Tag: بیرسٹر گوہر

اسلام آباد : چیئرمین پی ٹی آئی بیرسٹر گوہر نے احتجاج میں سینکڑوں اموات کی فیک نیوز سے لاتعلقی کا اظہار کردیا اور بتایا کہ بانی کو معلوم ہی نہیں کہ 26 نومبر کو اسلام آباد میں کیا ہوا۔

تفصیلات کے مطابق پاکستان تحریک انصاف چیئرمین بیرسٹر گوہر نے بانی پی ٹی آئی سے ملاقات کے بعد میڈیا سے گفتگو کرتے ہوئے کہا فائنل کال کے بعد آج بانی پی ٹی آئی سے ملاقات ہوئی، بانی پی ٹی آئی سے احتجاج اور ہونے والے واقعے پر بات ہوئی۔

جو لوگ باہر نکلے بانی پی ٹی آئی نے انہیں خراج تحسین پیش کیا، بانی پی ٹی آئی کا پیغام ہے قومی اسمبلی کے اجلاس میں جائیں اور قومی اسمبلی ، سینیٹ میں یہ بات اٹھانی ہے۔

بیرسٹر گوہر نے احتجاج میں سینکڑوں اموات کی فیک نیوز سے بھی لاتعلقی کا اظہار کرتے ہوئے بتایا کہ بانی کو معلوم ہی نہیں کہ چھبیس نومبر کو اسلام آباد میں کیا ہوا۔

انھوں نے بتایا کہ پنجاب کےایم این اے ،ایم پی اے مشکل دور سے گزرے ہیں تاہم آگے کےلائحہ عمل کا اعلان بانی پی ٹی آئی بعد میں کریں گے۔

انھوں نے عمران خان کی صحت کے حوالے سے چلنے والی خبروں کی تردید کرتے ہوئے کہا کہ بانی پی ٹی آئی کی صحت سےمتعلق غلط خبر چل رہی تھی، بانی پی ٹی آئی اڈیالہ جیل میں بالکل ٹھیک ہیں۔

واضح رہے اسلام آباد میں احتجاج ختم ہونے کے بعد متعدد پی ٹی آئی رہنماوں کی جانب سے کارکنوں کی اموات سے متعلق متضاد دعوے کیے گئے تھے۔

وزیراعلیٰ خیبر پختونخوا علی امین گنڈاپور نے پریس کانفرنس میں سیکڑوں کارکنوں، لطیف کھوسہ نے 278 کارکنان، سلمان اکرم راجا نے 20، شعیب شاہین نے 08 کارکنوں کی اموات کے اعداد و شمار مختلف میڈیا پلیٹ فارمز پر شیئر کیے تھے۔

چیئرمین پی ٹی آئی بیرسٹر گوہر کا کہنا ہے کہ بانی پی ٹی آئی کو 26 نومبر سے متعلق کچھ معلوم نہیں ہے۔

اے آر وائی نیوز کے مطابق چیئرمین پی ٹی آئی بیرسٹر گوہر نے میڈیا سے گفتگو کرتے ہوئے کہا کہ بانی پی ٹی آئی کی صحت بالکل ٹھیک اور وہ اڈیالہ جیل میں ہی ہیں، بانی کو چھبیس نومبر کے بارے میں کچھ معلوم نہیں تھا۔

انہوں نے کہا کہ بانی نے ہدایت کی ہے کہ ارکان قومی اسمبلی اور سینیٹ اجلاس میں شریک ہوں، وہاں معاملہ اٹھائیں، انہوں نے پی ٹی آئی قیادت پر مکمل اعتماد کا اظہار کیا۔

بیرسٹر گوہر نے کہا کہ آئندہ کا لائحہ عمل بعد میں دیں گے، پنجاب کے ایم این اے، ایم پی اے مشکل دور سے گزرے ہیں، پی ٹی پرامن اور مضبوط پارٹی ہے پابندی نہیں لگے گی۔

اس سے قبل رہنما پی ٹی آئی عمر ایوب کا کہنا تھا کہ احتجاج میں لیڈرشپ فرنٹ پر تھی علی امین بشریٰ بی بی ساتھ تھے ، جب تک بانی پی ٹی آئی رہانہیں ہوتےپرامن جدوجہدجاری رہے گی۔

انھوں نے بتایا تھا کہ میری2گاڑیاں اور 4ملازم غائب ہوئے تھے، ملازم تھانہ سیکرٹریٹ میں ہیں گاڑیاں اب بھی غائب ہیں، میری گاڑی میں موجود پیسے رکھ لو لیکن بٹوا، اے ٹی ایم کارڈز اور گاڑی تو واپس کردو۔

اسلام آباد میں احتجاج سے متعلق اپوزیشن لیڈر نے کہا تھا کہ ہم کوئی قلعہ فتح کرنے نہیں گئے تھے پرامن تھے، بشریٰ بی بی اور علی امین گنڈاپورپرقاتلانہ حملہ ہوا۔

انھوں نے مطالبہ کیا تھا کہ ہمیں بانی پی ٹی آئی سے ملاقات کی اجازت دی جائے، شہباز شریف، مریم نواز، آئی جی پنجاب اور ڈی پی اواٹک کیخلاف پرچہ کروں گا۔

اسلام آباد : چیئرمین پی ٹی آئی بیرسٹر گوہر کا کہنا ہے کہ دنیا یاد رکھے گی قاضی فائزعیسی کا کردار کیا تھا۔

تفصیلات کے مطابق چیئرمین پی ٹی آئی بیرسٹر گوہر نے پارلیمنٹ ہاؤس میں میڈیا سے گفتگو کرتے ہوئے کہا کہ پہلی بارہواہےعدالت کے اندرایک اورعدالت قائم کی گئی، جوڈیشل کمیشن میں نان ججز کی تعداد 8 جبکہ ججزکی تعداد5 رکھی گئی، اب جو 8ممبران ہیں وہ ججز کی اے سی آر لکھیں گے۔

چیئرمین پی ٹی آئی کا کہنا تھا کہ دنیا یاد رکھے گی قاضی فائز عیسی کا کردار کیا تھا تاہم نئے چیف جسٹس کی ذات سےہمیں کوئی اعتراض نہیں ہے۔

انھوں نے کہا کہ ہمیشہ سےاصول رہا کہ نئے سینئر ترین چیف جسٹس بنتے ہیں، اصول سے روگردانی سے غلط تاثر جائے گا۔

تحریک انصاف کے چیئرمین کا کہنا تھا کہ ہمیشہ یہی اصول رہا ہے ہر ادارہ اپنا احتساب خود کرے گا، ججز ہمیشہ آزاد ہونے چاہئیں تب ہی انصاف ممکن ہوگا، عوام کے مسائل کم ہوں گے تو پارلیمنٹ پر اعتماد بڑھے گا۔

انھوں نے حکومت پر تنقید کرتے ہوئے کہا کہ موجودہ حکومت نے پارلیمان کو ربڑ اسٹیمپ بنا دیا ہے، یہ اراکین پارلیمنٹ کوتحفظ نہیں دے سکے عوام کو کیا دیں گے۔

انھوں نے بتایا کہ آئینی عدالت کے لئے ووٹ دینے پر ہم نے 4 ایم این ایز اور 2سینیٹرز کو شوکاز نوٹس جاری کیے ، جن پانچ لوگوں نے ووٹ دیے انہیں پارٹی سے نکالیں گے۔

راولپنڈی : پاکستان تحریک انصاف کے چیئرمین بیرسٹرگوہر کا کہنا ہے کہ بشریٰ بی بی کی رہائی ڈیل کے نتیجے میں نہیں ہوئی۔

تفصیلات کے مطابق پاکستان تحریک انصاف کے چیئرمین بیرسٹرگوہر نے اڈیالہ جیل کے باہر میڈیا سے گفتگو کرتے ہوئے کہا کہ بشریٰ بی بی کی 9ماہ قید کے بعد رہائی ممکن ہوئی، انھوں نے دلیری کیساتھ 9ماہ جیل برداشت کی.

چیئرمین پی ٹی آئی کا کہنا تھا کہ بشریٰ بی بی بانی پی ٹی آئی اور ان کےنظریے کیساتھ کھڑی رہیں ، سب سختیوں کے باوجود بشریٰ بی بی نے جیل آکر خود گرفتاری دی تھی، خوشی ہے بشریٰ بی بی تھوڑی دیر بعد بنی گالہ پہنچ جائیں گی اور ان شااللہ بانی پی ٹی آئی بھی بہت جلد رہا ہوں گے۔

مزید پڑھیں : بشریٰ بی بی کو اڈیالہ جیل سے رہا کردیا گیا

انھوں نے کہا کہ اس بات کی تردید کرتاہوں کہ کوئی ڈیل ہوئی ہے، ڈیل ہوئی ہوتی تو بشریٰ بی بی 9ماہ میں نہ رہتیں، بشریٰ بی بی کو جیل میں رکھا گیا تاکہ بانی پی ٹی آئی پر دباؤ ڈالا جائے۔

بیرسٹرگوہر کا کہنا تھا کہ یقین ہے قانون کی پاسداری ہوگی اور بانی پی ٹی آئی کی جلدرہائی ہوگی ، میں سب کوبشریٰ بی بی کی رہائی پر مبارکباد پیش کرتاہوں، اب مزیدکس کیس میں گرفتارکرتے ایسا کونسا کیس ہے جونہیں بنایا گیا۔

پاکستان تحریک انصاف کے چیئرمین نے کہا کہ بشریٰ بی بی کا توشہ خانہ کیس سے دوردور تک تعلق نہیں تھا، جوکچھ بھی ہورہاہے میرٹ پرہواہے، بشریٰ بی بی نےکوئی تحفہ نہیں لیا اور نہ بیچا، ان کوجیل میں رکھنےکاایک بہانہ تھا۔

ان کا کہنا تھا کہ ہم لوگوں کے الزامات کی بنیاد پر بیان نہیں دیاکرتے ، ہم بانی پی ٹی آئی کی ہدایت پر آگےبڑھ رہےہیں ، بانی پی ٹی آئی جلد عوام کےدرمیان ہوں گے۔

فارورڈبلاک کے حوالے سے انھوں نے بتایا کہ پارٹی میں فارورڈبلاک نہیں سب بانی پی ٹی آئی کی قیادت میں متحد ہیں تاہم بشریٰ بی بی کسی تحریک میں حصہ نہیں لیں گی نا پہلے کبھی شریک ہوئیں۔