اسلام آباد : سال نو پر خواتین کے لئے بڑا اعلان کردیا گیا ، جنوری 2025 سے خواتین کو 10500 کے بجائے 13500 روپے ملیں گے۔
تفصیلات کے مطابق چیئرپرسن بینظیر انکم سپورٹ پروگرام سینیٹر روبینہ خالد نے سال نو پر مستحق خواتین کیلئے بڑا اعلان کردیا۔
سینیٹر روبینہ خالد نے کہا جنوری 2025 سے بینظیر کفالت سہہ ماہی قسط کی رقم کو 10500 سے بڑھا کر 13500 روپے کردی گئی۔
ان کا کہنا تھا کہ یہ سال ہم بینظیر ہنر مند پروگرام کیلئے وقف کررہے ہیں، بینظیر ہنر مند پروگرام کے ذریعے مستحق افراد خود اپنا روزگار کما کر اپنے پاؤں پر کھڑے ہو سکیں گے۔
انھوں نے بتایا کہ رواں سال بھی ایمانداری کیساتھ پسماندہ طبقات کی خدمت کا کام جاری رکھیں گے۔
سینیٹر روبینہ نے بی آئی ایس پی کی جانب سے پاکستان کے تمام لوگوں کو سال نو 2025 کی مبارکباد دی اور سیکرٹری عامر علی احمد اور عملے کے ہمراہ نئے سال کا کیک کاٹا۔
