کراچی : بنگلہ دیش میں بین الاقوامی قوانین کی خلاف ورزی کے حوالے سے کراچی کے مقامی ہوٹل میں ریسرچ سوسائٹی آف انٹرنیشنل لاء پاکستان کی جانب سے سیمینارکا انعقاد کیا گیا۔
سیمینارسے خطاب کرتے ہوئے ریسرچ سینٹر کے صدر بلال احمد کاکہنا تھا کہ بنگلہ دیش میں پاکستان اور اس کی افواج کے خلاف بین الاقوامی سطح پر سازشیں کی جارہی ہیں۔
انہوں نے کہا کہ اس سلسلے میں ہمارے نوجوانوں نے بنگلہ دیش مین ہونے والی قانون کی خلاف ورزیوں کا جائزہ بھی لیا ہے ۔
تقریب میں سیاسی جماعت کے رہنماؤں ، سماجی اور ماہر قانون کے شعبے سے تعلق رکھنے والے افراد نے بھی شرکت کی ۔
اس موقع پر پی ٹی آئی کے رہنما فیصل واوڈا کاکہنا تھا کہ بنگلہ دیش کے مسائل کو اقوام متحدہ میں عالمی سطح پرلانا ہوگا، جبکہ پاکستان دہشت گردی کو جڑ سے ختم کرنے کی کوششوں مین مصروف عمل ہے۔
