Tag: بیرسٹر گوہر

اسلام آباد : چیئرمین پی ٹی آئی بیرسٹر گوہر نے آئینی ترامیم کا بل مؤخر ہونے کا کریڈٹ مولانا فضل الرحمان کو دے دیا۔

تفصیلات کے مطابق چیئرمین پی ٹی آئی بیرسٹر گوہر سے پارلیمنٹ کے باہر صحافیوں نے سوال کیا ترامیم کابل مؤخر ہونے کا کریڈٹ کس کوجاتا ہے؟ جس پر بیرسٹر گوہر نے کہا کہ مولانا فضل الرحمان کوہی سارا کریڈٹ جاتا ہے، یہ آئینی ترامیم نہیں یہ آئین کی ریورسل کی ترامیم ہیں۔

چیئرمین پی ٹی آئی کا کہنا تھا کہ حکومت کی آئینی ترامیم سےعدلیہ پر قدغن لگے گی، حکومت کو یہی کہا آئینی ترامیم پر سب کو آن بورڈ لیں، مولانا صاحب نے یہی کہا سب سے پہلے مسودہ دیں، وزیراعظم جج تعینات کریں گے توعدلیہ ایسے نہیں چلتی۔

انھوں نے کہا کہ آئینی ترامیم عوام کے بنیادی حقوق کے منافی ہیں، مولانا صاحب کیساتھ ون پوائنٹ ایجنڈا تھا انھوں نےڈیمانڈ نہیں رکھیں۔

چیئرمین پی ٹی آئی نے بتایا کہ ہماری کوشش ہے قومی اسمبلی اور سینیٹ میں جوبھی قانون سازی ہواس پرمتفق ہوں ، ہم نے عدلیہ کو ہر قسم کی ایسی صورتحال سے بچانا ہے ، آزاد اور خودمختار عدلیہ ہی اس ایوان کی حفاظت کی ذمہ داری ہے۔

ان کا مزید کہنا تھا کہ جمہوریت ایسی ہو جو استحکام لائے اور عدلیہ کا اہم کردار ہوتاہے، الیکشن کمیشن کو بھی اپنی ذمہ داری اداکرنی چاہیے اب بہت ہوگیا، میراخیال ہے الیکشن کمیشن کوآج شام 5بجےسے پہلے نوٹیفکیشن جاری کرناچاہیے۔

پاکستان تحریک انصاف کی قیادت مذاکرات کیلئے حکومتی کمیٹی کی تشکیل سے لاعلم نکلی۔

تفصیلات کے مطابق پاکستان تحریک انصاف کی قیادت مذاکرات کیلئے حکومتی کمیٹی کی تشکیل سے لاعلم نکلی، بیرسٹر گوہر نے میڈیا سے گفتگو میں کہا کہ حکومتی کمیٹی کی تشکیل کے بارے میں کسی نے نہیں بتایا تاہم بات چیت کیلئے حکومتی کمیٹی کی تشکیل اچھی بات ہے۔

پی ٹی آئی چیئرمین بیرسٹر گوہر علی خان کا کہنا تھا کہ ہماری طرف سے بات چیت کا اختیار محمود اچکزئی کو دیا گیا ہے، محمود اچکزئی کے حکومت سے مذاکرات کرنے پر اعتراض نہیں۔

بیرسٹر گوہر نے کہا کہ محمود اچکزئی حکومتی کمیٹی سے بات چیت کر کے تجاویز لاتے ہیں تو غور کریں گے، عمران خان نے بھی ہفتوں پہلے محمود اچکزئی کو بات چیت کی اجازت دے رکھی ہے، محمود اچکزئی سے مذاکرات کب اور کس بنیاد پر کرنے ہیں یا حکومت کی صوابدید ہے۔

واضح رہے کہ پاکستان تحریک انصاف سے بالواسطہ بات چیت کیلئے مسلم لیگ ن محمود خان اچکزئی سے رابطے میں ہے۔

ذرائع کا اس حوالے سے کہنا ہے کہ نون لیگ کے سینئر رہنما نے محمود اچکزئی سے بات کرنے کی ذمہ داری دی گئی ہے تاہم، نون لیگ کا اصرار ہے کہ پی ٹی آئی کے ساتھ اس کے اور اس کی اتحادی جماعتوں کے مذاکرات براہِ راست ہوں، بالواسطہ بات چیت فضول مشق ہوگی۔

اسلام آباد : چیئرمین پی ٹی آئی بیرسٹر گوہر کی گرفتاری پر اسلام آباد پولیس کا مؤقف سامنے آگیا۔

تفصیلات کے مطابق اسلام آباد پولیس نے پی ٹی آئی کے مرکزی دفتر سے چیئرمین تحریک انصاف بیرسٹر گوہر کی گرفتاری کی خبروں کی تردید کردی۔

پولیس ذرائع نے کہا کہ چیئرمین پی ٹی آئی کی گرفتاری کی خبر درست نہیں، صرف رؤف حسن کو حراست میں لیا ہے۔

پولیس نے پی ٹی آئی کے مرکزی دفتر سےکمپیوٹراور ریکارڈ ضبط کرلیا تاہم پی ٹی آئی سیکریٹریٹ کے اطراف انٹرنیٹ سروس بھی متاثر ہے۔

یاد رہے اس سے قبل خبر تھی کہ اسلام آباد پولیس کی بھاری نفری پی ٹی آئی کے مرکزی سیکریٹریٹ پر پہنچی اور چیئرمین پی ٹی آئی اور پارٹی ترجمان کوحراست میں لے لیا ہے۔

بعد ازاں سینیٹ میں اپوزیشن لیڈر شبلی فراز نے دونوں کو حراست میں لینے کی تصدیق کرتے ہوئے کہا تھا کہ پولیس والے دونوں کوساتھ لے گئے ہیں، وجہ نہیں بتائی، ان کے موبائل فونزبھی لے لیے ہیں۔

اسلام آباد : چیئرمین پی ٹی آئی بیرسٹر گوہر کا کہنا ہے کہ پی ٹی آئی پر پابندی حکومت کےختم ہونے کا کاؤنٹ ڈاؤن ہوگا۔

تفصیلات کے مطابق تحریک انصاف اور سنی اتحاد کونسل کی پارلیمانی پارٹی کا اجلاس ہوا ، جس میں سپریم کورٹ کے مخصوص نشستوں کے فیصلے پر عملدرآمد کا جائزہ لیا گیا۔

اجلاس میں چار نکات پر گفتگو ہوئی اور تمام ارکان پارلیمنٹ کی رائے لی گئی، بعد ازاں چیئرمین پی ٹی آئی بیرسٹر گوہر  نے میڈیا سے گفتگو کرتے ہوئے بتایا کہ آج پارلیمنٹ ہاؤس میں پی ٹی آئی کی پارلیمانی کمیٹی کی میٹنگ ہوئی، پارلیمانی کمیٹی نے بہت اہم فیصلے کیے ہیں۔

ان کا کہنا تھا کہ سپریم کورٹ میں ایڈہاک ججزکولگانامناسب نہیں سمجھتے، شبلی فرازاورعمرایوب ایڈہاک ججز پر اپنامؤقف سپریم جوڈیشل کونسل بھیج رہے ہیں۔

چیئرمین تحریک انصاف نے چیف جسٹس سے درخواست کی مخصوص نشستوں کےکیس کےفیصلے پر من وعن عملکرائیں، یہ فیصلہ سپریم کورٹ کا ہے اور اس پرعمل کرانا بھی ذمہ داری ہے۔

انھوں نے خبردار کیا کہ پی ٹی آئی 70فیصدپاکستانیوں کی ترجمان جماعت ہے، پی ٹی آئی پرپابندی حکومت کے ختم ہونے کا کاؤنٹ ڈاؤن ہوگا۔

انھوں نے بتایا کہ آج الیکشن کمیشن کوسپریم کورٹ کےحکم کےمطابق کنفرمیشن بھیج رہےہیں، ہمارے تین ممبران عمرہ پر گئے ہیں ان کا بیان حلفی بھی آج مل جائے گا۔

اجلاس سے قبل گوہر خان کا کہنا تھا کہ ایڈہاک ججز کا مقصد سپریم کورٹ فیصلے پر اثر انداز ہونا ہے، پی ٹی آئی پر پابندی کے حکومتی فیصلے کا جواب دیں گے، عوام کی طاقت کے سامنے کوئی چیز نہیں ٹھہر سکتی،بیرسٹرگوہر

انھوں نے مزید کہا کہ 8 فروری کے بعد سب بدل چکا ہے، تحریک انصاف ہو گی اور اسی ایوان میں ہوگی۔

اسلام آباد : پاکستان تحریک انصاف (پی ٹی آئی) نے آج ہونے والا اسلام آباد کا جلسہ ملتوی کرنے کا اعلان کردیا، چیئرمین بیرسٹر گوہر نے کہا کہ حکومت چند دنوں کی ہے ان کیخلاف جدوجہد جاری رہے گی۔

تفصیلات کے مطابق چیئرمین پاکستان تحریک انصاف بیرسٹر گوہر نے اسلام آباد ہائیکورٹ میں میڈیا سے گفتگو کرتے ہوئے کہا کہ آج جلسے کیلئے پورا ملک اور ہمارے ورکر بے تاب ہیں اور کارکنان آج اسلام آباد میں جلسے کی تیاری کررہے تھے۔

بیرسٹر گوہر کا کہنا تھا کہ آج کا جلسہ وہی ہے جس کی 4 ماہ پہلےہم نے رٹ پٹیشن فائل کی، 4ماہ بعد ہمیں این او سی ملی، کمشنر کے پاس عدالتی حکم سے جاری نوٹیفکیشن معطل کرنےکااختیارنہیں، جس بنیادپرنوٹیفکیشن معطل کیا گیا اسے سلسلے مین عدالت سے رجوع کیا ہے

چیئرمین پی ٹی آئی نے کہا کہ ہائیکورٹ اس لئےآئے کہ آئین وقانون کےمطابق جلسہ کریں، آئین اور قانون کی بالا دستی کیلئےہم سب کوشش کر رہے ہیں لیکن اسلام آبادہائیکورٹ میں ہفتہ کی وجہ سے چیف جسٹس موجود نہیں، اس لئے درخواست پرآج سما عت نہ ہوسکی ، امید ہے ہماری درخواست پر سماعت پیر کو ہوگی۔

انھوں نے آج ہونے والے جلسے کو ملتوی کرنے کا اعلان کرتے ہوئے کہا کہ عدالت سے درخواست کریں گے جلسے کیلئے ہمیں عاشورہ کے بعد کی تاریخ دیں، حکومت چند دنوں کی ہے ان کیخلاف جدوجہد جاری رہے گی۔

پاکستان تحریک انصاف کے چیئرمین بیرسٹر گوہر نے کہا ہے کہ یہ جو ’’کلیش آف دی ٹائٹنز‘‘ ہے اسے اب ختم کیا جائے۔

تفصیلات کے مطابق بیرسٹر گوہر کی جانب سے موجود صورتحال میں فریقین سے سیزفائر کا مطالبہ کیا گیا ہے۔ چیئرمین پی ٹی آئی کا کہنا تھا کہ ملک اور قوم کیلئے سیز فائر کیا جائے۔

بیرسٹرگوہر نے کہا کہ ہم سب کو کہتے ہیں ہماری طرف سےعام معافی ہے، ہم کوئی انتقام نہیں لینا چاہتے۔

چیئرمین پی ٹی آئی کا کہنا تھا کہ بانی پی ٹی آئی نے بھی کہا ہے کہ وہ بات کرنا چاہتے ہیں، ملک کی خاطرآئین کی خاطرمعیشت کی خاطر سیز فائر ہونا چاہیے۔