سکھر: خاکروب شوہر نے بیوی کو سڑک پر بہیمانہ تشدد کا نشانہ بنا ڈالا، واقعے کی ویڈیو وائرل ہوئی ہے۔
سندھ کے شہر سکھر میں ایک افسوس ناک واقعہ پیش آیا ہے، ایک خاکروب نے اپنی بیوی کو سڑک پر پیٹ ڈالا، معلوم ہوا ہے کہ ملٹری روڈ پر دونوں کے درمیان تنخواہ کے پیسوں کے خرچ کو لے کر تلخ کلامی اور لڑائی ہو گئی تھی۔
عینی شاہدین کے مطابق دونوں میں پیسوں پر جھگڑا ہوا اور آدمی نے عورت کو بیچ سڑک مارنا پیٹنا شروع کر دیا، آس پاس لوگوں نے ویڈیو بنا کر سوشل میڈیا پر ڈال دی، جو وائرل ہو گئی۔
ذرائع کے مطابق جب پولیس اور خاکروب کمپنی کا عملہ جائے وقوعہ پر پہنچا، اور پولیس نے قانونی کارروائی کرنی چاہی، تو عورت نے اپنے شوہر کو معاف کر دیا۔
کراچی : لاپتہ ہونے والے 7 سالہ بچے کے والد کا اہم بیان آگیا
شوہر کے معافی مانگنے پر بیوی مان گئی اور دونوں کی آپس میں صلح ہو گئی، خاتون نے کہا کہ وہ اس سے ناراض نہیں رہنا چاہتی، گھر میں بہت سی مشکلات کا سامنا ہے، شوہر کو غصہ آ گیا مگر مجھے شکایت نہیں ہے۔
بیوی نے بتایا کہ جھگڑا گھریلو تنازع پر ہوا ہے، اور میں نے شوہر کو معاف کر دیا ہے، میں کوئی کارروائی نہیں کرنا چاہتی۔
