ARYNews.tv | Urdu – Har Lamha Bakhabar

Tag: بیرون ملک مقیم پاکستانیوں

  • فیلڈ مارشل عاصم منیر نے اوورسیز پاکستانیوں کو امریکا میں ملکی سفیر قرار دے دیا

    فیلڈ مارشل عاصم منیر نے اوورسیز پاکستانیوں کو امریکا میں ملکی سفیر قرار دے دیا

    واشنگٹن : فیلڈ مارشل عاصم منیر نے اوورسیز پاکستانیوں کو امریکا میں ملکی سفیر قرار دے دیا اور پاکستان کی معیشت میں ان کے فعال کردارکا اعتراف کیا۔

    تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے کہا گیا کہ پاک فوج کے سربراہ فیلڈ مارشل سید عاصم منیرنے امریکا کے سرکاری دورہ کے دوران واشنگٹن ڈی سی میں اوورسیز پاکستانی کمیونٹی سےبات چیت کی۔

    آئی ایس پی آر کا کہنا تھا کہ آرمی چیف فیلڈ مارشل سید عاصم منیر سے ملاقات کے لئے بڑی تعداد میں جمع ہونے والے سمندرپار پاکستانیوں نے آرمی چیف کا پرتپاک استقبال کیا۔

    ترجمان نے کہا کہ پاکستانی تارکین وطن نے آپریشن بنیان مرصوص اورمعرکہ حق کے دوران مسلح افواج کی شاندار کارکردگی، بہادری اور پیشہ ورانہ مہارتوں کو سراہا۔

    اس موقع پر آرمی چیف فیلڈ مارشل نے بیرون ملک مقیم پاکستانیوں کو پاکستان کے سفیر قرار دیتے ہوئے کہا ان کے اہم اور موثر کردار کی تعریف کی۔

    انہوں نے ترسیلات زر، سرمایہ کاری اور دیگرشعبوں میں کامیابیوں سمیت اور پاکستان کی معیشت میں ان کے فعال کردار کا اعتراف کیا۔

    فیلڈ مارشل نے اوورسیز پاکستانیوں سے اظہار خیال کرتے ہوئے کہا کہ ملکی معیشت میں بیرون ملک پاکستانیوں کا نمایاں کردارہے، سمندرپارپاکستانیوں نے آرمی چیف کے ساتھ اپنے تجربات اور تجاویز شیئر کیں۔

    انہوں نے مشترکہ چیلنجز سے نمٹنے اور تعاون کو فروغ دینے کے لئے مسلسل تعاون کی ضرورت کو اجاگر کرتے ہوئے سمندر پار پاکستانیوں کے ساتھ روابط کی اہمیت پر بھی زوردیا۔

    آرمی چیف نے ایک محفوظ، خوشحال اورترقی کرتے ہوئے پاکستان کےلئےمل کر کام کرنے کا عہد کیا۔

  • پاکستانی معیشت کے لیے بڑی خبر ، ترسیلاتِ زر تین ارب ڈالر تک پہنچ گئیں

    پاکستانی معیشت کے لیے بڑی خبر ، ترسیلاتِ زر تین ارب ڈالر تک پہنچ گئیں

    اسلام آباد : جنوری 2025 میں ملکی ترسیلات زر میں اضافہ ہوا اور 25.2 فیصد اضافے کے ساتھ ترسیلاتِ زر 3 ارب ڈالر تک پہنچ گئیں۔

    تفصیلات کے مطابق بانی پی ٹی آئی کی بیرون ملک مقیم پاکستانیوں کوترسیلات زرنہ بھیجنےکی اپیل زمین بوس ہوگئے ، سال 2025 کے پہلے ماہ میں بیرون ملک مقیم پاکستانیوں نے 3 ارب ڈالرملک بھیجے۔

    اسٹیٹ بینک آف پاکستان کی جانب سے جاری رپورٹ میں بتایا گیا کہ جنوری2025 میں ورکرز ترسیلات 3 ارب ڈالر رہیں ، بیرون ملک مقیم پاکستانیوں نے جنوری 2024 کے مقابلے میں جنوری2025 میں25 فیصد زیادہ رقوم بھیجی ہیں۔

    اسٹیٹ بینک کا کہنا تھا کہ رواں مالی سال کے 7 مہینوں کی ورکرز ترسیلات 20.8 ارب ڈالر رہیں، اس دوران ورکرز ترسیلات مالی سال 2024 کے 7 مہینوں سے 31.7 فیصد زائد رہیں، مالی سال 2024 کے ابتدائی 7 مہینوں میں 15.8 ارب ڈالر کی ترسیلات پاکستان بھیجی گئی تھیں۔

    جنوری 2025 میں سعودی عرب میں مقیم پاکستانیوں نے 72.83 کروڑ ڈالر بھیجے ہیں، متحدہ عرب امارات میں مقیم پاکستانیوں نے جنوری 2025 میں 62.17 کروڑ ڈالر، برطانیہ سے 44.36 کروڑ اور امریکا سے 29.85 کروڑ ڈالر پاکستان بھیجے۔

    معاشی ماہرین کا کہنا ہے کہ بیرون ملک مقیم پاکستانیوں کی جانب سےترسیلات بھیجنے میں اضافہ حکومت کی معاشی پالیسیوں پراعتماد کا اظہار ہے۔

    سیاسی تجزیہ کار نے بھی کہا کہ ترسیلات زر میں اضافہ ثابت کرتا ہے کہ پی ٹی آئی کا ملک دشمن بیانیہ اپنی موت آپ مرچکا ہے۔

    https://urdu.arynews.tv/dollar-currency-rate-pakistan-today/

  • شاندار سہولت : بیرون ملک مقیم پاکستانیوں کے لئے بڑی خوشخبری

    شاندار سہولت : بیرون ملک مقیم پاکستانیوں کے لئے بڑی خوشخبری

    اسلام آباد : نادرا کی جانب سے سمندرپار پاکستانیوں کے لئے ڈیجیٹل پاور آف اٹارنی جاری کرنے سہولت فراہم کردی گئی۔

    تفصیلات کے مطابق بیرون ملک مقیم پاکستانیوں کے لئے نادرا کی جدید ترین سہولت کی بدولت پاکستان میں مقیم کسی بھی شخص کو پاور آف اٹارنی کا اجراء انتہائی آسان ہوگیا۔

    نادرا کی جانب سے سماجی رابطے کی ویب سائٹ ایکس پر اپنے بیان میں کہا کہ سمندرپار پاکستانیوں کے لئے پاور آف اٹارنی جاری کرنے کی شاندار سہولت ‘ڈیجیٹل پاور آف اٹارنی’ متعارف کرادی گئی۔

    نادرا کا کہنا ہے کہ پاور آف اٹارنی بنوانے کے لئے پاکستانی مشن آنے کی ضرورت نہیں، 6 آسان مراحل میں ضروری کارروائی مکمل کریں اور گھر بیٹھے ڈیجیٹل پاور آف اٹارنی حاصل کرسکتے ہیں۔

  • کپتان کا بیرون ملک مقیم پاکستانیوں کے ووٹ کے حق پر کڑا پہرہ دینے کا فیصلہ

    کپتان کا بیرون ملک مقیم پاکستانیوں کے ووٹ کے حق پر کڑا پہرہ دینے کا فیصلہ

    اسلام آباد : چیئرمین تحریک انصاف عمران‌ خان نے بیرون ملک مقیم پاکستانیوں کے ووٹ کے حق پر کڑا پہرہ دینے کا فیصلہ کرلیا۔

    تفصیلات کے مطابق حکومت کی انتخابی اصلاحات کی آڑ میں اوورسیز کے ووٹ کا حق ختم کرنے کی تیاریاں ہیں۔

    اس سسلے میں کپتان نے بیرون ملک مقیم پاکستانیوں کےووٹ کے حق پر کڑا پہرہ دینے کا فیصلہ کرلیا۔

    عمران خان نے پی ٹی آئی کی اعلیٰ سطح انتخابی اصلاحات کمیٹی کا اہم ترین اجلاس طلب کرلیا ہے۔

    اجلاس آج سہ پہر چیئرمین سیکریٹریٹ میں ہوگا ، سینئر مرکزی قائدین اور قانونی ماہرین اجلاس میں شرکت کریں گے۔

    اجلاس میں امپورٹڈ حکومت کے حقیقی عزائم و حکمت عملی کا تجزیہ کیا جائے گا اور اوورسیزپاکستانیوں کے ووٹ کے حق کے دفاع کی حکمت عملی مرتب کی جائے گی۔

    ٰیاد رہے قومی اسمبلی میں اوورسیز پاکستانیوں کو ووٹ کے حق سے محروم رکھنے کا بل اسمبلی میں پیش کیا گیا تھا ، بل پی ٹی آئی کے منحرف رکن نورعالم خان کے ذریعے پیش کرایا گیا تھا، جس کی وفاقی وزیر قانون اور ن لیگی رہنما اعظم نذیر تارڑ نے مخالفت نہیں کی۔

  • شہبازشریف نے بیرون ملک مقیم پاکستانیوں کے حق نمائندگی کا نیا فارمولا پیش کردیا

    شہبازشریف نے بیرون ملک مقیم پاکستانیوں کے حق نمائندگی کا نیا فارمولا پیش کردیا

    لاہور : اپوزیشن لیڈر شہبازشریف نے اوورسیزپاکستانیوں کیلئےقومی اسمبلی ،سینیٹ میں مخصوص نشستوں کی تجویز دے دی اور کہا اوورسیز پاکستانیوں کے نمائندے پارلیمان میں مسائل پیش کرسکیں گے۔

    تفصیلات کے مطابق اپوزیشن لیڈر شہبازشریف نےبیرون ملک مقیم پاکستانیوں کےحق نمائندگی کانیافارمولاپیش کردیا، جس میں اوورسیزپاکستانیوں کیلئےقومی اسمبلی ،سینیٹ میں مخصوص نشستوں کی تجویز دیتے ہوئے کہا اوورسیزپاکستانیوں کے نمائندےپارلیمان میں مسائل پیش کرسکیں گے۔

    شہبازشریف نے قومی اسمبلی میں 5 سے7 نشستیں اوورسیز پاکستانیوں کے لئے مختص کرنے اور سینیٹ میں 2 نشستیں بیرون ملک مقیم پاکستانیوں کے لئے مختص کرنے کی تجویز دی۔

    اپوزیشن لیڈر نے کہا کہ نشستوں پرنمائندگی کا طریقہ کار اور شرائط سیاسی جماعتیں مل کر طے کریں، سیاسی جماعتوں کے اتفاق رائے سے مطلوبہ قانون سازی کی جاسکتی ہے ، اس طریقہ کار سے اوورسیزپاکستانیوں کو پارلیمان میں نمائندگی مل سکتی ہے۔

    ان کا کہنا تھا کہ آزادجموں وکشمیراسمبلی میں اوورسیزپاکستانیوں کے لئے نشستیں مختص کی گئی ہیں ، مسلم لیگ ن جمہوری سوچ ،اصولوں کے تحت ووٹ حق کی حمایت کرتی ہے۔

    شہبازشریف نے کہاکہ بیرون ملک مقیم پاکستانی الیکشن کے وقت ملک آکر ووٹ ڈالیں ، بیرون ملک مقیم ہمارے پاکستانی بہن بھائی ہماراقیمتی اثاثہ ،پاکستان کی شان ہیں ، بیرون ملک مقیم 80 لاکھ پاکستانی ہماری طاقت اور فخرہیں۔

    اپوزیشن لیڈر کا کہنا تھا کہ اوورسیز پاکستانی ملک کی ترقی میں اپنا حصہ ڈال رہے ہیں، اوورسیز پاکستانیوں کی ملک سے محبت کو قدر کی نگاہ سےدیکھتے ہیں ، اوورسیز کمیونٹی کےتمام مسائل کا فوری، منصفانہ اورجائز حل ہونا چاہیے۔

    انھوں نے مزید کہا کہ بیرون ملک مقیم پاکستانیوں کی جائدادوں کا قبضہ چھڑانا اولین ترجیح ہے، ان کے سرمایہ کےفروغ اور تحفظ تک تمام مسائل کاحل اولین ترجیح ہے ، بیرون ملک مقیم پاکستانیوں کے حق رائے دہی کا احترام کرتےہیں۔

    شہبازشریف کا کہنا تھا کہ مسلم لیگ ن نےہمیشہ ان مقاصد کے حصول کیلئےہرممکن کوشش کے ساتھ ساتھ اوورسیز پاکستانیوں کی حوصلہ افزائی اورقدرکی ، ہمارے دور میں اوورسیز پاکستانیز فاؤنڈیشن میں ٹھوس اصلاحات کی گئیں، صوبہ پنجاب میں اوورسیزکمیشن قائم کیا گیا ، اوورسیزکمیشن کے ذریعے 36اضلاع میں رول ماڈل پروگرام تشکیل دیا گیا، اقدامات کا مقصد اوورسیز پاکستانیوں کے مسائل کا فوری حل تھا۔

  • ووٹ کا حق، بیرون ملک مقیم پاکستانیوں کیلئے بڑی خوشخبری آگئی

    ووٹ کا حق، بیرون ملک مقیم پاکستانیوں کیلئے بڑی خوشخبری آگئی

    اسلام آباد : بیرون ملک مقیم پاکستانیوں کو ووٹ کا حق دینے کا بل قومی اسمبلی سے منظور کرالیا گیا ، ووٹ کےحق کابل اب سینیٹ میں پیش ہوگا۔

    تفصیلات کے مطابق وفاقی وزیر مرادسعید نے سماجی رابطے کی ویب سائٹ ٹوئٹر پر اپنے بیان میں کہا کہ بیرون ملک مقیم پاکستانیوں کوووٹ کاحق دینے کابل قومی اسمبلی سے منظور ہوگیا ، بل کواب سینیٹ میں پیش کیاجائےگا، بیرون ملک پاکستانیوں کوووٹ کاحق دینےکےبل کی اپوزیشن نےمخالفت کی، حکومتی اراکین کومبارکباد جنہوں نے بل کومنظورکرایا۔

    وزیراعظم کے مشیر برائے پارلیمانی امور ڈاکٹر بابر اعوان نے ٹوئٹر پر اپنے بیان میں کہا بیرون ملک مقیم پاکستانیوں کومبارکباد، 73سال بعداوورسیزپاکستانیوں کےووٹ کےحق کابل اسمبلی سےمنظورکیاگیا ، اپوزیشن نےووٹنگ کابائیکاٹ کیااوربل کی مخالفت بھی کی، اوورسیز پاکستانیوں کوووٹ کےحق کابل اب سینیٹ میں پیش ہوگا۔

  • ووٹ کا حق ، بیرون ملک مقیم پاکستانیوں کیلئے بڑی خبر

    ووٹ کا حق ، بیرون ملک مقیم پاکستانیوں کیلئے بڑی خبر

    اسلام آباد : بیرون ملک مقیم پاکستانیوں کو ووٹنگ حقوق دینے کیلئے آئی ووٹنگ کے طریقہ کار کی منظوری دے دی گئی جبکہ زلفی بخاری نے آئی ووٹنگ کاطریقہ کارمزیدآسان اور سہل بنانے کی درخواست کردی۔

    تفصیلات کے مطابق اوورسیز پاکستانیوں کو ووٹنگ حقوق دینے کے سلسلے میں بڑی پیش رفت سامنے آئی، بیرون ملک پاکستانیوں کو ووٹنگ کا حق دلوانے کیلئے اہم اجلاس ہوا ، جس میں الیکشن کمیشن کی جانب سے الیکٹرانک آئی ووٹنگ طریقہ کار کا عملی مظاہرہ کیا گیا۔

    اجلاس میں وزیراعظم معاون خصوصی زلفی بخاری اور مشیر پارلیمانی امور بابر اعوان ، چیئرمین نادرا اور الیکشن کمیشن کے حکام نے شرکت کی، جس میں بیرون ملک پاکستانیوں کیلئے الیکٹرانک آئی ووٹنگ کے طریقہ کار کا جائزہ لیا گیا، دونوں وزارتوں نے آئی ووٹنگ کے طریقہ کار کی منظوری دے دی۔

    زلفی بخاری نے آئی ووٹنگ کاطریقہ کارمزیدآسان اور سہل بنانے کی درخواست کرتے ہوئے کہا اوورسیزپاکستانیوں کادیرینہ مطالبہ بہت جلد پورا کرنے جارہے ہیں، طریقہ کارکوبیرون ملک پاکستانیوں کیلئےانتہائی آسان رکھا جائےگا۔

    معاون خصوصی کا کہنا تھا کہ وزیراعظم کےویژن کےمطابق بیرون ملک ہم وطنوں کوحق دیا جائے گا، ماضی میں حکومتیں اہم ترین معاملے کو نظر اندار کرتی رہی ہیں، پی ٹی آئی حکومت اوورسیز پاکستانیوں کو فیصلہ سازی میں شامل کرے گی۔

    وفاقی حکومت نے الیکٹرانک آئی ووٹنگ کا معاملہ پارلیمنٹ میں لانے کا فیصلہ کرتے ہوئے کہا الیکٹرانک آئی ووٹنگ پرسینیٹ،قومی اسمبلی آئندہ اجلاس میں بحث ہوجائے گی ۔

    پارلیمنٹ اجلاس کے بعداوورسیز پاکستانیوں کی رجسٹریشن کامرحلہ شروع ہو گا، فیصلہ کیا گیا کہ وزارت اوورسیزرجسٹریشن کیلئےتجاویز وزارت پارلیمانی امورکوبھجوائے گی، پارلیمنٹ میں بحث کے بعد دونوں وزارتوں کا اجلاس پھر طلب کیا جائے گا۔

  • وزارت خزانہ نے پاکستانی معیشت کے حوالے سے بڑی خوشخبری سنادی

    وزارت خزانہ نے پاکستانی معیشت کے حوالے سے بڑی خوشخبری سنادی

    اسلام آباد : وزارت خزانہ کا کہنا ہے کہ رواں مالی سال کے اختتام تک بیرون ملک مقیم پاکستانیوں کی جانب سے بھیجی گئی ترسیلات زر کا حجم 21 ارب ڈالر تک پہنچ جائے گا۔

    تفصیلات کے مطابق پاکستان کی ترسیلات زر میں رواں مالی سال میں نمایاں اضافہ متوقع ہے، وزارت خزانہ کا کہنا ہے کہ رواں مالی سال کےاختتام تک بیرون ملک مقیم پاکستانیوں کی جانب سے بھیجی جانے والی ترسیلات کا حجم21 ارب ڈالرتک ہوجائےگا، گزشتہ مالی سال کےاس ہی عرصے یہ حجم 16 ارب ڈالرتھا۔

    اعداد وشمار کےمطابق رواں مالی سال کے پہلے نوماہ میں ترسیلات 6.2 فیصداضافے سے 17 ارب ڈالرہوگئیں، وزارت خزانہ ترجمان کاکہناہےکہ حکومتی اقدامات کےترسیلات زرپرمثبت اثرات مرتب ہوئےہیں جبکہ بینکنگ چینلزسےترسیلات بھیجنےکےاقدامات بارآورثابت ہورہےہیں۔

    ترجمان نے مزید کہا کہ حکومتی اقدامات میں ستمبرمیں قومی ترسیلات زرپروگرام بھی شامل ہے۔یکم جولائی سےترسیلات زرپرود ہولڈنگ ٹیکس کا خاتمہ بھی شامل ہے۔

    یاد رہے گزشتہ ماہ اسٹیٹ بینک کے جاری اعدادوشمار میں بتایا گیا تھا ترسیلات زرمیں 4.5 فیصد کا نمایاں اضافہ ریکارڈ کیاگیا ہے، رواں مالی سال جولائی تافروری بیرون ملک مقیم پاکستانیوں نے پندرہ ارب بارہ کروڑسترہ لاکھ ڈالرپاکستان بھیجے۔

    اسٹیٹ بینک کا کہنا ہے کہ گذشتہ سال اسی عرصے میں یہ حجم چودہ ارب پینتیس کروڑساٹھ لاکھ ڈالرتھا، فروری میں ترسیلات کاحجم ایک ارب اسی کروڑ ڈالر رہا، جوگذشتہ سال اسی عرصے کے مقابلے پندرہ فیصد زائدہے۔

    اعدادوشمار کے مطابق سب سے زیادہ ترسیلات سعودی عرب سے آئیں، دوسرے نمبر پر یواے ای ، امریکہ تیسرے اور برطانیہ چوتھےنمبرپر تھا۔

  • ماہ جولائی : بیرون ملک مقیم پاکستانیوں نے2 ارب ڈالر کی ترسیلات بھیجیں

    ماہ جولائی : بیرون ملک مقیم پاکستانیوں نے2 ارب ڈالر کی ترسیلات بھیجیں

    اسلام آباد : رواں مالی سال 2019ءکے ماہ جولائی کے دوران بیرون ملک مقیم پاکستانیوں نے2 ارب ڈالر کی ترسیلات بھیجیں۔ سب سے زیادہ ترسیلات سعودی عرب میں مقیم پاکستانیوں نے بھیجیں۔ 

    تفصیلات کے مطابق ترجمان اسٹیٹ بینک نے کہا ہے کہ جولائی2019میں بیرون ملک مقیم پاکستانیوں نےدو ارب ڈالر ترسیلات بھیجیں۔

    اس حوالے سے جولائی2019میں گزشتہ سال کی نسبت5کروڑ ڈالراضافی آئے، ترجمان اسٹیٹ بینک کے مطابق جولائی 2019میں سعودی عرب سے47 کروڑ ڈالرترسیلات آئیں،

    متحدہ عرب امارات سے42.70 کروڑ ڈالر، امریکا سے33کروڑ ڈالر،برطانیہ سے29کروڑ ڈالر ترسیلات زر موصول ہوئیں۔

    ترجمان کا مزید کہنا ہے کہ بحرین، کویت، قطر اور عمان سے19کروڑ ڈالر ترسیلات زر آئیں، یورپی یونین کے ممالک سے5.83کروڑ ڈالر پاکستان بھجوائے گئے۔