Tag: بین اسٹوکس

انگلینڈ کرکٹ ٹیم کے کپتان بین اسٹوکس جو انجری کے باعث طویل عرصہ سے کھیل سے دور ہیں بھارت کیخلاف سیریز سے قبل بڑا اعلان کر دیا ہے۔

انگلش کرکٹ ٹیم کے کپتان اور مایہ ناز آل راؤنڈر بین اسٹوکس جو انجری کے باعث طویل عرصہ سے کرکٹ کے میدانوں سے دور ہیں۔ وہ رواں ماہ زمبابوے کے خلاف واحد ٹیسٹ میچ میں ٹیم کی قیادت کریں گے۔

بین اسٹونکس نے آئے روز کی انجریز سے پریشان ہو کر مکمل فٹنس حاصل کرنے کے لیے منشیات چھوڑنے کا اعلان کیا ہے۔

ایک کرکٹ ویب سائٹ کے مطابق ایک پوڈکاسٹ میں بین اسٹوکس نے انکشاف کیا ہے کہ بہت زیادہ مے نوشی سے ان کی فٹنس متاثر ہو رہی تھی۔ اس لیے مکمل فٹنس کے حصول کے لیے انہوں نے شراب نوشی ترک کر دی ہے۔

انگلش کپتان نے بتایا کہ انہوں نے 2 جنوری 2025 کے بعد سے شراب کو منہ نہیں لگایا کیونکہ وہ آنے والے مصروف کرکٹ سیزن کے لیے اپنی صحتیابی اور جسمانی فٹنس کو ترجیح دیتے ہیں۔

انگلینڈ اگلے ماہ جون میں بھارت کی پانچ ٹیسٹ میچوں کی سیریز کے لیے میزبانی کرے گا اور یہ آئی سی سی ٹیسٹ چیمپئن شپ سائیکل 27-2025 کا آغاز ہوگا۔ اس سے قبل انگلش ٹیم زمبابوے کے خلاف ایک ٹیسٹ میچ کھیلے گی۔

واضح رہے کہ بین اسٹوکس وہ پچھلے سال دی ہنڈریڈ کے دوران انجری کا شکار ہوئے تھے جب کہ گزشتہ دسمبر میں انہیں ہمیسٹرنگ انجری ہوئی جس کے باعث وہ پاکستان کے خلاف مکمل سیریز نہ کھیل سکے جب کہ سری لنکا کے خلاف سیریز سے ہی باہر ہو گئے تھے۔

بین اسٹوکس جو ماضی میں مہ نوشی کرتے رہے ہیں۔ 2017 میں وہ برسٹل کے ایک بار (BAR) میں جھگڑا کرنے پر معطل بھی ہوئے تھے۔

سلو اوور ریٹ جرمانے پر انگلش ٹیم کے کپتان بین اسٹوکس اور آئی سی سی میں ٹھن گئی۔

کرائسٹ چرچ ٹیسٹ میں سلو اوور ریٹ پر آئی سی سی نے انگلینڈ کے ہر کھلاڑی پر 2 ہزار پاؤنڈ جرمانہ عائد کیا اور ورلڈ ٹیسٹ چیمپئن شپ کے تین پوائنٹس بھی کاٹ لیے۔

آئی سی سی کے اس اقدام پر انگلش کپتان بین اسٹوکس کا سخت ردعمل آیا اور انہوں نے جرمانے کے خط پر دستخط کرنے سے انکار کردیا۔

بین اسٹوکس کا کہنا ہے کہ 10 گھنٹے پہلے ختم ہونے والے ٹیسٹ میں کس بات کا جرمانہ بنتا ہے۔

واضح رہے کہ نیوزی لینڈ اور انگلینڈ کے درمیان ہونے والے کرائسٹ چرچ ٹیسٹ میں دونوں ٹیموں پر سلو اوور ریٹ پر جرمانہ عائد کیا گیا تھا۔

 آئی سی سی اعلامیے کے مطابق نیوزی لینڈ اور انگلینڈ کی ٹیموں پر میچ فیس کا 15، 15 فیصد جرمانہ عائد کیا گیا۔

آئی سی سی میچ ریفری ڈیوڈ بون نے ٹیموں پر جرمانہ عائد کیا تھا اور بتایا تھا کہ انگلینڈ اور نیوزی لینڈ نے مقررہ وقت میں 3، 3 اوورز کم کروائے۔

یاد رہے کہ نیوزی لینڈ اور انگلینڈ کے درمیان تین ٹیسٹ میچوں کی سیریز کا دوسرا میچ 6 سے 10 دسمبر تک بیسن ریزرو، ویلنگٹن کے مقام پر کھیلا جائے گا ۔ انگلینڈ کی ٹیم کو میزبان نیوزی لینڈ کے خلاف تین ٹیسٹ میچوں کی سیریز میں 0-1 کی برتری حاصل ہے۔

انگلینڈ نے کیوی ٹیم کو پہلے ٹیسٹ میچ میں 8 وکٹوں سے شکست دی تھی۔

تین ٹیسٹ میچوں کی سیریز آئی سی سی ورلڈ ٹیسٹ چیمپئن شپ کا حصہ ہے، دونوں ٹیموں کے درمیان تین میچوں کی سیریز کا تیسرا اور آخری ٹیسٹ میچ 14 سے 18 دسمبر تک سڈن پارک، ہملٹن میں کھیلا جائے گا۔

انگلش ٹیم بھارت کے خلاف لگاتار تیسرا ٹیسٹ ہار گئی جس کے بعد کپتان بین اسٹوکس پر تنقید کے نشتر چلائے جارہے ہیں۔

رانچی میں ہونے والے مقابلے میں انگلینڈ کو بھارت کے خلاف مسلسل تیسری شکست کا سامنا کرنا پڑا تھا۔ تیسرے اور چوتھے ٹیسٹ میں جیت کا موقع ہاتھ آنے کے باوجود مہمان ٹیم نے اسے گنوا دیا اور ان کی بیٹنگ لائن بری طرح فلاپ ہوئی تھی۔

ٹیم کی کارکردگی سے بظاہر پریشان اسٹوکس نے چوتھا میچ ہارنے کے بعد پریس کانفرنس کے دوران اپنی ٹیم کی کوششوں کا دفاع کیا تھا۔ انھوں نے انگلینڈ کی جارحانہ باز بال کرکٹ پر بھی گفتگو کی تھی۔

بین اسٹوکا کا کہنا تھا کہ جارحانہ پن کیا ہے اور اسے میدان میں کس طرح ظاہر کیا جاتا ہے۔ ہر کوئی اپنے بہترین ارادوں کے ساتھ میدان میں اترتا ہے۔ تاہم جب درست نتیجہ نہیں نکلتا تو لوگ کہتے ہیں کہ ہم میں جارحانہ پن نہیں ہے۔

انھوں نے کہا کہ ہم میدان میں وہی کرنے کی کوشش کرتے ہیں جو ہمارے خیال میں میچ جیتنے کا بہترین طریقہ ہوتا ہے۔ جب لوگ کہتے ہیں کہ ہم کافی جارحانہ نہیں ہیں تو یہ مناسب تبصرہ نہیں ہے۔

سیریز میں شکست کے باوجود اسٹوکس آئندہ کے لیے پُرامید ہیں، انھوں نے کہا کہ ہم ہر میچ جیتنا چاہتے ہیں اور ہر سیریز جیتنا چاہتے ہیں۔ یہ پہلی سیریز میں ہمیں شکست ہوئی ہے۔

تاہم ابھی آگے ہمیں بہت سی سیریز کھیلنی ہے۔ ہارنے والی ٹیم کا حصہ ہونا ہمیشہ مایوس کن ہوتا ہے۔ کرکٹ میں ہمیشہ آپ کو مہارت دکھانا ہوتی ہے۔

انگلینڈ کرکٹ ٹیم کے کپتان بین اسٹوکس نے بڑی مشکل حل ہونے پر بھارتی کرکٹ بورڈ کا شکریہ ادا کیا ہے۔

برطانوی لیگ اسپنر ریحان احمد کے ویزے کا مسئلہ بالآخر 14 فروری کو راجکوٹ میں شروع ہونے والے تیسرے ٹیسٹ سے قبل حل ہو گیا ہے۔ بھارتی حکومت اور بورڈ آف کنٹرول فار کرکٹ ان انڈیا کی مداخلت کے بعد یہ مسئلہ حل ہو گیا۔

پاکستانی نژاد اسپنر کے ویزے کا مسئلہ فوری طور پر حل ہونے کے بعد انگلینڈ کے کپتان بین اسٹوکس نے معاملے کو جلد حل کرنے پر بی سی سی آئی اور بھارتی حکومت کا شکریہ ادا کیا۔

بین اسٹوکس نے کہا کہ کسی بھی شخص کے لیے اس طرح کا انتظار ہمیشہ پریشان کن ہوتا ہے لیکن شکر ہے کہ ہم نے آج صبح ہی اس مسئلے کو حل کرلیا ہے۔

ایئرپورٹ اسٹاف نے انھیں ویزا دینے کے حوالے سے بروقت اچھا کام کیا جبکہ بی سی سی آئی اور حکومت کی جانب سے جلد ویزا جاری کرنے کے اقدامات کیے گئے۔

انگلش کپتان نے کہا کہ اب ہمیں ان مسائل کے بارے میں مزید پریشان ہونے کی ضرورت نہیں ہے، ہمیں یقین تھا کہ ٹیسٹ شروع ہونے سے قبل ریحان کو ویزا مل جائے گا۔

قابل ذکر بات یہ ہے کہ 19 سالہ نوجوان اسپنر کو ابوظہبی میں انگلینڈ کے دس دن کے وقفے کے بعد واپس بھارت آنے میں مشکلات کا سامنا کرنا پڑا تھا۔

ریحان احمد جو کہ پاکستانی نژاد ہیں ان کے پاس راجکوٹ پہنچنے کے بعد سنگل انٹری ویزا تھا تاہم وہ تیسرے ٹیسٹ سے ایک دن قبل اپنی کاغذی کارروائی مکمل کرنے میں کامیاب رہے تھے۔

ریحان احمد انگلینڈ کے لیے اب تک سیریز میں دوسرے سب سے زیادہ وکٹ لینے والے بولر ہیں، انھوں نے چار اننگز میں 36.37 کی اوسط سے آٹھ وکٹیں اپنے نام کی ہیں۔

بھارت اور انگلینڈ کے درمیان جاری ٹیسٹ سیریز کے دوران نوجوان اسپنر نے اپنی بولنگ کو لیجنڈ شین وران کی طرح قرار دیا ہے۔

انگلینڈ کے 19 سالہ نوجوان لیگ اسپنر ریحان احمد نے ٹیسٹ کپتان بین اسٹوکس اور ہیڈ کوچ برینڈن میک کولم کی جانب سے ملنے والی غیر متزلزل حمایت کا ذکر کیا ہے۔ ان کا کہنا تھا کہ وہ کبھی لوز ڈیلیوری بھی کردیتے ہیں

ریحان احمد کا کہنا تھا کہ انتظامیہ جب ان کی حمایت کرتی ہیے تو انھیں ایسا محسوس ہوتا ہے جیسے وہ آنجہانی آسٹریلوی لیجنڈ اسپنر شین وارن کی طرح بولنگ کر رہے ہوں۔

انھوں نے کہا کہ شاید ہر اوور میں ہاف لینتھ پر گیند پھینک دیتا ہوں اور مجھے محسوس نہیں ہوتا کہ میں ایسا کرتا ہوں۔ مجھے ایسا لگتا ہے جیسے میں شین وارن کی طرح بولنگ کرتا ہوں۔

انگلش اسپنر نے کہا کہ یہ ہو اعتماد ہے جو مجھے ڈریسنگ روم سے ملتا ہے اور مجھے کپتان اور ہیڈ کوچ کی جانب سے جو سپورٹ ملتی ہے اس سے کافی بہتری آتی ہے۔

ریحان احمد نے مزید کہا کہ بین اسٹوکس ان کے لیے اور دیگر دو ناتجربہ کار اسپنرز ٹام ہارٹلے اور شعیب بشیر کے لیے ایک شاندار کپتان ثابت ہوئے ہیں۔

واضح رہے کہ انگلینڈ اور بھارت کے درمیان پانچ ٹیسٹ میچز کی سریز اس وقت 1-1 سے برابر ہے۔ حیدرآباد ٹیسٹ میں مہمان سائیڈ نے اسپنرز کی عمدہ بولنگ کی وجہ سے فتح حاصل کی تھی جبکہ وشاکاپٹنم ٹیسٹ میں میزبان بھارت نے حساب برابر کردیا تھا۔