لاہور: سابق وزیراعظم نواز شریف کی جیل میں قید کے دوران طبیعت ناساز ہوگئی، ڈاکٹر نےمکمل آرام کی ہدایت کردی ہے، وہ العزیزیہ ریفرنس میں کوٹ لکھپت جیل میں سزا کاٹ رہے ہیں۔

تفصیلات کے مطابق آج صبح کوٹ لکھپت جیل میں ناشتے کے بعد ناسازی طبع کی شکایت پر نواز شریف کا طبی معائنہ کیا گیا، معائنے کے نتیجے میں ان کے گلے میں انفیکشن کی شکایت پائی گئی ہے۔

ذرائع کا کہنا ہے کہ سا بق وزیر اعظم نواز شریف کے سر میں درد اور معمولی بخار کی شکایت تھی، صبح انہوں نے اپنے گھر سے آیا ہوا ناشتہ تناول کیا تھا۔

طبی معائنے میں نواز شریف کا بلڈ پریشر بالکل ٹھیک پایا گیا اور ان کے قلب کی کارکردگی بھی معمول کے مطابق تھی۔ یاد رہے کہ سابق وزیراعظم اور العزیزیہ ریفرنس میں سزا یافتہ نواز شریف عارضہ قلب کے مریض ہیں اور لند ن میں کچھ عرصہ زیرِ علاج بھی رہے ہیں۔

معائنے کے بعد نوازشریف کومکمل آرام اورپرہیزکی ہدایات دی گئیں ہیں۔ خیال رہے کہ نواز شریف قید با مشقت کاٹ رہے ہیں ، اور جیل حکام کی جانب سے انہیں محض ان کے وارڈ کی صفائی کی مشقت پر معمور کیا گیاہے۔

نواز شریف کو العزیزیہ ریفرنس میں احتساب عدالت نے سات سال قید اور ساڑھے تین ارب روپے جرمانے کی سزا سنائی ہے، انہیں ان کی درخواست پر اڈیالہ کے بجائے کوٹ لکھپت جیل منتقل کیا گیا تھا جہاں انہیں اہل ِ خانہ سےملاقات اور گھر کے کھانے کی سہولت میسر ہے۔ اس کے علاوہ انہیں جیل میں بنیادی سہولیات بھی میسر ہیں جن میں بمیز، 3 کرسیاں، گدا، اخبار اور دیگر ضروری چیزیں شامل ہیں۔

سابق وزیر اعظم نے العزیزیہ ریفرنس میں اپنی سزا کے خلاف اپیل دائر کی ہے جس پر عدالت کی جانب سے ان کی درخواست کو سماعت کے لیے دس روز میں مقرر کرنے کا حکم صادر کیا گیا ہے۔

کراچی : معروف سرجن ڈاکٹر ادیب رضوی کی طبیعت کافی بہتر ہوگئی ہے اور انہیں دو سے تین دن میں اسپتال سے گھر منتقل کردیا جائے گا۔

تفصیلات کے سینے کے انفیکشن اور انفوئنزا کے مرض مبتلا ڈاکٹر ادیب رضوی کو چند روز قبل اسپتال میں داخل کرایا گیا تھا جہاں وہ انتہائی انحصاری یونٹ (high dependency unit) کے وارڈ میں زیر علاج تھے۔

پاکستان میں اعضاء کی ٹرانسپلانٹ کے بانی ڈاکٹر ادیب رضوی اب تیزی سے روبہ صحت ہیں اور ان کے معالجین کا کہنا ہے کہ تشویش یا پریشانی کوئی بات نہیں ہے اور دو سے تین دن میں انہیں اسپتال سے رخصت دے دی جائے گی۔

یاد رہے ڈاکٹر ادیب رضوی کی علالت کی خبر سے اُن کے چاہنے والوں میں غم اور تشویش کی لہر دوڑا دی دی تھی اور ان کی خیریت دریافت کرنے کے لیے لوگوں کی بری تعداد ایس آئی یو ٹی پہنچ گئے تھے جہاں وہ آج کل زیر علاج بھی ہیں۔

یاد رہے ڈاکٹر ادیب رضوی سندھ انسٹیٹوٹ آف یورولوجی اینڈ ٹرانسپلانٹ کے بانی ہے جہاں گردوں کے مریضوں کا مفت علاج کیا جاتا ہے اور گردے و جگر کی مفت پیوند کاری کی جاتی ہے۔

اپنے اس کار خیر اور سماجی کاموں کے باعث وہ پاکستان میں ہر دلعزیز شخصیت ہیں جب کہ اپنی فیلڈ میں مہارت اور بہترین کارکردگی کے باعث وہ عالمی شہرت بھی رکھتے ہیں۔