Tag: بیلا روس کے صدر

اسلام آباد : بیلا روس کے صدر الیگزینڈر لوکاشینکو آج پاکستان پہنچ رہے ہیں بیلاروس کا 75 رکنی وفد گذشتہ روز اسلام آباد پہنچا تھا۔

تفصیلات کے مطابق پاکستان میں غیرملکی سرمایہ کاری کے نئے دور کا آغاز ہونے جارہا ہے۔

بیلا روس کے صدر الیگزینڈر لوکاشینکو آج پاکستان پہنچیں گے، الیگزینڈر لوکاشینکو وزیراعظم شہباز شریف کی دعوت پرپاکستان آرہے ہیں۔

ذرائع کا کہنا ہے معززمہمانوں کی صدرپاکستان، وزیراعظم اورمسلح افواج کے سربراہ جنرل عاصم منیر سے بھی ملاقات متوقع ہے۔

پاکستان بیلاروس ٹریڈ روڈ میپ سمیت زراعت تجارت صعنت اوردوا سازی کے شعبوں میں چارمفاہمتی یادداشتوں پربھی دستخط کیے جائیں گے۔

یاد رہے گذشتہ روز بیلا روس کا اڑسٹھ رکنی وفد پاکستان پہنچا تھا ، جہاں وزیرداخلہ محسن نقوی نے وفد کا استقبال کیا تھا۔

مزید پڑھیں : بیلاروس کا 68 رکنی اعلیٰ سطح کا وفد اسلام آباد پہنچ گیا

وفد میں وزیرخارجہ کےعلاوہ توانائی،صنعت، مواصلات، قدرتی وسائل،ہنگامی حالات اورعدل وانصاف کےوزرا شامل ہیں جبکہ ملٹری انڈسٹری کمیٹی کےچیئرمین اور تینتالیس بڑی کاروباری شخصیات بھی وفد کاحصہ ہیں۔ .

وزیرداخلہ محسن نقوی سے بیلا روس کے وزیرخارجہ اور وزیر توانائی کی ملاقات ہوئی تھی۔

محسن نقوی نے کہا تھا کہ بیلاروس کے صدر کا دورہ تعلقات کو مزید مضبوط بنانے میں اہم کردار ادا کرے گا، پاکستان بیلاروس کے ساتھ تعلقات کو قدر کی نگاہ سے دیکھتا ہے۔