Tag: بیرسٹر گوہر

بونیر: چیئرمین پی ٹی آئی بیرسٹرگوہر نے دعویٰ کیا ہے کہ پی ٹی آئی دنیا کی چھٹی بڑی سیاسی جماعت بن چکی ہے، کروڑوں ووٹرز کی حمایت حاصل ہے۔

تفصیلات کے مطابق ورکرز کنونشن سے خطاب کرتے ہوئے پاکستان تحریک انصاف کے چیئرمین بیرسٹر گوہر کا کہنا تھا کہ پی ٹی آئی کو 3 کروڑ ووٹرز کی حمایت حاصل ہے، پی ٹی آئی ریاست کی بقا، جمہوریت اور عدلیہ کی آزادی کی حامی ہے۔

بیرسٹر گوہر کا کہنا تھا کہ 89 پارلیمنٹرینز نااہلی اور سزا کے خطرے سے دوچار ہیں، 14 اگست کو ملک گیر تحریک کا امکان ہے، 5 اگست کے بعد آئندہ کا لائحہ عمل سامنے لایا جائےگا۔

یہ بھی پڑھیں: پی ٹی آئی اسمبلیوں سے استعفوں یا بائیکاٹ پر غور کرے گی، بیرسٹر گوہر

انھوں نے کہا کہ ترقی کےلیے سیاسی انتقام کا سلسلہ بند کرنا ہوگا، 9 مئی کی دھند اب بیٹھنی چاہیے، حساب برابر ہوچکا ہے۔

پاکستان تحریک انصاف کے موجودہ چیئرمین نے سوال کیا کہ بانی پی ٹی آئی اور ان کی اہلیہ بشریٰ بی بی کو کب تک جیل میں رکھا جائے گا؟

بیرسٹر گوہر کا کہنا تھا کہ بانی پی ٹی آئی کی رہائی تک تحریک جاری رہے گی، پی ٹی آئی کو اسپیس نہ ملی تو جمہوریت خطرے میں پڑ سکتی ہے۔

https://urdu.arynews.tv/barrister-gohar-9-may-cases/

راولپنڈی (15 جولائی 2025): بیرسٹر گوہر نے کہا ہے کہ پی ٹی آئی ایک سیاسی جماعت ہے کوئی گوریلا فوس نہیں کہ آکر حملہ آور ہو جائیں۔

اے آر وائی نیوز کے مطابق پاکستان تحریک انصاف کے چیئرمین بیرسٹر گوہر نے راولپنڈی میں اڈیالہ جیل کے قریب میڈیا سے گفتگو کرتے ہوئے کہا کہ بانی پی ٹی آئی عمران خان کی کال پر تحریک کا آغاز ہوچکا ہے اور 5 اگست کو اس تحریک کا عروج ہوگا۔

بیرسٹر گوہر نے کہا کہ پی ٹی آئی ایک سیاسی جماعت ہے کوئی گوریلا فورس نہیں کہ آکر حملہ آور ہو جائیں۔ تاہم پی ٹی آئی کی تحریک کی کال پر حکومت کا شدید ردعمل سیاسی بیان بازی ہے، جو حکومت میں ہوتا ہے وہ اسی طرح کے بیانات دیتا ہے۔

چیئرمین پی ٹی آئی نے علی امین گنڈاپور کے 90 دن میں آر یا پار کے بیان کو معمول کا حصہ قرار دیتے ہوئے کہا کہ سیاست میں دل بڑا رکھنا پڑتا ہے۔ علی امین کو عمران خان کی حمایت حاصل ہے، اور وہ ان کے کہنے پر ہی پارٹی امور بھی چلا رہے ہیں۔ بہت سے لوگ انہیں پسند بھی نہیں کرتے، لیکن سیاسی جماعتیں لوگوں اور دوسروں کی پسند یا نا پسند پر نہیں چلتیں۔

انہوں نے پارٹی میں اختلافات سے متعلق ایک سوال کے جواب میں کہا کہ تحریک انصاف بڑی سیاسی جماعت ہے اور ہر بڑی جماعت میں سیاسی اختلافات ہوتے ہیں۔ پی ٹی آئی اپنے فیصلے خود کرتی ہے، کسی سے ڈکٹیشن نہیں لیتی۔

چیئرمین پی ٹی آئی نے سوشل میڈیا پر سینیٹ الیکشن کے حوالے سے گردش کرنے والی پی ٹی آئی امیدواروں کی فہرست کو جعلی قرار دیتے ہوئے کہا کہ سینیٹ الیکشن سے متعلق جتنے بھی نام ہیں۔ وہ عمران خان نے فائنل کیے ہیں۔

پی ٹی آئی کی 90 روزہ تحریک کا آغاز ہو چکا، آر یا پار کریں گے، گنڈاپور

واضح رہے کہ وزیراعلیٰ کے پی علی امین گنڈاپور نے گزشتہ دنوں لاہور میں پریس کانفرنس کرتے ہوئے پی ٹی آئی کی تحریک شروع ہونے اور یہ تحریک 90 روز تک جاری رکھنے کا اعلان کیا تھا۔

https://urdu.arynews.tv/imran-khans-children-come-to-pakistan-and-do-politics-sharjel-memon/

اسلام آباد: چیئرمین پاکستان تحریک انصاف بیرسٹر گوہر نے رہنماؤں کو اختلافی بیانات دینے سے روک دیا اور کہا کسی رہنما کو شکایت ہے تو بتائے معاملہ بانی کے سامنے رکھوں گا۔

تفصیلات کے مطابق پاکستان تحریک انصاف (پی ٹی آئی) رہنماؤں کی بیان بازی کے معاملے پر چیئرمین پی ٹی آئی بیرسٹر گوہر نے عالیہ حمزہ اور شیخ وقاص اکرم سے رابطہ کیا۔

ذرائع نے بتایا کہ چیئرمین پی ٹی آئی نے رہنماؤں کو اختلافی بیانات دینےسےروک دیا اور کہا پارٹی فورم موجودہےتمام مسائل پروہاں بات کی جائے۔

ان کا کہنا تھا کہ کسی رہنما کو شکایت ہے تو بتائے معاملہ بانی کے سامنے رکھوں گا۔

یاد رہے پی ٹی آئی صوبہ پنجاب کی چیف آرگنائزر عالیہ حمزہ نے دلبرداشتہ ہوکر پارٹی قیادت کے لیے طنز بھرا ٹویٹ سامنے آیا تھا۔

عالیہ حمزہ کا شمار پاکستان تحریک انصاف کی سرگرم رہنماؤں میں ہوتا ہے۔ وہ ہمیشہ پارٹی کی احتجاجی تحریکوں میں بڑھ چڑھ کر شامل ہوتی رہی ہیں۔ تاہم پی ٹی آئی قیادت کے دورہ لاہور کے دوران پارٹی اجلاس میں صوبے کی چیف آرگنائزر ہونے کے باوجود انہیں مدعو نہیں کیا گیا۔

مزید پڑھیں : عالیہ حمزہ کا پی ٹی آئی قیادت کے خلاف طنز بھرا ٹویٹ

یوں نظر انداز کیے جانے پر عالیہ حمزہ نے پی ٹی آئی قیادت پر تنقید کے نشتر چلا دیے، جس میں کئی سوالات بھی اٹھا دیے۔

پنجاب کی چیف آرگنائزر نے اپنی ٹویٹ میں لکھا تھا کہ پارٹی قیادت کی اطلاعات کے مطابق میں گزشتہ دو دن سے بہت مصروف تھی۔ ایسی مصروفیات جن کا شاید مجھے بھی علم نہیں تھا۔ کیا کوئی اس پر روشنی ڈالے گا۔

عالیہ نے اس کے ساتھ ہی سوال بھی اٹھایا تھا کہ بانی پی ٹی آئی عمران خان کی رہائی کے لیے کس لائحہ عمل کا کل یا آج اعلان ہوا ہے۔ تحریک کہاں سے اور کیسے چلے گی۔ 5 اگست کے بجائے 90 دن کا منصوبہ کہاں سے آیا ہے۔ اگر آپ میں سے کسی کی نظر سے یہ منصوبہ گزرا ہو تو میری بھی رہنمائی کر دیں۔

اسلام آباد : چیئرمین پی ٹی آئی بیرسٹرگوہر علی کا کہنا تھا کہ بانی پی ٹی آئی نہ ہوتے تو مجھے میرے خاندان والے بھی ووٹ نہ دیتے۔

تفصیلات کے مطابق پاکستان تحریک انصاف کے چیئرمین بیرسٹر گوہر نے جوڈیشل کمپلیکس کے باہر میڈیا سے گفتگو کرتے ہوئے کہا کہ اللہ سے امید ہے کہ کہیں نہ کہیں سے تو بانی پی ٹی آئی کو انصاف ملے گا۔

چیئرمین پی ٹی آئی کا کہنا تھا کہ بہت عرصہ ہوگیا ،بانی پی ٹی آئی پر 300مقدمات درج ہوئے، جیل جانے سے پہلے بانی پی ٹی آئی 350 پیشیاں بھگت چکے تھے، 5 دن کے اندر عمران خان  کو 45 سال کی سزائیں دی گئیں، بانی پی ٹی آئی کی بیوی کو بھی سزائیں دی گئیں۔

انھوں نے کہا کہ رولز کی خلاف ورزی کر کے ملاقاتیں نہیں کرنےدیتے ، کے پی کا بجٹ پاس نہیں ہوا ابھی بھی کچھ دن باقی ہیں ، یہ بانی پی ٹی آئی کی اسمبلی ہے ان کا ووٹ ہے وہ جیسے کہیں گے ویسا ہوگا۔

چیئرمین کا مزید کہنا تھا کہ  عمران خان  اسمبلی تحلیل کا کہیں گے توکر لیں گے، بانی پی ٹی آئی نہ ہوتے تو مجھے میرے خاندان والے بھی ووٹ نہ دیتے۔

مزید پڑھیں : ’بانی پی ٹی آئی آج حکم دیں تو اسمبلی تحلیل کردی جائے گی‘

گذشتہ روز خیبرپختونخوا اسمبلی میں اظہار خیال کرتے ہوئے علی امین گنڈا پور نے کہا تھا کہ اسمبلی کو ختم کرسکتا ہوں اور کر بھی دوں گا، کے پی حکومت کا اختیار صرف عمران خان کے پاس ہے جو ہمارے پاس امانت ہے کسی کو استعمال نہیں کرنے دیں گے۔

ان کا کہنا تھا کہ جمعہ کو بجٹ پر ووٹنگ اس لیے نہیں ہوئی کیونکہ ہفتے کو عمران خان سے ملاقات کا دن تھا، جب بھی ان سے ملاقات ہوگی بجٹ پر رہنمائی لی جائے گی۔

علی امین نے کہا تھا کہ اگر عمران خان نے بجٹ میں کسی بھی تبدیلی کا کہا تو 24 گھنٹے میں کردیں گے، میرے لیڈر کے فیصلے پر من و عمل ہوگا۔