ARYNews.tv | Urdu – Har Lamha Bakhabar

Tag: بیرون ملک

  • بیرون ملک سے آنے والے مسافر سے لاکھوں مالیت کی غیرملکی کرنسی اور موبائل فونز برآمد

    بیرون ملک سے آنے والے مسافر سے لاکھوں مالیت کی غیرملکی کرنسی اور موبائل فونز برآمد

    کراچی: جناح انٹرنیشل ایئرپورٹ پر بیرون ملک سے آنے والے مسافر سے لاکھوں مالیت کی غیرملکی کرنسی، موبائل فونز اور سونا برآمد کر لیا گیا۔

    تفصیلات کے مطابق ماڈل کسٹمز کلکٹریٹ نے جناح انٹرنیشنل ایئرپورٹ پر 68 لاکھ 76 260 روپے مالیت کی اسمگلنگ کی کوشش ناکام بنا دی۔

    غیرملکی ایئر لائن کی پرواز 221 سے امریکا سے براستہ ابوظہبی کراچی پہنچنے والے پاکستانی مسافر شہاب حسین گرین چینل کی سہولت کا فائدہ اٹھاتے ہوئے اپنے سامان کے ہمراہ بغیر اسکیننگ کے آرائیول ہال سے باہر جا رہے تھے کہ کسٹمز کے عملے نے شک کی بنیاد پر انہیں روک لیا۔

    کسٹم عملے کی جانب سے مسافر کے سامان کی اسکیننگ کی گئی تو سامان میں موبائل فونز اور کاسمیٹکس مصنوعات کی نشاندہی ہوئی جس پر مسافر کے تین سوٹ کیسز اور ایک شولڈر بیگ کو ایگزامینیشن کاونٹر پر لا کر مسافر کی موجودگی میں کھولا گیا۔

    کسٹم حکام کے مطابق تلاشی کے دوران 21 لاکھ روپے مالیت کے 45 موبائل فونز، 10855 روپے مالیت کی کاسمیٹکس مصنوعات، 33400 روپے مالیت کا فوڈ اسٹف برآمد ہوا۔

    مسافر کے زیب تن کیے ہوئے کپڑوں کی جیبوں سے 24،94،600 روپے مالیت کے 295 گرامز کے سونے کے زیورات اور 13،410 امریکن ڈالر برآمد کیے گئے۔برآمد شدہ سامان زیورات اور کرنسی کی کل مالیت 68،76،260 روپے ہے۔

    مسافر کو کسٹمز ایکٹ کے تحت مقدمہ درج کر کے گرفتار کر لیا گیا ہے اور مجاز عدالت سے ریمانڈ حاصل کر کے مزید تفتیش کی جاری ہے۔

  • ‘بیرون ملک سے آنے والے مسافروں کو جلد خوشخبری ملے گی’

    ‘بیرون ملک سے آنے والے مسافروں کو جلد خوشخبری ملے گی’

    اسلام آباد : وزیراعظم کے معاون خصوصی معید یوسف کا کہنا ہے کہ بیرون ملک مسافروں کے لیے جلد نئی پالیسی لا رہےہیں، نئی پالیسی میں بیرون ملک مسافروں کی فوری واپسی کی خوشخبری سنائیں گے۔

    تفصیلات کے مطابق وزیراعظم کے معاون خصوصی معید یوسف نے اپنے بیان میں کہا ہے کہ ابھی بھی بیرون ملک سے آنے والوں کےٹیسٹ کر رہے ہیں، ہم ان کو 2ہفتے کے لیےقرنطینہ کا کہہ رہے ہیں، فیصلہ 2 جون کو این سی سی کےاجلاس میں کیا گیاتھا۔

    معید یوسف کا کہنا تھا کہ کورونا کی مقامی ٹرانسمیشن 94 فیصد اور بیرون ملک مقیم مسافروں سے منتقلی6 فیصد ہے، بارہا کہا بیرون ملک مقیم شہریوں کا شکر گزار ہونا چاہیے، انہوں نےاپنی باری کاانتظار صبر اور تحمل سے کیا۔

    معاون خصوصی نے کہا بیرون ملک مسافروں کےلیےجلد نئی پالیسی لا رہےہیں، نئی پالیسی میں بیرون ملک مسافروں کی فوری واپسی کی خوشخبری سنائیں گے، بیرون ملک سےواپس آنےوالوں میں مزدورطبقےکی تعداد زیادہ ہے، بیرون ملک مقیم پاکستانیوں کاپاکستان واپس آنا ان کاحق ہے۔

    یاد رہے معاون خصوصی ڈاکٹر معید یوسف نے بیرون ملک سے آنیوالے مسافروں کیلئے نئی پالیسی کا اعلان کرتے ہوئے کہا تھا کہ ٹیسٹنگ کے عمل کو مزید تیز کر دیا گیا ہے، 10جون تک 20ہزار مسافروں کووطن واپس لایا جائے گا، پچھلے مرحلے کے مقابلے میں 10ہزارسے زائد مسافروں کو لایا جائے گا۔

    معاون خصوصی نے کہا تھا کہ مسافروں کی آمد پر ان کا ٹیسٹ کیا جائے گا، ٹیسٹ نتائج کا انتظار کئے بغیرمسافر سیلف آئسولیشن اختیار کرسکتے ہیں ، جس کے بعد انہیں ٹریک اینڈ ٹریس سسٹم میں شامل کیا جائے گا۔

    ان کا کہنا تھا کہ صوبائی حکومت مسافر کی صحت،حفاظت یقینی بنانے کیلئےاقدامات کرے ، اس پالیسی کو مزید نرم کرنے کی خوشخبری جلد دی جائے گی۔

  • بیرون ملک سے آنیوالے مسافروں کیلئے نئی پالیسی کا اعلان

    بیرون ملک سے آنیوالے مسافروں کیلئے نئی پالیسی کا اعلان

    اسلام آباد : معاون خصوصی ڈاکٹر معید یوسف نے بیرون ملک سے آنیوالے مسافروں کیلئے نئی پالیسی کا اعلان کردیا ، پچھلے مرحلے کے مقابلے میں 10ہزارسے زائد مسافروں کو لایا جائے گا۔

    تفصیلات کے مطابق معاون خصوصی ڈاکٹر معید یوسف نے بیرون ملک سے آنیوالے مسافروں کیلئے نئی پالیسی کا اعلان کردیا، وزیراعظم کی ہدایت پر ہر ہفتے بیرون ملک سے آنیوالے مسافروں کی تعداد میں اضافہ کیا جارہا ہے۔

    ڈاکٹر معید یوسف کا کہنا تھا کہ ٹیسٹنگ کے عمل کو مزید تیز کر دیا گیا ہے، 10جون تک 20ہزار مسافروں کووطن واپس لایا جائے گا، پچھلے مرحلے کے مقابلے میں 10ہزارسے زائد مسافروں کو لایا جائے گا۔

    معاون خصوصی نے کہا کہ آج سے مسافروں کی آمد پر ان کا ٹیسٹ کیا جائے گا، ٹیسٹ نتائج کا انتظار کئے بغیرمسافر سیلف آئسولیشن اختیار کرسکتے ہیں ، جس کے بعد انہیں ٹریک اینڈ ٹریس سسٹم میں شامل کیا جائے گا۔

    ان کا کہنا تھا کہ صوبائی حکومت مسافر کی صحت،حفاظت یقینی بنانے کیلئےاقدامات کرے ، اس پالیسی کو مزید نرم کرنے کی خوشخبری جلد دی جائے گی۔

    یاد رہے دو روز قبل قومی رابطہ کمیٹی کے اجلاس کے بعد میڈیا سے گفتگو میں وزیراعظم کے معاون خصوصی برائے قومی سلامتی معید یوسف نے کہا تھا ہے کہ سمندر پار پاکستانیوں کے لیے جلد نئی پالیسیاں لائیں گے، روزانہ اوسطاً ایک ہزار مسافروں کو وطن لایا جارہا ہے، جبکہ اگلے دس دنوں میں 20 ہزار پاکستانیوں کو واپس لایا جائے گا۔

  • بیرون ملک سے آنے والے پاکستانیوں کیلئے کرونا ٹیسٹ میں نرمی

    بیرون ملک سے آنے والے پاکستانیوں کیلئے کرونا ٹیسٹ میں نرمی

    کراچی : سول ایوی ایشن اتھارٹی نےعارضی طورپربیرون ملک سے آنے والے پاکستانیوں کیلئے ہیلتھ کرونا ٹیسٹ میں نرمی کردی ، شرط کی نرمی کااختتامی وقت21 مارچ کی رات8بجےتک مقررکیاگیاہے۔

    تفصیلات کے مطابق سول ایوی ایشن اتھارٹی نےعارضی طورپربیرون ملک سے آنے والےپاکستانیوں کو ہیلتھ کورونا ٹیسٹ سےاستشنیٰ دیتے ہوئے نوٹم جاری کردیا، جس کااطلاق اکیس مارچ سے ہوگا۔

    وزارت ہوابازی کے ترجمان کے مطابق سول ایوی ایشن اتھارٹی کی جانب سے جاری ہونے والے نوٹم کا مقصد براہ راست پروازوں کے ذریعے پاکستان آنے والے مسافروں کو سہولت فراہم کرنا ہے۔

    براہ راست پروازوں کے ذریعے آنے والے مسافروں کے لیے کرونا وائرس کی مصدقہ رپورٹ کی فراہمی کے بغیر پاکستانی حدود میں داخل ہونے کی شرط کچھ دورانیےکیلئےختم کی گئی ، شرط کی نرمی کااختتامی وقت 21 مارچ کی صبح 5 بجے سے بڑھا کر 21 مارچ کی ہی رات 8 بجے تک مقرر کر دیا گیا ہے۔

    21 مارچ کے بعد بیرون ملک سے آنے والے مسافروں کے لیے کرونا وائرس کی مصدقہ ٹیسٹ رپورٹ فراہم کرنا لازم ہو گا، اس نوٹم کا اطلاق صرف ان پروازوں پر ہو گا، جو 21 مارچ 2020 صبح 5 بجے پرواز کی حالت میں ہوں گی۔

    ذرائع کےمطابق پی آئی اے کے سی ای او ایئر مارشل ارشد ملک نے سیکریٹری ایوی ایشن سے رابطہ کرکے کہا تھا کہ بیرون ملک سے آنے والے پاکستانیوں کو ہیلتھ ٹیسٹ سے استثنیٰ دیا جائے، برطانیہ اور یورپ سےپاکستان آنے والے مسافروں کو مشکلات کا سامناہے۔

    کرونا وائرس ٹیسٹ کی شرط میں نرمی کے لئے اسپیشل کوارڈینیشن کمیٹی نے سفارش وزیراعظم کو بھجوائی تھی ، یہ فیصلہ بیرون ملک مقیم پاکستانی طلبا اور سیاحوں کی وطن واپسی میں مشکلات کے پیش نظرکیا گیا جبکہ آئندہ مشتبہ مسافروں کو ایئرپورٹ سے قرنطینہ منتقل کرنے کا بھی فیصلہ کیا گیا۔

    ذرائع کے مطابق ملک کے 7 بڑے شہروں میں بڑے ہوٹل حاصل کر کے قرنطینہ میں تبدیل کیے جائیں گے، ہوٹلوں میں اٹیچ باتھ والے کمروں میں صرف مشتبہ مریضوں کو رکھا جائے گا۔ کراچی، لاہور، اسلام آباد،پشاور، فیصل آباد، ملتان، سیالکوٹ میں قرنطینہ قائم کیے جائیں گے۔

  • بیرون ملک سے سعودی عرب لوٹنے والے ملازمت پیشہ افراد کو چھٹیاں دے دی گئیں

    بیرون ملک سے سعودی عرب لوٹنے والے ملازمت پیشہ افراد کو چھٹیاں دے دی گئیں

    ریاض: سعودی وزارت صحت نے کہا ہے کہ بیرون ملک سے سعودی عرب لوٹنے والے افراد 2 ہفتوں کی چھٹیاں لے کر گھروں تک محدود رہیں۔

    سعودی ویب سائٹ کے مطابق سعودی وزارت صحت نے کہا ہے کہ ایسے تمام افراد جو 13 مارچ یا اس کے بعد مملکت آئے ہیں وہ احتیاطی تدابیر پر عمل کرتے ہوئے 2 ہفتوں تک گھروں تک محدود رہیں۔

    وزارت صحت کی جانب سے ایسے افراد کے لیے چھٹی کے لیے آن لائن سروس شروع کی گئی ہے تاکہ وہ افراد جو بیرون ملک، اور خاص کر ان ممالک سے آئے ہیں جہاں کرونا نے وبائی صورت اختیار کی ہوئی ہے چھٹی کی منظوری اپنے اداروں کو پیش کر سکیں۔

    وزارت صحت کے ٹویٹر اکاؤنٹ پر جاری تفصیلات کے مطابق وزارت صحت نے مختلف ممالک سے آنے والوں کے لیے الگ الگ شیڈول جاری کیا ہے جس کے مطابق چھٹی لی جاسکتی ہے۔

    شیڈول کے مطابق ایسے مسافر جو 28 فروری یا اس کے بعد چین، جاپان، جنوبی کوریا، اٹلی، ترکی، سنگاپور، مصر، عراق، لبنان، شام اور ایران سے آئے ہیں وہ اپنی آمد کی تاریخ کے مطابق 2 ہفتوں کی چھٹی حاصل کر کے گھروں تک محدود رہیں۔

    8 مارچ یا اس کے بعد فرانس، اسپین، انڈونیشا، سوئٹزر لینڈ اور جرمنی سے آنے والے دوسرے گروپ میں شامل ہیں۔

    تیسرا گروپ ان افراد پر مشتمل ہے جو 11 مارچ یا اس کے بعد برطانیہ، آسٹریا، ڈنمارک، امریکا، نارویج اور سویڈن سے آئے ہیں۔

    وزارت صحت کی جانب سے ٹویٹر پر ایک لنک جاری کیا گیا ہے جس پر لاگ ان کر کے چھٹی کی درخواست جمع کروائی جا سکتی ہے۔

  • جعلی ویزے پر بیرون ملک جانے کی کوشش کرنا مسافر کو مہنگا پڑگیا

    جعلی ویزے پر بیرون ملک جانے کی کوشش کرنا مسافر کو مہنگا پڑگیا

    اسلام آباد: جعلی ویزے پر بیرون ملک جانے کی کوشش کرنے والے مسافر کو ایف آئی اے نے گرفتار کرلیا۔

    تفصیلاات کے مطابق اسلام آباد ایئرپورٹ پر جعلی ویزے پر لیبیا جانے کی کوشش کرنے والے مسافر کو گرفتار کیا گیا۔ امیگریشن حکام کا کہنا ہے کہ دستاویزات چیکنگ کے دوران مسافر کا ویز اجعلی نکلا جس کے بعد ملزم کی گرفتاری عمل میں آئی۔

    ایف آئی اے نے مسافر کو انسدادانسانی اسمگلنگ سیل منتقل کردیا۔ واضح رہے کہ جعلی دستاویزات پر سفر کرنے والے درجنوں ملکی اور غیرملکی گرفتار ہوچکے ہیں۔

    حال ہی میں اسلام آباد ایئرپورٹ پر پی آئی اے ویجلینس نے کارروائی کرتے ہوئے جعلی دستاویز پر کینیڈا جانے والے افغانی باشندے کو حراست میں لیا تھا۔

    جعلی دستاویزات پر افغان باشندہ گرفتار، لاہور ایئرپورٹ پر مسافر سے چرس برآمد

    خیال رہے جعلی دستاویزات پر گرفتار ہونے والا مذکورہ افغان مسافر پی آئی اے کی پرواز پی کے 781 کے ذریعے اسلام آباد سے ٹورنٹو جا رہا تھا، پی آئی اے کے ویجلینس افسر نے مسافر میر زادہ سے سفری دستاویزات طلب کیے جس کے بعد افسر کو شک ہوا کہ دستاویز جعلی ہیں۔ بعد ازاں ملزم کی گرفتاری عمل میں آئی تھی۔

  • پی آئی اے کی بیرون ملک جا نے والی پروازوں میں مسافروں کی تعداد میں اضافہ

    پی آئی اے کی بیرون ملک جا نے والی پروازوں میں مسافروں کی تعداد میں اضافہ

    کراچی : پی آئی اے کی جناح انٹرنیشنل ائر پورٹ سے بیرون ملک جا نے والی پروازوں میں مسافروں کی تعداد میں اضافہ ہوا، چھ ما ہ کے دوران ایک لاکھ 29 ہزار سے زائد مسافروں نے سفر کیا جبکہ 595 پر وازیں آپریٹ کیں گئیں۔

    تفصیلات کے مطابق پی آئی اے کی نئی انتظا میہ کے انقلا بی اقدا مات کے مثبت نتا ئج نظر آنے لگے ، پی آئی اے کی جناح انٹرنیشنل ائیر پورٹ سے بیرون ملک جا نے والی پروازوں میں مسافروں کی تعداد میں اضافہ ہوا۔

    چھ ما ہ کے دوران ایک لاکھ 29 ہزار سے زائد مسافروں نے سفر کیا، اس دوران پی آئی اے نے 595 پر وازیں آپریٹ کی، مسافروں کی تعداد میں اضا فہ کینیڈا ،لندن ، سعودی عرب اور دبئی جا نے والی پروازوں میں ہوا۔

    پی آئی اے نے کراچی سے بیرون ملک جا نے والے مسافروں سے اضا فی سا ما ن کی مد میں 71 لاکھ 77 ہزار روپے کا ریو نیو حا صل کیا۔

    پی آئی اے نے چھ ما ہ کے دوران کراچی سے اندرون ملک کے لئے 2600 پروازوں کے ذریعے 3لاکھ 20 سے زائد مسافروں نے سفر کیااور اندرون ملک جا نے والی پروازوں پر اضا فی ساما ن کی مد ایک کروڑ روپے91 لا کھ 87 ہزرار کا ریونیو حا صل کیا۔

    پی آئی اے کرا چی اسٹیشن کے ریونیو میں چھ ماہ کے دوران 47 فیصد کا اضا فہ ہوا، پروازوں کو بر وقت روانہ کر نے کے لئے ائیرپورٹس پر خالی کھڑے جہازوں کے وقت میں 832 منٹگروانڈ ٹائم سیف کئے جبکہ بہترین ٹائم مینجمنٹ سے پروازوں کے شیڈول کی بروقت آمد و روانگی 99 فیصد رہی۔

    کراچی ،لاھور اسلام آباد سمیت دیگر ائیرپورٹ پر بھی پی آئی اے کے ریونیو میں اضافہ ہوا۔

  • بیرون ملک کیا چیز لیکر جائیں، کیا نہیں؟ فضائی سفرکرنے والے ہوشیارہوجائیں

    بیرون ملک کیا چیز لیکر جائیں، کیا نہیں؟ فضائی سفرکرنے والے ہوشیارہوجائیں

    کراچی : فضائی سفر کرنے والوں پر ایف بی آر اور کسٹم نے سخت شرائط کا اطلاق کردیا ، ایکسپورٹ پالیسی اور پروسیجر آرڈر کے تحت 11 اشیا کو ممنوعہ قرار دیا گیا ہے اور یہ بھی بتایا گیا کہ مسافر کتنی غیرملکی کرنسی لے کر جاسکتا ہے۔

    تفصیلات کے مطابق بیرون و اندرون ملک فضائی سفر کرنے والے ہوشیار ہوجائیں، فضائی سفر کرنے والوں پر ایف بی آر اور کسٹم کی جانب سے سخت شرائط کا اطلاق کردیا گیا۔

    جس کے مطابق 5سال کا بچہ ایک وقت میں ایک ہزار ڈالر یا مساوی اور سال میں 6 ہزارڈالریااس کےمساوی غیرملکی کرنسی لے کر جا سکتا ہے جبکہ 6 سے 18سال کا مسافرایک وقت میں5ہزارڈالر اور سال میں 30ہزار ڈالر لے کر جا سکتا ہے۔

    شرائط میں کہا گیا 18 سال سے زائد عمر کے مسافر10ہزارڈالراور سال میں 60ہزارڈالرلےجاسکتاہے جبکہ ایکسپورٹ پالیسی اور پروسیجر آرڈر کے تحت11 اشیا کو ممنوعہ قرار دیا گیا ہے۔

    جس کے مطابق سونا، چاندی، پلازیم، جواہرات اورسونے کے زیورات لےجانے ، 3ہزار سے زائدپاکستانی کرنسی لے جانے اور نوادرات، آثار قدیمہ اور ممنوعہ اشیا لے جانے پر پابندی عائد ہے۔

    ملکی مفاد کے خلاف لٹریچراورقابل اعتراض مواد ، نقلی، جعلی اشیاء، ٹاکسک کیمیکل یا اجزا لے جانے پر بھی پابندی عائد ہے جبکہ
    اسلحہ،بارودی موادوزارت دفاع کی این اوسی کےعلاوہ ساتھ لے جانے پر پابندی ہے۔

    ایٹمی، کیمیائی یاتابکاری سےمتعلق اشیا اور پالتو کتے، بلیاں سرٹیفیکیٹ کے علاوہ ساتھ لے جانے پر بھی پابندی ہوگی، اس سلسلے میں وزیراعظم کی ہدایت پرجناح انٹرنیشنل ایئرپورٹ پرخصوصی شکایتی سیل بنادیا گیا ہے۔

  • کابینہ کی ذیلی کمیٹی نے نوازشریف کے وکلا سے واپسی کی تاریخ مانگ لی

    کابینہ کی ذیلی کمیٹی نے نوازشریف کے وکلا سے واپسی کی تاریخ مانگ لی

    اسلام آباد : سابق وزیراعظم نواز شریف کا نام ای سی ایل سے نکالنے کے معاملے پر کابینہ کی ذیلی کمیٹی نے نوازشریف کے وکلاسے واپسی کی تاریخ مانگی اور کہا واضح جواب دیں نواز شریف واپس کب آئیں گے، ساڑھے 9بجے نوازشریف کے وکلاجواب دیں گے۔

    تفصیلات کے مطابق سابق وزیراعظم نواز شریف کا نام ای سی ایل سے نکالنے کے معاملے پر وفاقی وزیرقانون بیرسٹر فروغ نسیم کی زیر صدارت کابینہ کی ذیلی کمیٹی کا اجلاس جاری ہے، معاون خصوصی شہزاد اکبر، سیکریٹری داخلہ اعظم سلیمان ، ڈاکٹر عدنان اور عطااللہ تارڑ بھی اجلاس میں شریک ہیں جبکہ اجلاس میں نیب کے 2نمائندے بھی موجود ہیں۔

    ذرائع کا کہنا ہے کہ رپورٹس سیکریٹری صحت پنجاب نے ذیلی کمیٹی میں پیش کی،ایک رپورٹ میں واضح لکھا ہے نواز شریف کوبیرون ملک علاج کی ضرورت ہے ، جس پر کابینہ کی ذیلی کمیٹی نے پراسیکیوٹر نیب کو طلب کر لیا۔

    کمیٹی کا کہنا ہے کہ نیب پراسیکیوٹر نام ای سی ایل سے نکالنے پر واضح مؤقف پیش کریں اور چیئرمین نیب سےواضح ہدایات لے کر آئیں، ذرائع کا کہنا ہے کہ نیب نے جواب میں کہا کہ انسانی بنیاد پر نوازشریف کے بیرون ملک علاج پر اعتراض نہیں، نام ای سی ایل سے نکالنے کاحتمی فیصلہ حکومت خود کرے۔

    ذرائع کے مطابق ذیلی کمیٹی نے نیب کے مؤقف پر تحفظات اور ناپسندیدگی کا اظہار کیا ، کمیٹی ممبران کا کہنا تھا کہ نیب نے درخواست پر واضح مؤقف نہیں اپنایا اور کہا گیا کابینہ ذیلی کمیٹی کا اجلاس ایک گھنٹے بعد دوبارہ شروع ہوگا۔

    نیب حکام تفصیلی ریکارڈ لے کر وزارت قانون پہنچ گئے جبکہ نواز شریف کے وکیل منور دگل اور ڈاکٹر عدنان بھی اجلاس میں شرکت کے لیے پہنچے، اجلاس دوبارہ شروع ہوا تو کابینہ کی ذیلی کمیٹی نے میڈیکل بورڈ سربراہ ڈاکٹرمحمود ایاز سے سوال کیا کیاآپ شریف میڈیکل کمپلیکس کی رپورٹ کو اون کرتے ہیں، جس کے جواب میں ڈاکٹرمحمود ایاز نے کہا میں تھوڑی دیر کے بعد آگاہ کرتا ہوں۔

    ذیلی کمیٹی نے نواز شریف کے وکیل سے قانونی پہلوؤں پر دلائل مانگ لئے ، بیرسٹرمنور اقبال نے کہا نواز شریف کا نام ای سی ایل سے نکالنے پر دلائل دیئے، کمیٹی نے وقفے کے بعدقانونی پہلوؤں پرمطمئن کرنے کو کہا ہے۔

    جس کے بعد کابینہ کی ذیلی کمیٹی کے اجلاس میں رات ساڑھے9 بجے تک وقفہ کردیا گیا۔

    ذرائع کا کہنا ہے کہ ذیلی کمیٹی نےنوازشریف کے وکلاسے واپسی کی تاریخ مانگی، نواز شریف کب واپس آئیں گے ، آگاہ کیا جائے، وکلا سے پوچھا گیا، واضح جواب دیں نواز شریف واپس کب آئیں گے؟ ساڑھے 9بجے نوازشریف کے وکلاجواب دیں گے۔

    دوسری جانب ترجمان نون لیگ مریم اورنگزیب کا کہنا تھا کہ شہباز شریف کے نمائندے آج کابینہ کی ذیلی کمیٹی میں جائیں گے، ڈاکٹر عدنان نواز شریف کی صحت، عدالتی احکامات کی تفصیل بتائیں گے، امید ہے نواز شریف کا نام ای سی ایل سے نکالنے کے امور کو جلد نمٹایا جائے گا، میڈیکل بورڈ نواز شریف  کی  تشویشناک حالت کے پیش نظر بیرون ملک علاج اور ٹیسٹوں کی سفارش کرچکا ہے۔

    مزید پڑھیں : نوازشریف کی بیرونِ ملک ممکنہ روانگی، نیب افسران کے شدید تحفظات

    گذشتہ روز وزارت داخلہ نے نواز شریف کا نام ای سی ایل سے نکالنے کا معاملہ وفاقی کابینہ کو بھیجنے کا فیصلہ کیا تھا، ذرائع کا کہنا تھا کہ معاملہ کابینہ کی ذیلی کمیٹی کو بھجوایا جائے گا، جس کے بعد وزیرقانون کی زیرصدارت کابینہ کی ذیلی کمیٹی کا اجلاس طلب کرلیا گیا تھا۔

    اس سے قبل کہا جارہا تھا کہ نواز شریف کا ایگزیٹ کنٹرول لسٹ سے نام نکالنے کے معاملے پر نیب افسران میں شدید تشویش پائی جاتی ہے، قومی احتساب بیورو کے افسران نے دو ٹوک مؤقف اختیار کیا تھا کہ نوازشریف نے بیرونِ ملک بھیجنا مقصود ہے تو پلی بارگین کے بعد بھیجا جائے، نیب نام نکالنے کے فیصلے کا حصہ نہیں بنے گی۔

    مزید پڑھیں: نیب نے نواز شریف کا نام ای سی ایل سے نکالنے کی ذمہ داری وفاقی حکومت پر ڈال دی

    نیب  نے سابق وزیراعظم نواز شریف کا نام ای سی ایل سے نکالنے کی ذمہ داری وفاقی حکومت پر ڈال دی تھی  اور کہا تھا کہ وفاقی حکومت مجاز اتھارٹی ہے۔

    واضح رہے حکومت کی جانب سے سابق وزیراعظم نواز شریف کا نام ای سی ایل سے ہٹانے کا فیصلہ کرلیا گیا تھا ، ذرائع کا کہنا تھا کہ نوازشریف کا نام 48سے 72گھنٹوں میں ای سی ایل سے نکال دیا جائے گا، نواز شریف کو ایئر ایمبولینس میں بیرون ملک لے جایا جاسکتا ہے۔

    بعد ازاں وزیراعظم عمران خان نے پارٹی رہنماؤں کے اجلاس میں کہا تھا کہ نوازشریف کے ای سی ایل کا معاملہ نیب کے پاس ہے، نیب کی سفارش پر نواز شریف کا نام ای سی ایل میں ڈالا گیا تھا اور نیب کی سفارش پر ہی ان کا نام ای سی ایل سے نکالا جائے گا۔

  • اب بیرون ملک سے لائے گئے ایک موبائل فون پر بھی ٹیکس دینا ہوگا، کسٹم حکام

    اب بیرون ملک سے لائے گئے ایک موبائل فون پر بھی ٹیکس دینا ہوگا، کسٹم حکام

    اسلام آباد: کسٹم حکام کا کہنا ہے کہ فنانس بل کے بعد اب بیرون ملک سے لائے گئے ایک موبائل پر بھی ٹیکس دیناہوگا ، کوئی بھی موبائل اب ڈیوٹی فری ملک میں نہیں آسکتا۔

    تفصیلات کے مطابق سینیٹ قائمہ کمیٹی انفارمیشن ٹیکنالوجی کا اجلاس روبینہ خالدکی زیرصدارت ہوا، قائمہ کمیٹیوں کےاجلاس قومی اسمبلی اجلاس سے مشروط کرنے پر تحفظات کا اظہار کیا گیا۔

    ایف آئی اے حکام نے سائبرکرائمز سےمتعلق کمیٹی کو بریفنگ دیتے ہوئے کہا عوامی مقامات پر فحاشی کا انسداد ہمارا مینڈیٹ نہیں ہے، مسافروں کے ڈیٹا چوری میں ملوث 10 افراد کو گرفتار کیا۔

    حکام نے بتایا کہ پی ٹی اے نے مسافروں کے لئے ڈربز نظام بنایا تھا، پی ٹی اے کی ویب سائٹ پر مسافر 60 روز میں موبائل رجسٹر کرسکتا ہے، جرائم پیشہ افراد نے مختلف طریقوں سے ڈیٹا چوری کیا۔

    ڈائریکٹر ایف آئی اے نے اجلاس کوبتایا کہ ایف ائی اے کے اپنے لوگوں نے اسمگلرز کیساتھ ڈیٹا شئیر کیا، ایف ائی اے کے 3 ملازمین کو حراست میں لیا گیا ایک کی ضمانت ہوگئی ، لاہور میں 5 لوگوں گرفتار کیا جو موبائل رجسٹر کرتے تھے، کئی شکایات آئیں کہ ان کے ڈیٹا پر پہلے ہی موبائل رجسٹر ہوگیا ہے، پی ٹی اے نے اب تک 15 شکایات ہمیں دی ہیں۔

    سینیٹر روبینہ خالد نے کہا فون لانےوالی کی رجسٹریشن سہولت نہیں رکاوٹ ہے، سسٹم نےلوگوں کی زندگی عذاب کی ہوئی ہے جبکہ سینیٹر رحمان ملک کا کہنا تھا موبائل رجسٹریشن کے سسٹم کومعطل کیا جائے، اوورسیزپاکستانی اب ایک خوف کا شکار ہوگئے ہیں۔

    کسٹم حکام نے بتایا فنانس بل کےبعداب ایک موبائل پربھی ٹیکس دیناہوگا ، چاہےآپ چندگھنٹےکےلئے بیرون ملک جائیں واپسی پرٹیکس دینا ہوگا، کوئی بھی موبائل اب ڈیوٹی فری ملک میں نہیں آسکتا،  60دن تک ملک میں موبائل فری چلایا جاسکتا ہے، 60 دن کے بعد موبائل رجسٹر کرانا ہوگا، موبائل رجسٹرنہیں کرایا جاتا تو خود بخود بند ہوجائےگا۔