجود میرے پاس جتنی رقم ہے وہ آپ کے حوالے کر رہا ہوں۔

کار کے مالک کو نوجوان سائیکل سوار کے اس انداز نے بہت متاثر کیا اور اس نے نوجوان کو تلاش کر کے نہ صرف یہ کہ اسے معاف کردیا بلکہ اسے دس ہزار یوآن بہ طور انعام بھی دیا۔

انعام پانے والے غریب سائیکل سوار نے خوشی کا اظہار کرتے ہوئے کہا کہ مجھے بالکل امید نہیں تھی کہ امیر کار سوار اپنی مہنگی کار کے خراب ہونے پر غصے کے بجائے انعام سے نوازے گا۔