Tag: بینکاک

حکومت کا کہنا ہے کہ حزب اختلاف کے بائیکاٹ اور الیکشن کمیشن کی درخواست کے باوجود ملک میں انتخابات دو فروری کو ہی ہوں گے۔.

وزیراعظم ینگ لک شیناواترا اور کابینہ کے اراکین کے جاری ایک اجلاس کے مطابق تھائی لینڈ حکومت نے ملک میں ہونے والے انتخابات ملتوی ہونے کے امکانات کو رد کرتے ہوئے کہا ہے کہ انتخابات دو فروری کو ہی ہونگے اور انتخابات ملتوی کرنے کا اختیار ان کے پاس نہیں ہے۔

دوسری طرف حزب اختلاف کے رہنماؤں نے اجلاس میں شرکت سے انکارکردیا تھا، دارالحکومت بینکاک میں جاری حکومت مخالف مظاہروں کی وجہ سے ملک میں سیاسی بحران میں مزید اضافہ ہوا ہے۔

اس سے قبل مظاہرین نے وزیراعظم ینگ لک شیناواترا کو اقتدار سے علیحدہ کرنے کے لئے بینکاک کو مفلوج کرنے کی دھمکی دی تھی، مظاہروں کو مزید تیزکرنے کو کہا تھا، جس کے باعث بینکاک کی سڑکوں پر ٹریفک میں کمی دیکھی جارہی ہے، مظاہرین نے متعدد اہم چوراہوں کو بند کر رکھا ہے۔

تھائی لینڈ میں اس ملک کے عوام کا حکومت کے خلاف مارچ شروع ہوگيا، شرکاء نے بنکاک کی اہم تنصیبات کا رخ کرلیا۔

ہفتوں سے ڈیرہ جمائے رکھے مظاہرین نے اس ملک کے دارالحکومت بینکاک میں شہر کی اہم شاہراہیں بلاک کر دیں، جس سے شہریوں کو شدید دشواری کا سامنا کرنا پڑا۔

مظاہرین کی قیادت حزب اختلاف کے سابق رہنما تھوگ سوبن ستھپ کر رہے ہیں، جنکا کہنا تھا کہ بغاوت کے لئے فوج کو آنے کی ضرورت نہیں پڑے گی یہ کام وہ خود ہی کرلیں گے۔

شہری انتظامیہ نے ایک سو چالیس اسکولوں اور احتجاج کی جگہ سے نزدیکی جامعات کو بھی بند رکھنے کی ہدایات دی ہیں، یاد رہے کہ کئی ہفتوں سے جاری حکومت مخالف مظاہروں میں اب تک دو پولیس افسر سمیت آٹھ افراد ہلاک اور متعدد دیگر زخمی ہوچکے ہیں۔