Tag: بیروت

بیروت : آن لائن ٹیکسی سروس اوبر کے ٹیکسی ڈرائیور کو برطانوی خاتون کو قتل کرنے کے الزام میں گرفتار کرلیا گیا ہے.

قتل ہونے والی خاتون 30 سالہ رِبیکا ڈائیکس تھی جو ہفتے کے روز بیروت ہائی وے پر مردہ حالت میں پائی گئی تھیں، ان کے جسم پر تشدد کے واضح نشانات تھے.

پوسٹ رپورٹ میں خاتون سے زیادتی بھی ثابت ہوئی جنہیں رسیوں سے باندھ کر تشدد کا نشانہ بنایا گیا تھا اور بعد ازاں قتل کر کے لاش ہائی وے پر پھینک دی گئی تھی, مقتولہ ایمبیسی میں ملازم تھیں.

پولیس سی سی ٹی وی فوٹیجز، پوسٹ مارٹم اور عینی شاہدین کے بیانات کی روشنی میں مجرم تک پہنچنے میں کامیاب ہوگئی اور پیر کی صبح ملزم کو گھر سے حراست میں لے لیا گیا، ملزم لیبنانی شہری ہے.

 اسی سے متعلق : بیروت میں برطانوی خاتون سفارت کار قتل

آن لائن ٹیکسی سہولیات فراہم کرنے والی کمپنی اوبر نے تصدیق کی ہے کہ گرفتار ہونے والا 41 سالہ شخص اُن کا ملازم ہے جس کا کریمنل ریکارڈ نہیں ملا تھا.

تاہم پولیس کا کہنا ہے کہ ملزم کو پہلے بھی مجرمانہ سرگرمیوں میں ملوث ہونے پر گرفتار کیا جا چکا ہے اور وہ سزا پوری کرنے کے بعد رہا ہوئے تھے.

ملزم کے خلاف چالان تیار کرکے عدالت مین پیش کردیا گیا ہے جب کہ اوبر کمپنی سے درست کرائم ریکارڈ نہ رکھنے کے حوالے سے تحقیقات کی جا رہی ہیں.

لبنانی دارلحکومت بیروت زوردار دھماکے سے گونج اٹھا، چار افراد ہلاک پینتیس سے زائد زخمی ہوگئے۔

غیر ملکی خبر رساں ادارے کے مطابق دھماکہ جنوبی بیروت میں لبنانی تنظیم حزب اللہ کا گڑھ سمجھے جانے والے علاقے میں ہوا، دھماکہ اتنا زوردار تھا کہ ارگرد کھڑی گاڑیوں اور عمارتوں کو بھی شدید نقصان پہنچا۔

دھماکے کے بعد سیکیورٹی اداروں نے علاقے کو گھیرے میں لیکر لاشوں اور زخمیوں کو اسپتال منتقل کیا، حملے کے بعد لبنان کے النصرہ فرنٹ نے ایک ٹوئٹر پیغام میں اس دہشت گردانہ کارروائی کی ذمہ داری قبول کرلی ہے۔
    
    
   

لبنان کے دارالحکومت بیروت میں کار بم دھماکے کے نتیجے میں سات افراد ہلاک اور چھیاسٹھ  زخمی ہوگئے ہیں، دھماکا حزب اللہ بیروت کے جنوبی علاقے میں ہوا، جو حزب اللہ ملیشیا کا مضبوط گڑھ سمجھا جاتا ہے۔

دھماکے کے بعد علاقے میں دھوئیں کے بادل اٹھتے دکھائی دیے اور امدادی کارکنوں نے جائے وقوعہ پر پہنچ کر لاشوں اور زخمیوں کو اسپتالوں میں منتقل کیا، ایک ہفتے کے دوران یہ بیروت میں دوسرا کار بم دھماکا ہے ، ستائیس دسمبر کو بیروت کے مرکزی علاقے میں ہونے والے کار بم دھماکے میں لبنان کے سابق وزیر محمد شاطع جاں بحق ہوگئے تھے۔

لبنان کے دارالحکومت بیروت میں کار بم دھماکے سے سابق وزیر سمیت چھ افراد مارے گئے۔

غیر ملکی خبر رساں ادارے کے مطابق بم حملے میں سابق وزیر خزانہ محمد شطح کے قافلے کو نشانہ بنایا گیا، ہلاک ہونے والے سابق وزیر حزب اختلاف کے رہنما اور سابق لبنانی وزیراعظم سعد الحریری کے مشیر تھے۔

بم دھماکہ سے ارد گرد کھڑی گاڑیوں کی ایک بڑی تعداد میں آگ بھڑک اٹھی، فوری طور پر کسی نے بھی دھماکے کی ذمہ داری قبول نہیں کی۔