غزہ کے ساتھ اسرائیل کی لبنان پر جارحیت بھی جاری ہے، اسرائیلی طیاروں نے لبنان کے دارالحکومت بیروت میں بمباری کی ہے۔
غیر ملکی میڈیا رپورٹ کے مطابق اسرائیل کی لبنان میں جنگ بندی کی خلاف ورزی جاری ہے، بیروت میں رہائشی عمارت پر بم برسا دیئے جبکہ جنوبی لبنان میں بھی ڈرون سے حملہ کیا۔
اسرائیل نے دعویٰ کیا ہے کہ اس نے بیروت کے جنوبی مضافات میں فضائی حملے میں جس عمارت کو نشانہ بنایا وہ حزب اللہ کا ٹھکانہ تھی۔
عرب میڈیا کے مطابق جنوبی لبنان کے قصبے حلتا پر اسرائیلی ڈرون حملے میں ایک شخص جاں بحق ہوگیا۔
اسرائیل کی اشتعال انگیزی، جنگ بندی کے باوجود لبنان پر حملہ
دوسری جانب لبنانی صدر نے اس حملے کی مذمت کی ہے ساتھ ہی انہوں نے امریکا اور فرانس سے مطالبہ کیا کہ وہ اسرائیل پر دباؤ ڈالیں کہ وہ ملک پر حملے بند کرے۔
لبنانی صدر نے کہا کہ امریکہ اور فرانس اس جنگ بندی معاہدے کے ضامن کے طور پر اپنی ذمہ داریاں ادا کریں اور اسرائیل کو فوری طور پر اپنے حملے روکنے پر مجبور کرنے کا مطالبہ کیا، سرائیل لبنان کی قومی سلامتی کو نقصان پہنچا کر کشیدگی میں اضافہ کر رہا ہے۔
