Tag: بیرون ملک

راولپنڈی: ریجنل پولیس آفیسر (آر پی او) راولپنڈی سید خرم علی 15 دن کی چھٹی پربیرون ملک روانہ ہوگئے۔

تفصیلات کے مطابق راولپنڈی کشمنر لیاقت چٹھہ نے اپنی پریس کانفرنس میں آر پی او کی شرکت کا بھی بتایا تھا، تاہم ان کے ترجمان کا کہنا ہے کہ آر پی او سید خرم علی 16 فروری کو ہی رخصت پر چلے گئے ہیں۔

ترجمان آر پی او کے مطابق پریس کانفرنس میں آر پی او کا نام شامل ہونے پر پوچھ گچھ جاری ہے، وہ فیملی کے ہمراہ برطانیہ گئے ہیں، 2 مارچ کو ان کی واپسی ہے۔

ریجنل پولیس آفیسر کے ترجمان نے بتایا کہ آر پی او سید خرم علی نے انتخابات سے قبل چھٹی کی درخواست دی تھی۔

کراچی : بیرون ملک سے کراچی آنے والے مزید 2 مسافروں میں کورونا جے این ون ویرینٹ کی تصدیق ہوگئی، اب تک بیرون ملک سے کراچی پہنچنے والے 15 مسافروں کے ٹیسٹ مثبت آچکے ہیں۔

تفصیلات کے مطابق بیرون ملک سے کراچی پہنچنے والے 2 مزید مسافروں کا ریپڈ اینٹیجن ٹیسٹ  مثبت آگیا، ترجمان نے بتایا کہ 28سالہ فیصل آباد کا رہائشی اور 25 سالہ مالاکنڈ کا رہائشی جدہ سے کراچی پہنچے ہیں۔

گزشتہ روز رہ جانے والے 4 پی سی آر ٹیسٹ کے نتائج بھی محکمہ صحت کو موصول ہوگئے ہیں ، چاروں مسافروں کے پی سی آر ٹیسٹ کے نتائج مثبت آئے ہیں۔

محکمہ صحت سندھ کا کہنا ہے کہ بیرون ملک سےکراچی پہنچنے والے 17مسافروں کے ریپڈ اینٹیجن ٹیسٹ مثبت آچکے جبکہ ریپڈ اینٹیجن کے 17 کیسوں میں سے 15 مسافروں کے پی سی آر بھی مثبت آچکے ہیں، 15مثبت پی سی آر کیسز میں سے 2 مسافروں کے جے این ون ویرینٹ مثبت ہیں۔

ترجمان کے مطابق تمام متاثرہ مسافروں کو ٹیسٹ کے نتائج سےآگاہ کرکے سختی سے گھروں میں قرنطینہ کی ہدایت کی گئی ہے۔

دوسری جانب وزیر صحت ڈاکٹر ندیم جان نے اپنے بیان میں کہا ہے کہ کوروناجےاین ون ویرینٹ کے مجموعی طور پر15کیسزرپورٹ ہوئے، وزارت صحت نئے ویرینٹ کی خصوصی طور پرنگرانی کر رہی ہے۔

ڈاکٹر ندیم جان کا کہنا تھا کہ یہ ویرینٹ ابھی تک دنیا میں 60 سےزائد ممالک میں رپورٹ ہوا، ڈبلیو ایچ او کے مطابق اس ویرینٹ کے پھیلاؤ کا رسک بہت کم ہے۔

اسلام آباد: کورونا کے نئے ویرینٹ کے پیش نظر بیرون ملک سے پاکستان آنے والوں کے کورونا ٹیسٹ دوبارہ شروع کرنے کا فیصلہ کرلیا۔

تفصیلات کے مطابق نیشنل کمانڈ اینڈ آپریشن سنٹر (این سی اوسی) نے بیرون ملک سے آنے والوں کے کورونا ٹیسٹ دوبارہ شروع کرنے کا فیصلہ کرلیا۔

این سی او سی اجلاس میں کورونا کے نئے ویرینٹ جے این ون پر غور کیا گیا اور ہوائی اڈوں، بارڈرز پر کورونا ٹیسٹنگ دوبارہ شروع کرنے کی منظور کیا۔

پاکستان میں اب تک کوویڈ کے نئے ویرینٹ جے این ون کا کوئی کیس رپورٹ نہیں ہوا۔

گذشتہ روز وفاقی حکومت نے کورونا کی ٹیسٹنگ بڑھانے کا فیصلہ کیا تھا اور اس سلسلے میں این سی او سی نے وفاقی و صوبائی محکمہ صحت کے نام مراسلہ جاری کیا تھا

مراسلے میں کہا گیا تھا کہ ملک میں آئی ایل آئی کیسز میں اضافہ ہو رہا ہے یہ آئی ایل آئی انفلوئنزا سے ملتی جلتی بیماری ہے، پڑوسی ممالک میں کورونا جے این ون کیسز رپورٹ ہو رہے ہیں۔

مراسلے میں ہدایت کی گئی تھی کہ وفاقی اور صوبائی ادارے صورتحال کی مسلسل مانیٹرنگ کریں اور متعلقہ ادارے کورونا ٹیسٹنگ میں اضافہ کریں۔

کراچی : تاجر کو بیرون ملک سے بھتہ کی کال موصول ہوئی ، جس میں 20 لاکھ روپے بھتہ طلب کیا گیا اور پیسے نہ دینے پر دونوں بھائیوں کو مارنے کی دھمکی بھی دی۔

تفصیلات کے مطابق کراچی کورنگی میں تاجر کو بیرون ملک سے بھتے کی کال کا انکشاف سامنے آیا۔

پولیس نے گیس سلنڈر شاپ کے مالک کی مدعیت میں مقدمہ درج کرلیا ہے ، مقدمہ عوامی کالونی تھانےمیں اقدام قتل اوربھتےکی دفعات کےتحت درج کیا گیا۔

پولیس نے بتایا کہ تاجر کو بیرون ملک سے کال آئی اور بیس لاکھ روپے بھتہ طلب کیا، ساتھ ہی بھتہ نہ دینے پردھمکیاں دی گئیں اور بات نہ ماننے پر خوفزدہ کرنے کیلئے حملہ بھی کیا گیا۔

تاجر کا کہنا ہے کہ چار دسمبر کی رات موٹرسائیکل سوار دوملزمان آئے فائرنگ کی اور فرار ہوگئے، واقعے کے فوری بعد زخمی تاجر کے بھائی کو غیر ملکی نمبرسے کال موصول ہوئی، کال پردھمکی دی کہ یہ صرف ٹریلرتھا، پیسے نہ دیے تو دونوں بھائیوں کو مار دیں گے۔