Tag: بینک آف پنجاب

  • پشاور میں بینک آف پنجاب کی کیش وین لوٹنے والے 3 ملزمان گرفتار

    پشاور میں بینک آف پنجاب کی کیش وین لوٹنے والے 3 ملزمان گرفتار

    پشاور: بینک آف پنجاب کی کیش وین لوٹنے والے 3 ملزمان گرفتار کرلیا گیا ، گذشتہ روز 4 مسلح افراد نے کیش وین سے 3 کروڑ لوٹے تھے۔

    تفصیلات کے مطابق پشاور میں پولیس نے بینک آف پنجاب کی کیش وین لوٹنے والے تین ملزمان کو گرفتار کرلیا ، ملزمان سے تفتیش جاری ہے۔

    یاد رہے گذشتہ روز ڈاکوؤں نے جی ٹی روڈ پشاور پر بینک آف پنجاب کی کیش وین کو روک تین کروڑ لوٹ لیے تھے۔

    مزید پڑھیں : پشاور میں بینک آف پنجاب کی کیش وین سے ڈاکوؤں نے بڑی رقم لوٹ لی

    ایس ایس پی آپریشنز نے انکشاف کیا تھا کیش سپلائی والی گاڑی نے ایس او پی پر عمل نہیں کیا تاہم مختلف مقامات کی سی سی ٹی وی فوٹیجز حاصل کی گئی ہیں، ملزمان کی تعداد 4 تھی، جو 2 موٹر سائیکلوں پر آئے تھے۔

    ذرائع کا کہنا تھا کہ بینک کی گاڑی میں مزید کیش بھی موجود ہے، اور بینک کا عملہ آ کر انھیں گنے گا تب درست طور پر اندازہ ہوگا کہ کتنی رقم لوٹی گئی ہے۔

  • پشاور میں بینک آف پنجاب کی کیش وین سے ڈاکوؤں نے بڑی رقم لوٹ لی

    پشاور میں بینک آف پنجاب کی کیش وین سے ڈاکوؤں نے بڑی رقم لوٹ لی

    پشاور: ڈاکوؤں نے جی ٹی روڈ پشاور پر بینک آف پنجاب کی کیش وین کو روک کر لوٹ لیا۔

    تفصیلات کے مطابق پشاور کے علاقے ہشنگری میں بینک آف پنجاب کی کیش وین کو لوٹ لیا گیا ہے، بینک کی برانچ سے کیش کی گاڑی جب روانہ ہوئی تو جی ٹی روڈ پر 3 مسلح ڈاکوؤں نے اسے روک لیا اور اس میں سے کیش نکال کر کیری ڈبے میں منتقل کر دیا۔

    ایس ایس پی آپریشنز نے انکشاف کیا ہے کہ کیش سپلائی والی گاڑی نے ایس او پی پر عمل نہیں کیا، اور ابتدائی طور پر 3 کروڑ روپے سے زائد کی رقم لوٹی گئی ہے، مختلف مقامات کی سی سی ٹی وی فوٹیجز حاصل کی گئی ہیں، ملزمان کی تعداد 4 تھی، 2 موٹر سائیکلوں پر آئے تھے۔


    کےپی میں پولیسنگ بلوچستان جتنی مشکل، تنخواہیں بڑھائی جائیں، آئی جی کا وزیراعلیٰ کو خط


    ذرائع کا کہنا ہے کہ بینک کی گاڑی میں مزید کیش بھی موجود ہے، اور بینک کا عملہ آ کر انھیں گنے گا تب درست طور پر اندازہ ہوگا کہ کتنی رقم لوٹی گئی ہے۔

    نشتر آباد پر بینک آف پنجاب کی مین برانچ سے بینک کی کیش گاڑی مختلف برانچوں کو رقم پہنچا رہی تھی۔

  • آسان شرائط پر  30 ارب روپے کا قرضہ : درخواست گزاروں کیلئے بڑی خبر

    آسان شرائط پر 30 ارب روپے کا قرضہ : درخواست گزاروں کیلئے بڑی خبر

    لاہور : بینک آف پنجاب روزگار اسکیم کے تحت 30ارب روپے کامیاب درخواست گزاروں کو آسان شرائط پر فراہم کرے گا، جس سے 20سے 50سال تک کے مرد حضرات، خواتین،خصوصی افراد اورخواجہ سراء مستفید ہوسکیں گے۔

    تفصیلات کے مطابق 30 ارب روپے کی پنجاب روزگار اسکیم کیلئے پنجاب سمال انڈسٹریز کارپوریشن اوربینک آف پنجاب میں معاہدہ طے پاگیا، وزیراعلیٰ آفس میں معاہدے پر پنجاب سمال انڈسٹریز کارپوریشن کے ایم ڈی جمیل احمد جمیل اوربینک آف پنجاب کے صدر ظفر مسعود نے دستخط کیے۔

    تقریب میں وزیراعلیٰ پنجاب عثمان بزدارتقریب کےمہمان خصوصی تھے ، معاہدے کے تحت بینک آف پنجاب 30ارب روپے کامیاب درخواست گزاروں کوآسان شرائط پر فراہم کرے گا۔

    اس موقع پر وزیراعلی پنجاب عثمان بزدارنے کہا کہ پنجاب کی تاریخ کی یہ سب سےبڑی روزگاراسکیم ہے، اس سکیم کے تحت قرضے آسان شرائط پر دیئے جائیں گے ، جس سے کورونا وائر س کے دوران معاشی طورپر مشکلات کا سامنا کرنے والے تاجروں اورکاروباری حضرات اپنے بزنس کو بحال کر سکیں گے اور آگے بڑھائیں گے۔

    عثمان بزدار کا کہنا تھا کہ روزگاراسکیم کے ذریعے 16لاکھ سےزائد لوگوں کو روزگارملےگا اور لاکھوں نوجوان معاشی طور پر خود مختارہوں گے ، قرضہ واپسی کی شرائط بھی آسان اورقابل قبول ہوں گی جبکہ 20سے 50سال تک کے مرد حضرات، خواتین،خصوصی افراد اورخواجہ سراء مستفید ہوسکیں گے –

    وزیراعلی عثمان بزدار نے مزید کہا کہ ٹیکسٹائل کے 26سب سیکٹرز سمیت23مختلف شعبوں کے 339سب سیکٹرزکیلئے کاروبار،تجارت اورمینوفیکچرنگ کے لئے چھوٹے قرضے دیئے جائیں گے، ان قرضوں سے خاص طورپر کاٹیج انڈسٹری کوفروغ ملے گا۔

  • بینک آف پنجاب کی سربراہی کس کو ملے گی، پی ٹی آئی اور ق لیگ میں رسہ کشی

    بینک آف پنجاب کی سربراہی کس کو ملے گی، پی ٹی آئی اور ق لیگ میں رسہ کشی

    لاہور : چئیرمین بینک آف پنجاب کی تعیناتی کے معاملہ پر پی ٹی آئی اور ق لیگ میں رسہ کشی کے باعث بیورو کریسی کو مشکل میں پڑگئی۔

    تفصیلات کے مطابق چیئرمین بینک آف پنجاب کی تعیناتی کے معاملہ پر پی ٹی آئی اور ق لیگ اپنے اپنے امیدوار کیلئے سرگرم ہیں دونوں جماعتوں میں سے کون اپنے امیداور کو چئیرمین بناسکے گا۔

    اس سلسلے میں رسہ کشی جاری ہے۔ جوس کی وجہ سے بیورو کریسی کی مشکلات میں اضافہ ہوگیا ہے، وزیر اعلی پنجاب اپنے امیدوارکو چئیرمین کی کرسی پر بٹھانے کے خواہش مند ہیں تو دوسری جانب ق لیگ اپنے امیدوارکے نام پر بضد ہے۔

    اس حوالے سے ذرائع کا کہنا ہے کہ بینک آف پنجاب کےچیئرمین کی تعیناتی کے لیے کمیٹی نے آٹھ امیدواروں کےانٹرویوز کیے، وزیراعلیٰ آفس سے ساتویں نمبر کے امیدوار کو پہلے نمبر پر لانے کیلئے دباؤ کا انکشاف ہوا ہے جبکہ مسلم لیگ ق آٹھویں پوزیشن کے امیدوارکو چئیرمین بنانے کے لیے بضد ہے۔

    تعیناتی کمیٹی وزیراعلیٰ کے پسندیدہ امیدوار کو بی کیٹگری کا امیدوارقرار دے چکی ہے چوتھی پوزیشنز کے امیدوار نامعلوم وجوہات کے باعث چیئرمین شپ کی دوڑ سے الگ ہوگئے ہیں۔

    وزیراعلیٰ آفس کی خواہش پوری نہ ہونے پر وزیر قانون پنجاب کی زیرصدارت نئی کمیٹی نے پانچویں سے آٹھویں نمبر کے امیدواروں کو طلب کرلیا۔ ذرائع کا کہنا ہے کہ سیاسی رسہ کشی کی وجہ سے سیکریٹری خزانہ اوربیوروکریٹس کی جانب سے کمیٹی سے الگ ہونے کی اطلاعات ہیں۔

  • بینک آف پنجاب کے صدر نے اپنے عہدے سے استعفی دے دیا

    بینک آف پنجاب کے صدر نے اپنے عہدے سے استعفی دے دیا

    لاہور: بینک آف پنجاب کے صدر نعیم الدین خان نے اپنے عہدے سے استعفی دے دیا اور کہا ان پر کوئی دباؤ نہیں تھا، استعفٰی ذاتی وجوہات کی بنا پر دیا ہے۔

    تفصیلات کے مطابق بینک آف پنجاب کے صدر نعیم الدین خان اپنے عہدے سے مستعفی ہوگئے ہیں، نعیم الدین خان نے کہا دس سال بینک کی بڑی خدمت کر لی، اب کسی نوجوان بینکر کو سربراہ لگانا چاہیئے۔

    نعیم الدین خان کا کہنا تھا کہ جب انہوں نے ذمہ داری سنبھالی تھی، اس وقت بنک سترہ ارب روپے سالانہ خسارے میں تھا، آج جاتے ہوئے بینک کو ساڑھے بارہ ارب روپے سالانہ منافع بخش بنا دیا ہے۔

    انہوں نے مزید کہا کہ ان پر مستعفی ہونے کیلئے کسی قسم کا دباؤ نہیں تھا، دس سالہ مدت پوری کر لی تھی، ساٹھ ارب روپے کے ڈیفالٹرز کیسز نیب اور کورٹ میں ہیں، یہ رقم جلد بینک کو مل جائے گی۔