Tag: بیلجیئم

برسلز: بیلجیئم میں لیبرقوانین میں ترمیم،اجرتوں میں کمی،اورریٹائرمنٹ کی عمر میں اضافے کی تجاویز کےخلاف دارلحکومت برسلز میں احتجاجی ریلی نکالی گئی.

تفصیلات کے مطابق بیلیجیئم کے دارالحکومت برسلز میں بجٹ تجاویزکےخلاف احتجاج کےلیےدس ہزار سے زائد افراد برسلز کے مرکزی علاقے میں جمع ہوئےاور وزیر اعظم چارلس مائیکل کے قدامت پسند حکومت بجٹ تجاویز کے خلاف مارچ کیا.

مظاہرین میں اساتذہ اور پولیس اہلکاروں سمیت سرکاری ملازمین کی بڑی تعداد شامل تھی،مظاہرین نےبجٹ تجاویز کےخلاف چوبیس گھنٹےکی ہڑتال کا اعلان بھی کیا.

مظاہرین کاکہنا تھا کہ لیبر قوانین میں مجوزہ تبدیلیوں کے نتیجے میں ریٹائرمنٹ کےبعدوہ خالی ہاتھ ہوں گے.

مظاہرین میں شامل پنشنرز کاکہنا تھا کہ پنشن میں پانچ سو یورو تک کمی پرغور کیا جارہا ہے جس کوکسی صورت قبول نہیں کیاجائےگا.

یاد رہے اس سے قبل گذشتہ دنوں فرانس کے دارالحکومت پیرس میں بھی صنعتی کارکنوں کی جانب سے احتجاج کیا گیا تھا.

ماسکو: روس نےنیٹوکی جانب سےیورپ کی مشرقی سرحدوں پرفوج کی بڑی تعداد میں تعیناتی کےفیصلےکواشتعال انگیزی قراردیدیا۔

تفصیلات کے مطابق برسلز میں نیٹو کےہیڈ کوارٹر میں رکن ممالک کے وزرائے خارجہ کی جانب سے روس کےبڑھتے ہوئے خطرے سے نمٹنے کیلئے حکمت عملی پرغور کیا گیا.

نیٹو کی جانب سے جمعرات کے روز مونٹی نیگروکواتحاد میں شمولیت کی دعوت دی تھی،برسلز میں اجلاس کےدوران نیٹو نے فیصلہ کیاتھاکہ روس کےبڑھتےہوئےخطرےسےنمٹنےکیلئے پولینڈ اوربالٹک خطےمیں چار ہزار فوجی تعینات کیےجائیں گے۔

کریملن نےنیٹوکےاقدامات کومنفی عمل قراردیاہے،رواں سال جولائی میں اجلاس سے قبل نیٹونےروس سےمذاکرات کااعلان کیاتھا.

روس نےنیٹوکےاعلان پربرہمی ظاہرکرتےہوئےکہاہےکہ نیٹوکواعلان سےقبل ماسکوسےمشاورت کرنی چاہیےتھی۔

واضح رہے کہ جمعرات کو بیلجیئم کے دارلحکومت برسلز میں نیٹو سیکرٹری جنرل کا کہنا تھا کہ اجلاس میں روس کے ساتھ بات چیت کا دروازہ کھلا رکھنے کے ساتھ ساتھ طاقت کے توازن کو برقراررکھنے کیلئے حکمت عملی پر غور کیا گیا تھا.