Tag: بیرسٹر سیف

خیبر پختونخوا حکومت کے ترجمان بیرسٹر ڈاکٹر سیف نے وفاقی وزیر عطا تارڑ کی پریس کانفرنس پر انہیں کرارا جواب دیا ہے۔

خیبر پختونخوا حکومت کے ترجمان بیرسٹر ڈاکٹر سیف نے وفاقی وزیر اطلاعات ونشریات عطا تارڑ کی گزشتہ روز پریس کانفرنس میں کے پی حکومت پر عائد الزامات پر کرارا جواب دیتے ہوئے اپنا ردعمل ظاہر کیا ہے۔

بیرسٹر ڈاکٹر سیف نے کہا کہ عطا تارڑ روز کوئی ایسی بات کرتے ہیں، جس سے ان کی نا اہلی عیاں ہو جاتی ہے۔ کل کے پی کی معیشت پر بات کر کے معیشت دانوں کی ہنسی نکال دی۔ وفاقی وزیر نے وفاقی حکومت کا وائٹ پیپر کاپی کر کے خیبر پختونخوا حکومت کے کھاتے میں ڈال دیا۔

انہوں نے کہا کہ کے پی کے قرضے وفاق کے مقابلےاونٹ کے منہ میں زیرے کے برابر بھی نہیں۔ ہمارے صوبے کا کُل قرضہ 725 ارب ہے جبکہ وفاقی حکومت تو ہر مہینے ہی اتنا قرض لے لیتی ہے۔

ترجمان کے پی حکومت نے مزید کہا کہ شہباز شریف کے دو سالہ اقتدار میں قرض 27 ہزار ارب روپے بڑھا ہے جب کہ خیبر پختونخوا کا قرض بھی وفاقی حکومت کی نا اہلی کی وجہ سے بڑھا ہے۔
بیرسٹر سیف نے کہا کہ عطا تارڑ دو نوکریاں کرتا ہے اور شہباز ومریم کی نا اہلیاں چھپاتا پھر رہا ہے۔ کے پی میں گزشتہ 9 ماہ میں صحت کارڈ پر 7 لاکھ 80 ہزار سے زائد مریضوں کا علاج ہو چکا۔

واضح رہے کہ گزشتہ روز وفاقی وزیر اطلاعات عطا تارڑ نے پریس کانفرنس کرتے ہوئے کے پی حکومت پر سنگین الزامات عائد کیے تھے۔ انہوں نے کہا تھا کہ خیبر پختونخوا میں بیڈ گورننس اور کرپشن کے ساتھ مالی بے ضابطگیاں بھی ہیں۔ صحت کیلیے مختص فنڈز کو وفاق پر چڑھائی کیلیےاستعمال کیا گیا۔

خیبر پختونخوا کے ترجمان بیرسٹر سیف نے کہا ہے کہ اے پی سی ایسا شخص کررہا ہے جو آئین کے مطابق سیاسی بیان تک نہیں دے سکتا۔

اے آر وائی کے پروگرام میں گفتگو کرتے ہوئے بیرسٹر سیف کا کہنا تھا کہ اے پی سی جس شخص نے بلائی مسترد شدہ پارٹیوں کو ساتھ بٹھایا، کےپی میں امن سے متعلق یہ پیغام دینے کا نہیں ایکشن لینے کا وقت ہے۔

بیرسٹر سیف نے کہا کہ کرم واقعے سے متعلق وزیراعلیٰ کےپی پہلےہی ان ایکشن ہیں، وزیراعلیٰ کےپی کی ہدایت پر کرم واقعے سے متعلق وفد نے ملاقاتیں کیں۔

انھوں نے کہا کہ ہم نے کرم کا دورہ کیا اور وہاں سیز فائر کرایا، مسائل حل کررہے ہیں، کرم میں گرینڈ جرگہ کا متحرک کیا ہے، مسئلے کا پُرامن حل نکالا جائےگا۔

دوسری جانب کامران مرتضیٰ نے کہا کہ بانی پی ٹی آئی ایک مرتبہ پھر بہت بڑی غلطی کررہے ہیں، بانی پی ٹی آئی پارٹی کو لیڈ کررہے ہیں اور سابق وزیراعظم ہیں، ہم جیسے لوگ جذباتی باتیں کرسکتے ہیں لیکن بانی پی ٹی آئی پارٹی سربراہ ہیں۔

کامران مرتضیٰ نے کہا کہ بانی پی ٹی آئی کو ایسی باتیں نہیں کرنی چاہیے نہ کرنی چاہیے تھی، بانی پی ٹی آئی کی پارٹی کیلئے مشکلات مزید بڑھیں گی۔

خیبر پختونخوا حکومت کے ترجمان بیرسٹر سیف نے کہا ہے کہ مراد سعید احتجاج میں موجود تھے اور گرفتار نہیں ہوئے تو پھر یہ نااہلی ہوگی۔

تفصیلات کے مطابق وفاقی وزیر اطلاعات عطا تارڑ کے بیان کے بعد بیرسٹر سیف کا کہنا تھا کہ مراد سعید کی موجودگی کا دعویٰ مضحکہ خیز ہے، عطا تارڑ جھوٹ بول رہے ہیں، مراد سعید احتجاج میں موجود تھے اور گرفتار نہیں ہوئے تو پھر یہ نااہلی ہوگی۔

انھوں نے کہا کہ اس نااہلی پر نااہل ٹولے کا نام گنیز بک آف ورلڈ میں لکھنا چاہیے، ہزاروں کارکن گرفتار ہوئے لیکن مراد سعید آنکھوں سے اوجھل تھا یہ کیسے ہوسکتا ہے؟

بیرسٹر ڈاکٹر سیف نے کہا کہ مراد سعید کی خیبر پختونخوا میں موجودگی سے متعلق عطا تارڑ جھوٹ بول رہے ہیں، مراد سعید خیبر پختونخوا میں کہیں پربھی نہیں ہے،عطا تارڑ جھوٹ نہ بولیں۔

ترجمان کےپی حکومت بیرسٹر سیف کا مزید کہنا تھا کہ عطا تارڑ ایک جھوٹ کو چھپانے کے لئے 100 جھوٹ بول رہے ہیں۔

پشاور : مشیراطلاعات خیبر پختونخوا بیرسٹر سیف نے دعویٰ کیا ہے کہ کرم میں دونوں قبائل فائربندی پرآمادہ ہوگئے، جرگہ کرم عمائدین سےایک اورملاقات کرے گا۔

تفصیلات کے مطابق کے پی کے وزیر اعلیٰ کے مشیر برائے اطلاعات بیرسٹر محمد علی سیف نے جاری کردہ بیان میں کہا کہ کرم مین قبائل کے درمیان سات دن کے لیے جنگ بندی پر اتفاق ہوا، دونوں نے ایک دوسرے کی لاشیں اور قیدی واپس کرنے کا بھی فیصلہ کیا۔

صوبائی وزیر کا کہنا تھا کہ فریقین مذاکرات کے ذریعے مسائل کا حل چاہتےہیں، عمائدین سے زیر حراست افرادکی رہائی کاکہاہے، کرم ملیشیا اورایف سی کے ذریعے میتوں کی حوالگی کی تجویز ہے، فیصلوں پرعملدرآمد کے لیے جرگہ کرم عمائدین سے ایک اور ملاقات کرے گا۔

انھوں نے مزید کہا کہ سرحد پار سے دہشت گرد کرم میں فرقہ واریت سے دہشت گردی پھیلا رہے ہیں، وفاقی حکومت کشیدگی پر سیاسی بیانات کے بجائےعملی اقدامات کرے اور وفاق قبائلی اور ضم علاقوں کے فنڈزجاری کرے۔

مزید پڑھیں : کرم میں کشیدہ صورتحال، 3 دن میں 75 افراد جاں بحق، 80 سے زائد زخمی

یاد رہے ضلع کرم میں جاری کشیدہ صورتحال کے واقعات میں چوبیس گھنٹوں کے دوران مزید 30 افراد جاں بحق ہوگئے ، جس کے بعد 3 دنوں میں پچھتر افراد جاں بحق اور اسی سے زائد زخمی ہوئے۔

گزشتہ رات سے بگن، علیزئی، بالشخیل، خار کلے، مقبل اور کنج علیزئی میں جھڑپیں جاری ہیں، جھگڑوں میں تیزی اس وقت آئی جب طوری قبیلے کے مسلح لشکر نے دیہات،کالو کنج، بادشاہ کوٹ اوربگن بازار کو آگ لگا کر لوٹ مار کی۔